PM MITRA Yojana: ਟੈਕਸਟਾਈਲ ਉਦਯੋਗ ਲਈ ਵੱਡਾ ਐਲਾਨ, MITRA ਯੋਜਨਾ ਲਈ 4445 ਕਰੋੜ ਦਾ ਐਲਾਨ

ਪੀਯੂਸ਼ ਗੋਇਲ ਤੇ ਅਨੁਰਾਗ ਠਾਕੁਰ ਨੇ ਬੁੱਧਵਾਰ ਨੂੰ ਹੋਈ ਕੈਬਨਿਟ ਮੀਟਿੰਗ 'ਚ ਲਏ ਗਏ ਫੈਸਲਿਆਂ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਮੰਤਰੀ ਮੰਡਲ ਨੇ ਕੱਪੜਾ ਉਦਯੋਗ ਲਈ ਮਿੱਤਰਾ ਸਕੀਮ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

piyush_Goyal

ਨਵੀਂ ਦਿੱਲੀ: ਅੱਜ ਮੰਤਰੀ ਮੰਡਲ ਨੇ ਕੱਪੜਾ ਉਦਯੋਗ ਲਈ ਮਿੱਤਰਾ ਸਕੀਮ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਯੋਜਨਾ ਦੇ ਤਹਿਤ ਦੇਸ਼ ਭਰ ਵਿੱਚ 7 ​​ਮੈਗਾ ਇਨਵੈਸਟਮੈਂਟ ਟੈਕਸਟਾਈਲ ਪਾਰਕ ਸਥਾਪਤ ਕੀਤੇ ਜਾਣਗੇ। ਟੈਕਸਟਾਈਲ ਮੈਗਾ ਪਾਰਕ 'ਤੇ ਕਰੀਬ 4500 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਵਣਜ ਮੰਤਰੀ ਪੀਯੂਸ਼ ਗੋਇਲ ਅਤੇ ਅਨੁਰਾਗ ਸਿੰਘ ਠਾਕੁਰ ਨੇ ਅੱਜ ਦੀ ਮੀਟਿੰਗ 'ਚ ਕੱਪੜਾ ਉਦਯੋਗ ਲਈ ਕੁਝ ਫੈਸਲੇ ਲਏ ਜਾਣ ਬਾਰੇ ਮੀਡੀਆ ਨੂੰ ਪ੍ਰੈਸ ਕਾਨਫਰੰਸ ਦਿੱਤੀ।

Union Cabinet approves setting up of 7 PM Mega Integrated Textile Region & Apparel (PM MITRA) parks with a total outlay of Rs 4,445 crores over 5 years. Move inspired by 5F vision of PM Modi - Farm to Fibre to Factory to Fashion to Foreign: Union Commerce Minister Piyush Goyal pic.twitter.com/AkXHUP5xxO— ANI (@ANI) October 6, 2021

ਅਨੁਰਾਗ ਠਾਕੁਰ ਨੇ ਕਿਹਾ ਕਿ ਕੱਪੜਾ ਉਦਯੋਗ ਲਈ ਪੀਐਮ MITRA ਯੋਜਨਾ ਸ਼ੁਰੂ ਕੀਤੀ ਗਈ ਹੈ। ਇਸਦੇ ਲਈ ਦੇਸ਼ ਭਰ ਵਿੱਚ 7 ​​ਮੈਗਾ ਟੈਕਸਟਾਈਲ ਪਾਰਕ ਸਥਾਪਤ ਕੀਤੇ ਜਾਣਗੇ। ਇਸ ਦੇ ਲਈ 4445 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਇਸ ਨਾਲ ਟੈਕਸਟਾਈਲ ਅਤੇ ਨਿਰਮਾਣ ਦੇ ਖੇਤਰ ਵਿੱਚ ਵੱਡੀ ਕ੍ਰਾਂਤੀ ਆਵੇਗੀ। ਪੀਯੂਸ਼ ਗੋਇਲ ਨੇ ਕਿਹਾ ਕਿ ਸਰਕਾਰ ਨੇ ਕੱਪੜਾ ਉਦਯੋਗ ਵਿੱਚ ਨਿਰਯਾਤ ਨੂੰ ਉਤਸ਼ਾਹਤ ਕਰਨ ਲਈ ਸੱਤ ਵੱਡੇ ਫੈਸਲੇ ਲਏ ਹਨ। ਇਨ੍ਹਾਂ ਚੋਂ ਛੇ ਫੈਸਲੇ ਪਹਿਲਾਂ ਹੀ ਲਏ ਜਾ ਚੁੱਕੇ ਹਨ। ਅੱਜ ਇਸ ਉਦਯੋਗ ਲਈ ਸੱਤਵਾਂ ਫੈਸਲਾ ਲਿਆ ਗਿਆ ਹੈ।

ਪੀਯੂਸ਼ ਗੋਇਲ ਨੇ ਕਿਹਾ ਕਿ ਅੱਜ ਕੱਪੜਾ ਉਦਯੋਗ ਲਈ ਪੀਐਮ ਮਿੱਤਰਾ ਯੋਜਨਾ ਸ਼ੁਰੂ ਕੀਤੀ ਜਾ ਰਹੀ ਹੈ। ਸਰਕਾਰ ਇਸ ਦੇ ਲਈ '5F' ਸੰਕਲਪ 'ਤੇ ਕੰਮ ਕਰ ਰਹੀ ਹੈ। ਇਸ ਵੇਲੇ ਟੈਕਸਟਾਈਲ ਉਦਯੋਗ ਏਕੀਕ੍ਰਿਤ ਨਹੀਂ ਹੈ। ਇਸ ਵਿੱਚ ਉਤਪਾਦਨ ਕਿਤੇ ਹੋਰ ਹੁੰਦਾ ਹੈ, ਕੱਚਾ ਮਾਲ ਕਿਤੇ ਹੋਰ ਤੋਂ ਆਉਂਦਾ ਹੈ। ਇਸ ਤਰ੍ਹਾਂ ਇਸਦੀ ਲਾਗਤ ਵਿੱਚ ਕਾਫੀ ਵਾਧਾ ਹੁੰਦਾ ਹੈ। ਟੈਕਸਟਾਈਲ ਪਾਰਕ ਦੀ ਮਦਦ ਨਾਲ, ਟੈਕਸਟਾਈਲ ਉਦਯੋਗ ਦੇ ਸਾਰੇ ਕਾਰਜਾਂ ਨੂੰ ਏਕੀਕ੍ਰਿਤ ਕੀਤਾ ਜਾਵੇਗਾ।

Modi Govt’s landmark decision to empower Textiles sector.

Approval for 7 Mega Integrated Textile Region & Apparel (PM MITRA) Parks. ₹ 4,445 Cr outlay for #PMMitra4Textiles in 5 yrs to enable:

🏭World class infrastructure

🧵 21 lakh jobs

📈 More production & export led growth pic.twitter.com/6dTLb5NzyI

— Piyush Goyal (@PiyushGoyal) October 6, 2021

ਇਸ ਦੇ ਲਈ ਅਗਲੇ ਪੰਜ ਸਾਲਾਂ ਵਿੱਚ 4445 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। 10 ਸੂਬਿਆਂ ਨੇ ਸੱਤ ਟੈਕਸਟਾਈਲ ਪਾਰਕਾਂ ਲਈ ਦਿਲਚਸਪੀ ਦਿਖਾਈ ਹੈ। ਜਦੋਂ ਇਹ ਪਾਰਕ ਤਿਆਰ ਹੋ ਜਾਵੇਗਾ ਤਾਂ 7 ਲੱਖ ਸਿੱਧੇ ਅਤੇ 14 ਲੱਖ ਅਸਿੱਧੇ ਰੁਜ਼ਗਾਰ ਪੈਦਾ ਹੋਣਗੇ। ਪਾਰਕ ਤਿਆਰ ਕਰਨ ਵਿੱਚ ਕਰੀਬ 1700 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਇਹ ਪਾਰਕ 1000 ਏਕੜ ਵਿੱਚ ਫੈਲੇਗਾ।

ਪੀਯੂਸ਼ ਗੋਇਲ ਨੇ ਕਿਹਾ ਕਿ ਇਹ ਟੈਕਸਟਾਈਲ ਪਾਰਕ ਰਾਜ ਦੇ ਗ੍ਰੀਨਫੀਲਡ ਅਤੇ ਬ੍ਰਾਊਨਫੀਲਡ ਖੇਤਰਾਂ ਵਿੱਚ ਬਣਾਏ ਜਾਣਗੇ। ਗ੍ਰੀਨਫੀਲਡ ਮਿੱਤਰਾ ਪਾਰਕਾਂ ਨੂੰ 500 ਕਰੋੜ ਅਤੇ ਬ੍ਰਾਊਨਫੀਲਡ ਮਿਤਰਾ ਪਾਰਕਾਂ ਨੂੰ 200 ਕਰੋੜ ਰੁਪਏ ਦਿੱਤੇ ਜਾਣਗੇ। ਇੱਥੇ ਕੰਮ ਕਰਨ ਵਾਲੇ ਕਾਮਿਆਂ ਨੂੰ ਸਾਰੀ ਸਮਾਜਿਕ ਸੁਰੱਖਿਆ ਦੇ ਸਹੀ ਲਾਭ ਵੀ ਮਿਲਣਗੇ।

ਪਿਛਲੇ ਕੁਝ ਮਹੀਨਿਆਂ ਵਿੱਚ ਕੇਂਦਰ ਸਰਕਾਰ ਨੇ ਕੱਪੜੇ ਸੰਬੰਧੀ ਦੋ ਵੱਡੇ ਫੈਸਲੇ ਲਏ ਹਨ। ਪਹਿਲਾ PLI ਬਾਰੇ ਹੈ। ਟੈਕਸਟਾਈਲ ਮੰਤਰਾਲੇ ਦੇ ਨੋਟੀਫਿਕੇਸ਼ਨ ਦੇ ਅਨੁਸਾਰ, ਭਾਰਤ ਵਿੱਚ ਰਜਿਸਟਰਡ ਨਿਰਮਾਣ ਕੰਪਨੀਆਂ ਟੈਕਸਟਾਈਲ ਸੈਕਟਰ ਵਿੱਚ 10,683 ਕਰੋੜ ਰੁਪਏ ਦੇ ਉਤਪਾਦਨ ਲਿੰਕਡ ਪ੍ਰੋਤਸਾਹਨ (ਪੀਐਲਆਈ) ਦਾ ਲਾਭ ਲੈ ਸਕਦੀਆਂ ਹਨ।

ਇਹ ਵੀ ਪੜ੍ਹੋ: Amazon Great Indian Festival Sale: ਬੋਟ ਦੇ ਹੈਡਫੋਨ ਤੇ ਏਅਰਡਰੌਪ 'ਤੇ ਮਿਲ ਰਿਹੈ ਸਭ ਤੋਂ ਵੱਡਾ ਡਿਸਕਾਊਂਟ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/

https://apps.apple.com/in/app/811114904