19 kmpl ਦੀ ਮਾਈਲੇਜ, 6 ਏਅਰਬੈਗਸ ਤੇ ਦਮਦਾਰ ਪਾਵਰ, ਨਵੀਂ Honda Amaze 'ਚ ਹੋਰ ਕੀ ਕੁਝ ਖ਼ੂਬੀਆਂ

ਨਵੀਂ Honda Amaze ਨੂੰ ਹਾਲ ਹੀ 'ਚ ਭਾਰਤੀ ਬਾਜ਼ਾਰ 'ਚ ਲਾਂਚ ਕੀਤਾ ਗਿਆ ਹੈ। ਇਸ ਗੱਡੀ ਨੂੰ 8 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ ਨਾਲ ਬਾਜ਼ਾਰ 'ਚ ਉਤਾਰਿਆ ਗਿਆ ਹੈ।

honda amaze

ਅਮੇਜ਼ ਦੇ ਇਸ ਨਵੇਂ ਮਾਡਲ ਦੀ ਲੰਬਾਈ 3995 ਮਿਲੀਮੀਟਰ ਹੈ। ਇਸ ਗੱਡੀ ਨੂੰ 172 ਐਮਐਮ ਦੀ ਗਰਾਊਂਡ ਕਲੀਅਰੈਂਸ ਦਿੱਤੀ ਗਈ ਹੈ। ਹੌਂਡਾ ਦੀ ਇਸ ਕਾਰ ਨੂੰ ਤਿੰਨ ਟ੍ਰਿਮਸ- V, VX ਅਤੇ ZX ਵਿੱਚ ਲਿਆਂਦਾ ਗਿਆ ਹੈ। ਇਸ ਵਾਹਨ ਵਿੱਚ 416 ਲੀਟਰ ਦੀ ਬੂਟ-ਸਪੇਸ ਵੀ ਹੈ।

ਨਵੀਂ Honda Amaze 'ਚ E2O ਦੇ ਨਾਲ 1.2-ਲੀਟਰ ਪੈਟਰੋਲ, 4-ਸਿਲੰਡਰ ਇੰਜਣ ਹੈ। ਵਾਹਨ 'ਚ ਲਗਾਇਆ ਗਿਆ ਇਹ ਇੰਜਣ 90 PS ਦੀ ਪਾਵਰ ਦਿੰਦਾ ਹੈ ਅਤੇ 110 Nm ਦਾ ਟਾਰਕ ਜਨਰੇਟ ਕਰਦਾ ਹੈ।

ਇਸ ਕਾਰ ਵਿੱਚ ਦੋ ਗਿਅਰ ਬਾਕਸ ਵਿਕਲਪ ਉਪਲਬਧ ਹਨ। ਇਹ ਕਾਰ 5-ਸਪੀਡ ਮੈਨੂਅਲ ਟ੍ਰਾਂਸਮਿਸ਼ਨ ਦੇ ਨਾਲ 18.65 kmpl ਦੀ ਮਾਈਲੇਜ ਦਿੰਦੀ ਹੈ। ਇਸ ਕਾਰ ਵਿੱਚ ਪੈਡਲ ਸ਼ਿਫਟਰਾਂ ਦੇ ਨਾਲ CVT ਆਟੋਮੈਟਿਕ ਟ੍ਰਾਂਸਮਿਸ਼ਨ ਦਾ ਵਿਕਲਪ ਵੀ ਹੈ, ਜਿਸ ਕਾਰਨ ਇਹ ਕਾਰ 19.46 kmpl ਦੀ ਮਾਈਲੇਜ ਦੇਣ ਦਾ ਦਾਅਵਾ ਕਰਦੀ ਹੈ।

ਇਸ ਹੌਂਡਾ ਕਾਰ ਦੇ ਸਟਾਈਲ ਦੀ ਗੱਲ ਕਰੀਏ ਤਾਂ ਇਸ 'ਚ ਕ੍ਰੋਮ ਦੇ ਨਾਲ ਫਲੈਗ ਪੈਟਰਨ ਗ੍ਰਿਲ ਹੈ। ਕਾਰ ਦੇ ਅਗਲੇ ਹਿੱਸੇ 'ਚ DRL ਅਤੇ ਟਰਨ ਇੰਡੀਕੇਟਰ ਦੇ ਨਾਲ LED ਪ੍ਰੋਜੈਕਟਰ ਹੈੱਡਲੈਂਪਸ ਦੀ ਵਰਤੋਂ ਕੀਤੀ ਗਈ ਹੈ।

ਵਾਹਨ ਦੇ ਪਿਛਲੇ ਹਿੱਸੇ 'ਚ LED ਟੇਲਲੈਂਪਸ, ਸ਼ਾਰਕ ਫਿਨ ਐਂਟੀਨਾ, 15-ਇੰਚ ਡਾਇਮੰਡ ਕੱਟ ਅਲੌਏ ਵ੍ਹੀਲ ਅਤੇ ਪਾਵਰ ਐਡਜਸਟੇਬਲ ORVM ਲਗਾਏ ਗਏ ਹਨ।

ਇਸ ਗੱਡੀ ਦੇ ਇੰਟੀਰੀਅਰ ਨੂੰ ਬੇਜ ਅਤੇ ਬਲੈਕ ਟੂ-ਟੋਨ ਕਲਰ ਕੰਬੀਨੇਸ਼ਨ ਨਾਲ ਲਿਆਂਦਾ ਗਿਆ ਹੈ। ਇਸ ਕਾਰ 'ਚ ਵਾਇਰਲੈੱਸ ਚਾਰਜਿੰਗ ਦੇ ਨਾਲ-ਨਾਲ 8-ਇੰਚ ਟੱਚਸਕਰੀਨ, ਵਾਇਰਲੈੱਸ ਐਂਡਰਾਇਡ ਆਟੋ ਅਤੇ ਐਪਲ ਕਾਰ ਪਲੇਅ ਦੀ ਵਿਸ਼ੇਸ਼ਤਾ ਹੈ।

ਕਨੈਕਟਡ ਕਾਰ ਟੈਕਨਾਲੋਜੀ ਦੇ ਨਾਲ-ਨਾਲ ਯਾਤਰੀਆਂ ਦੀ ਸੁਰੱਖਿਆ ਲਈ ਹੌਂਡਾ ਕਾਰ 'ਚ ADAS ਫੀਚਰ ਵੀ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਇਲੈਕਟ੍ਰਾਨਿਕ ਸਟੇਬਿਲਿਟੀ ਕੰਟਰੋਲ ਦੇ ਨਾਲ 6 ਏਅਰਬੈਗ ਵੀ ਦਿੱਤੇ ਗਏ ਹਨ।