Scooter: ਧਨਤੇਰਸ-ਦੀਵਾਲੀ 'ਤੇ ਘਰ ਲੈ ਕੇ ਆ ਸਕਦੇ ਹੋ ਇਹ ਸ਼ਾਨਦਾਰ ਸਕੂਟਰ, ਮਜ਼ਬੂਤ ਮਾਈਲੇਜ ਸਣੇ ਇਹ ਫੀਚਰਸ, ਕੀਮਤ 1 ਲੱਖ ਰੁਪਏ ਤੋਂ ਵੀ ਘੱਟ
ਜੇਕਰ ਤੁਸੀਂ ਵੀ ਮਨ ਬਣਾ ਰਹੇ ਹੋ ਇਸ ਫੈਸਟੀਵਲ ਸੀਜ਼ਨ ਕੋਈ ਵਿਹਕਲ ਖਰੀਦਣ ਬਾਰੇ..ਤਾਂ ਇਹ ਸਮਾਂ ਸਭ ਤੋਂ ਵਧੀਆ ਹੈ ਤੁਸੀਂ ਜੇਕਰ ਕੋਈ ਸਕੂਟਰ ਲੱਭ ਰਹੇ ਹੋ ਤਾਂ ਤੁਹਾਡੇ ਲਈ ਪੇਸ਼ 1 ਲੱਖ ਰੁਪਏ ਤੋਂ ਵੀ ਘੱਟ ਕੀਮਤ ਵਾਲੇ ਇਹ ਦੋ ਪਹੀਆ ਵਿਹਕਲ...
Scooter Under One Lakh: ਦੇਸ਼ ਭਰ ਵਿੱਚ ਤਿਉਹਾਰਾਂ ਦੀ ਧੂਮ-ਧਾਮ ਹੈ। ਦੀਵਾਲੀ-ਧਨਤੇਰਸ 'ਤੇ ਲੋਕ ਆਪਣੇ ਘਰਾਂ ਨੂੰ ਖੁਸ਼ੀਆਂ ਨਾਲ ਸਜਾਉਂਦੇ ਹਨ। ਕਈ ਲੋਕ ਤਿਉਹਾਰ ਦੇ ਮੌਕੇ 'ਤੇ ਆਪਣੇ ਘਰ ਕੋਈ ਨਵੀਂ ਵਿਹਕਲ ਜਿਵੇਂ ਨਵੀਂ ਗੱਡੀ ਜਾਂ ਸਕੂਟਰ ਖਰੀਦਦੇ ਹਨ। ਜੇਕਰ ਤੁਸੀਂ ਵੀ ਇਸ ਦੀਵਾਲੀ 'ਤੇ ਸਕੂਟਰ ਲਿਆਉਣਾ ਚਾਹੁੰਦੇ ਹੋ ਤਾਂ ਇੱਥੇ ਅਸੀਂ ਤੁਹਾਨੂੰ 1 ਲੱਖ ਰੁਪਏ ਤੱਕ ਦੀ ਕੀਮਤ ਵਾਲੇ ਸਕੂਟਰਾਂ ਬਾਰੇ ਦੱਸਣ ਜਾ ਰਹੇ ਹਾਂ। ਹੌਂਡਾ, ਸੁਜ਼ੂਕੀ ਅਤੇ TVS ਦੇ ਮਾਡਲ ਇਸ ਸੂਚੀ 'ਚ ਸ਼ਾਮਲ ਹਨ।
ਹੋਰ ਪੜ੍ਹੋ : ਦੀਵਾਲੀ 'ਤੇ ਪਰਿਵਾਰ ਲਈ ਚਾਹੁੰਦੇ ਹੋ ਬੈਸਟ 7-ਸੀਟਰ ਕਾਰ? ਸਿਰਫ 6 ਲੱਖ ਰੁਪਏ 'ਚ ਇਹ ਰਿਹਾ ਵਧੀਆ ਆਪਸ਼ਨ
ਹੌਂਡਾ ਐਕਟਿਵਾ 6 ਜੀ (Honda Activa 6G)
ਹੌਂਡਾ ਐਕਟਿਵਾ ਭਾਰਤੀ ਬਾਜ਼ਾਰ ਵਿੱਚ ਵਿਕਣ ਵਾਲੇ ਸਭ ਤੋਂ ਮਸ਼ਹੂਰ ਸਕੂਟਰਾਂ ਵਿੱਚੋਂ ਇੱਕ ਹੈ। ਇਸ ਸਕੂਟਰ 'ਚ 4-ਸਟ੍ਰੋਕ SI ਇੰਜਣ ਹੈ, ਜੋ 8,000 rpm 'ਤੇ 5.77 kW ਦੀ ਪਾਵਰ ਦਿੰਦਾ ਹੈ ਅਤੇ 5,500 rpm 'ਤੇ 8.90 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਸਕੂਟਰ ਨੂੰ 5.3-ਲੀਟਰ ਫਿਊਲ ਨਾਲ ਭਰਿਆ ਜਾ ਸਕਦਾ ਹੈ। ਦਿੱਲੀ 'ਚ ਇਸ ਸਕੂਟਰ ਦੀ ਐਕਸ-ਸ਼ੋਰੂਮ ਕੀਮਤ 76,684 ਰੁਪਏ ਤੋਂ ਸ਼ੁਰੂ ਹੋ ਕੇ 82,684 ਰੁਪਏ ਤੱਕ ਜਾਂਦੀ ਹੈ। ਦੇਸ਼ ਦੇ ਹੋਰ ਸ਼ਹਿਰਾਂ ਵਿੱਚ ਇਸ ਕੀਮਤ ਵਿੱਚ ਕੁਝ ਅੰਤਰ ਦੇਖਿਆ ਜਾ ਸਕਦਾ ਹੈ।
ਹੌਂਡਾ ਡੀਓ (Honda Dio)
ਹੌਂਡਾ ਡੀਓ ਵੀ ਇੱਕ ਸਮਾਰਟ ਸਕੂਟਰ ਹੈ। ਹੌਂਡਾ ਦੇ ਇਸ ਸਕੂਟਰ 'ਚ 4-ਸਟ੍ਰੋਕ SI ਇੰਜਣ ਵੀ ਹੈ, ਜੋ 8,000 rpm 'ਤੇ 5.78 kW ਦੀ ਪਾਵਰ ਦਿੰਦਾ ਹੈ ਅਤੇ 5250 rpm 'ਤੇ 9.03 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਹੌਂਡਾ ਸਕੂਟਰਾਂ 'ਚ ਸਮਾਰਟ-ਕੀ ਫੀਚਰ ਵੀ ਦਿੱਤਾ ਗਿਆ ਹੈ। ਇਸ ਦੋਪਹੀਆ ਵਾਹਨ 'ਚ LED ਹੈੱਡਲੈਂਪਸ ਹਨ। Honda Dio ਦੀ ਐਕਸ-ਸ਼ੋਰੂਮ ਕੀਮਤ 71,212 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 78,162 ਰੁਪਏ ਤੱਕ ਜਾਂਦੀ ਹੈ।
TVS ਜੁਪੀਟਰ (TVS Jupiter)
TVS Jupiter ਵੀ ਦੇਸ਼ ਦੇ ਕਈ ਲੋਕਾਂ ਦੀ ਪਹਿਲੀ ਪਸੰਦ ਹੈ। ਇਸ ਸਕੂਟਰ ਦੀ ਐਕਸ-ਸ਼ੋਰੂਮ ਕੀਮਤ 73,700 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਸਕੂਟਰ 'ਚ ਵਾਇਸ ਅਸਿਸਟੇਡ ਨੇਵੀਗੇਸ਼ਨ ਸਿਸਟਮ ਦਿੱਤਾ ਗਿਆ ਹੈ। ਇਸ ਦੇ ਚਾਰ ਮਾਡਲ ਬਾਜ਼ਾਰ 'ਚ ਉਪਲੱਬਧ ਹਨ। ਇਸ ਦਾ ਡਰਮ ਵੇਰੀਐਂਟ ਸਭ ਤੋਂ ਸਸਤਾ ਹੈ, ਜਿਸ ਦੀ ਕੀਮਤ 73,700 ਰੁਪਏ ਹੈ। ਡਰੱਮ ਅਲਾਏ ਵੇਰੀਐਂਟ ਦੀ ਕੀਮਤ 79,200 ਰੁਪਏ ਹੈ। ਜਦੋਂ ਕਿ Drum SXC ਦੀ ਐਕਸ-ਸ਼ੋਰੂਮ ਕੀਮਤ 83,250 ਰੁਪਏ ਅਤੇ ਡਿਸਕ SXC ਦੀ ਐਕਸ-ਸ਼ੋਰੂਮ ਕੀਮਤ 87,250 ਰੁਪਏ ਹੈ।
ਸੁਜ਼ੂਕੀ ਐਕਸੈਸ 125 (Suzuki Access 125)
Suzuki Access 125 ਦੇ ਤਿੰਨ ਐਡੀਸ਼ਨ ਬਾਜ਼ਾਰ 'ਚ ਸ਼ਾਮਲ ਹਨ। ਰਾਈਡ ਕਨੈਕਟ ਐਡੀਸ਼ਨ, ਸਪੈਸ਼ਲ ਐਡੀਸ਼ਨ ਅਤੇ ਸਟੈਂਡਰਡ ਤਿੰਨ ਮਾਡਲ ਮਾਰਕੀਟ ਵਿੱਚ ਉਪਲਬਧ ਹਨ। ਰਾਈਡ ਕਨੈਕਟ ਐਡੀਸ਼ਨ ਸੱਤ ਕਲਰ ਵੇਰੀਐਂਟਸ ਵਿੱਚ ਉਪਲਬਧ ਹੈ। ਸਪੈਸ਼ਲ ਐਡੀਸ਼ਨ ਪੰਜ ਰੰਗਾਂ ਵਿੱਚ ਉਪਲਬਧ ਹੈ। Suzuki Access 125 ਸਟੈਂਡਰਡ ਚਾਰ ਕਲਰ ਵਿਕਲਪਾਂ ਦੇ ਨਾਲ ਉਪਲਬਧ ਹੈ। ਇਸ ਸਕੂਟਰ ਵਿੱਚ 4-ਸਟ੍ਰੋਕ, 1-ਸਿਲੰਡਰ, ਏਅਰ-ਕੂਲਡ ਇੰਜਣ ਹੈ। ਦਿੱਲੀ 'ਚ ਇਸ ਸੁਜ਼ੂਕੀ ਦੋਪਹੀਆ ਵਾਹਨ ਦੀ ਐਕਸ-ਸ਼ੋਰੂਮ ਕੀਮਤ 80,700 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
