Tata ਦੀ ਇਸ ਗੱਡੀ 'ਤੇ ਮਿਲ ਰਿਹਾ 2.5 ਲੱਖ ਤੋਂ ਵੀ ਜ਼ਿਆਦਾ ਡਿਸਕਾਊਂਟ? ਇੱਥੇ ਜਾਣੋ ਕੀਮਤ
Tata Motors Discount Offer: ਟਾਟਾ ਦੀਆਂ ਹੈਰੀਅਰ, ਨੈਕਸਨ, ਅਲਟਰੋਜ਼ ਅਤੇ ਪੰਚ ਵਰਗੀਆਂ ਸਾਰੀਆਂ ਕਾਰਾਂ 'ਤੇ ਬੈਨੀਫਿਟਸ ਦਿੱਤਾ ਜਾ ਰਿਹਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਗੱਡੀਆਂ ਵਿੱਚ ਕਿਸ ਮਾਡਲ 'ਤੇ ਸਭ ਤੋਂ ਵੱਧ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ।
Tata Cars Discount Offer: ਟਾਟਾ ਮੋਟਰਜ਼ ਦੀਆਂ ਕਈ ਗੱਡੀਆਂ 'ਤੇ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ। ਟਾਟਾ ਹੈਰੀਅਰ ਤੋਂ ਲੈ ਕੇ ਪੰਚ ਤੱਕ ਡਿਸਕਾਊਂਟ ਆਫਰ ਦੀ ਸੂਚੀ 'ਚ ਕਈ ਗੱਡੀਆਂ ਦੇ ਨਾਂ ਸ਼ਾਮਲ ਹਨ। ਇਨ੍ਹਾਂ ਵਾਹਨਾਂ 'ਤੇ 2.75 ਲੱਖ ਰੁਪਏ ਤੱਕ ਦਾ ਵੱਧ ਤੋਂ ਵੱਧ ਲਾਭ ਦਿੱਤਾ ਜਾ ਰਿਹਾ ਹੈ। ਆਓ ਜਾਣਦੇ ਹਾਂ ਨਵੰਬਰ 2024 'ਚ ਟਾਟਾ ਦੀ ਕਿਹੜੀ ਗੱਡੀ 'ਤੇ ਸਭ ਤੋਂ ਜ਼ਿਆਦਾ ਛੋਟ ਦਿੱਤੀ ਜਾ ਰਹੀ ਹੈ।
Tata ਦੀ ਇਸ ਕਾਰ 'ਤੇ ਸਭ ਤੋਂ ਜ਼ਿਆਦਾ ਡਿਸਕਾਊਂਟ
ਟਾਟਾ ਵਾਹਨਾਂ 'ਚ ਸਭ ਤੋਂ ਜ਼ਿਆਦਾ ਡਿਸਕਾਊਂਟ ਆਫਰ ਹੈਰੀਅਰ ਅਤੇ ਸਫਾਰੀ 'ਤੇ ਦਿੱਤਾ ਜਾ ਰਿਹਾ ਹੈ। ਬਹੁਤ ਸਾਰੇ ਡੀਲਰਾਂ ਕੋਲ ਇਨ੍ਹਾਂ ਗੱਡੀਆਂ ਦੇ ਪ੍ਰੀ-ਫੇਸਲਿਫਟ ਮਾਡਲ ਹਨ, ਜੋ ਕਿ ਦਮਦਾਰ ਕੈਸ਼ ਡਿਸਕਾਊਂਟ ਅਤੇ ਐਕਸਚੇਂਜ ਬੋਨਸ ਦੇ ਨਾਲ ਮਾਰਕਿਟ ਵਿੱਚ ਵੇਚੇ ਜਾ ਰਹੇ ਹਨ। ਟਾਟਾ ਦੀਆਂ ਇਨ੍ਹਾਂ ਕਾਰਾਂ 'ਤੇ 2.75 ਲੱਖ ਰੁਪਏ ਤੱਕ ਦਾ ਲਾਭ ਦਿੱਤਾ ਜਾ ਰਿਹਾ ਹੈ। ਸਾਲ 2023 ਦੇ ਤਾਜ਼ਾ ਮਾਡਲਾਂ 'ਤੇ 1.75 ਲੱਖ ਰੁਪਏ ਤੱਕ ਦਾ ਆਫਰ ਮਿਲ ਰਿਹਾ ਹੈ।
ਟਾਟਾ ਹੈਰੀਅਰ ਅਤੇ ਸਫਾਰੀ ਦੇ MY2024 ਮਾਡਲਸ 'ਤੇ 25 ਹਜ਼ਾਰ ਰੁਪਏ ਤੱਕ ਦੇ ਫਾਇਦੇ ਮਿਲ ਰਹੇ ਹਨ। ਟਾਟਾ ਹੈਰੀਅਰ 5-ਸੀਟਰ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 14.99 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 25.89 ਲੱਖ ਰੁਪਏ ਤੱਕ ਹੈ। ਜਦਕਿ 3-ਰੋ ਸਫਾਰੀ ਦੀ ਐਕਸ-ਸ਼ੋਰੂਮ ਕੀਮਤ 15.49 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 26.79 ਲੱਖ ਰੁਪਏ ਤੱਕ ਜਾਂਦੀ ਹੈ।
Tata Nexon 'ਤੇ ਡਿਸਕਾਊਂਟ ਆਫਰ
Tata Nexon ਦੇ ਪ੍ਰੀ-ਫੇਸਲਿਫਟ ਮਾਡਲ 'ਤੇ 1.35 ਲੱਖ ਰੁਪਏ ਤੱਕ ਦਾ ਡਿਸਕਾਊਂਟ ਆਫਰ ਦਿੱਤਾ ਜਾ ਰਿਹਾ ਹੈ। ਸਾਲ 2023 'ਚ ਆਉਣ ਵਾਲੇ ਮਾਡਲ 'ਤੇ 80 ਹਜ਼ਾਰ ਰੁਪਏ ਦੇ ਬੈਨੀਫਿਟਸ ਦਿੱਤੇ ਜਾ ਰਹੇ ਹਨ। MY24 ਮਾਡਲ 'ਤੇ 30 ਹਜ਼ਾਰ ਰੁਪਏ ਤੱਕ ਦਾ ਆਫਰ ਸ਼ਾਮਲ ਹੈ। Tata Nexon ਦੇ ਕੁੱਲ 100 ਵੇਰੀਐਂਟ ਬਾਜ਼ਾਰ 'ਚ ਉਪਲਬਧ ਹਨ। ਇਨ੍ਹਾਂ ਸਾਰੇ ਵੇਰੀਐਂਟਸ 'ਤੇ ਆਫਰਸ 'ਚ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਟਾਟਾ ਦੀ ਇਸ ਗੱਡੀ ਦੀ ਐਕਸ-ਸ਼ੋਰੂਮ ਕੀਮਤ 7.99 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
Tata ਦੇ ਇਨ੍ਹਾਂ ਮਾਡਲਸ 'ਤੇ ਮਿਲ ਰਿਹਾ ਫਾਇਦਾ
Tata Tiago ਅਤੇ Tigor ਦੇ MY2023 ਮਾਡਲਾਂ 'ਤੇ 1 ਲੱਖ ਰੁਪਏ ਤੋਂ ਜ਼ਿਆਦਾ ਦੇ ਫਾਇਦੇ ਦਿੱਤੇ ਜਾ ਰਹੇ ਹਨ। ਇਨ੍ਹਾਂ ਗੱਡੀਆਂ 'ਤੇ 1.15 ਲੱਖ ਰੁਪਏ ਤੱਕ ਦੀ ਬੱਚਤ ਕੀਤੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਟਾਟਾ ਅਲਟਰੋਜ਼ ਦੇ 2023 ਮਾਡਲ 'ਤੇ 1.05 ਲੱਖ ਰੁਪਏ ਤੱਕ ਦਾ ਡਿਸਕਾਊਂਟ ਆਫਰ ਉਪਲਬਧ ਹੈ। ਪਿਛਲੇ ਸਾਲ ਲਾਂਚ ਕੀਤੇ ਗਏ ਟਾਟਾ ਪੰਚ ਮਾਡਲ 'ਤੇ 40 ਹਜ਼ਾਰ ਰੁਪਏ ਤੱਕ ਦੇ ਫਾਇਦੇ ਮਿਲ ਰਹੇ ਹਨ।
Tata Tiago ਦੀ ਐਕਸ-ਸ਼ੋਰੂਮ ਕੀਮਤ 5 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 8.75 ਲੱਖ ਰੁਪਏ ਤੱਕ ਜਾਂਦੀ ਹੈ।
Tata Tigor ਦੀ ਐਕਸ-ਸ਼ੋਅਰੂਮ ਕੀਮਤ 6 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸ ਦੇ ਟਾਪ ਵੇਰੀਐਂਟ ਦੀ ਕੀਮਤ 9.40 ਲੱਖ ਰੁਪਏ ਤੱਕ ਜਾਂਦੀ ਹੈ।
Tata Altroz ਦੀ ਐਕਸ-ਸ਼ੋਰੂਮ ਕੀਮਤ 6.50 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 11.16 ਲੱਖ ਰੁਪਏ ਤੱਕ ਜਾਂਦੀ ਹੈ।
ਟਾਟਾ ਪੰਚ ਦੀ ਐਕਸ-ਸ਼ੋਰੂਮ ਕੀਮਤ 6.13 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸ ਦੇ ਟਾਪ ਵੇਰੀਐਂਟ ਦੀ ਕੀਮਤ 10.15 ਲੱਖ ਰੁਪਏ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
