ਮਹਿਲਾ ਬਣ ਕੇ ਉਲੰਪਿਕ ਮੈਡਲ ਜਿੱਤਣ ਵਾਲੀ ਮੁੱਕੇਬਾਜ਼ ਇਮਾਨ ਖਲੀਫ਼ ਨਿਕਲੀ ਮਰਦ! ਮੈਡੀਕਲ ਰਿਪੋਰਟ 'ਚ ਹੋਇਆ ਵੱਡਾ ਖੁਲਾਸਾ
ਅਲਜੀਰੀਆ ਦੀ ਮੁੱਕੇਬਾਜ਼ ਇਮਾਨ ਖਲੀਫ ਇੱਕ ਵਾਰ ਫਿਰ ਤੋਂ ਸੁਰਖੀਆਂ ਦੇ ਵਿੱਚ ਬਣੀ ਹੋਈ ਹੈ। ਜੀ ਹਾਂ ਉਸ ਨੇ ਪੈਰਿਸ ਓਲੰਪਿਕ 2024 ਵਿੱਚ ਮਹਿਲਾ ਵਰਗ 'ਚ ਸੋਨ ਤਮਗਾ ਜਿੱਤਿਆ ਸੀ। ਪਰ ਹੁਣ ਮੈਡੀਕਲ ਰਿਪੋਰਟ 'ਚ ਖੁਲਾਸਾ ਹੋਇਆ ਉਹ ਮਰਦ ਹੈ...
Imane Khelif Confirmed As Man In Medical Report: ਅਲਜੀਰੀਆ ਦੀ ਮੁੱਕੇਬਾਜ਼ ਇਮਾਨ ਖਲੀਫ (Imane Khelif) ਨੇ ਪੈਰਿਸ ਓਲੰਪਿਕ 2024 ਵਿੱਚ ਸੋਨ ਤਮਗਾ ਜਿੱਤਿਆ ਹੈ। ਅਲਜੀਰੀਆ ਦੀ ਮੁੱਕੇਬਾਜ਼ ਨੇ ਮਹਿਲਾ ਵਰਗ 'ਚ ਸੋਨ ਤਮਗਾ ਜਿੱਤਿਆ ਸੀ। ਓਲੰਪਿਕ ਦੌਰਾਨ ਇਮਾਨ ਦੇ ਲਿੰਗ ਨੂੰ ਲੈ ਕੇ ਵਿਵਾਦ ਹੋਇਆ ਸੀ। ਹੁਣ ਜੋ ਮੈਡੀਕਲ ਰਿਪੋਰਟਾਂ ਸਾਹਮਣੇ ਆਈਆਂ ਹਨ, ਉਹ ਸੱਚਮੁੱਚ ਹੈਰਾਨ ਕਰਨ ਵਾਲੀਆਂ ਹਨ, ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਇਮਾਨ ਦੇ ਅੰਦਰ ਕਈ ਮਰਦਾਂ ਦੇ ਅੰਗ ਹਨ।
ਹੋਰ ਪੜ੍ਹੋ : ਵਿਰਾਟ ਕੋਹਲੀ ਦੇ ਜਨਮਦਿਨ 'ਤੇ ਅਨੁਸ਼ਕਾ ਨੇ ਸਾਂਝੀ ਕੀਤੀ ਬੇਟੇ ਦੀ ਕਿਊਟ ਝਲਕ,ਧੀ ਵਾਮਿਕਾ ਵੀ ਆਈ ਨਜ਼ਰ
ਦਸਤਾਵੇਜ਼ ਦੇ ਅਨੁਸਾਰ, ਜਿਸ ਨੂੰ ਫ੍ਰੈਂਚ ਪੱਤਰਕਾਰ ਜਾਫਰ ਐਤ ਔਡੀਆ ਸੁਰੱਖਿਅਤ ਕਰਨ ਦੇ ਯੋਗ ਸੀ, ਇਸ ਵਿੱਚ ਕਿਹਾ ਗਿਆ ਹੈ ਕਿ ਖਲੀਫਾ ਦੇ ਅੰਦਰੂਨੀ ਅੰਡਕੋਸ਼ ਅਤੇ XY ਕ੍ਰੋਮੋਸੋਮ ਸਨ, ਜੋ ਕਿ 5-ਅਲਫ਼ਾ ਰੀਡਕਟੇਜ ਦੀ ਘਾਟ ਨੂੰ ਦਰਸਾਉਂਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਓਲੰਪਿਕ ਦੌਰਾਨ ਇਮਾਨ ਖਲੀਫ ਖਿਲਾਫ ਖੇਡਣ ਵਾਲੀਆਂ ਕਈ ਮਹਿਲਾ ਮੁੱਕੇਬਾਜ਼ਾਂ ਨੇ ਇਸ਼ਾਰਿਆਂ ਰਾਹੀਂ ਇਹ ਦੱਸਣ ਦੀ ਕੋਸ਼ਿਸ਼ ਕੀਤੀ ਸੀ ਕਿ ਇਮਾਨ 'ਚ XY ਕ੍ਰੋਮੋਸੋਮ ਹਨ। ਪੈਰਿਸ ਦੇ ਕ੍ਰੇਮਲਿਨ-ਬਿਕੇਟਰ ਹਸਪਤਾਲ ਅਤੇ ਅਲਜੀਅਰਜ਼ ਦੇ ਮੁਹੰਮਦ ਲਾਮਿਨ ਡੇਬਾਗਿਨ ਹਸਪਤਾਲ ਦੇ ਮਾਹਿਰਾਂ ਨੇ 2023 ਦੀ ਇੱਕ ਰਿਪੋਰਟ ਵਿੱਚ ਕਈ ਖੁਲਾਸੇ ਕੀਤੇ ਹਨ।
ਰਿਪੋਰਟ ਵਿੱਚ ਇਮਾਨ ਦੀਆਂ ਜੀਵ-ਵਿਗਿਆਨਕ ਵਿਸ਼ੇਸ਼ਤਾਵਾਂ ਦਾ ਵਰਣਨ ਕੀਤਾ ਗਿਆ ਹੈ, ਜਿਵੇਂ ਕਿ ਅੰਦਰੂਨੀ ਅੰਡਕੋਸ਼ ਦੀ ਮੌਜੂਦਗੀ ਅਤੇ ਬੱਚੇਦਾਨੀ ਦੀ ਅਣਹੋਂਦ। ਇਸ ਤੋਂ ਇਲਾਵਾ, ਰੈਡਕਸ ਦੀ ਰਿਪੋਰਟ ਦੇ ਅਨੁਸਾਰ, ਇੱਕ ਐਮਆਰਆਈ ਵਿੱਚ ਵੀ ਇਮਾਨ ਦੇ ਮਾਈਕ੍ਰੋਪੇਨਿਸ ਦੀ ਮੌਜੂਦਗੀ ਦਾ ਖੁਲਾਸਾ ਹੋਇਆ ਸੀ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਰਿਪੋਰਟ ਆਉਣ ਤੋਂ ਬਾਅਦ ਇਮਾਨ ਖਿਲਾਫ ਕੀ ਕਾਰਵਾਈ ਹੁੰਦੀ ਹੈ।
ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਸੰਘ ਨੇ ਪਾਬੰਦੀ ਲਗਾ ਦਿੱਤੀ ਸੀ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਇਮਾਨ ਖਲੀਫਾ ਦੇ ਲਿੰਗ 'ਤੇ ਸਵਾਲ ਉੱਠ ਰਹੇ ਹਨ। ਇਸ ਤੋਂ ਪਹਿਲਾਂ ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਸੰਘ 2023 'ਚ ਵੀ ਉਸ 'ਤੇ ਪਾਬੰਦੀ ਲਗਾ ਚੁੱਕਾ ਹੈ। ਦਿੱਲੀ 'ਚ ਮੁੱਕੇਬਾਜ਼ੀ ਸੰਘ ਨੇ ਇਮਾਨ 'ਤੇ ਵਿਸ਼ਵ ਚੈਂਪੀਅਨਸ਼ਿਪ ਦੇ ਗੋਲਡ ਮੈਡਲ ਮੈਚ 'ਚ ਹਿੱਸਾ ਲੈਣ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।
ਲਿੰਗ ਵਿਵਾਦ 'ਤੇ ਖਲੀਫ ਨੇ ਪਹਿਲਾਂ ਕੀ ਕਿਹਾ ਹੈ?
ਆਪਣੇ ਲਿੰਗ ਵਿਵਾਦ 'ਤੇ, ਇਮਾਨ ਖਲੀਫੇ ਨੇ ਪਹਿਲਾਂ ਕਿਹਾ ਸੀ, "ਮੈਂ ਕਿਸੇ ਵੀ ਹੋਰ ਔਰਤ ਦੀ ਤਰ੍ਹਾਂ ਇੱਕ ਔਰਤ ਹਾਂ। ਮੈਂ ਇੱਕ ਔਰਤ ਪੈਦਾ ਹੋਈ, ਮੈਂ ਇੱਕ ਔਰਤ ਦੀ ਤਰ੍ਹਾਂ ਰਹਿੰਦੀ ਹਾਂ ਅਤੇ ਮੈਂ ਯੋਗਤਾ ਪੂਰੀ ਕਰਦੀ ਹਾਂ।" ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ, ਲੇਖਕ ਜੇ.ਕੇ. ਰੋਲਿੰਗ ਅਤੇ ਟੇਸਲਾ ਦੇ ਸੀਈਓ ਐਲੋਨ ਮਸਕ ਨੇ ਇਮਾਨ ਖਲੀਫਾ ਦੇ ਲਿੰਗ ਬਾਰੇ ਗੱਲ ਕੀਤੀ, ਜਿਸ ਤੋਂ ਬਾਅਦ ਇਮਾਨ ਨੇ ਕਿਹਾ ਕਿ ਉਹ ਇਨ੍ਹਾਂ ਲੋਕਾਂ ਦੁਆਰਾ ਪੈਦਾ ਹੋਏ ਵਿਵਾਦ ਤੋਂ ਬਹੁਤ ਪ੍ਰਭਾਵਿਤ ਹੋਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
