ਗਣੇਸ਼ ਚਤੁਰਥੀ 'ਤੇ ਮਾਰੁਤੀ, ਹੁੰਡਈ ਅਤੇ ਟਾਟਾ ਦੇ ਰਹੀ ਬੰਪਰ ਆਫਰ: ਕਾਰਾਂ 'ਤੇ 6 ਲੱਖ ਤੱਕ ਦੀ ਛੋਟ
ਜੇਕਰ ਤੁਸੀਂ ਵੀ ਨਵੀਂ ਕਾਰ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਡੇ ਹੱਥ ਗੋਲਡ ਮੌਕਾ ਹੈ। ਜੀ ਹਾਂ ਗਣੇਸ਼ ਚਤੁਰਥੀ 2025 ਦੇ ਨਾਲ ਹੀ ਭਾਰਤ ਵਿੱਚ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਹੋ ਗਈ ਹੈ। ਜਿਸ ਕਰਕੇ ਕਈ ਬ੍ਰੈਂਡ ਆਪਣੀ ਕਾਰਾਂ 'ਤੇ ਬੰਪਰ ਛੋਟ..
ਗਣੇਸ਼ ਚਤੁਰਥੀ 2025 ਦੇ ਨਾਲ ਹੀ ਭਾਰਤ ਵਿੱਚ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਹੋ ਗਈ ਹੈ। ਰਿਵਾਇਤ ਮੁਤਾਬਕ, ਇਸ ਸਮੇਂ ਕਾਰ ਖਰੀਦਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸੇ ਕਾਰਨ ਵੱਡੀਆਂ ਕਾਰ ਕੰਪਨੀਆਂ ਜਿਵੇਂ ਮਾਰੁਤੀ ਸੁਜ਼ੁਕੀ, ਹੁੰਡਈ, ਹੋਂਡਾ ਅਤੇ MG ਮੋਟਰਜ਼ ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਲਈ ਵੱਡੇ ਛੋਟ ਦੇ ਆਫ਼ਰ ਲੈ ਕੇ ਆਈਆਂ ਹਨ। ਇਸ ਵਾਰੀ ਆਫ਼ਰ ਇੰਨੇ ਵੱਡੇ ਹਨ ਕਿ ਕੁਝ ਮਾਡਲਾਂ 'ਤੇ 6 ਲੱਖ ਰੁਪਏ ਤੱਕ ਦੀ ਬਚਤ ਕੀਤੀ ਜਾ ਸਕਦੀ ਹੈ। ਆਓ ਵਿਸਥਾਰ ਨਾਲ ਜਾਣਦੇ ਹਾਂ।
MG ਮੋਟਰਜ਼ ਦਾ ਡਿਸਕਾਊਂਟ ਆਫ਼ਰ
MG ਮੋਟਰਜ਼ ਨੇ ਆਪਣੇ ਪਸੰਦੀਦਾ ਮਾਡਲਜ਼ ਕਾਮੇਟ EV, ZS EV, ਐਸਟਰ, ਹੈਕਟਰ ਅਤੇ ਗਲੋਸਟਰ 'ਤੇ ਖਾਸ ਡਿਸਕਾਊਂਟ ਦਾ ਐਲਾਨ ਕੀਤਾ ਹੈ। ਕਾਮੇਟ EV 'ਤੇ ਗਾਹਕਾਂ ਨੂੰ ਲਗਭਗ 56,000 ਰੁਪਏ ਦੀ ਛੋਟ ਮਿਲ ਰਹੀ ਹੈ, ਜਦਕਿ ZS EV ਅਤੇ ਐਸਟਰ 'ਤੇ 1.10 ਲੱਖ ਰੁਪਏ ਤੱਕ ਦੀ ਬਚਤ ਹੋ ਸਕਦੀ ਹੈ। ਹੈਕਟਰ ਖਰੀਦਣ ਵਾਲਿਆਂ ਲਈ ਕੰਪਨੀ 1.15 ਲੱਖ ਰੁਪਏ ਤੱਕ ਦਾ ਐਕਸਟਰਾ ਕੈਸ਼ ਬੋਨਸ ਦੇ ਰਹੀ ਹੈ। ਇਸਦੇ ਨਾਲ ਹੀ ਆਪਣੀ ਲਗਜ਼ਰੀ SUV ਗਲੋਸਟਰ 'ਤੇ MG ਮੋਟਰਜ਼ ਨੇ ਸਭ ਤੋਂ ਵੱਡਾ ਆਫ਼ਰ ਦਿੱਤਾ ਹੈ, ਜਿਸ ਵਿੱਚ ਗਾਹਕਾਂ ਨੂੰ 6 ਲੱਖ ਰੁਪਏ ਤੱਕ ਦੀ ਛੋਟ ਮਿਲ ਰਹੀ ਹੈ।
ਹੋਂਡਾ ਕਾਰਜ਼ ਦਾ "ਦ ਗਰੇਟ ਹੋਂਡਾ ਫੈਸਟ"
ਹੋਂਡਾ ਕਾਰਜ਼ ਇੰਡੀਆ ਲਿਮਿਟੇਡ ਅਗਸਤ 2025 ਵਿੱਚ "ਦ ਗਰੇਟ ਹੋਂਡਾ ਫੈਸਟ" ਮਨਾ ਰਹੀ ਹੈ। ਇਸ ਦੌਰਾਨ ਹੋਂਡਾ ਅਮੇਜ਼, ਹੋਂਡਾ ਸਿਟੀ ਅਤੇ ਐਲੀਵੇਟ ਵਰਗੇ ਮਾਡਲਜ਼ 'ਤੇ ਸ਼ਾਨਦਾਰ ਆਫ਼ਰ ਮਿਲ ਰਹੇ ਹਨ। ਹੋਂਡਾ ਸਿਟੀ 'ਤੇ 1.07 ਲੱਖ ਰੁਪਏ ਤੱਕ ਦਾ ਬੇਨਿਫਿਟ ਦਿੱਤਾ ਜਾ ਰਿਹਾ ਹੈ। ਇਸਦੇ ਨਾਲ, ਹਾਈਬ੍ਰਿਡ ਵਰਜਨ ਸਿਟੀ e:HEV 'ਤੇ 96,000 ਰੁਪਏ ਤੱਕ ਦੀ ਬਚਤ ਹੋਵੇਗੀ। ਹੋਂਡਾ ਐਲੀਵੇਟ ਦੇ ਟਾਪ-ਏਂਡ ZX ਮਾਡਲ 'ਤੇ ਸਭ ਤੋਂ ਵੱਧ ਫਾਇਦਾ ਹੈ, ਜਿਸ ਵਿੱਚ 1.22 ਲੱਖ ਰੁਪਏ ਤੱਕ ਦਾ ਆਫ਼ਰ ਸ਼ਾਮਲ ਹੈ। ਇਸਦੇ ਇਲਾਵਾ ਸੈਕੰਡ ਜਨਰੇਸ਼ਨ ਅਮੇਜ਼ 'ਤੇ ਵੀ ਗਾਹਕਾਂ ਨੂੰ 77,200 ਰੁਪਏ ਤੱਕ ਦੀ ਛੋਟ ਮਿਲ ਰਹੀ ਹੈ।
ਮਾਰੂਤੀ ਸੁਜ਼ੁਕੀ ਦੇ ਫੈਸਟਿਵ ਆਫ਼ਰ
ਮਾਰੂਤੀ ਸੁਜ਼ੁਕੀ ਨੇ ਇਸ ਗਣੇਸ਼ ਚਤੁਰਥੀ 'ਤੇ ਆਪਣੇ ਕਈ ਲੋਕਪ੍ਰਿਯ ਮਾਡਲਜ਼ 'ਤੇ ਵੱਡਾ ਡਿਸਕਾਊਂਟ ਪੇਸ਼ ਕੀਤਾ ਹੈ। ਜਿਮਨੀ ਦੇ ਅਲਫਾ ਵੈਰੀਅੰਟ 'ਤੇ ਕੰਪਨੀ 1 ਲੱਖ ਰੁਪਏ ਤੱਕ ਦੀ ਛੂਟ ਦੇ ਰਹੀ ਹੈ। ਸਵਿਫਟ AMT ਵੈਰੀਅੰਟ 'ਤੇ 1.1 ਲੱਖ ਰੁਪਏ ਤੱਕ ਅਤੇ ਵੈਗਨਆਰ LXi 'ਤੇ 1.15 ਲੱਖ ਰੁਪਏ ਤੱਕ ਦੀ ਬਚਤ ਹੋ ਰਹੀ ਹੈ। ਇਸਦੇ ਨਾਲ, MPV ਇਨਵਿਕਟੋ 'ਤੇ 1.25 ਲੱਖ ਰੁਪਏ ਅਤੇ SUV ਗਰੈਂਡ ਵਿਟਾਰਾ 'ਤੇ 2 ਲੱਖ ਰੁਪਏ ਤੱਕ ਦਾ ਡਿਸਕਾਊਂਟ ਆਫ਼ਰ ਕੀਤਾ ਜਾ ਰਿਹਾ ਹੈ।
ਹੁੰਡਈ ਕਾਰਜ਼ ਦਾ ਆਫ਼ਰ
ਹੁੰਡਈ ਵੀ ਇਸ ਫੈਸਟਿਵ ਸੀਜ਼ਨ ਵਿੱਚ ਪਿੱਛੇ ਨਹੀਂ ਹੈ। ਕੰਪਨੀ ਗਰੈਂਡ i10 ਨਿਓਸ ਅਤੇ ਐਕਸੈਂਟ 'ਤੇ 30,000 ਰੁਪਏ ਤੱਕ ਦਾ ਐਕਸਚੇਂਜ ਬੋਨਸ ਅਤੇ 25,000 ਰੁਪਏ ਤੱਕ ਦੀ ਐਕਸਟਰਾ ਛੋਟ ਦੇ ਰਹੀ ਹੈ। ਇਸਦੇ ਨਾਲ ਹੀ ਹੁੰਡਈ ਟਕਸਨ, ਅਲਕਾਜਾਰ, ਕ੍ਰੇਟਾ ਅਤੇ ਵਰਨਾ 'ਤੇ ਵੀ ਗਾਹਕਾਂ ਨੂੰ ਬਿਹਤਰੀਨ ਆਫ਼ਰ ਦਿੱਤੇ ਜਾ ਰਹੇ ਹਨ। ਖਾਸ ਗੱਲ ਇਹ ਹੈ ਕਿ ਹੁੰਡਈ ਆਇਓਨਿਕ 2024 ਮਾਡਲ 'ਤੇ ਸਿੱਧੇ 4 ਲੱਖ ਰੁਪਏ ਤੱਕ ਦੀ ਨਕਦ ਛੂਟ ਮਿਲ ਰਹੀ ਹੈ। ਇਹ ਜਾਣਨਾ ਜ਼ਰੂਰੀ ਹੈ ਕਿ ਗਾਹਕ ਕਾਰ ਖਰੀਦਣ ਤੋਂ ਪਹਿਲਾਂ ਆਪਣੇ ਸ਼ਹਿਰ ਅਤੇ ਡੀਲਰ ਤੋਂ ਡਿਸਕਾਊਂਟ ਦੀ ਸਹੀ ਜਾਣਕਾਰੀ ਲੈਣ। ਵੱਖ-ਵੱਖ ਜਗ੍ਹਾਂ ਅਤੇ ਡੀਲਰਸ਼ਿਪ 'ਤੇ ਆਫ਼ਰ ਦੀ ਰਕਮ ਬਦਲ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
