Smartphone Tips: ਮੋਬਾਈਲ 'ਚ ਐਪਸ ਇੰਸਟਾਲ ਕਰਦੇ ਵੇਲੇ ਨਾ ਕਰੋ 3 ਗਲਤੀਆਂ, ਲੱਗ ਜਾਏਗਾ ਵੱਡਾ ਝਟਕਾ
ਦੱਸ ਦਈਏ ਕਿ ਲੋਕ ਆਪਣੀ ਜ਼ਰੂਰਤ ਦੇ ਹਿਸਾਬ ਨਾਲ ਆਪਣੇ ਸਮਾਰਟਫੋਨ 'ਚ ਵੱਖ-ਵੱਖ ਤਰ੍ਹਾਂ ਦੀਆਂ ਐਪਸ ਇੰਸਟਾਲ ਕਰਦੇ ਹਨ। ਇਨ੍ਹਾਂ ਵਿੱਚੋਂ ਕਈ ਐਪਸ ਬਹੁਤ ਉਪਯੋਗੀ ਹੁੰਦੀਆਂ ਹਨ ਜੋ ਉਪਭੋਗਤਾ ਦੀ ਜ਼ਿੰਦਗੀ ਨੂੰ ਆਸਾਨ ਬਣਾ ਦਿੰਦੀਆਂ ਹਨ।
Smartphone Tips and Tricks: ਖਰੀਦਦਾਰੀ ਤੋਂ ਲੈ ਕੇ ਬੈਂਕਿੰਗ ਤੱਕ ਦੇ ਕਈ ਕੰਮ ਹੁਣ ਮੋਬਾਈਲ ਰਾਹੀਂ ਘਰ ਬੈਠੇ ਹੀ ਕੀਤੇ ਜਾਂਦੇ ਹਨ। ਹਾਲਾਂਕਿ ਇਸ ਦੇ ਨਾਲ ਹੀ ਸਾਈਬਰ ਅਪਰਾਧ ਦੇ ਮਾਮਲੇ ਵੀ ਤੇਜ਼ੀ ਨਾਲ ਵਧ ਰਹੇ ਹਨ। ਹੈਕਰ ਉਪਭੋਗਤਾਵਾਂ ਨੂੰ ਕਈ ਤਰੀਕਿਆਂ ਨਾਲ ਨਿਸ਼ਾਨਾ ਬਣਾਉਂਦੇ ਹਨ ਤੇ ਉਨ੍ਹਾਂ ਦੇ ਬੈਂਕ ਖਾਤਿਆਂ ਤੱਕ ਸੰਨ੍ਹ ਲਾ ਲੈਂਦੇ ਹਨ। ਜ਼ਿਆਦਾਤਰ ਮਾਮਲਿਆਂ 'ਚ ਯੂਜ਼ਰਸ ਦੇ ਡਿਵਾਈਸਾਂ ਨੂੰ ਖਤਰਨਾਕ ਵਾਇਰਸ ਜ਼ਰੀਏ ਨਿਸ਼ਾਨਾ ਬਣਾਇਆ ਜਾਂਦਾ ਹੈ। ਇਹ ਵਾਇਰਸ ਐਪਸ ਤੇ ਹੋਰ ਕਈ ਸ੍ਰੋਤਾਂ ਰਾਹੀਂ ਉਪਭੋਗਤਾਵਾਂ ਦੇ ਮੋਬਾਈਲਾਂ ਵਿੱਚ ਆਉਂਦੇ ਹਨ।
ਐਪਸ ਇੰਸਟਾਲ ਕਰਦੇ ਵੇਲੇ ਰਹੋ ਸਾਵਧਾਨ
ਦੱਸ ਦਈਏ ਕਿ ਲੋਕ ਆਪਣੀ ਜ਼ਰੂਰਤ ਦੇ ਹਿਸਾਬ ਨਾਲ ਆਪਣੇ ਸਮਾਰਟਫੋਨ 'ਚ ਵੱਖ-ਵੱਖ ਤਰ੍ਹਾਂ ਦੀਆਂ ਐਪਸ ਇੰਸਟਾਲ ਕਰਦੇ ਹਨ। ਇਨ੍ਹਾਂ ਵਿੱਚੋਂ ਕਈ ਐਪਸ ਬਹੁਤ ਉਪਯੋਗੀ ਹੁੰਦੀਆਂ ਹਨ ਜੋ ਉਪਭੋਗਤਾ ਦੀ ਜ਼ਿੰਦਗੀ ਨੂੰ ਆਸਾਨ ਬਣਾ ਦਿੰਦੀਆਂ ਹਨ। ਲੋਕ ਆਪਣੇ ਦੋਸਤਾਂ ਦੀ ਸਲਾਹ 'ਤੇ ਵ ਕੁਝ ਐਪਸ ਇੰਸਟਾਲ ਕਰਦੇ ਹਨ ਪਰ ਵਾਇਰਸ ਇਨ੍ਹਾਂ ਐਪਾਂ ਰਾਹੀਂ ਤੁਹਾਡੇ ਮੋਬਾਈਲ ਤੱਕ ਪਹੁੰਚ ਸਕਦੇ ਹਨ। ਇਹ ਵਾਇਰਸ ਯੂਜ਼ਰਸ ਦੇ ਸਮਾਰਟਫੋਨ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਸਾਈਬਰ ਅਪਰਾਧੀ ਇਨ੍ਹਾਂ ਵਾਇਰਸਾਂ ਰਾਹੀਂ ਤੁਹਾਡੇ ਨਾਲ ਧੋਖਾਧੜੀ ਕਰ ਸਕਦੇ ਹਨ। ਆਓ ਜਾਣਦੇ ਹਾਂ ਸਮਾਰਟਫੋਨ ਤੱਕ ਵਾਇਰਸ ਕਿਵੇਂ ਪਹੁੰਚਦੇ ਹਨ ਤੇ ਇਸ ਤੋਂ ਬਚਣ ਦਾ ਕੀ ਉਪਾਅ ਹੈ।
ਜਾਅਲੀ ਰੇਟਿੰਗਾਂ ਵਿੱਚ ਨਾ ਫਸੋ
ਦੱਸ ਦੇਈਏ ਕਿ ਯੂਜ਼ਰਸ ਗੂਗਲ ਪਲੇਅ ਸਟੋਰ ਤੋਂ ਐਪਸ ਡਾਊਨਲੋਡ ਕਰਦੇ ਹਨ। ਮਾਹਿਰ ਯੂਜ਼ਰਸ ਨੂੰ ਇੱਥੋਂ ਹੀ ਐਪ ਡਾਊਨਲੋਡ ਕਰਨ ਦੀ ਸਲਾਹ ਦਿੰਦੇ ਹਨ। ਹਾਲਾਂਕਿ, ਬਹੁਤ ਸਾਰੇ ਹੈਕਰ ਇੱਥੇ ਵੀ ਸੁਰੱਖਿਆ ਨੂੰ ਬਾਈਪਾਸ ਕਰ ਵਾਇਰਸ ਸੰਕਰਮਿਤ ਐਪਸ ਸਟੋਰ ਕਰ ਦਿੰਦੇ ਹਨ। ਅਜਿਹੀ ਸਥਿਤੀ ਵਿੱਚ, ਕਿਸੇ ਵੀ ਐਪ ਨੂੰ ਡਾਊਨਲੋਡ ਕਰਨ ਤੋਂ ਪਹਿਲਾਂ, ਇਸ ਦੀ ਰੇਟਿੰਗ ਜ਼ਰੂਰ ਦੇਖੋ।
ਹਾਲਾਂਕਿ, ਇਹ ਜ਼ਰੂਰੀ ਨਹੀਂ ਹੈ ਕਿ 5-ਸਟਾਰ ਰੇਟਿੰਗ ਚੰਗੀ ਹੀ ਹੋਵੇ। ਕਈ ਵਾਰ ਐਪ ਨੂੰ ਫਰਜ਼ੀ ਰੇਟਿੰਗ ਰਾਹੀਂ ਟ੍ਰੈਂਡਿੰਗ 'ਚ ਲਿਆਂਦਾ ਜਾਂਦਾ ਹੈ। ਇਸ ਤੋਂ ਬਾਅਦ, ਯਕੀਨੀ ਤੌਰ 'ਤੇ ਜਾਂਚ ਕਰੋ ਕਿ ਐਪ ਦਾ ਡਿਵੈਲਪਰ ਕੌਣ ਹੈ। ਇਹ ਜਾਣਕਾਰੀ ਤੁਹਾਨੂੰ ਐਪ ਸਟੋਰ 'ਤੇ ਹੀ ਮਿਲ ਜਾਵੇਗੀ।
ਵਾਇਰਸ ਏਪੀਕੇ ਫਾਈਲ ਤੋਂ ਵੀ ਆ ਸਕਦਾ
ਦੱਸ ਦਈਏ ਕਿ ਕਈ ਵਾਰ ਕੁਝ ਐਪਸ ਗੂਗਲ ਪਲੇ ਸਟੋਰ ਜਾਂ ਐਪ ਸਟੋਰ 'ਤੇ ਉਪਲਬਧ ਨਹੀਂ ਹੁੰਦੇ। ਜਦੋਂਕਿ ਕੁਝ ਲੋਕ ਦੋਸਤਾਂ ਤੋਂ ਮਿਲੇ ਲਿੰਕ ਰਾਹੀਂ ਐਪ ਨੂੰ ਡਾਊਨਲੋਡ ਕਰਦੇ ਹਨ। ਹਾਲਾਂਕਿ ਅਜਿਹਾ ਨਹੀਂ ਕਰਨਾ ਚਾਹੀਦਾ। ਕੁਝ ਲੋਕ ਏਪੀਕੇ ਫਾਈਲ ਤੋਂ ਵੀ ਐਪ ਨੂੰ ਇੰਸਟਾਲ ਕਰਦੇ ਹਨ। ਭੁੱਲ ਕੇ ਵੀ ਅਜਿਹਾ ਨਾ ਕਰੋ ਤੇ ਨਾ ਹੀ ਥਰਡ ਪਾਰਟੀ ਸਟੋਰ ਤੋਂ ਐਪ ਨੂੰ ਡਾਊਨਲੋਡ ਕਰੋ। ਅਜਿਹਾ ਕਰਨਾ ਖਤਰਨਾਕ ਹੋ ਸਕਦਾ ਹੈ। ਅਜਿਹੇ ਐਪਸ ਦੇ ਜ਼ਰੀਏ ਖਤਰਨਾਕ ਵਾਇਰਸ ਤੁਹਾਡੇ ਸਮਾਰਟਫੋਨ 'ਚ ਦਾਖਲ ਹੋ ਸਕਦੇ ਹਨ।
ਐਪ ਕਿਹੜੀਆਂ ਇਜਾਜ਼ਤਾਂ ਦੀ ਮੰਗ ਕਰ ਰਿਹਾ?
ਦੱਸ ਦਈਏ ਕਿ ਜਦੋਂ ਵੀ ਅਸੀਂ ਕਿਸੇ ਐਪ ਨੂੰ ਡਾਊਨਲੋਡ ਤੇ ਇੰਸਟਾਲ ਕਰਦੇ ਹਾਂ ਤਾਂ ਇਹ ਕਈ ਤਰ੍ਹਾਂ ਦੀਆਂ ਪਰਮਿਸ਼ਨਾਂ ਮੰਗਦਾ ਹੈ। ਹਾਲਾਂਕਿ, ਅਜਿਹਾ ਕਰਨ ਤੋਂ ਪਹਿਲਾਂ ਇਹ ਧਿਆਨ ਵਿੱਚ ਰੱਖੋ ਕਿ ਤੁਸੀਂ ਜੋ ਐਪ ਡਾਊਨਲੋਡ ਕਰ ਰਹੇ ਹੋ, ਉਹ ਤੁਹਾਡੇ ਤੋਂ ਕਿਹੜੀਆਂ ਇਜਾਜ਼ਤਾਂ ਲੈ ਰਿਹਾ ਹੈ। ਉਦਾਹਰਨ ਲਈ, ਜੇਕਰ ਤੁਸੀਂ ਇੱਕ ਅਲਾਰਮ ਐਪ ਡਾਊਨਲੋਡ ਕਰਦੇ ਹੋ, ਤਾਂ ਇਸ ਨੂੰ ਸਮਾਰਟਫੋਨ 'ਤੇ ਫੋਟੋਆਂ ਦੇਖਣ ਲਈ ਇਜਾਜ਼ਤ ਦੀ ਲੋੜ ਨਹੀਂ ਹੋਵੇਗੀ। ਇਸੇ ਤਰ੍ਹਾਂ ਕੈਲਕੁਲੇਟਰ ਐਪ ਨੂੰ ਬਿਲਕੁਲ ਵੀ ਨੈੱਟਵਰਕ ਪਹੁੰਚ ਦੀ ਲੋੜ ਨਹੀਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
