![ABP Premium](https://cdn.abplive.com/imagebank/Premium-ad-Icon.png)
Tokyo Olympics Update: ਕੋਰੋਨਾ ਕਾਰਨ ਹਾਕੀ ਦਾ ਫਾਈਨਲ ਰੱਦ ਹੋਣ 'ਤੇ ਜਾਣੋ ਕੀ ਹੋਵੇਗਾ ਫੈਸਲਾ
Tokyo Olympics 2021: ਓਲੰਪਿਕ ਖੇਡਾਂ 23 ਜੁਲਾਈ 2021 ਤੋਂ 8 ਅਗਸਤ 2021 ਤੱਕ ਜਾਪਾਨ ਦੀ ਰਾਜਧਾਨੀ ਟੋਕਿਓ ਵਿੱਚ ਖੇਡੀ ਜਾਣਗੀਆਂ। ਇਸ ਵਿੱਚ ਭਾਰਤ ਦੇ 126 ਅਥਲੀਟ ਹਿੱਸਾ ਲੈਣਗੇ।
![Tokyo Olympics Update: ਕੋਰੋਨਾ ਕਾਰਨ ਹਾਕੀ ਦਾ ਫਾਈਨਲ ਰੱਦ ਹੋਣ 'ਤੇ ਜਾਣੋ ਕੀ ਹੋਵੇਗਾ ਫੈਸਲਾ Tokyo 2020: Gold for both finalists in case of no title clash in hockey amid Covid19 Tokyo Olympics Update: ਕੋਰੋਨਾ ਕਾਰਨ ਹਾਕੀ ਦਾ ਫਾਈਨਲ ਰੱਦ ਹੋਣ 'ਤੇ ਜਾਣੋ ਕੀ ਹੋਵੇਗਾ ਫੈਸਲਾ](https://feeds.abplive.com/onecms/images/uploaded-images/2021/07/14/70f5a619bdc5aa79b8a0981049b9fa44_original.jpeg?impolicy=abp_cdn&imwidth=1200&height=675)
Tokyo Olympics 2021: ਜੇ ਟੋਕੀਓ ਓਲੰਪਿਕ ਵਿੱਚ ਹਾਕੀ ਦਾ ਫਾਈਨਲ ਮੈਚ ਕੋਰੋਨਾ ਦੇ ਕਾਰਨ ਰੱਦ ਕਰ ਦਿੱਤਾ ਗਿਆ ਤਾਂ ਦੋਵੇਂ ਟੀਮਾਂ ਨੂੰ ਸੋਨੇ ਦੇ ਤਗਮੇ ਦਿੱਤੇ ਜਾਣਗੇ। ਇੰਟਰਨੈਸ਼ਨਲ ਹਾਕੀ ਫੈਡਰੇਸ਼ਨ (FIH) ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਐਫਆਈਐਚ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਥੈਰੀ ਵੇਲ ਨੇ ਕਿਹਾ ਕਿ ਕੋਰੋਨਾ ਕਾਰਨ ਟੀਮਾਂ ਨੂੰ ਵੀ ਇਸ ਮੁਕਾਬਲੇ ਚੋਂ ਪਿੱਛੇ ਹੱਟਣ ਦਾ ਅਧਿਕਾਰ ਮਿਲੇਗਾ।
ਐਫਆਈਐਚ ਨੇ ਬਣਾਏ ਵਿਸ਼ੇਸ਼ ਨਿਯਮ
ਐਫਆਈਐਚ ਵਲੋਂ ਬਣਾਏ ਗਏ ਸਪੈਸ਼ਲ ਗੇਮ ਨਿਯਮਾਂ (ਐਸਐਸਆਰ) ਮੁਤਾਬਕ ਜੇਕਰ ਇੱਕ ਟੀਮ ਪੂਲ ਮੈਚ ਖੇਡਣ ਵਿਚ ਅਸਮਰਥ ਹੈ, ਤਾਂ ਦੂਜੀ ਟੀਮ ਨੂੰ 5-0 ਨਾਲ ਜੇਤੂ ਮੰਨਿਆ ਜਾਵੇਗਾ। ਪਰ ਜੇਕਰ ਦੋਵੇਂ ਟੀਮਾਂ ਖੇਡਣ ਵਿਚ ਅਸਫਲ ਰਹਿੰਦੀਆਂ ਹਨ, ਤਾਂ ਇਹ ਡਰਾਅ ਮੰਨਿਆ ਜਾਵੇਗਾ। ਟੀਮਾਂ ਪੂਲ ਦੇ ਬਾਕੀ ਮੈਚ ਖੇਡ ਸਕਦੀਆਂ ਹਨ।
ਦੋਵੇਂ ਟੀਮਾਂ ਨੂੰ ਮਿਲੇਗਾ ਗੋਲਡ
ਥੈਰੀ ਵੇਲ ਨੇ ਕਿਹਾ ਕਿ, “ਜੇ ਫਾਈਨਲ ਵਿੱਚ ਦੋਵਾਂ ਟੀਮਾਂ ਦੇ ਨਾਮ ਵਾਪਸ ਲਏ ਜਾਂਦੇ ਹਨ, ਤਾਂ ਦੋਵਾਂ ਨੂੰ ਸੋਨ ਤਗਮੇ ਦਿੱਤੇ ਜਾਣਗੇ। ਇਹ ਸਪਸ਼ਟ ਤੌਰ 'ਤੇ ਐਸਐਸਆਰ ਵਿੱਚ ਲਿਖਿਆ ਗਿਆ ਹੈ।” ਟੋਕਿਓ ਓਲੰਪਿਕ ਨੂੰ ਆਮ ਖੇਡਾਂ ਤੋਂ ਵੱਖਰਾ ਦੱਸਦਿਆਂ ਉਨ੍ਹਾਂ ਨੇ ਕਿਹਾ ਕਿ ਟੀਮ ਵਿੱਚ ਕੋਰੋਨਾ ਦੇ ਕੇਸ ਹੋਣ ’ਤੇ ਵੀ ਉਹ ਖੇਡ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਨਿਯਮਾਂ ਬਾਰੇ ਬਹੁਤ ਕੁਝ 'ਇਧਰ ਉਧਰ' ਹੈ ਜਿਸ ਦੀ ਸਪਸ਼ਟੀਕਰਨ ਦੀ ਜ਼ਰੂਰਤ ਹੈ। ਉਨ੍ਹਾਂ ਉਮੀਦ ਜਤਾਈ ਕਿ ਅਜਿਹੀ ਸਥਿਤੀ ਨਹੀਂ ਆਵੇਗੀ ਜਦੋਂ ਕਿਸੇ ਟੀਮ ਨੂੰ ਕੋਰੋਨਾ ਕਾਰਨ ਆਪਣਾ ਨਾਂ ਵਾਪਸ ਲੈਣਾ ਪਏਗਾ।
ਇਸ ਵਾਰ ਅਜਿਹਾ ਹੋਣ ਦੀ ਵੀ ਸੰਭਾਵਨਾ
ਉਨ੍ਹਾਂ ਨੇ ਵਰਚੁਅਲ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ, “ਇਹ ਖੇਡ ਆਮ ਖੇਡਾਂ ਤੋਂ ਵੱਖਰੀ ਹੈ। ਇਹ ਓਲੰਪਿਕ ਇਤਿਹਾਸ ਵਿੱਚ ਦਰਜ ਕੀਤੇ ਜਾਣਗੇ। ਇਹ ਓਲੰਪਿਕਸ ਪਹਿਲਾਂ ਦੀ ਤਰ੍ਹਾਂ ਨਹੀਂ ਹੈ। ਸਾਰੇ ਖਿਡਾਰੀ ਅਤੇ ਸਬੰਧਤ ਲੋਕ ਜਾਣਦੇ ਹਨ ਕਿ ਉਨ੍ਹਾਂ ਦੀ ਸਿਹਤ ਅਤੇ ਲੋਕਾਂ ਦੀ ਸਿਹਤ ਖ਼ਤਰੇ ਵਿਚ ਹੈ।”
ਜਦੋਂ ਉਨ੍ਹਾਂ ਨੂੰ ਕੋਰੋਨਾ ਕਾਰਨ ਹਾਕੀ ਟੀਮ ਤੋਂ ਵਾਪਸੀ ਲੈਣ ਦੇ ਨਿਯਮ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ, “ਕੋਈ ਅੰਕੜਾ ਤੈਅ ਨਹੀਂ ਹੈ। ਇਹ ਟੀਮ 'ਤੇ ਨਿਰਭਰ ਕਰਦਾ ਹੈ। ਟੀਮ ਛੇ, ਸੱਤ ਕੇਸ ਹੋਣ 'ਤੇ ਵੀ ਖੇਡ ਸਕਦੀ ਹੈ। ਕੇਵਲ ਪੂਰੀ ਟੀਮ ਪ੍ਰਭਾਵਿਤ ਹੋਣ 'ਤੇ ਟੀਮ ਨਾਂ ਵਾਪਸ ਲੈਣ ਦੀ ਸੋਚੇਗੀ।"
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)