1000 ਰੁਪਏ 'ਚ ਤੁਹਾਡੀ ਹੋਏਗੀ Honda Activa Electric, 7.3 ਸੈਕਿੰਡ 'ਚ 0 ਤੋਂ 60 kmph ਦੀ ਰਫਤਾਰ ਫੜ ਲੈਂਦੀ, ਜਾਣੋ ਬੁੱਕਿੰਗ ਦੀ ਪੂਰੀ ਡਿਟੇਲ

ਇਸ ਸਮੇਂ ਵੱਖ-ਵੱਖ ਤਰ੍ਹਾਂ ਦੇ ਇਲੈਕਟ੍ਰਿਕ ਸਕੂਟਰ ਕਾਫੀ ਟ੍ਰੈਂਡ ਕਰ ਰਹੇ ਹਨ। ਲੋਕ ਕਾਫੀ ਸਮੇਂ ਤੋਂ Honda Activa ਵਾਲਿਆਂ ਦੇ ਇਲੈਕਟ੍ਰਿਕ ਸਕੂਟਰ ਦੀ ਉਡੀਕ ਕਰ ਰਹੇ ਸਨ। ਜੀ ਹਾਂ ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਨੇ ਇਲੈਕਟ੍ਰਿਕ ਸਕੂਟਰ

image source twitter

Source : twitter

Honda Activa Electric Booking Open: ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਨੇ ਇਲੈਕਟ੍ਰਿਕ ਸਕੂਟਰ ਐਕਟਿਵਾ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਹੌਂਡਾ ਐਕਟਿਵਾ ਇਲੈਕਟ੍ਰਿਕ ਨੂੰ ਦਿੱਲੀ, ਬੈਂਗਲੁਰੂ, ਮੁੰਬਈ ਵਿੱਚ ਹੌਂਡਾ ਡੀਲਰਸ਼ਿਪਾਂ 'ਤੇ ਬੁੱਕ ਕੀਤਾ ਜਾ ਸਕਦਾ ਹੈ। ਇਸ ਸਕੂਟਰ (Scooter) ਨੂੰ ਬੁੱਕ ਕਰਨ ਲਈ ਗਾਹਕ 1,000 ਰੁਪਏ ਦੀ ਟੋਕਨ ਰਕਮ ਦੇ ਕੇ ਬੁੱਕ ਕਰਵਾ ਸਕਦੇ ਹਨ। ਇਸ ਸਕੂਟਰ ਦੀ ਡਿਲੀਵਰੀ ਫਰਵਰੀ 2025 ਤੋਂ ਸ਼ੁਰੂ ਹੋਵੇਗੀ।

ਐਕਟਿਵਾ ਇਲੈਕਟ੍ਰਿਕ ਦੀ ਟਾਪ-ਸਪੀਡ ਕੀ ਹੈ? 

ਹੌਂਡਾ ਨੇ ਹਾਲ ਹੀ 'ਚ ਆਪਣਾ ਇਲੈਕਟ੍ਰਿਕ ਸਕੂਟਰ ਲਾਂਚ ਕੀਤਾ ਹੈ। Honda Activa e ਵਿੱਚ 1.5 kWh ਦਾ ਬੈਟਰੀ ਪੈਕ ਲਗਾਇਆ ਗਿਆ ਹੈ, ਜਿਸ ਨੂੰ Honda ਦੇ ਪਾਵਰ ਪੈਕ ਐਕਸਚੇਂਜਰ ਈ-ਬੈਟਰੀ ਸਵੈਪਿੰਗ ਸਟੇਸ਼ਨ ਨਾਲ ਬਦਲਿਆ ਜਾ ਸਕਦਾ ਹੈ। ਹੌਂਡਾ ਦੇ ਇਸ ਇਲੈਕਟ੍ਰਿਕ ਸਕੂਟਰ ਦੀ IDC ਰੇਂਜ 102 ਕਿਲੋਮੀਟਰ ਹੈ। ਇਸ ਸਕੂਟਰ 'ਚ ਲਗਾਈ ਗਈ ਬੈਟਰੀ 6 kW ਦੀ ਪਾਵਰ ਦਿੰਦੀ ਹੈ ਅਤੇ 22 Nm ਦਾ ਟਾਰਕ ਜਨਰੇਟ ਕਰਦੀ ਹੈ।

ਐਕਟਿਵਾ ਈ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟਾਪ-ਸਪੀਡ ਤੱਕ ਪਹੁੰਚਣ ਦਾ ਦਾਅਵਾ ਕਰਦੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਕਿਹਾ ਹੈ ਕਿ ਇਹ ਸਕੂਟਰ 7.3 ਸੈਕਿੰਡ 'ਚ 0 ਤੋਂ 60 kmph ਦੀ ਰਫਤਾਰ ਫੜ ਸਕਦਾ ਹੈ।

ਹੌਂਡਾ ਐਕਟਿਵਾ ਇਲੈਕਟ੍ਰਿਕ ਕਿੰਨੇ ਰੂਪਾਂ ਵਿੱਚ ਉਪਲਬਧ ਹੈ?

ਹੌਂਡਾ ਐਕਟਿਵਾ ਇਲੈਕਟ੍ਰਿਕ ਦੋ ਵੇਰੀਐਂਟ ਨਾਲ ਬਾਜ਼ਾਰ 'ਚ ਆ ਗਈ ਹੈ। ਇਸ ਵਿੱਚ ਦੋ ਵੇਰੀਐਂਟ ਸ਼ਾਮਲ ਹਨ, ਇੱਕ ਸਟੈਂਡਰਡ ਅਤੇ ਦੂਜਾ Honda RoadSync Duo। ਇਸ ਈ-ਸਕੂਟਰ ਦਾ ਵਜ਼ਨ 118 ਕਿਲੋ ਤੋਂ 119 ਕਿਲੋ ਤੱਕ ਹੈ। ਇਸ ਇਲੈਕਟ੍ਰਿਕ ਸਕੂਟਰ ਦੀ ਗਰਾਊਂਡ ਕਲੀਅਰੈਂਸ 171 mm ਹੈ। ਇਸ ਦੋਪਹੀਆ ਵਾਹਨ 'ਚ 160mm ਫਰੰਟ ਡਿਸਕ ਬ੍ਰੇਕ ਅਤੇ 130mm ਰੀਅਰ ਡਰੱਮ ਬ੍ਰੇਕ ਦੀ ਵਰਤੋਂ ਕੀਤੀ ਗਈ ਹੈ। ਇਸ EV ਦੇ ਦੋਵੇਂ ਪਹੀਆਂ 'ਚ 12-ਇੰਚ ਦੇ ਪਹੀਏ ਹਨ।

ਐਕਟਿਵਾ ਈ 'ਚ ਤਿੰਨ ਰਾਈਡਿੰਗ ਮੋਡ ਦਿੱਤੇ ਗਏ ਹਨ। ਇਹ ਈਕੋ, ਸਟੈਂਡਰਡ ਅਤੇ ਸਪੋਰਟ ਮੋਡ ਵਿੱਚ ਚੱਲ ਸਕਦਾ ਹੈ। ਇਸ ਦੇ ਬੇਸ ਵੇਰੀਐਂਟ 'ਚ 5-ਇੰਚ ਦੀ TFT ਡਿਸਪਲੇ ਹੈ, ਜਿਸ ਦੇ ਨਾਲ ਬਲੂਟੁੱਥ ਕਨੈਕਟੀਵਿਟੀ ਦਿੱਤੀ ਗਈ ਹੈ।

 

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।