![ABP Premium](https://cdn.abplive.com/imagebank/Premium-ad-Icon.png)
iPhone 15: ਆਈਫੋਨ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ! ਮਿਲੇਗੀ ਹੁਣ ਤੱਕ ਦੀ ਸਭ ਤੋਂ ਤੇਜ਼ ਚਾਰਜਿੰਗ ਸਪੀਡ, ਝਟਪਟ ਚਾਰਜ ਹੋ ਜਾਏਗਾ ਫੋਨ
iPhone 15 Series Charging Speed: ਐਪਲ ਅਗਲੇ ਮਹੀਨੇ iPhone 15 ਸੀਰੀਜ਼ ਲਾਂਚ ਕਰੇਗਾ। ਨਵੀਂ ਸੀਰੀਜ਼ ਕਈ ਬਦਲਾਅ ਦੇ ਨਾਲ ਆਉਣ ਵਾਲੀ ਹੈ। ਇਸ 'ਚ ਮੁੱਖ ਲਾਈਟਨਿੰਗ ਪੋਰਟ ਦੀ ਬਜਾਏ USB ਟਾਈਪ-ਸੀ ਚਾਰਜਰ ਮਿਲਣਾ ਹੈ।
![iPhone 15: ਆਈਫੋਨ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ! ਮਿਲੇਗੀ ਹੁਣ ਤੱਕ ਦੀ ਸਭ ਤੋਂ ਤੇਜ਼ ਚਾਰਜਿੰਗ ਸਪੀਡ, ਝਟਪਟ ਚਾਰਜ ਹੋ ਜਾਏਗਾ ਫੋਨ Good news for iPhone lovers! You will get the fastest charging speed so far, the phone will be charged instantly iPhone 15: ਆਈਫੋਨ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ! ਮਿਲੇਗੀ ਹੁਣ ਤੱਕ ਦੀ ਸਭ ਤੋਂ ਤੇਜ਼ ਚਾਰਜਿੰਗ ਸਪੀਡ, ਝਟਪਟ ਚਾਰਜ ਹੋ ਜਾਏਗਾ ਫੋਨ](https://feeds.abplive.com/onecms/images/uploaded-images/2023/08/21/cdb033ab677e9de8864f6d8f6ac24a3d1692610940399496_original.jpeg?impolicy=abp_cdn&imwidth=1200&height=675)
iPhone 15 Series Charging Speed: ਐਪਲ ਅਗਲੇ ਮਹੀਨੇ iPhone 15 ਸੀਰੀਜ਼ ਲਾਂਚ ਕਰੇਗਾ। ਨਵੀਂ ਸੀਰੀਜ਼ ਕਈ ਬਦਲਾਅ ਦੇ ਨਾਲ ਆਉਣ ਵਾਲੀ ਹੈ। ਇਸ 'ਚ ਮੁੱਖ ਲਾਈਟਨਿੰਗ ਪੋਰਟ ਦੀ ਬਜਾਏ USB ਟਾਈਪ-ਸੀ ਚਾਰਜਰ ਮਿਲਣਾ ਹੈ। ਇਸ ਦੌਰਾਨ ਖਬਰਾਂ ਆ ਰਹੀਆਂ ਹਨ ਕਿ ਕੰਪਨੀ ਆਉਣ ਵਾਲੀ ਆਈਫੋਨ ਸੀਰੀਜ਼ 'ਚ ਹੁਣ ਤੱਕ ਦੀ ਸਭ ਤੋਂ ਤੇਜ਼ ਚਾਰਜਿੰਗ ਸਪੀਡ ਦੇ ਸਕਦੀ ਹੈ।
ਰਿਪੋਰਟਾਂ ਮੁਤਾਬਕ, ਐਪਲ iPhone 15 ਸੀਰੀਜ਼ 'ਚ 35W ਫਾਸਟ ਚਾਰਜਿੰਗ ਪ੍ਰਦਾਨ ਕਰ ਸਕਦਾ ਹੈ, ਜੋ ਮੌਜੂਦਾ ਮਾਡਲ ਤੋਂ 8 ਗੁਣਾ ਜ਼ਿਆਦਾ ਹੈ। ਫਿਲਹਾਲ, iPhone 14 ਨਾਲ ਕੰਪਨੀ 28W ਫਾਸਟ ਚਾਰਜਿੰਗ ਦੀ ਪੇਸ਼ਕਸ਼ ਕਰਦੀ ਹੈ। 9to5Google ਦੀ ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਐਪਲ iPhone 15 ਸੀਰੀਜ਼ ਦੇ ਕੁਝ ਮਾਡਲਾਂ 'ਚ 35W ਫਾਸਟ ਚਾਰਜਿੰਗ ਪ੍ਰਦਾਨ ਕਰ ਸਕਦਾ ਹੈ। ਸੰਭਵ ਤੌਰ 'ਤੇ ਇਹ ਪ੍ਰੋ ਮਾਡਲ ਹੋ ਸਕਦੇ ਹਨ। ਇਸ ਸਬੰਧ ਵਿੱਚ ਅਧਿਕਾਰਤ ਤੌਰ 'ਤੇ ਅਜੇ ਤੱਕ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ।
ਜੇਕਰ ਕੰਪਨੀ ਸੱਚਮੁੱਚ ਅਜਿਹਾ ਕੁਝ ਕਰਦੀ ਹੈ, ਤਾਂ ਆਈਫੋਨ 15 ਸੀਰੀਜ਼ 14 ਦੇ ਮੁਕਾਬਲੇ ਤੇਜ਼ੀ ਨਾਲ ਚਾਰਜ ਹੋਵੇਗੀ। ਵਰਤਮਾਨ ਵਿੱਚ, iPhone 14 Pro Max ਨੂੰ ਪੂਰੀ ਤਰ੍ਹਾਂ ਚਾਰਜ ਹੋਣ ਵਿੱਚ 2 ਘੰਟੇ ਤੱਕ ਦਾ ਸਮਾਂ ਲੱਗਦਾ ਹੈ। ਇਹ 28 ਵਾਟਸ ਦੀ ਚਾਰਜਿੰਗ ਸਪੀਡ ਪ੍ਰਾਪਤ ਕਰਦਾ ਹੈ। ਆਈਫੋਨ 15 ਸੀਰੀਜ਼ ਵਿੱਚ 35 ਵਾਟ ਚਾਰਜਰ ਪ੍ਰਦਾਨ ਕਰ ਸਕਦੀ ਹੈ ਕਿਉਂਕਿ ਪਿਛਲੇ ਸਾਲ ਐਪਲ ਨੇ ਇੱਕ 35 ਵਾਟ ਪਾਵਰ ਅਡੈਪਟਰ ਬਣਾਇਆ ਸੀ ਜੋ USB-C ਚਾਰਜਿੰਗ ਦੀ ਪੇਸ਼ਕਸ਼ ਕਰਦਾ ਹੈ।
ਇਸ ਤੋਂ ਇਲਾਵਾ ਐਪਲ ਵੱਲੋਂ ਮੈਕਬੁੱਕ ਏਅਰ ਲਈ 30 ਵਾਟ ਦਾ ਚਾਰਜਰ ਵੀ ਲਾਂਚ ਕੀਤਾ ਗਿਆ ਸੀ। ਅਜਿਹੇ 'ਚ ਆਉਣ ਵਾਲੀ ਸੀਰੀਜ਼ 'ਚ ਜ਼ਿਆਦਾ ਵਾਟਸ ਦੀ ਫਾਸਟ ਚਾਰਜਿੰਗ ਉਪਲੱਬਧ ਹੋ ਸਕਦੀ ਹੈ। ਮਸ਼ਹੂਰ ਟਿਪਸਟਰ ਮੁਕਲ ਸ਼ਰਮਾ ਨੇ ਟਵਿਟਰ 'ਤੇ ਐਪਲ ਦੀ ਆਉਣ ਵਾਲੀ ਆਈਫੋਨ ਸੀਰੀਜ਼ 'ਚ ਮਿਲੇ USB ਟਾਈਪ-ਸੀ ਚਾਰਜਰ ਦੀ ਫੋਟੋ ਸ਼ੇਅਰ ਕੀਤੀ ਹੈ।
ਇਸ 'ਚ ਚਾਰਜਿੰਗ ਕੇਬਲ ਵੱਖ-ਵੱਖ ਰੰਗਾਂ 'ਚ ਦਿਖਾਈ ਦੇ ਰਹੀਆਂ ਹਨ। ਇਹ ਮਾਡਲ ਤੇ ਇਸ ਦੇ ਰੰਗ ਅਨੁਸਾਰ ਬਣਾਇਆ ਜਾ ਸਕਦਾ ਹੈ। ਇਹ ਜਾਣਕਾਰੀ ਟਿਪਸਟਰ ਦੁਆਰਾ ਇੰਟਰਨੈਟ ਦੇ ਅਧਾਰ 'ਤੇ ਸਾਂਝੀ ਕੀਤੀ ਗਈ ਹੈ। ਇਸ 'ਚ ਬਦਲਾਅ ਵੀ ਹੋ ਸਕਦਾ ਹੈ। ਤੁਹਾਨੂੰ ਸਹੀ ਜਾਣਕਾਰੀ ਲਈ ਹੋਰ ਉਡੀਕ ਕਰਨੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ: Shocking Video: ਉੱਚੀ ਪਹਾੜੀ ਤੋਂ ਡਿੱਗਣ ਵਾਲੇ ਇਸ ਬੇੜੇ ਦੀ ਵੀਡੀਓ ਦੇਖ ਕੇ ਤੁਹਾਡੇ ਸਾਹ ਰੁਕ ਜਾਣਗੇ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)