ਹੁਣ ਬਿਨਾਂ Pin ਦੇ ਵੀ SBI ਡੈਬਿਟ ਕਾਰਡ ਰਾਹੀਂ ਹੋ ਸਕਦਾ ਹੈ ਭੁਗਤਾਨ, ਪੜ੍ਹੋ ਪੂਰੀ ਜਾਣਕਾਰੀ...
ਅੱਜਕਲ੍ਹ, ਪੈਸਿਆਂ ਦਾ ਭੁਗਤਾਨ ਕਰਨ ਲਈ ਆਨਲਾਈਨ ਜਾਂ ਡਿਜੀਟਲ ਬਹੁਤ ਸਾਰੇ ਪਲੇਟਫਾਰਮ ਆ ਗਏ ਹਨ। ਇਨ੍ਹਾਂ ਪਲੇਟਫਾਰਮਾਂ ਵਿਚੋਂ ਇਕ ਡੈਬਿਟ ਕਾਰਡ ਰਾਹੀਂ ਕਾਂਟੈਕਟਲੈੱਸ ਭੁਗਤਾਨ ਵੀ ਹੈ।
ਅੱਜਕਲ੍ਹ, ਪੈਸਿਆਂ ਦਾ ਭੁਗਤਾਨ ਕਰਨ ਲਈ ਆਨਲਾਈਨ ਜਾਂ ਡਿਜੀਟਲ ਬਹੁਤ ਸਾਰੇ ਪਲੇਟਫਾਰਮ ਆ ਗਏ ਹਨ। ਇਨ੍ਹਾਂ ਪਲੇਟਫਾਰਮਾਂ ਵਿਚੋਂ ਇਕ ਡੈਬਿਟ ਕਾਰਡ ਰਾਹੀਂ ਕਾਂਟੈਕਟਲੈੱਸ ਭੁਗਤਾਨ ਵੀ ਹੈ। ਇਸ ਵਿਚ ਤੁਸੀਂ ਪਿੰਨ ਦਰਜ ਕੀਤੇ ਬਿਨਾਂ ਕਿਸੇ ਨੂੰ ਆਪਣੇ ਡੈਬਿਟ ਕਾਰਡ ਤੋਂ 5000 ਰੁਪਏ ਤੱਕ ਦਾ ਭੁਗਤਾਨ ਕਰ ਸਕਦੇ ਹੋ।
ਇਸ ਵਿਚ ਡੈਬਿਟ ਕਾਰਡ ਨੂੰ ਸਵੈਪ ਜਾਂ ਮਸ਼ੀਨ ਵਿਚ ਪਾਉਣ ਦੀ ਲੋੜ ਨਹੀਂ ਹੁੰਦੀ ਹੈ। ਜੇਕਰ ਤੁਹਾਡੇ ਕੋਲ ਵੀ SBI ਡੈਬਿਟ ਕਾਰਡ ਹੈ, ਪਰ ਤੁਸੀਂ ਕਾਂਟੈਕਟਲੈੱਸ ਭੁਗਤਾਨ ਕਰਨ ਦੇ ਯੋਗ ਨਹੀਂ ਹੋ, ਤਾਂ ਤੁਸੀਂ ਇਸ ਨੂੰ ਇੰਟਰਨੈੱਟ ਬੈਂਕਿੰਗ ਰਾਹੀਂ ਬਹੁਤ ਆਸਾਨੀ ਨਾਲ ਚਾਲੂ ਕਰ ਸਕਦੇ ਹੋ।
ਇਸ ਦੇ ਲਈ ਪ੍ਰਕਿਰਿਆ ਬਹੁਤ ਆਸਾਨ ਹੈ। ਜ਼ਿਕਰਯੋਗ ਹੈ ਕਿ ਭਾਰਤੀ ਸਟੇਟ ਬੈਂਕ (SBI) ਕਾਂਟੈਕਟਲੈੱਸ ਡੈਬਿਟ ਕਾਰਡਾਂ ਰਾਹੀਂ ਟ੍ਰਾਂਜ਼ੈਕਸ਼ਨ ਜਾਂ ਖਰੀਦ ਉਤੇ ਇਨਾਮ ਪੁਆਇੰਟ ਵੀ ਕਮਾ ਸਕਦੇ ਹੋ। ਕਾਂਟੈਕਟਲੈੱਸ ਲੈਣ-ਦੇਣ ਸੁਰੱਖਿਅਤ ਹਨ। ਇਹ ਫਾਸਟ-ਫੂਡ, ਰੈਸਟੋਰੈਂਟਸ, ਪੈਟਰੋਲ ਪੰਪਾਂ ਅਤੇ ਫਿਲਮ ਥੀਏਟਰਾਂ ਲਈ ਬਹੁਤ ਲਾਭਦਾਇਕ ਹਨ।
ਇਹ ਵੀ ਪੜ੍ਹੋ: ਕੋਈ ਹੋਰ ਵਰਤ ਰਿਹਾ ਤੁਹਾਡਾ WhatsApp ਅਕਾਊਂਟ? ਤੁਰੰਤ ਇਸ ਟ੍ਰਿਕ ਨਾਲ ਕਰੋ ਚੈੱਕ
ਕਾਂਟੈਕਟਲੈੱਸ ਭੁਗਤਾਨ ਲਈ SBI ਡੈਬਿਟ ਕਾਰਡ ਦੀ ਵਰਤੋਂ ਕਰਕੇ ਭੁਗਤਾਨ ਕਰਨ ਲਈ, ਕਾਰਡ ਨੂੰ ਪੁਆਇੰਟ ਆਫ਼ ਸੇਲ (ਪੀਓਐਸ) ਟਰਮੀਨਲ ‘ਤੇ ਲਿਜਾਣਾ ਪੈਂਦਾ ਹੈ ਅਤੇ ਭੁਗਤਾਨ ਕੀਤਾ ਜਾਂਦਾ ਹੈ। SBI ਦੇ ਕਾਂਟੈਕਟਲੈੱਸ ਡੈਬਿਟ ਕਾਰਡ ਵਾਧੂ ਸੁਰੱਖਿਆ ਲਈ EMV ਚਿੱਪ ਦੇ ਨਾਲ ਆਉਂਦੇ ਹਨ। ਕਾਂਟੈਕਟਲੈੱਸ ਭੁਗਤਾਨ ਦੀ ਸਹੂਲਤ SBI ਦੇ ਗਲੋਬਲ ਇੰਟਰਨੈਸ਼ਨਲ ਡੈਬਿਟ ਕਾਰਡ RuPay, MasterCard ਅਤੇ Visa ‘ਤੇ ਉਪਲਬਧ ਹੈ।
ਫੀਚਰ ਨੂੰ ਐਕਟਿਵ ਕਰਨ ਲਈ ਹੇਠ ਲਿਖੇ ਸਟੈੱਪ ਫਾਲੋ ਕਰਨੇ ਹੋਣਗੇ
-ਸਭ ਤੋਂ ਪਹਿਲਾਂ SBI ਇੰਟਰਨੈੱਟ ਬੈਂਕਿੰਗ ਪੋਰਟਲ onlinesbi.sbi ਉਤੇ ਜਾਓ। ਯੂਜ਼ਰ ਨੇਮ ਅਤੇ ਪਾਸਵਰਡ ਨਾਲ ਪੋਰਟਲ ਲੌਗਇਨ ਕਰੋ। ਜਦੋਂ ਹੋਮ ਪੇਜ ਖੁੱਲ੍ਹਦਾ ਹੈ, ਤਾਂ ਈ-ਸਰਵਿਸਿਜ਼ ਸੈਕਸ਼ਨ ਵਿੱਚ ਡੈਬਿਟ ਕਾਰਡ ਸੇਵਾਵਾਂ ਵਿਕਲਪ ‘ਤੇ ਕਲਿੱਕ ਕਰੋ।
ਹੁਣ ATM ਕਮ ਡੈਬਿਟ ਕਾਰਡ ਉਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ATM ਕਾਰਡ ਲਿਮਟਿਡ ਚੈਨਲ ਯੂਜ਼ ਚੇਂਜ ‘ਤੇ ਕਲਿੱਕ ਕਰੋ। ਫਿਰ ਖਾਤਾ ਨੰਬਰ ‘ਤੇ ਕਲਿੱਕ ਕਰੋ ਅਤੇ ਇਸ ਤੋਂ ਬਾਅਦ ਕਾਰਡ ਨੰਬਰ ‘ਤੇ ਕਲਿੱਕ ਕਰੋ ਅਤੇ Change usage type ਬਦਲੋ। ਹੁਣ NFC ਵਰਤੋਂ ‘ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ ਓ.ਟੀ.ਪੀ ਵੈਲੀਡੇਸ਼ਨ ਹੋਵੇਗੀ। ਇਸ ਤੋਂ ਬਾਅਦ ਤੁਹਾਨੂੰ ਵੈਲੀਡੇਸ਼ਨ ਦਾ ਕਨਫਰਮੇਸ਼ਨ ਮੈਸੇਜ ਆਵੇਗਾ। ਹੁਣ ਤੁਹਾਡਾ ਡੈਬਿਟ ਕਾਰਡ ਕਾਂਟੈਕਟਲੈੱਸ ਲੈਣ-ਦੇਣ ਲਈ ਤਿਆਰ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
