Phone hacking: ਸਾਵਧਾਨ! ਜੇ ਮੋਬਾਈਲ 'ਚ ਹੋ ਰਹੀ ਇਹ ਗੜਬੜ ਤਾਂ ਸਮਝੋ ਫ਼ੋਨ ਹੈਕ ਹੋ ਗਿਆ...ਤੁਰੰਤ ਕਰੋ ਇਹ ਕੰਮ
Smartphone hacking: ਟੈਕਨਾਲੋਜੀ ਦੇ ਇਸ ਯੁੱਗ ਵਿੱਚ ਸਾਈਬਰ ਕ੍ਰਾਈਮ ਦੀਆਂ ਘਟਨਾਵਾਂ ਵੀ ਬਹੁਤ ਵਧ ਗਈਆਂ ਹਨ। ਹਾਲ ਹੀ ਵਿੱਚ ਹੈਕਿੰਗ ਤੇ ਆਨਲਾਈਨ ਧੋਖਾਧੜੀ ਦੇ ਮਾਮਲੇ ਤੇਜ਼ੀ ਨਾਲ ਸਾਹਮਣੇ ਆਉਣ ਲੱਗੇ ਹਨ।
Smartphone hacking: ਟੈਕਨਾਲੋਜੀ ਦੇ ਇਸ ਯੁੱਗ ਵਿੱਚ ਸਾਈਬਰ ਕ੍ਰਾਈਮ ਦੀਆਂ ਘਟਨਾਵਾਂ ਵੀ ਬਹੁਤ ਵਧ ਗਈਆਂ ਹਨ। ਹਾਲ ਹੀ ਵਿੱਚ ਹੈਕਿੰਗ ਤੇ ਆਨਲਾਈਨ ਧੋਖਾਧੜੀ ਦੇ ਮਾਮਲੇ ਤੇਜ਼ੀ ਨਾਲ ਸਾਹਮਣੇ ਆਉਣ ਲੱਗੇ ਹਨ। ਸਰਕਾਰ ਦੀ ਸਖਤੀ ਮਗਰੋਂ ਹੁਣ ਸਾਈਬਰ ਅਪਰਾਧੀ ਤੇ ਹੈਕਰ ਨਵੇਂ ਤਰੀਕਿਆਂ ਨਾਲ ਲੋਕਾਂ ਦੇ ਡਿਵਾਈਸਾਂ ਨੂੰ ਹੈਕ ਕਰਨ ਲੱਗੇ ਹਨ।
ਦਰਅਸਲ ਕਈ ਵਾਰ ਲੋਕਾਂ ਨੂੰ ਇਹ ਵੀ ਪਤਾ ਨਹੀਂ ਹੁੰਦਾ ਕਿ ਉਨ੍ਹਾਂ ਦਾ ਮੋਬਾਈਲ ਹੈਕ ਹੋ ਗਿਆ ਹੈ। ਕਈ ਵਾਰ ਹੈਕਰ ਮੋਬਾਈਲ ਨੂੰ ਹੈਕ ਕਰਕੇ ਬੈਂਕ ਅਕਾਊਂਟ 'ਚ ਵੀ ਦਾਖਲ ਹੋ ਜਾਂਦੇ ਹਨ ਪਰ ਜੇਕਰ ਤੁਸੀਂ ਥੋੜ੍ਹਾ ਜਿਹਾ ਧਿਆਨ ਰੱਖੋ ਤਾਂ ਤੁਹਾਨੂੰ ਪਤਾ ਲੱਗ ਸਕਦਾ ਹੈ ਕਿ ਤੁਹਾਡਾ ਮੋਬਾਈਲ ਹੈਕ ਹੋਇਆ ਹੈ ਜਾਂ ਨਹੀਂ।
ਯਾਦ ਰਹੇ ਜਦੋਂ ਹੈਕਰ ਤੁਹਾਡੇ ਫ਼ੋਨ ਵਿੱਚ ਦਾਖ਼ਲ ਹੁੰਦੇ ਹਨ, ਯਾਨੀ ਫ਼ੋਨ ਨੂੰ ਹੈਕ ਕਰਦੇ ਹਨ, ਤਾਂ ਫ਼ੋਨ ਵਿੱਚ ਕੁਝ ਸਿਗਨਲ ਮਿਲਣੇ ਸ਼ੁਰੂ ਹੋ ਜਾਂਦੇ ਹਨ। ਇਨ੍ਹਾਂ ਸੰਕੇਤਾਂ ਨੂੰ ਪਛਾਣ ਕੇ, ਤੁਸੀਂ ਆਸਾਨੀ ਨਾਲ ਹੈਕਿੰਗ ਦਾ ਪਤਾ ਲਾ ਸਕਦੇ ਹੋ। ਜਾਣੋ ਕਿਵੇਂ ਪਤਾ ਲੱਗੇਗਾ ਕਿ ਤੁਹਾਡਾ ਫ਼ੋਨ ਹੈਕ ਹੋਇਆ ਹੈ ਜਾਂ ਨਹੀਂ।
ਸੈਂਸਰ ਤੇ ਫ਼ੋਨ ਦੀ ਬੈਟਰੀ
ਹੈਕਿੰਗ ਦੀ ਇੱਕ ਨਿਸ਼ਾਨੀ ਇਹ ਵੀ ਹੋ ਸਕਦੀ ਹੈ ਕਿ ਜੇਕਰ ਤੁਹਾਡੇ ਫੋਨ ਵਿੱਚ ਮਾਲਵੇਅਰ ਜਾਂ ਫਰਾਡ ਐਪ ਹੈ ਤਾਂ ਤੁਹਾਡੇ ਮੋਬਾਈਲ ਦੀ ਬੈਟਰੀ ਤੇਜ਼ੀ ਨਾਲ ਖਤਮ ਹੋਣ ਲੱਗਦੀ ਹੈ। ਫੋਨ ਦੀ ਬੈਟਰੀ ਆਮ ਸਥਿਤੀ ਦੇ ਮੁਕਾਬਲੇ ਤੇਜ਼ੀ ਨਾਲ ਖਤਮ ਹੋ ਜਾਵੇਗੀ ਕਿਉਂਕਿ ਇਹ ਐਪਸ ਸਕ੍ਰੀਨ ਬੰਦ ਹੋਣ 'ਤੇ ਵੀ ਕੰਮ ਕਰਦੇ ਰਹਿੰਦੇ ਹਨ ਤੇ ਤੁਹਾਡਾ ਡਾਟਾ ਚੋਰੀ ਕਰਦੇ ਰਹਿੰਦੇ ਹਨ। ਇਸ ਦੇ ਨਾਲ ਹੀ ਕੁਝ ਮਾਮਲਿਆਂ ਵਿੱਚ ਮੋਬਾਈਲ ਦੇ ਸੈਂਸਰ ਵਾਰ-ਵਾਰ ਡਿਟੈਕਟ ਹੋਣ ਲੱਗ ਪੈਂਦੇ ਹਨ। ਇਹ ਵੀ ਮੋਬਾਈਲ ਹੈਕ ਹੋਣ ਦਾ ਸੰਕੇਤ ਹੈ।
ਮੋਬਾਈਲ ਸਲੋਅ ਜਾਂ ਹੈਂਗ ਹੋਣਾ
ਜਦੋਂ ਫ਼ੋਨ ਵਿੱਚ ਮਾਲਵੇਅਰ ਹੁੰਦਾ ਹੈ ਤਾਂ ਤੁਹਾਡਾ ਫ਼ੋਨ ਜੋ ਕੱਲ੍ਹ ਤੱਕ ਠੀਕ ਚੱਲ ਰਿਹਾ ਸੀ, ਅਚਾਨਕ ਸਲੋਅ ਹੋ ਜਾਂਦਾ ਹੈ। ਅਜਿਹੇ 'ਚ ਯੂਜ਼ਰਸ ਸਮਝਦੇ ਹਨ ਕਿ ਉਨ੍ਹਾਂ ਦਾ ਸਮਾਰਟਫੋਨ ਹੈਂਗ ਹੋ ਰਿਹਾ ਹੈ ਪਰ ਅਜਿਹਾ ਸਿਰਫ ਹੈਂਗ ਹੋਣ ਕਾਰਨ ਨਹੀਂ ਸਗੋਂ ਹੈਕ ਹੋਣ ਕਾਰਨ ਵੀ ਹੁੰਦਾ ਹੈ। ਮੋਬਾਈਲ ਦੀ ਸਕਰੀਨ ਦਾ ਵਾਰ-ਵਾਰ ਫ੍ਰੀਜ਼ ਹੋਣਾ ਤੇ ਫ਼ੋਨ ਦਾ ਕ੍ਰੈਸ਼ ਹੋਣਾ ਵੀ ਹੈਕਿੰਗ ਦੇ ਆਮ ਲੱਛਣ ਹਨ।
ਔਨਲਾਈਨ ਖਾਤਿਆਂ ਲਈ ਲੌਗਇਨ ਸੁਨੇਹੇ ਆਉਣਾ
ਜੇਕਰ ਤੁਹਾਨੂੰ ਅਕਾਊਂਟ ਲਾਗਇਨ ਦੇ ਕਈ ਮੈਸੇਜ ਵਾਰ-ਵਾਰ ਮਿਲ ਰਹੇ ਹਨ ਤਾਂ ਵੀ ਤੁਹਾਡਾ ਫ਼ੋਨ ਹੈਕਿੰਗ ਦਾ ਸ਼ਿਕਾਰ ਹੋ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ, ਤੁਰੰਤ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟਸ ਦੀ ਜਾਂਚ ਕਰੋ। ਜੇਕਰ ਤੁਹਾਨੂੰ ਕਿਸੇ ਸ਼ੱਕੀ ਲਾਗਇਨ ਬਾਰੇ ਜਾਣਕਾਰੀ ਮਿਲਦੀ ਹੈ, ਤਾਂ ਸਮਝੋ ਕਿ ਕਿਸੇ ਨੇ ਫ਼ੋਨ ਹੈਕ ਕਰ ਲਿਆ ਹੈ।
ਅਣਜਾਣ ਕਾਲ ਤੇ SMS
ਕਈ ਵਾਰ ਹੈਕਰ ਟ੍ਰੋਜਨ ਸੰਦੇਸ਼ਾਂ ਰਾਹੀਂ ਉਪਭੋਗਤਾਵਾਂ ਦੇ ਮੋਬਾਈਲਾਂ ਨੂੰ ਟ੍ਰੈਪ ਕਰਦੇ ਹਨ। ਇਸ ਤੋਂ ਇਲਾਵਾ ਹੈਕਰ ਤੁਹਾਡੇ ਕਿਸੇ ਨਜ਼ਦੀਕੀ ਦਾ ਫੋਨ ਵੀ ਹੈਕ ਕਰ ਸਕਦੇ ਹਨ, ਜਿਸ ਨਾਲ ਤੁਹਾਡਾ ਡਾਟਾ ਚੋਰੀ ਹੋ ਸਕਦਾ ਹੈ। ਇਸ ਲਈ, ਕਿਸੇ ਵੀ SMS ਵਿੱਚ ਆਉਣ ਵਾਲੇ ਲਿੰਕ 'ਤੇ ਸੋਚ-ਸਮਝ ਕੇ ਕਲਿੱਕ ਕਰੋ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
