Lottery Prize: ਇੱਕ ਝਟਕੇ 'ਚ ਬਦਲੀ ਕਿਸਮਤ, ਵਿਅਕਤੀ ਨੇ ਜਿੱਤੀ 15 ਕਰੋੜ ਦੀ ਲਾਟਰੀ
Lottery Win: ਦੂਜੀ ਵਾਰ ਲਾਟਰੀ ਵਿੱਚ ਇੰਨੀ ਵੱਡੀ ਰਕਮ ਜਿੱਤਣ ਵਾਲੇ ਵਿਅਕਤੀ ਦੀ ਉਮਰ 65 ਸਾਲ ਹੈ। ਉਹ ਕਿਸੇ ਕੰਮ ਲਈ ਸੈਲਿਸਬਰੀ ਤੋਂ ਮੈਰੀਲੈਂਡ ਜਾ ਰਿਹਾ ਸੀ, ਜਦੋਂ ਰਸਤੇ ਵਿੱਚ ਉਸ ਨੇ ਰਿਚਰ ਸਕਰੈਚ ਆਫ ਟਿਕਟ ਖਰੀਦੀ।
Lottery Of 15 Crore: ਕਿਹਾ ਜਾਂਦਾ ਹੈ ਕਿ ਕਿਸੇ ਦੀ ਕਿਸਮਤ ਕਦੋਂ ਬਦਲ ਜਾਵੇ, ਇਹ ਕੋਈ ਨਹੀਂ ਜਾਣਦਾ। ਕਈ ਵਾਰ ਲੋਕ ਆਪਣੀ ਕਿਸਮਤ ਅਜ਼ਮਾਉਣ ਲਈ ਲਾਟਰੀ ਦੀਆਂ ਟਿਕਟਾਂ ਖਰੀਦਦੇ ਹਨ, ਪਰ ਉਨ੍ਹਾਂ ਨੂੰ ਇੱਕ ਵਾਰ ਵੀ ਲਾਟਰੀ ਨਹੀਂ ਲੱਗਦੀ ਪਰ, ਕੁਝ ਅਜਿਹੇ ਖੁਸ਼ਕਿਸਮਤ ਲੋਕ ਹੁੰਦੇ ਹਨ ਜਿਨ੍ਹਾਂ ਨੂੰ ਵਾਰ-ਵਾਰ ਲਾਟਰੀ ਮਿਲਦੀ ਹੈ। ਅਮਰੀਕਾ ਦੇ ਮੈਰੀਲੈਂਡ 'ਚ ਇੱਕ ਅਜਿਹੀ ਹੀ ਬਹੁਤ ਅਨੋਖੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਮੈਰੀਲੈਂਡ ਦੇ ਇੱਕ ਵਿਅਕਤੀ ਨੇ ਸਕ੍ਰੈਚ-ਆਫ ਲਾਟਰੀ ਟਿਕਟ ਰਾਹੀਂ ਦੂਜੀ ਵਾਰ 2 ਮਿਲੀਅਨ ਡਾਲਰ (14,95,44,000 ਕਰੋੜ ਰੁਪਏ) ਦਾ ਜੈਕਪਾਟ ਜਿੱਤਿਆ ਹੈ।
ਦੱਸ ਦੇਈਏ ਕਿ ਦੂਜੀ ਵਾਰ ਲਾਟਰੀ ਵਿੱਚ ਇੰਨੀ ਵੱਡੀ ਰਕਮ ਜਿੱਤਣ ਵਾਲੇ ਵਿਅਕਤੀ ਦੀ ਉਮਰ 65 ਸਾਲ ਹੈ। ਸੈਲਿਸਬਰੀ ਤੋਂ ਮੈਰੀਲੈਂਡ ਦੇ ਰਸਤੇ 'ਤੇ ਉਹ ਸੈਲਿਸਬਰੀ ਲਾਟਰੀ ਸਟੇਸ਼ਨ 'ਤੇ $2,000,000 ਦੀ ਰਿਚਰ ਸਕ੍ਰੈਚ-ਆਫ ਟਿਕਟ ਖਰੀਦਣ ਲਈ ਰੁਕਿਆ। ਉਸ ਨੇ ਮੈਰੀਲੈਂਡ ਲਾਟਰੀ ਅਫਸਰਾਂ ਨੂੰ ਕਿਹਾ ਕਿ ਉਸਨੂੰ ਇੰਨੀ ਵੱਡੀ ਲਾਟਰੀ ਜੈਕਪਾਟ ਮਿਲਣ ਦੀ ਉਮੀਦ ਕਦੇ ਨਹੀਂ ਸੀ। ਉਹ ਇਸ ਜੈਕਪਾਟ ਦੀ ਚੋਟੀ ਦੀ ਜੇਤੂ ਬਣ ਗਏ।
ਕੋਰੋਨਾ ਮਹਾਮਾਰੀ ਕਾਰਨ ਟਿਕਟਾਂ ਖਰੀਦਣ ਦਾ ਫੈਸਲਾ
ਜੈਕਪਾਟ ਦੇ ਜੇਤੂ ਨੇ ਕਿਹਾ ਕਿ ਕੋਰੋਨਾ ਮਹਾਮਾਰੀ ਕਾਰਨ ਉਸ ਦੀ ਵਿੱਤੀ ਹਾਲਤ ਖਰਾਬ ਹੋ ਗਈ ਸੀ। ਇਸ ਕਾਰਨ ਉਸ ਨੇ ਲਾਟਰੀ ਦੀਆਂ ਟਿਕਟਾਂ ਖਰੀਦਣ ਦਾ ਫੈਸਲਾ ਕੀਤਾ। ਪਹਿਲਾਂ ਉਸਨੂੰ 100 ਡਾਲਰ ਦੀ ਲਾਟਰੀ ਟਿਕਟ ਮਿਲੀ।
ਇਸ ਤੋਂ ਬਾਅਦ ਉਸ ਨੂੰ 2 ਮਿਲੀਅਨ ਡਾਲਰ (2 Million Dollar Lottery Ticket) ਦੀ ਟਿਕਟ ਵੀ ਮਿਲ ਗਈ, ਜਿਸ ਦੀ ਉਸ ਨੇ ਆਪਣੇ ਸੁਪਨੇ ਵਿੱਚ ਵੀ ਉਮੀਦ ਨਹੀਂ ਕੀਤੀ ਸੀ। ਜੇਤੂ ਨੇ ਦੱਸਿਆ ਕਿ ਉਸ ਨੇ ਕਈ ਮਹੀਨਿਆਂ ਤੋਂ ਦੂਜੀ ਟਿਕਟ ਰੱਖੀ ਸੀ। ਪਰ, ਉਸ ਨੂੰ ਚਿੰਤਾ ਸੀ ਕਿ ਹੁਣ ਇਸ ਦੀ ਮਿਆਦ ਪੁੱਗਣ ਦੀ ਤਾਰੀਖ ਨੇੜੇ ਆ ਰਹੀ ਹੈ। ਹੋ ਸਕਦਾ ਹੈ ਕਿ ਇਹ ਟਿਕਟ ਅਸਲ ਲਾਟਰੀ ਟਿਕਟ ਨਾ ਹੋਵੇ।
ਪਰ ਟਿਕਟ ਦੀ ਮਿਆਦ ਖਤਮ ਹੋਣ ਤੋਂ ਕੁਝ ਦਿਨ ਪਹਿਲਾਂ ਉਸ ਨੂੰ ਲਾਟਰੀ ਜਿੱਤਣ ਦੀ ਜਾਣਕਾਰੀ ਮਿਲੀ। ਦੋ ਲਾਟਰੀ ਟਿਕਟਾਂ ਜਿੱਤਣ ਤੋਂ ਬਾਅਦ ਉਸਨੇ ਲੋਕਾਂ ਨੂੰ ਕਿਹਾ, 'ਹਰ ਕਿਸੇ ਨੂੰ ਆਪਣੀ ਸ਼ਕਤੀ ਅਨੁਸਾਰ ਲਾਟਰੀ ਦੀ ਖੇਡ ਖੇਡਣੀ ਚਾਹੀਦੀ ਹੈ। ਕਿਸੇ ਨੂੰ ਖੁਸ਼ੀ ਲਈ ਖੇਡਣਾ ਚਾਹੀਦਾ ਹੈ, ਨਾ ਕਿ ਸਿਰਫ ਵੱਡਾ ਪੈਸਾ ਜਿੱਤਣ ਲਈ।
ਇਨਸਾਨ ਭਾਵੇਂ ਜਿੱਤੇ ਜਾਂ ਹਾਰੇ ਪਰ ਜ਼ਿੰਦਗੀ ਵਿਚ ਖੁਸ਼ੀਆਂ ਪਾਉਣਾ ਸਭ ਤੋਂ ਜ਼ਰੂਰੀ ਹੈ। ਉਸ ਨੇ ਕਿਹਾ ਕਿ ਉਹ ਇਸ ਜਿੱਤੇ ਪੈਸਿਆਂ ਨਾਲ ਆਪਣੇ ਪਰਿਵਾਰ ਨਾਲ ਛੁੱਟੀਆਂ ਮਨਾਉਣ ਜਾਵੇਗਾ। ਬਾਕੀ ਦੇ ਪੈਸਿਆਂ ਨਾਲ ਆਪਣੇ ਘਰ ਨੂੰ ਹੋਰ ਸੁੰਦਰ ਬਣਾਵੇਗਾ।
ਇਹ ਵੀ ਪੜ੍ਹੋ: Indian Navy Recruitment 2021: ਇੰਡੀਅਨ ਨੇਵੀ 'ਚ ਬੰਪਰ ਭਰਤੀ, ਇੰਝ ਕਰੋ ਅਪਲਾਈ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
