Passwords leak: ਤੁਹਾਡੇ ਖਾਤੇ ਹੋ ਸਕਦੇ ਖਾਲੀ! 16 ਅਰਬ ਪਾਸਵਰਡ ਲੀਕ...ਦੁਨੀਆ ਭਰ 'ਚ ਮੱਚਿਆ ਤਹਿਲਕਾ
ਐਪਲ, ਫੇਸਬੁੱਕ, ਗੂਗਲ ਤੇ ਕਈ ਹੋਰ ਕੰਪਨੀਆਂ ਦੇ 16 ਅਰਬ ਪਾਸਵਰਡ ਤੇ ਲੌਗਇਨ ਕ੍ਰੈਡੈਂਸ਼ੀਅਲ ਲੀਕ ਹੋਏ ਹਨ। ਇਸ ਨੂੰ ਡੇਟਾਬੇਸ ਇਤਿਹਾਸ ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਸੰਨ੍ਹ ਮੰਨਿਆ ਜਾ ਰਿਹਾ ਹੈ। ਮਈ ਦੇ ਸ਼ੁਰੂ ਵਿੱਚ 18.4 ਕਰੋੜ...
16 billion passwords leaked: ਐਪਲ, ਫੇਸਬੁੱਕ, ਗੂਗਲ ਤੇ ਕਈ ਹੋਰ ਕੰਪਨੀਆਂ ਦੇ 16 ਅਰਬ ਪਾਸਵਰਡ ਤੇ ਲੌਗਇਨ ਕ੍ਰੈਡੈਂਸ਼ੀਅਲ ਲੀਕ ਹੋਏ ਹਨ। ਇਸ ਨੂੰ ਡੇਟਾਬੇਸ ਇਤਿਹਾਸ ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਸੰਨ੍ਹ ਮੰਨਿਆ ਜਾ ਰਿਹਾ ਹੈ। ਮਈ ਦੇ ਸ਼ੁਰੂ ਵਿੱਚ 18.4 ਕਰੋੜ ਤੋਂ ਵੱਧ ਪਾਸਵਰਡ ਲੀਕ ਹੋਣ ਦਾ ਦਾਅਵਾ ਕੀਤਾ ਗਿਆ ਸੀ। ਸਾਈਬਰ ਸੁਰੱਖਿਆ ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇੰਨੇ ਵੱਡੇ ਪੱਧਰ 'ਤੇ ਪਾਸਵਰਡ ਲੀਕ ਹੋਣਾ ਕਈ ਗਰੁੱਪਾਂ ਦਾ ਕੰਮ ਮੰਨਿਆ ਜਾ ਰਿਹਾ ਹੈ।
ਸਾਈਬਰਨਿਊਜ਼ ਦੇ ਵਿਲੀਅਸ ਪੇਟਕਾਸਕਸ ਅਨੁਸਾਰ 30 ਡੇਟਾਸੈੱਟ ਲੀਕ ਹੋਏ ਹਨ। ਇਨ੍ਹਾਂ ਵਿੱਚੋਂ ਹਰੇਕ ਵਿੱਚ 3.5 ਅਰਬ ਤੋਂ ਵੱਧ ਰਿਕਾਰਡ ਹਨ। ਉਨ੍ਹਾਂ ਕਿਹਾ ਲੀਕ ਹੋਏ ਪਾਸਵਰਡ ਤੇ ਲੌਗਇਨ ਪ੍ਰਕ੍ਰੈਡੈਂਸ਼ੀਅਲ ਦੀ ਗਿਣਤੀ 16 ਅਰਬ ਤੱਕ ਪਹੁੰਚ ਗਈ ਹੈ। ਇਸ ਵਿੱਚ ਸੋਸ਼ਲ ਮੀਡੀਆ, VPN, ਡਿਵੈਲਪਰ ਪੋਰਟਲ ਤੇ ਕਈ ਵੱਡੀਆਂ ਕੰਪਨੀਆਂ ਦੇ ਖਾਤਿਆਂ ਦੇ ਅਰਬਾਂ ਲੌਗਇਨ ਕ੍ਰੈਡੈਂਸ਼ੀਅਲ ਸ਼ਾਮਲ ਹਨ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਦੀ ਵਰਤੋਂ ਲੋਕਾਂ ਦੇ ਬੈਂਕ ਖਾਤਿਆਂ ਤੇ ਵਿੱਤੀ ਖਾਤਿਆਂ ਵਿੱਚ ਲੌਗਇਨ ਕਰਨ ਲਈ ਕੀਤੀ ਜਾ ਸਕਦੀ ਹੈ। ਲੀਕ ਹੋਇਆ ਜ਼ਿਆਦਾਤਰ ਡਾਟਾ URL ਫਾਰਮੈਟ ਵਿੱਚ ਹੁੰਦਾ ਹੈ। ਇਸ ਤੋਂ ਬਾਅਦ ਲਾਗਇਨ ਤੇ ਪਾਸਵਰਡ ਹੁੰਦਾ ਹੈ। ਇਸ ਦੀ ਵਰਤੋਂ ਐਪਲ, ਫੇਸਬੁੱਕ, ਗੂਗਲ ਤੋਂ ਲੈ ਕੇ ਹਿੱਟਹੱਬ, ਟੈਲੀਗ੍ਰਾਮ ਤੇ ਵੱਖ-ਵੱਖ ਸਰਕਾਰੀ ਸੇਵਾਵਾਂ ਤੱਕ ਕਿਸੇ ਵੀ ਔਨਲਾਈਨ ਸੇਵਾ ਨੂੰ ਹੈਕ ਕਰਨ ਲਈ ਕੀਤੀ ਜਾ ਸਕਦੀ ਹੈ।
ਮਾਹਿਰਾਂ ਅਨੁਸਾਰ ਇਸ ਪੈਮਾਨੇ 'ਤੇ ਡੇਟਾ ਬਹੁਤ ਸਾਰੇ ਇਨਫੋਸਟੀਲਿੰਗ ਮਾਲਵੇਅਰ (ਸੰਵੇਦਨਸ਼ੀਲ ਜਾਣਕਾਰੀ ਚੋਰੀ ਕਰਨ ਵਾਲਾ ਸਾਫਟਵੇਅਰ) ਤੋਂ ਚੋਰੀ ਕੀਤਾ ਜਾਂਦਾ ਹੈ। ਸਾਈਬਰ ਅਪਰਾਧੀ ਅਕਸਰ ਇਸ ਮਾਲਵੇਅਰ ਦੀ ਵਰਤੋਂ ਕਰਦੇ ਹਨ ਤੇ ਡਾਰਕ ਵੈੱਬ 'ਤੇ ਪਾਸਵਰਡ ਤੇ ਜਾਣਕਾਰੀ ਵੇਚਦੇ ਹਨ। ਖੋਜਕਰਤਾਵਾਂ ਨੇ ਹੋਸਟ ਪ੍ਰਦਾਤਾ ਨਾਲ ਵੀ ਸੰਪਰਕ ਕੀਤਾ ਜੋ ਇੱਕ ਟੈਕਸਟ ਫਾਈਲ ਵਿੱਚ ਲੱਖਾਂ ਪਾਸਵਰਡ ਸਟੋਰ ਕਰ ਰਿਹਾ ਸੀ।
ਇਹ ਦਾਅਵਾ ਕੀਤਾ ਜਾਂਦਾ ਹੈ ਕਿ ਹਰ ਕੁਝ ਹਫ਼ਤਿਆਂ ਵਿੱਚ ਨਵੇਂ ਵੱਡੇ ਡੇਟਾਸੈੱਟ ਉੱਭਰਦੇ ਹਨ, ਜੋ ਦਰਸਾਉਂਦੇ ਹਨ ਕਿ ਇਨਫੋਸਟੀਲਰ ਮਾਲਵੇਅਰ ਕਿੰਨਾ ਖਤਰਨਾਕ ਹੈ। ਹਾਲਾਂਕਿ, ਇਸ ਵਿੱਚ ਬਹੁਤ ਸਾਰੀ ਜਾਣਕਾਰੀ ਵੀ ਓਵਰਲੈਪ ਹੋ ਸਕਦੀ ਹੈ। ਜਿਸ ਕਾਰਨ ਅਸਲ ਵਿੱਚ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ ਦਾ ਅੰਦਾਜ਼ਾ ਨਹੀਂ ਲਗਾਇਆ ਜਾ ਸਕਦਾ। 5.5 ਬਿਲੀਅਨ ਲੋਕਾਂ ਕੋਲ ਇੰਟਰਨੈੱਟ ਤੱਕ ਪਹੁੰਚ ਹੈ, ਇਸ ਲਈ ਇਹ ਮੰਨਿਆ ਜਾਂਦਾ ਹੈ ਕਿ ਅੱਧੇ ਤੋਂ ਵੱਧ ਲੋਕਾਂ ਦੀ ਜਾਣਕਾਰੀ ਲੀਕ ਹੋ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
