Trending News: 88 ਸਾਲ ਦੇ ਬਜ਼ੁਰਗ ਨੇ ਜਿੱਤੀ 5 ਕਰੋੜ ਦੀ ਲਾਟਰੀ, 40 ਸਾਲਾਂ ਤੋਂ ਅਜ਼ਮਾ ਰਿਹਾ ਸੀ ਕਿਸਮਤ, ਮਿਲੇ ਪੈਸਿਆਂ ਨਾਲ ਕਰੇਗਾ ਇਹ ਕੰਮ
Shocking News: ਦਾਸ ਨੇ ਕਿਹਾ ਕਿ ਉਹ ਅਕਸਰ ਲਾਟਰੀ ਦੀਆਂ ਟਿਕਟਾਂ ਖਰੀਦਦਾ ਸੀ ਅਤੇ ਆਪਣੇ ਪਰਿਵਾਰ ਨਾਲ ਸ਼ਰਤਾ ਲਗਾਉਂਦਾ ਸੀ। ਕਿ ਲਾਟਰੀ ਜਿੱਤਣ ਤੋਂ ਬਾਅਦ ਉਹ ਅੱਧੀ ਰਕਮ ਡੇਰੇ ਲਈ ਵੱਡ ਦਵੇਗਾ ਅਤੇ ਆਪਣੇ ਦੋ ਪੁੱਤਰਾਂ ਵਿੱਚ ਬਰਾਬਰ ਵੰਡੇਗਾ।
Amazing News: ਪੰਜਾਬ ਦੇ ਡੇਰਾਬੱਸੀ 'ਚ 88 ਸਾਲਾ ਬਜ਼ੁਰਗ 5 ਕਰੋੜ ਦੀ ਲਾਟਰੀ ਜਿੱਤ ਕੇ ਰਾਤੋ-ਰਾਤ 'ਕਰੋੜਪਤੀ' ਬਣ ਗਿਆ। ਡੇਰਾਬਸੀ ਦੇ ਤ੍ਰਿਵੇਦੀ ਕੈਂਪ ਦੇ ਵਸਨੀਕ ਮਹੰਤ ਦਵਾਰਕਾ ਦਾਸ ਨੇ ਲੋਹੜੀ ਮੱਕਰ ਸੰਕ੍ਰਾਂਤੀ ਬੰਪਰ ਲਾਟਰੀ ਜਿੱਤੀ, ਜਿਸ ਨੇ ਉਸ ਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਦਿੱਤੀ। ਉਸ ਦੇ ਇਲਾਕੇ ਵਿੱਚ ਜਸ਼ਨ ਦਾ ਮਾਹੌਲ ਹੈ ਅਤੇ ਉਸ ਦੇ ਘਰ ਵਧਾਈ ਦੇਣ ਅਤੇ ਹਾਰ ਪਾਉਣ ਲਈ ਲੋਕਾਂ ਦੀ ਆਮਦ ਹੈ।
ਦਾਸ ਨੇ ਕਿਹਾ ਕਿ ਉਹ ਅਕਸਰ ਲਾਟਰੀ ਦੀਆਂ ਟਿਕਟਾਂ ਖਰੀਦਦਾ ਸੀ ਅਤੇ ਆਪਣੇ ਪਰਿਵਾਰ ਨਾਲ ਸ਼ਰਤਾ ਲਗਾਉਂਦਾ ਸੀ। ਕਿ ਲਾਟਰੀ ਜਿੱਤਣ ਤੋਂ ਬਾਅਦ ਉਹ ਅੱਧੀ ਰਕਮ ਡੇਰੇ ਲਈ ਵੱਡ ਦਵੇਗਾ ਅਤੇ ਆਪਣੇ ਦੋ ਪੁੱਤਰਾਂ ਵਿੱਚ ਬਰਾਬਰ ਵੰਡੇਗਾ। ਉਸ ਨੇ ਕਿਹਾ, "ਮੈਂ ਖੁਸ਼ ਹਾਂ। ਮੈਂ ਪਿਛਲੇ 35-40 ਸਾਲਾਂ ਤੋਂ ਲਾਟਰੀਆਂ ਖਰੀਦ ਰਿਹਾ ਹਾਂ। ਮੈਂ ਜਿੱਤੀ ਰਕਮ ਆਪਣੇ ਦੋ ਪੁੱਤਰਾਂ ਅਤੇ ਆਪਣੇ 'ਡੇਰੇ' ਵਿੱਚ ਵੰਡਾਂਗਾ।"
ਉਨ੍ਹਾਂ ਦੇ ਬੇਟੇ ਨਰਿੰਦਰ ਕੁਮਾਰ ਸ਼ਰਮਾ ਨੇ ਕਿਹਾ, "ਮੇਰੇ ਪਿਤਾ ਨੇ ਮੇਰੇ ਭਤੀਜੇ ਨੂੰ ਲਾਟਰੀ ਦੀ ਟਿਕਟ ਖਰੀਦਣ ਲਈ ਪੈਸੇ ਦਿੱਤੇ ਸਨ। ਉਨ੍ਹਾਂ ਨੇ ਇਹ ਜਿੱਤ ਲਿਆ ਅਤੇ ਅਸੀਂ ਖੁਸ਼ੀ ਮਹਿਸੂਸ ਕਰ ਰਹੇ ਹਾਂ।" ਜ਼ੀਰਕਪੁਰ ਵਿੱਚ ਲਾਟਰੀ ਦਾ ਕਾਰੋਬਾਰ ਕਰਨ ਵਾਲੇ ਅਤੇ ਪਰਿਵਾਰ ਨੂੰ ਟਿਕਟਾਂ ਵੇਚਣ ਵਾਲੇ ਲੋਕੇਸ਼ ਨੇ ਦਾਅਵਾ ਕੀਤਾ ਕਿ ਟੈਕਸ ਕੱਟਣ ਤੋਂ ਬਾਅਦ ਦਵਾਰਕਾ ਦਾਸ ਨੂੰ ਕਰੀਬ 3.5 ਕਰੋੜ ਰੁਪਏ ਮਿਲਣਗੇ।
ਸਹਾਇਕ ਲਾਟਰੀਜ਼ ਡਾਇਰੈਕਟਰ, ਕਰਮ ਸਿੰਘ ਨੇ ਕਿਹਾ, "ਪੰਜਾਬ ਰਾਜ ਲੋਹੜੀ ਮਕਰ ਸੰਕ੍ਰਾਂਤੀ ਬੰਪਰ ਲਾਟਰੀ 2023 ਦੇ ਨਤੀਜੇ 16 ਜਨਵਰੀ ਨੂੰ ਘੋਸ਼ਿਤ ਕੀਤੇ ਗਏ ਸਨ। ਉਸ (ਦਵਾਰਕਾ ਦਾਸ) ਨੇ 5 ਕਰੋੜ ਰੁਪਏ ਦਾ ਪਹਿਲਾ ਇਨਾਮ ਜਿੱਤਿਆ ਸੀ। ਨਿਰਧਾਰਤ ਪ੍ਰਕਿਰਿਆ ਨੂੰ ਪੂਰਾ ਕਰਨ ਤੋਂ ਬਾਅਦ, ਉਨ੍ਹਾਂ ਨੂੰ 30% ਟੈਕਸ ਕੱਟ ਕੇ ਰਕਮ ਦਿੱਤੀ ਜਾਵੇਗੀ।"
ਇਹ ਵੀ ਪੜ੍ਹੋ: Ludhiana News: ਅਮਰੀਕਾ ਬੈਠੇ ਗੈਂਗਸਟਰ ਅੰਮ੍ਰਿਤ ਬਲ ਤੇ ਇੰਗਲੈਂਡ 'ਚ ਪਰਗਟ ਸਿੰਘ ਖਿਲਾਫ਼ ਰੈੱਡ ਕਾਰਨਰ ਨੋਟਿਸ ਦੀ ਤਿਆਰੀ
ਦਸੰਬਰ ਵਿੱਚ ਭਾਰਤ ਤੋਂ ਦੁਬਈ-ਅਧਾਰਤ ਡਰਾਈਵਰ ਅਜੇ ਓਗੁਲਾ ਨੇ ਅਮੀਰਾਤ ਡਰਾਅ ਵਿੱਚ 15 ਮਿਲੀਅਨ (33 ਕਰੋੜ ਰੁਪਏ) ਦਾ ਇਨਾਮ ਜਿੱਤਿਆ। ਸੰਯੁਕਤ ਅਰਬ ਅਮੀਰਾਤ ਦੇ ਰੋਜ਼ਾਨਾ ਖਲੀਜ ਟਾਈਮਜ਼ ਨੇ ਦੱਸਿਆ, ਲਾਟਰੀ ਇਨਾਮ ਜਿੱਤਣ ਤੋਂ ਬਾਅਦ, ਓਗੁਲਾ ਨੇ ਕਿਹਾ, "ਮੈਨੂੰ ਅਜੇ ਵੀ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਮੈਂ ਜੈਕਪਾਟ ਜਿੱਤ ਲਿਆ ਹੈ।"
ਇਹ ਵੀ ਪੜ੍ਹੋ: Bajaj ਨੇ ਬਣਾਈ Nano ਵਰਗੀ ਕਾਰ, ਮੋਟਰਸਾਈਕਲ ਦੀ ਕੀਮਤ 'ਚ ਆ ਜਾਵੇਗੀ ਕਾਰ, ਮਾਈਲੇਜ ਵੀ ਜ਼ਬਰਦਸਤ
ਦੱਖਣੀ ਭਾਰਤ ਦੇ ਇੱਕ ਪਿੰਡ ਦਾ ਰਹਿਣ ਵਾਲੇ ਓਗੁਲਾ ਚਾਰ ਸਾਲ ਪਹਿਲਾਂ ਯੂਏਈ ਆਇਆ ਸੀ। ਖਲੀਜ ਟਾਈਮਜ਼ ਨੇ ਦੱਸਿਆ ਕਿ ਵਰਤਮਾਨ ਵਿੱਚ ਇੱਕ ਗਹਿਣਿਆਂ ਦੀ ਫਰਮ ਲਈ ਇੱਕ ਡਰਾਈਵਰ ਵਜੋਂ ਕੰਮ ਕਰਦੇ ਹੋਏ, ਉਹ ਇੱਕ ਮਹੀਨੇ ਵਿੱਚ 3,200 ਦਿਰਹਾਮ ਕਮਾਉਂਦਾ ਹੈ। ਓਗੁਲਾ ਨੇ ਕਿਹਾ, "ਮੈਂ ਇਸ ਰਕਮ ਨਾਲ ਆਪਣਾ ਚੈਰਿਟੀ ਟਰੱਸਟ ਬਣਾਉਣਾ ਜਾਰੀ ਰੱਖਾਂਗਾ। ਇਸ ਨਾਲ ਮੇਰੇ ਜੱਦੀ ਸ਼ਹਿਰ ਅਤੇ ਨੇੜਲੇ ਪਿੰਡਾਂ ਵਿੱਚ ਬਹੁਤ ਸਾਰੇ ਲੋਕਾਂ ਨੂੰ ਆਪਣੀਆਂ ਬੁਨਿਆਦੀ ਲੋੜਾਂ ਪੂਰੀਆਂ ਕਰਨ ਵਿੱਚ ਮਦਦ ਮਿਲੇਗੀ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
