EPFO ਵੱਲੋਂ ਵੱਡੀ ਖੁਸ਼ਖਬਰੀ! ਆਟੋ ਸੈਟਲਮੈਂਟ ਐਡਵਾਂਸ ਕਲੇਮ ਨੂੰ ਲੈ ਕੇ ਵੱਡਾ ਅਪਡੇਟ, ਹੁਣ 1 ਲੱਖ ਤੋਂ ਵਧਾ ਕੇ ਕੀਤੇ ਇੰਨੇ ਲੱਖ
ਸਰਕਾਰੀ ਕਰਮਚਾਰੀਆਂ ਲਈ ਵੱਡੀ ਖ਼ੁਸ਼ਖਬਰੀ ਆਈ ਹੈ। ਕੇਂਦਰੀ ਸਰਕਾਰ ਦੇ ਕਰਮਚਾਰੀਆਂ ਦੇ ਭਵਿੱਖ ਨਿਧੀ ਸੰਸਥਾਨ (EPFO) ਨੇ ਆਪਣੇ ਮੈਂਬਰਾਂ ਨੂੰ ਵੱਡੀ ਰਾਹਤ ਦਿੰਦਿਆਂ ਆਟੋ-ਸੈਟਲਮੈਂਟ ਐਡਵਾਂਸ ਕਲੇਮ (ASAC) ਦੀ ਸੀਮਾ 1 ਲੱਖ ਤੋਂ ਵਧਾ ਦਿੱਤੀ ਹੈ..
ਸਰਕਾਰੀ ਕਰਮਚਾਰੀਆਂ ਲਈ ਵੱਡੀ ਖ਼ੁਸ਼ਖਬਰੀ ਆਈ ਹੈ। ਕੇਂਦਰੀ ਸਰਕਾਰ ਦੇ ਕਰਮਚਾਰੀਆਂ ਦੇ ਭਵਿੱਖ ਨਿਧੀ ਸੰਸਥਾਨ (EPFO) ਨੇ ਆਪਣੇ ਮੈਂਬਰਾਂ ਨੂੰ ਵੱਡੀ ਰਾਹਤ ਦਿੰਦਿਆਂ ਆਟੋ-ਸੈਟਲਮੈਂਟ ਐਡਵਾਂਸ ਕਲੇਮ (ASAC) ਦੀ ਸੀਮਾ 1 ਲੱਖ ਤੋਂ ਵਧਾ ਕੇ 5 ਲੱਖ ਰੁਪਏ ਕਰਨ ਦਾ ਫੈਸਲਾ ਲਿਆ ਹੈ।
ਗੌਰਤਲਬ ਹੈ ਕਿ ਪਿਛਲੇ ਹਫ਼ਤੇ, ਸ਼ਰਮ ਅਤੇ ਰੋਜ਼ਗਾਰ ਮੰਤਰਾਲੇ ਦੀ ਸਕੱਤਰ ਸੁਮਿਤਾ ਡੌਰਾ ਨੇ ਸੈਂਟਰਲ ਬੋਰਡ ਆਫ਼ ਟਰਸਟੀਜ਼ (CBT) ਦੀ 113ਵੀਂ ਕਾਰਜਕਾਰੀ ਕਮੇਟੀ (EC) ਦੀ ਮੀਟਿੰਗ ਦੌਰਾਨ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ। ਇਹ ਮੀਟਿੰਗ 28 ਮਾਰਚ ਨੂੰ ਸ਼੍ਰੀਨਗਰ ਵਿੱਚ ਹੋਈ, ਜਿਸ ਵਿੱਚ EPFO ਦੇ ਕੇਂਦਰੀ ਭਵਿੱਖ ਨਿਧੀ ਆਯੁਕਤ ਰਮੇਸ਼ ਕ੍ਰਿਸ਼ਨਮੂਰਤੀ ਵੀ ਸ਼ਾਮਲ ਹੋਏ।
ਹਾਲਾਂਕਿ, ਹੁਣ ਇਹ ਸਿਫਾਰਸ਼ ਅੰਤਿਮ ਮਨਜ਼ੂਰੀ ਲਈ CBT ਨੂੰ ਭੇਜੀ ਜਾਵੇਗੀ। ਜਦੋਂ ਇਹ ਪ੍ਰਸਤਾਵ ਅਧਿਕਾਰਕ ਤੌਰ 'ਤੇ ਪਾਸ ਹੋ ਜਾਵੇਗਾ, ਤਾਂ EPFO ਦੇ ਮੈਂਬਰ 5 ਲੱਖ ਰੁਪਏ ਤੱਕ ਦਾ ਐਡਵਾਂਸ PF ਕਲੇਮ ਕਰ ਸਕਣਗੇ।
EPFO ਆਟੋ ਕਲੇਮ ਦੀ ਸ਼ੁਰੂਆਤ ਕਿਵੇਂ ਹੋਈ?
EPFO ਨੇ ਅਪ੍ਰੈਲ 2020 ਵਿੱਚ ਆਟੋ-ਕਲੇਮ ਸੁਵਿਧਾ ਦੀ ਸ਼ੁਰੂਆਤ ਕੀਤੀ ਸੀ। ਸ਼ੁਰੂਆਤੀ ਦੌਰ ਵਿੱਚ, ਬਿਮਾਰੀ ਦੇ ਮਾਮਲਿਆਂ ਵਿੱਚ 50,000 ਰੁਪਏ ਤੱਕ ਐਡਵਾਂਸ ਕੱਢਣ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਮਈ 2024 ਵਿੱਚ, ਇਹ ਸੀਮਾ ਵਧਾ ਕੇ 1 ਲੱਖ ਰੁਪਏ ਕਰ ਦਿੱਤੀ ਗਈ।
ਹੁਣ ਤੱਕ, ਇਹ ਸੁਵਿਧਾ ਸਿਰਫ ਬਿਮਾਰੀ ਅਤੇ ਹਸਪਤਾਲ ਵਿੱਚ ਭਰਤੀ ਹੋਣ ਦੀ ਸਥਿਤੀ ਤੱਕ ਸੀਮਿਤ ਸੀ। ਪਰ ਹੁਣ, EPFO ਨੇ ਇਸਨੂੰ ਤਿੰਨ ਹੋਰ ਖੇਤਰਾਂ ਵਿੱਚ ਵੀ ਲਾਗੂ ਕਰ ਦਿੱਤਾ ਹੈ:
ਸਿੱਖਿਆ
ਵਿਆਹ
ਘਰ ਖਰੀਦਣਾ
ਇਸ ਤਬਦੀਲੀ ਨਾਲ EPFO ਦੇ ਮੈਂਬਰ ਹੁਣ ਸਿਰਫ ਬਿਮਾਰੀ ਹੀ ਨਹੀਂ, ਸਗੋਂ ਵਿਆਹ, ਸਿੱਖਿਆ ਅਤੇ ਘਰ ਖਰੀਦਣ ਲਈ ਵੀ ਆਟੋ-ਕਲੇਮ ਕਰ ਸਕਣਗੇ।
EPFO ਕਲੇਮ ਰਿਜੈਕਸ਼ਨ ਵਿੱਚ ਆਈ ਵੱਡੀ ਗਿਰਾਵਟ
ਪਿਛਲੇ ਸਾਲ EPFO ਵਿੱਚ 50% ਤੱਕ ਕਲੇਮ ਰਿਜੈਕਟ ਹੋ ਜਾਂਦੇ ਸਨ, ਪਰ ਹੁਣ ਇਹ ਅੰਕੜਾ 30% ਤੱਕ ਘੱਟ ਹੋ ਗਿਆ ਹੈ।
EPFO ਨੇ ਆਟੋ-ਕਲੇਮ ਪ੍ਰਕਿਰਿਆ ਨੂੰ ਪੂਰੀ ਤਰ੍ਹਾਂ ਡਿਜਿਟਲ ਬਣਾ ਦਿੱਤਾ ਹੈ, ਜਿਸ ਨਾਲ ਹੁਣ ਬਿਨਾ ਕਿਸੇ ਮਨੁੱਖੀ ਦਖਲਅੰਦਾਜ਼ੀ ਦੇ, IT ਸਿਸਟਮ ਦੁਆਰਾ ਆਟੋਮੈਟਿਕ ਕਲੇਮ ਪ੍ਰੋਸੈਸਿੰਗ ਹੋ ਰਹੀ ਹੈ।
ਇਸ ਤਬਦੀਲੀ ਨਾਲ EPFO ਮੈਂਬਰਾਂ ਨੂੰ ਆਪਣੇ PF ਕਲੇਮ ਦੀ ਪ੍ਰਕਿਰਿਆ ਹੋਰ ਵੀ ਤੇਜ਼ ਅਤੇ ਆਸਾਨ ਹੋਣ ਦੀ ਉਮੀਦ ਹੈ।
PF ਨਿਕਾਸੀ ਦੇ ਨਿਯਮਾਂ ਵਿੱਚ ਰਾਹਤ
ਹੁਣ PF ਕੱਢਣ ਲਈ ਵੈਲਿਡੇਸ਼ਨ ਫਾਰਮੈਲਿਟੀਆਂ 27% ਤੋਂ ਘਟਾ ਕੇ 18% ਕਰ ਦਿੱਤੀਆਂ ਗਈਆਂ ਹਨ। ਮੀਟਿੰਗ ਵਿੱਚ ਇਹਨੂੰ ਹੋਰ ਘਟਾ ਕੇ 6% ਤੱਕ ਲਿਆਉਣ ਦਾ ਫੈਸਲਾ ਕੀਤਾ ਗਿਆ।
ਅਸਲ ਵਿੱਚ, ਕੇਂਦਰ ਸਰਕਾਰ EPFO ਦੇ ਮੈਂਬਰ ਡਾਟਾਬੇਸ ਨੂੰ ਸੈਂਟਰਲਾਈਜ਼ ਅਤੇ ਡਿਜਿਟਲ ਕਰਨ ਦੀ ਦਿਸ਼ਾ ਵਿੱਚ ਕੰਮ ਕਰ ਰਹੀ ਹੈ। ਹੁਣ KYC, ਯੋਗਤਾ (Eligibility), ਅਤੇ ਬੈਂਕ ਵੈਰੀਫਿਕੇਸ਼ਨ ਪੂਰਾ ਹੋਣ ਮਾਤਰ ਨਾਲ ਆਟੋਮੈਟਿਕ ਤਰੀਕੇ ਨਾਲ PF ਕਲੇਮ ਪ੍ਰੋਸੈਸ ਹੋ ਜਾਵੇਗਾ।
ਪਹਿਲਾਂ PF ਕੱਢਣ ਵਿੱਚ 10 ਦਿਨ ਲੱਗਦੇ ਸਨ, ਪਰ ਹੁਣ ਇਹ ਸਮਾਂ ਘਟ ਕੇ 3-4 ਦਿਨ ਰਹਿ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
