MS ਧੋਨੀ 12ਵੀਂ ਪਾਸ, ਸਚਿਨ ਤੇਂਦੁਲਕਰ 10ਵੀਂ ਫੇਲ੍ਹ, ਵਿਰਾਟ ਕੋਹਲੀ 11ਵੀਂ ਦੀ ਪੜ੍ਹਾਈ ਵੀ ਨਹੀਂ ਕਰ ਸਕੇ ਪੂਰੀ, ਜਾਣੋ ਕ੍ਰਿਕੇਟ ਦਿੱਗਜ ਕਿੰਨੇ ਪੜ੍ਹੇ ਲਿਖੇ
ਮੈਦਾਨ 'ਤੇ ਕਦੇ 50, ਕਦੇ 100, ਕਦੇ 150 ਦੇ ਅੰਕ ਪੂਰੇ ਕਰਨ ਵਾਲੇ MS ਧੋਨੀ ਪੜ੍ਹਾਈ 'ਚ ਕਿਵੇਂ ਰਹੇ ਅਤੇ ਕਿੰਨੇ ਨੰਬਰ ਲੈਕੇ ਆਏ। ਚੰਗੀ ਅੰਗਰੇਜ਼ੀ ਕਾਰਨ ਹਮੇਸ਼ਾ ਸੁਰਖੀਆਂ 'ਚ ਰਹਿਣ ਵਾਲੇ ਵਿਰਾਟ ਕੋਹਲੀ ਇਸ ਕਲਾਸ ਤੋਂ ਬਾਅਦ ਸਕੂਲ ਹੀ ਨਹੀਂ ਗਏ।
ਭਾਰਤੀ ਕ੍ਰਿਕਟ ਟੀਮ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਵੀ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੀ ਪ੍ਰਸਿੱਧੀ ਵਿੱਚ ਕੋਈ ਕਮੀ ਨਹੀਂ ਆਈ ਹੈ। ਪ੍ਰਸ਼ੰਸਕ ਉਨ੍ਹਾਂ ਬਾਰੇ ਸਭ ਕੁਝ ਜਾਣਦੇ ਹਨ। ਪਰ ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹਾ ਦੱਸਣ ਜਾ ਰਹੇ ਹਾਂ ਜੋ ਸ਼ਾਇਦ ਤੁਸੀਂ ਨਹੀਂ ਜਾਣਦੇ ਹੋਵੋਗੇ। ਜੀ ਹਾਂ, ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਮੈਦਾਨ 'ਤੇ ਕਦੇ 50, ਕਦੇ 100, ਕਦੇ 150 ਦੇ ਅੰਕ ਪੂਰੇ ਕਰਨ ਵਾਲੇ ਮਹਿੰਦਰ ਸਿੰਘ ਧੋਨੀ ਪੜ੍ਹਾਈ 'ਚ ਕਿਵੇਂ ਰਹੇ ਅਤੇ 10ਵੀਂ-12ਵੀਂ 'ਚ ਕਿੰਨੇ ਨੰਬਰ ਲੈਕੇ ਆਏ। ਇਸ ਦੇ ਨਾਲ ਹੀ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਆਪਣੀ ਚੰਗੀ ਅੰਗਰੇਜ਼ੀ ਕਾਰਨ ਹਮੇਸ਼ਾ ਸੁਰਖੀਆਂ 'ਚ ਰਹਿਣ ਵਾਲੇ ਵਿਰਾਟ ਕੋਹਲੀ ਇਸ ਕਲਾਸ ਤੋਂ ਬਾਅਦ ਸਕੂਲ ਹੀ ਨਹੀਂ ਗਏ।
12ਵੀਂ ਪਾਸ ਹਨ ਮਾਹੀ, ਕਰੀਅਰ ਲਈ ਕਾਲਜ ਛੱਡਿਆ
ਮਹਿੰਦਰ ਸਿੰਘ ਧੋਨੀ ਨੇ ਆਪਣੀ ਸਕੂਲੀ ਪੜ੍ਹਾਈ ਜਵਾਹਰ ਵਿਦਿਆ ਮੰਦਰ ਸਕੂਲ, ਡੀਏਵੀ, ਰਾਂਚੀ ਤੋਂ ਕੀਤੀ। ਉਹ ਪੜ੍ਹਾਈ ਵਿੱਚ ਇੱਕ ਔਸਤ ਵਿਦਿਆਰਥੀ ਸੀ। ਉਨ੍ਹਾਂ ਨੇ 10ਵੀਂ ਜਮਾਤ ਵਿੱਚ 66% ਅੰਕ ਪ੍ਰਾਪਤ ਕੀਤੇ ਸਨ, ਜਦੋਂ ਕਿ 12ਵੀਂ ਵਿੱਚ ਉਹ ਫਸਟ ਡਿਵੀਜ਼ਨ ਵਿੱਚ ਵੀ ਨਹੀਂ ਪਹੁੰਚ ਸਕੇ ਤੇ ਉਨ੍ਹਾਂ ਨੂੰ 12ਵੀਂ `ਚ ਸਿਰਫ਼ 56% ਨੰਬਰ ਹੀ ਮਿਲੇ। ਇਸ ਗੱਲ ਦਾ ਖੁਲਾਸਾ ਉਨ੍ਹਾਂ ਨੇ ਖੁਦ ਇਕ ਇੰਟਰਵਿਊ ਦੌਰਾਨ ਕੀਤਾ। ਦਰਅਸਲ, 12ਵੀਂ ਦੇ ਦੌਰਾਨ ਧੋਨੀ ਕ੍ਰਿਕਟ ਖੇਡਣ ਦੇ ਕਾਰਨ ਅਕਸਰ ਬਾਹਰ ਰਹਿੰਦੇ ਸਨ ਅਤੇ ਪੜ੍ਹਾਈ ਵਿੱਚ ਜ਼ਿਆਦਾ ਧਿਆਨ ਨਹੀਂ ਦੇ ਸਕਦੇ ਸਨ। ਉਂਜ, ਕ੍ਰਿਕਟ ਖੇਡਣ ਤੋਂ ਬਾਅਦ ਉਹ ਰਾਂਚੀ ਵਿੱਚ ਇਮਤਿਹਾਨ ਲਿਖਣ ਲਈ ਆਉਂਦੇ ਸੀ ਅਤੇ ਇੱਕ-ਦੋ ਦਿਨ ਪੜ੍ਹ ਕੇ 50 ਤੋਂ 60% ਤੱਕ ਲੈ ਆਉਂਦੇ ਸੀ।
ਵਿਰਾਟ ਕੋਹਲੀ 11ਵੀਂ ਤੱਕ ਵੀ ਨਹੀਂ ਪੜ੍ਹ ਸਕੇ
ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਦੀ ਅੰਗਰੇਜ਼ੀ ਸੁਣ ਕੇ ਬ੍ਰਿਟਿਸ਼ ਵੀ ਦੰਗ ਰਹਿ ਜਾਂਦੇ ਹਨ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਵਿਰਾਟ 11ਵੀਂ ਦਾ ਇਮਤਿਹਾਨ ਵੀ ਪਾਸ ਨਹੀਂ ਕਰ ਸਕੇ ਅਤੇ ਉਨ੍ਹਾਂ ਨੇ 11ਵੀਂ ਤੋਂ ਬਾਅਦ ਸਕੂਲ ਦੀ ਸ਼ਕਲ ਵੀ ਨਹੀਂ ਦੇਖੀ ਕਿਉਂਕਿ ਉਹ ਬਹੁਤ ਛੋਟੀ ਉਮਰ ਵਿਚ ਕ੍ਰਿਕਟ ਵਿਚ ਖੇਡਣ ਲੱਗ ਪਏ ਸੀ ਅਤੇ ਉਹ ਅੰਡਰ-19 ਵਿਸ਼ਵ ਕੱਪ ਟੀਮ ਦਾ ਹਿੱਸਾ ਵੀ ਰਹੇ ਸੀ। ਅਜਿਹੇ 'ਚ ਉਸ ਨੂੰ ਪੜ੍ਹਾਈ 'ਤੇ ਧਿਆਨ ਦੇਣ ਦਾ ਮੌਕਾ ਨਹੀਂ ਮਿਲਿਆ।
10ਵੀਂ ਫੇਲ੍ਹ ਹਨ ਸਚਿਨ ਤੇਂਦੁਲਕਰ
ਦੂਜੇ ਪਾਸੇ ਜੇਕਰ ਕ੍ਰਿਕਟ ਦੇ ਭਗਵਾਨ ਯਾਨੀ ਸਚਿਨ ਤੇਂਦੁਲਕਰ ਦੀ ਗੱਲ ਕਰੀਏ ਤਾਂ ਮੈਦਾਨ 'ਤੇ ਸੈਂਕੜਾ ਲਗਾਉਣ ਵਾਲੇ ਤੇਂਦੁਲਕਰ ਦਸਵੀਂ ਕਲਾਸ ਵੀ ਪਾਸ ਨਹੀਂ ਕਰ ਸਕੇ। ਪਰ ਬਚਪਨ ਤੋਂ ਹੀ ਉਨ੍ਹਾਂ ਦਾ ਬੱਲਾ ਕਦੇ ਅਰਧ-ਸੈਂਕੜਾ ਤੇ ਕਦੇ ਸੈਂਕੜਾ ਜੜਦਾ ਸੀ ਅਤੇ ਕ੍ਰਿਕਟ ਵਿਚ ਉਨ੍ਹਾਂ ਨੇ ਅਜਿਹਾ ਕਾਰਨਾਮਾ ਕੀਤਾ ਕਿ ਉਨ੍ਹਾਂ ਦੀ ਪ੍ਰਤੀਸ਼ਤਤਾ ਜਾਂ ਉਨ੍ਹਾਂ ਦੇ ਪਾਸ ਜਾਂ ਅਸਫਲਤਾ ਨਾਲ ਕੋਈ ਫਰਕ ਨਹੀਂ ਪੈਂਦਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
