EPFO: ਖੁਸ਼ਖਬਰੀ ! EPFO ਵਿੱਤੀ ਸਾਲ 2023 ਲਈ 8.15 ਫੀਸਦੀ ਵਿਆਜ ਦਰ ਦਾ ਲਾਭ ਦੇਣ ਲਈ ਤਿਆਰ, ਜਾਣੋ
EPFO Interest Rates: ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਦੇ ਮੈਂਬਰਾਂ ਲਈ ਰਾਹਤ ਦੀ ਖਬਰ ਹੈ ਅਤੇ ਜਲਦੀ ਹੀ EPFO ਵਿਆਜ ਉਨ੍ਹਾਂ ਦੇ ਖਾਤੇ ਵਿੱਚ ਜਮ੍ਹਾ ਹੋ ਜਾਵੇਗਾ। ਇਹ ਜਾਣਕਾਰੀ ਖੁਦ ਕੈਬਨਿਟ ਮੰਤਰੀ ਨੇ ਸਾਂਝੀ ਕੀਤੀ ਹੈ।
EPFO Interest Rates: ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਭਾਵ EPFO ਦੇ ਗਾਹਕਾਂ ਲਈ ਖੁਸ਼ਖਬਰੀ ਹੈ। ਕੇਂਦਰੀ ਕਿਰਤ ਮੰਤਰੀ ਭੂਪੇਂਦਰ ਯਾਦਵ ਨੇ ਇੱਕ ਬਿਆਨ ਦਿੱਤਾ ਹੈ ਕਿ ਕਿਰਤ ਮੰਤਰਾਲਾ ਵਿੱਤੀ ਸਾਲ 2023 ਲਈ ਪੀਐਫ ਮੈਂਬਰਾਂ ਨੂੰ 8.15 ਪ੍ਰਤੀਸ਼ਤ ਦੀ ਕੁੱਲ ਵਿਆਜ ਦਰ ਪ੍ਰਦਾਨ ਕਰਨ ਲਈ ਕੰਮ ਕਰ ਰਿਹਾ ਹੈ। ਇੰਨਾ ਹੀ ਨਹੀਂ ਕੁੱਲ 24 ਕਰੋੜ ਖਾਤਿਆਂ 'ਚ 8.15 ਫੀਸਦੀ ਵਿਆਜ ਵੀ ਦਿੱਤਾ ਗਿਆ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਇਸ ਗੱਲ ਤੋਂ ਸੰਤੁਸ਼ਟ ਹੈ ਕਿ ਈਪੀਐਫਓ ਵਿਆਜ (EPFO Interest ) ਦਰ ਬਾਰੇ ਸਰਕਾਰ ਦੇ ਕਦਮ ਸਹੀ ਦਿਸ਼ਾ ਵਿੱਚ ਹਨ।
ਕੈਬਨਿਟ ਮੰਤਰੀ ਨੇ ਈਪੀਐਫਓ ਸਥਾਪਨਾ ਦਿਵਸ ਮੌਕੇ ਦਿੱਤੀ ਜਾਣਕਾਰੀ
71ਵੇਂ EPFO ਸਥਾਪਨਾ ਦਿਵਸ 'ਤੇ, ਕੇਂਦਰੀ ਕਿਰਤ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਸਰਕਾਰ ਦਾ ਉਦੇਸ਼ ਪ੍ਰੋਵੀਡੈਂਟ ਫੰਡ ਦੀ ਰਕਮ ਨੂੰ ਸਹੀ ਸਮੇਂ ਅਤੇ ਸਹੀ ਵਿਆਜ ਨਾਲ ਗਾਹਕਾਂ ਦੇ ਖਾਤਿਆਂ ਵਿੱਚ ਟ੍ਰਾਂਸਫਰ ਕਰਨਾ ਹੈ। ਕੈਬਨਿਟ ਮੰਤਰੀ ਨੇ ਕਿਹਾ ਕਿ ਸਾਲ 2022-23 ਵਿੱਚ ਕੁੱਲ ਪ੍ਰਾਵੀਡੈਂਟ ਫੰਡ ਯੋਗਦਾਨ 2.12 ਲੱਖ ਕਰੋੜ ਰੁਪਏ ਰਿਹਾ ਹੈ, ਜਦੋਂ ਕਿ ਪਿਛਲੇ ਸਾਲ ਯਾਨੀ 2021-22 ਵਿੱਚ ਇਹ ਰਕਮ 1.69 ਲੱਖ ਕਰੋੜ ਰੁਪਏ ਸੀ।
ਈਪੀਐਫਓ ਦੇ ਸੈਂਟਰਲ ਬੋਰਡ ਆਫ਼ ਟਰੱਸਟੀਜ਼ ਨੇ ਸਾਲਾਨਾ ਰਿਪੋਰਟ ਨੂੰ ਦੇ ਦਿੱਤੀ ਹੈ ਮਨਜ਼ੂਰੀ
EPFO ਦੇ ਕੇਂਦਰੀ ਟਰੱਸਟੀ ਬੋਰਡ ਦੀ 234ਵੀਂ ਮੀਟਿੰਗ ਇਸ ਮੰਗਲਵਾਰ ਭਾਵ 31 ਅਕਤੂਬਰ ਨੂੰ ਹੋਈ। ਨਵੀਂ ਦਿੱਲੀ 'ਚ ਹੋਈ ਇਸ ਬੈਠਕ 'ਚ ਬੋਰਡ ਨੇ ਵਿੱਤੀ ਸਾਲ 2022-23 ਲਈ ਈਪੀਐੱਫਓ ਦੀ ਸਾਲਾਨਾ ਰਿਪੋਰਟ ਨੂੰ ਮਨਜ਼ੂਰੀ ਦਿੱਤੀ ਅਤੇ ਇਸ ਨੂੰ ਸੰਸਦ 'ਚ ਪੇਸ਼ ਕਰਨ ਲਈ ਸਰਕਾਰ ਨੂੰ ਸਿਫਾਰਿਸ਼ ਕੀਤੀ।
ਇਹ ਅੰਕੜਾ EPFO ਦੀ ਰਿਪੋਰਟ ਵਿੱਚ ਆਇਆ
ਵਿੱਤੀ ਸਾਲ 2022-23 ਵਿੱਚ EPFO ਦਾ ਕੁੱਲ ਨਿਵੇਸ਼ ਫੰਡ 21.36 ਲੱਖ ਕਰੋੜ ਰੁਪਏ ਰਿਹਾ ਹੈ, ਜਿਸ ਵਿੱਚ ਪੈਨਸ਼ਨ ਅਤੇ ਪ੍ਰਾਵੀਡੈਂਟ ਫੰਡ ਦੋਵਾਂ ਦੀ ਰਕਮ ਸ਼ਾਮਲ ਹੈ। ਪਿਛਲੇ ਸਾਲ ਯਾਨੀ ਵਿੱਤੀ ਸਾਲ 2021-22 'ਚ ਇਹ ਰਕਮ 18.3 ਲੱਖ ਕਰੋੜ ਰੁਪਏ ਸੀ।
ਜੇ ਅਸੀਂ ਕੁੱਲ ਨਿਵੇਸ਼ ਰਾਸ਼ੀ 'ਤੇ ਨਜ਼ਰ ਮਾਰੀਏ ਤਾਂ ਇਹ 31 ਮਾਰਚ 2023 ਨੂੰ 13.04 ਲੱਖ ਕਰੋੜ ਰੁਪਏ ਸੀ ਅਤੇ ਪਿਛਲੇ ਸਾਲ ਇਹ ਅੰਕੜਾ 11 ਲੱਖ ਕਰੋੜ ਰੁਪਏ ਸੀ। ਵਿੱਤੀ ਸਾਲ 2022-23 ਵਿੱਚ ਕੁੱਲ 2.03 ਲੱਖ ਕਰੋੜ ਰੁਪਏ ਦਾ ਵਾਧਾ ਵੇਖਿਆ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
