ਮੋਦੀ ਦਾ ਸੁਫਨਾ ਚਕਨਾਚੂਰ! ਪੈਟਰੋਲ ’ਚ ਈਥਾਨੌਲ ਮਿਲਾਉਣ ਦਾ ਵਾਹਨਾਂ ’ਤੇ ਪੈਣ ਲੱਗਾ ਮਾੜਾ ਅਸਰ, ਇੰਜਣ ’ਤੇ ਪੈ ਰਿਹਾ ਪ੍ਰਭਾਵ

ਜੰਮੂ-ਕਸ਼ਮੀਰ ਪੈਟਰੋਲ ਪੰਪ ਡੀਲਰਜ਼ ਐਸੋਸੀਏਸ਼ਨ ਦੇ ਅਨੁਸਾਰ, ਭਾਰਤ ਸਰਕਾਰ ਨੇ ਇਹ ਹੁਕਮ ਗੁਪਤ ਰੂਪ ਵਿੱਚ ਲਾਗੂ ਕੀਤਾ ਹੈ; ਜਿਸ ਵਿੱਚ ਉਸ ਨੇ ਪੈਟਰੋਲ ਵਿੱਚ 10% ਈਥਨੌਲ ਮਿਲਾਉਣ ਨੂੰ ਹਰੀ ਝੰਡੀ ਦਿੱਤੀ ਹੈ।

ਸੰਕੇਤਕ ਤਸਵੀਰ

ਜੰਮੂ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਇੱਕ ਹੋਰ ਸੁਫਨਾ ਚਕਨਾਚੂਰ ਹੁੰਦਾ ਦਿਖਾਈ ਦੇ ਰਿਹਾ ਹੈ। ਮੋਦੀ ਨੇ ਪੈਟਰੋਲ ਦੀਆਂ ਕੀਮਤਾਂ ਨੂੰ ਠੱਲ੍ਹ ਪਾਉਣ ਲਈ ਈਥਾਨੌਲ ਮਿਲਾਉਣ ਦੇ ਫਾਰਮੂਲੇ ਨੂੰ ਬੜੇ ਜ਼ੋਰ-ਸ਼ੋਰ ਨਾਲ ਉਭਾਰਿਆ ਸੀ। ਇਸ ਲਈ ਹੁਣ ਭਾਰਤ ਸਰਕਾਰ ਨੇ ਪੈਟਰੋਲ ਕੰਪਨੀਆਂ ਨੂੰ ਪੈਟਰੋਲ ਵਿੱਚ 10 ਪ੍ਰਤੀਸ਼ਤ ਈਥਾਨੌਲ ਦਾ ਮਿਸ਼ਰਣ ਲੈਣ ਦੀ ਆਗਿਆ ਦੇ ਦਿੱਤੀ ਹੈ।

ਹੁਣ ਵੱਡਾ ਖੁਲਾਸਾ ਹੋਇਆ ਹੈ ਕਿ ਇਸ ਦਾ ਪੈਟਰੋਲ ਵਾਹਨਾਂ 'ਤੇ ਮਾੜਾ ਪ੍ਰਭਾਵ ਪੈ ਰਿਹਾ ਹੈ। ਜੰਮੂ-ਕਸ਼ਮੀਰ ਪੈਟਰੋਲ ਪੰਪ ਡੀਲਰਜ਼ ਐਸੋਸੀਏਸ਼ਨ ਦਾ ਦਾਅਵਾ ਹੈ ਕਿ ਪੈਟਰੋਲ ਦੇ ਪਾਣੀ ਦੇ ਸੰਪਰਕ ਵਿੱਚ ਆਉਣ ਵਾਲੇ ਸਾਰੇ ਈਥਾਨੌਲ ਪਾਣੀ ਵਿੱਚ ਬਦਲ ਜਾਂਦੇ ਹਨ ਜੋ ਵਾਹਨ ਦੇ ਇੰਜਣ ਨੂੰ ਪ੍ਰਭਾਵਤ ਕਰ ਸਕਦੇ ਹਨ।

ਜੰਮੂ-ਕਸ਼ਮੀਰ ਪੈਟਰੋਲ ਪੰਪ ਡੀਲਰਜ਼ ਐਸੋਸੀਏਸ਼ਨ ਦੇ ਅਨੁਸਾਰ, ਭਾਰਤ ਸਰਕਾਰ ਨੇ ਇਹ ਹੁਕਮ ਗੁਪਤ ਰੂਪ ਵਿੱਚ ਲਾਗੂ ਕੀਤਾ ਹੈ; ਜਿਸ ਵਿੱਚ ਉਸ ਨੇ ਪੈਟਰੋਲ ਵਿੱਚ 10% ਈਥਨੌਲ ਮਿਲਾਉਣ ਨੂੰ ਹਰੀ ਝੰਡੀ ਦਿੱਤੀ ਹੈ। ਐਸੋਸੀਏਸ਼ਨ ਅਨੁਸਾਰ, ਈਥਾਨੌਲ ਗੰਨੇ ਦੇ ਰਸ ਤੋਂ ਬਣਾਇਆ ਜਾਂਦਾ ਹੈ ਤੇ ਜੇ ਕਰ ਇਸ ਨੂੰ ਪੈਟਰੋਲ ਵਿੱਚ ਪਾਣੀ ਨੂੰ ਮਿਲਾਇਆ ਜਾਂਦਾ ਹੈ ਤੇ ਇਹ ਪੈਟਰੋਲ ਪਾਣੀ ਦੇ ਸੰਪਰਕ ਵਿਚ ਆਉਂਦਾ ਹੈ, ਤਾਂ ਪੈਟਰੋਲ ਵਿੱਚ ਪਾਇਆ ਜਾਣ ਵਾਲਾ ਸਾਰਾ ਈਥਾਨੌਲ ਪਾਣੀ ਬਣ ਜਾਵੇਗਾ।

ਐਸੋਸੀਏਸ਼ਨ ਇਹ ਦਾਅਵਾ ਕਰ ਰਹੀ ਹੈ ਕਿ ਪੈਟਰੋਲ ਨਾਲੋਂ ਪਾਣੀ ਭਾਰੀ ਹੈ, ਇਸ ਲਈ ਹੌਲੀ ਹੌਲੀ ਟੈਂਕ ਵਿਚ ਪਿਆ ਸਾਰਾ ਈਥਾਨੌਲ ਪਾਣੀ ਬਣ ਜਾਵੇਗਾ ਅਤੇ ਬੈਠ ਜਾਵੇਗਾ ਅਤੇ ਅੰਤ ਵਿਚ, ਇਹ ਵਾਹਨਾਂ ਦੇ ਇੰਜਣ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਤ ਕਰੇਗਾ।

ਐਸੋਸੀਏਸ਼ਨ ਦੇ ਪ੍ਰਧਾਨ ਆਨਨ ਸ਼ਰਮਾ ਅਨੁਸਾਰ, ਇਹ ਪ੍ਰਕਿਰਿਆ ਇਸ ਮਹੀਨੇ ਦੀ 9 ਤਰੀਕ ਤੋਂ ਜੰਮੂ ਕਸ਼ਮੀਰ ਵਿੱਚ ਸ਼ੁਰੂ ਹੋ ਗਈ ਹੈ ਅਤੇ ਕਈ ਵਾਹਨਾਂ ਦੇ ਇੰਜਣ ਰੁਕ ਗਏ ਹਨ। ਉਨ੍ਹਾਂ ਕਿਹਾ ਕਿ ਗਾਹਕ ਈਥਾਨੌਲ ਨਾਲ ਭਰੇ ਪੈਟਰੋਲ ਵੇਚਣ ਬਾਰੇ ਨਹੀਂ ਜਾਣਦੇ ਅਤੇ ਕਿਸੇ ਵੀ ਵਾਹਨ ਵਿੱਚ ਵਾਹਨ ਚਾਲਕ ਸਿੱਧੇ ਤੌਰ ‘ਤੇ ਪੈਟਰੋਲ ਪੰਪ‘ ਤੇ ਸ਼ਿਕਾਇਤ ਕਰਦੇ ਹਨ।

ਐਸੋਸੀਏਸ਼ਨ ਨੇ ਮੰਗ ਕੀਤੀ ਕਿ ਸਰਕਾਰ ਨੂੰ ਇਹ ਜਨਤਕ ਕਰਨਾ ਚਾਹੀਦਾ ਹੈ ਕਿ ਈਥਾਨੋਲ ਨੂੰ ਪੈਟਰੋਲ ਵਿਚ ਮਿਲਾਇਆ ਜਾ ਰਿਹਾ ਹੈ ਅਤੇ ਪੈਟਰੋਲ ਚਾਲਕਾਂ ਨੂੰ ਪਾਣੀ ਦੇ ਸੰਪਰਕ ਵਿਚ ਆਉਣ ਦੀ ਆਗਿਆ ਨਾ ਦਿੱਤੀ ਜਾਵੇ। ਉਨ੍ਹਾਂ ਕਿਹਾ ਕਿ ਪੈਟਰੋਲ ਵਿੱਚ ਈਥਾਨੌਲ ਮਿਲਾਉਣ ਪਿੱਛੇ ਸਰਕਾਰ ਦਾ ਮਨੋਰਥ ਪੈਟਰੋਲ ਦੀ ਦਰਾਮਦ ਨੂੰ ਘਟਾਉਣਾ ਹੈ, ਪਰ ਆਮ ਲੋਕਾਂ ਨੂੰ ਇਸ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਇਹ ਵੀ ਪੜ੍ਹੋ: LPG Price: ਰਾਹਤ ਦੀ ਖ਼ਬਰ! ਹੁਣ ਖਾਣਾ ਪਕਾਉਣਾ ਹੋਵੇਗਾ ਸਸਤਾ, ਬੱਸ ਅਪਨਾਓ ਇਹ ਤਰੀਕੇ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904