ਕਿਵੇਂ ਪਤਾ ਲੱਗੇਗਾ ਤੁਹਾਡੇ Smartphone 'ਚ ਵਾਇਰਸ ਭਰਿਆ? ਇੱਥੇ ਜਾਣੋ Virus ਨੂੰ ਹਟਾਉਣ ਦੇ ਟ੍ਰਿਕਸ
ਮੰਨਿਆ ਜਾਂਦਾ ਹੈ ਕਿ ਐਂਡਰਾਇਡ (Android) ਡਿਵਾਈਸ ਇਨ੍ਹਾਂ ਵਾਇਰਸਾਂ ਤੇ ਮਾਲਵੇਅਰ ਲਈ ਕਮਜ਼ੋਰ ਹਨ। ਆਖਰਕਾਰ ਇਹ ਜਾਣਨਾ ਮਹੱਤਵਪੂਰਨ ਹੋ ਜਾਂਦਾ ਹੈ ਕਿ ਕੀ ਤੁਹਾਡਾ ਫ਼ੋਨ ਵਾਇਰਸ ਨਾਲ ਪ੍ਰਭਾਵਿਤ ਹੋਇਆ ਹੈ।
Tech Tips And Tricks: ਜਿਸ ਇੰਟਰਨੈੱਟ ਦੀ ਦੁਨੀਆਂ 'ਚ ਅਸੀਂ ਰਹਿੰਦੇ ਹਾਂ, ਉਸ 'ਚ ਸਾਡੇ ਸਾਰੇ ਗੈਜੇਟਸ (Gadgets) 'ਚ ਵਾਇਰਸ ਆਸਾਨੀ ਨਾਲ ਦਾਖਲ ਹੋ ਸਕਦਾ ਹੈ ਤੇ ਸਾਡੇ ਡਿਵਾਇਸ (Device) ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਅਜਿਹੇ ਕੋਡ ਹਨ, ਜੋ ਕੰਪਿਊਟਰ (Computer) ਤੇ ਸਮਾਰਟਫ਼ੋਨ (Smartphone) 'ਤੇ ਸਟੋਰ ਸੈਂਸਟਿਵ ਇਨਫ਼ੋਰਮੇਸ਼ਨ ਤਕ ਪਹੁੰਚਾਉਣ ਲਈ ਖ਼ਤਰਨਾਕ ਸਾਫ਼ਟਵੇਅਰ ਦੀ ਵਰਤੋਂ ਕਰਦੇ ਹਨ ਤੇ ਉਸ ਤੋਂ ਪੈਸਾ ਕਮਾਉਂਦੇ ਹਨ। ਕੰਪਿਊਟਰਾਂ ਦੀ ਤਰ੍ਹਾਂ ਸਮਾਰਟਫ਼ੋਨ ਵੀ ਇਨ੍ਹਾਂ ਵਾਇਰਸਾਂ ਲਈ ਅਤਿ-ਸੰਵੇਦਨਸ਼ੀਲ ਹੁੰਦੇ ਹਨ। ਹੈਕਰ ਡਿਵਾਈਸ ਨੂੰ ਲੌਕ ਕਰਦੇ ਹਨ ਤੇ ਰੈਨਸਮਵੇਅਰ ਦੀ ਵਰਤੋਂ ਕਰਕੇ ਨਿੱਜੀ ਜਾਣਕਾਰੀ ਨੂੰ ਐਨਕ੍ਰਿਪਟ ਕਰਦੇ ਹਨ।
ਮੰਨਿਆ ਜਾਂਦਾ ਹੈ ਕਿ ਐਂਡਰਾਇਡ (Android) ਡਿਵਾਈਸ ਇਨ੍ਹਾਂ ਵਾਇਰਸਾਂ ਤੇ ਮਾਲਵੇਅਰ ਲਈ ਕਮਜ਼ੋਰ ਹਨ। ਆਖਰਕਾਰ ਇਹ ਜਾਣਨਾ ਮਹੱਤਵਪੂਰਨ ਹੋ ਜਾਂਦਾ ਹੈ ਕਿ ਕੀ ਤੁਹਾਡਾ ਫ਼ੋਨ ਵਾਇਰਸ ਨਾਲ ਪ੍ਰਭਾਵਿਤ ਹੋਇਆ ਹੈ। ਹਾਲਾਂਕਿ ਇਹ ਪਤਾ ਲਗਾਉਣ ਦਾ ਕੋਈ ਆਸਾਨ ਤਰੀਕਾ ਨਹੀਂ ਹੈ ਕਿ ਕੀ ਤੁਹਾਡੇ ਫ਼ੋਨ 'ਤੇ ਅਸਰ ਹੋਇਆ ਹੈ ਜਾਂ ਨਹੀਂ, ਇਹ ਜਾਣਨ ਦਾ ਇੱਕ ਤਰੀਕਾ ਹੈ ਕਿ ਮਾਲਵੇਅਰ ਦੁਹਰਾਉਣ ਵਾਲੇ ਕੰਮ ਕਰਦਾ ਹੈ ਜੋ ਬਹੁਤ ਸਾਰੇ ਸਰੋਤਾਂ ਦੀ ਵਰਤੋਂ ਕਰਦਾ ਹੈ ਤੇ ਇਹ ਇੱਕ ਸੰਕੇਤ ਹੋ ਸਕਦਾ ਹੈ।
ਕਿਵੇਂ ਪਤਾ ਕਰੀਏ ਕਿ ਤੁਹਾਡਾ ਫ਼ੋਨ ਮਾਲਵੇਅਰ ਨਾਲ ਇਨਫੈਕਟਿਡ ਹੈ?
ਡਾਟਾ ਦੀ ਭਾਰੀ ਖਪਤ ਹੋਵੇਗੀ, ਕਿਉਂਕਿ ਵਾਇਰਸ ਬਹੁਤ ਸਾਰੇ ਬੈਕਗ੍ਰਾਉਂਡ ਟਾਸਕ ਅਤੇ ਐਪਸ ਚਲਾਏਗਾ। ਨਾਲ ਹੀ ਇਹ ਇੰਟਰਨੈਟ ਨਾਲ ਵਾਰ-ਵਾਰ ਕਮਿਊਨਿਕੇਟ ਕਰੇਗਾ।
ਬੈਟਰੀ ਤੇਜ਼ੀ ਨਾਲ ਖਤਮ ਹੋ ਜਾਵੇਗੀ, ਕਿਉਂਕਿ ਵਾਇਰਸ ਐਪਸ ਅਤੇ ਸਾਫ਼ਟਵੇਅਰ ਬੈਕਗ੍ਰਾਊਂਡ 'ਚ ਚੱਲਦੇ ਹਨ।
ਸਸਪੀਸ਼ਿਅਸ ਐਡਵਰਟਾਈਜਿੰਗ ਵਾਇਰਲ ਜਾਂ ਮਾਲਵੇਅਰ ਦੇ ਸੰਕੇਤ ਵਜੋਂ ਵਿਖਾਈ ਦੇਣਗੇ। ਆਮ ਤੌਰ 'ਤੇ ਬਹੁਤ ਸਾਰੀਆਂ ਸਾਈਟਾਂ 'ਤੇ ਪੌਪ-ਅੱਪ ਐਡਵਰਟਾਈਜ਼ ਹੋਣਗੇ, ਪਰ ਬਹੁਤ ਸਾਰੇ ਇਸ਼ਤਿਹਾਰ ਤੁਹਾਡੀ ਡਿਵਾਈਸ ਲਈ ਵਧੀਆ ਸੰਕੇਤ ਨਹੀਂ ਹਨ।
ਤੁਹਾਡੇ ਫ਼ੋਨ ਦੀ ਹੋਮ ਸਕ੍ਰੀਨ 'ਤੇ ਨਵੇਂ ਐਪਸ ਦਾ ਅਜੀਬ ਰੂਪ ਵਿਖਾਈ ਦੇਵੇਗਾ। ਇਨ੍ਹਾਂ ਨਵੀਆਂ ਐਪਾਂ 'ਚ ਮਾਲਵੇਅਰ ਹੋ ਸਕਦਾ ਹੈ।
ਤੁਹਾਡੇ ਫ਼ੋਨ ਦੀ ਸਪੀਡ ਹੌਲੀ ਹੋ ਸਕਦੀ ਹੈ, ਮਤਲਬ ਫ਼ੋਨ ਹੈਂਗ ਹੋ ਸਕਦਾ ਹੈ।
ਆਪਣੇ ਫ਼ੋਨ ਤੋਂ ਵਾਇਰਸ ਕਿਵੇਂ ਦੂਰ ਕਰੀਏ?
ਸਟੈੱਪ-1 : ਹਾਲ ਹੀ 'ਚ ਇੰਸਟਾਲ ਕੀਤੀਆਂ ਐਪਾਂ ਦੀ ਜਾਂਚ ਕਰੋ ਅਤੇ ਘੱਟ ਡਾਊਨਲੋਡ ਤੇ ਖਰਾਬ ਰਿਵਿਊ ਵਾਲੀਆਂ ਐਪਸ ਨੂੰ ਹਟਾ ਦਿਓ।
ਸਟੈੱਪ-2: ਆਪਣੇ ਫ਼ੋਨ ਦੀਆਂ ਸੈਟਿੰਗਾਂ ਤੋਂ ਆਪਣਾ ਬ੍ਰਾਊਜ਼ਰ ਕੈਸ਼ ਸਾਫ਼ ਕਰੋ।
ਸਟੈੱਪ-3: ਰਿਅਲ ਐਂਟੀ-ਵਾਇਰਸ ਸਾਫ਼ਟਵੇਅਰ ਪਾਓ, ਜੋ ਸਮੇਂ-ਸਮੇਂ 'ਤੇ ਖਤਰਨਾਕ ਐਪਸ ਅਤੇ ਸਾਫ਼ਟਵੇਅਰ ਲਈ ਸਕੈਨ ਕਰਦਾ ਹੈ।
ਸਟੈੱਪ-4: ਜੇਕਰ ਇਨ੍ਹਾਂ ਵਿੱਚੋਂ ਕੋਈ ਵੀ ਕੰਮ ਨਹੀਂ ਕਰਦਾ ਹੈ ਤਾਂ ਬੈਟਰੀ ਡਰੇਨ ਨੂੰ ਠੀਕ ਕਰਨ ਅਤੇ ਸੁਧਾਰ ਕਰਨ 'ਚ ਮਦਦ ਕਰਨ ਲਈ ਫੈਕਟਰੀ ਰੀਸੈੱਟ ਕਰੋ। ਫੈਕਟਰੀ ਰੀਸੈੱਟ ਤੋਂ ਪਹਿਲਾਂ ਤੁਸੀਂ ਡਿਵਾਈਸ ਤੋਂ ਆਪਣੀਆਂ ਮਹੱਤਵਪੂਰਨ ਫ਼ਾਈਲਾਂ ਦਾ ਬੈਕਅੱਪ ਲੈ ਲਓ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
