Hurun Rich List: ਭਾਰਤ 'ਚ ਅਰਬਪਤੀਆਂ ਦੀ ਗਿਣਤੀ ਹੋਈ 284, ਪਿਛਲੇ ਇੱਕ ਸਾਲ ਵਿੱਚ 10% ਵਧੀ ਸੰਪਤੀ
ਭਾਰਤ ਵਿੱਚ ਅਰਬਪਤੀਆਂ ਦੀ ਗਿਣਤੀ ਵਧ ਕੇ 284 ਹੋ ਗਈ ਹੈ ਅਤੇ ਇਨ੍ਹਾਂ ਕੋਲ ਕੁੱਲ 98 ਲੱਖ ਕਰੋੜ ਰੁਪਏ ਦੀ ਸੰਪਤੀ ਹੈ। ਹੁਰੂਨ ਨੇ ਆਪਣੀ ਨਵੀਨਤਮ ਰਿਪੋਰਟ ਵਿੱਚ ਇਹ ਜਾਣਕਾਰੀ ਦਿੱਤੀ ਹੈ। ਹੁਰੂਨ ਗਲੋਬਲ ਰਿਚ ਲਿਸਟ 2025 ਮੁਤਾਬਕ
Hurun Rich List: ਭਾਰਤ ਵਿੱਚ ਅਰਬਪਤੀਆਂ ਦੀ ਗਿਣਤੀ ਵਧ ਕੇ 284 ਹੋ ਗਈ ਹੈ ਅਤੇ ਇਨ੍ਹਾਂ ਕੋਲ ਕੁੱਲ 98 ਲੱਖ ਕਰੋੜ ਰੁਪਏ ਦੀ ਸੰਪਤੀ ਹੈ। ਹੁਰੂਨ ਨੇ ਆਪਣੀ ਨਵੀਨਤਮ ਰਿਪੋਰਟ ਵਿੱਚ ਇਹ ਜਾਣਕਾਰੀ ਦਿੱਤੀ ਹੈ। ਹੁਰੂਨ ਗਲੋਬਲ ਰਿਚ ਲਿਸਟ 2025 ਮੁਤਾਬਕ, ਦੇਸ਼ ਦੇ ਸਭ ਤੋਂ ਅਮੀਰ ਵਿਅਕਤੀਆਂ ਦੀ ਕੁੱਲ ਸੰਪਤੀ ਵਿੱਚ ਪਿਛਲੇ ਇੱਕ ਸਾਲ ਦੌਰਾਨ 10 ਫੀਸਦੀ ਦਾ ਵਾਧੂ ਹੋਇਆ ਹੈ।
ਹੁਰੂਨ ਗਲੋਬਲ ਰਿਚ ਲਿਸਟ 2025 ਅਨੁਸਾਰ, 284 ਅਰਬਪਤੀਆਂ ਵਿੱਚੋਂ 90 ਅਰਬਪਤੀ ਦੇਸ਼ ਦੀ ਆਰਥਿਕ ਰਾਜਧਾਨੀ ਮੁੰਬਈ ਵਿੱਚ ਰਹਿੰਦੇ ਹਨ। ਭਾਰਤ ਵਿਸ਼ਵ ਪੱਧਰ ‘ਤੇ ਆਪਣੀ ਮਜ਼ਬੂਤ ਪੋਜ਼ੀਸ਼ਨ ਬਣਾਈ ਰੱਖਣ ਵਿੱਚ ਕਾਮਯਾਬ ਹੋਇਆ ਹੈ, ਅਰਬਪਤੀਆਂ ਦੀ ਗਿਣਤੀ ਵਿੱਚ ਭਾਰਤ ਤੀਜੇ ਸਥਾਨ ‘ਤੇ ਹੈ, ਜੋ ਸਿਰਫ਼ ਅਮਰੀਕਾ (870 ਅਰਬਪਤੀ) ਅਤੇ ਚੀਨ ਤੋਂ ਪਿੱਛੇ ਹੈ।
ਹੁਰੂਨ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ 175 ਭਾਰਤੀ ਅਰਬਪਤੀਆਂ ਦੀ ਸੰਪਤੀ ਵਿੱਚ ਵਾਧੂ ਹੋਇਆ ਹੈ, ਜਦਕਿ 109 ਅਜਿਹੇ ਹਨ, ਜਿਨ੍ਹਾਂ ਦੀ ਸੰਪਤੀ ਘਟੀ ਹੈ ਜਾਂ ਬਦਲਾਅ ਨਹੀਂ ਆਇਆ। ਇੱਕ ਭਾਰਤੀ ਅਰਬਪਤੀ ਦੀ ਔਸਤ ਸੰਪਤੀ 34,514 ਕਰੋੜ ਰੁਪਏ ਹੈ। ਇਸ ਤੋਂ ਇਲਾਵਾ, ਭਾਰਤ ਵਿੱਚ 40 ਸਾਲ ਤੋਂ ਘੱਟ ਉਮਰ ਦੇ 7 ਅਰਬਪਤੀ ਹਨ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਬੈਂਗਲੁਰੂ ਅਤੇ ਮੁੰਬਈ ਨਾਲ ਸਬੰਧਤ ਹਨ।
ਗਲੋਬਲ ਪੱਧਰ ‘ਤੇ ਐਲਨ ਮਸਕ ਨੇ ਦਰਜ ਕਰਵਾਈ ਸਭ ਤੋਂ ਵੱਡੀ ਸੰਪਤੀ ਵਾਧੂ
ਟੈਸਲਾ ਅਤੇ ਸਪੇਸਐਕਸ ਦੇ ਸੀਈਓ ਐਲਨ ਮਸਕ ਨੇ ਪਿਛਲੇ ਸਾਲ 189 ਬਿਲੀਅਨ ਡਾਲਰ ਦੀ ਕਮਾਈ ਕਰਦੇ ਹੋਏ ਸਭ ਤੋਂ ਵੱਡੀ ਸੰਪਤੀ ਵਾਧੂ ਦਰਜ ਕਰਵਾਈ। ਅਰਬਪਤੀ ਨੇ ਪਿਛਲੇ ਪੰਜ ਸਾਲਾਂ ਵਿੱਚ ਚੌਥੀ ਵਾਰ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਦੇ ਤੌਰ ‘ਤੇ ਆਪਣਾ ਖਿਤਾਬ ਬਰਕਰਾਰ ਰੱਖਿਆ ਅਤੇ 400 ਬਿਲੀਅਨ ਡਾਲਰ ਪਾਰ ਕਰਨ ਵਾਲੇ ਪਹਿਲੇ ਵਿਅਕਤੀ ਬਣੇ।
ਅਮੈਜ਼ਾਨ ਦੇ ਸੰਸਥਾਪਕ ਜੈਫ਼ ਬੇਜ਼ੋਸ 266 ਬਿਲੀਅਨ ਡਾਲਰ ਦੀ ਕੁੱਲ ਸੰਪਤੀ ਨਾਲ ਦੂਜੇ ਸਥਾਨ ‘ਤੇ ਹਨ। ਮੈਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ ਨੇ ਮੈਟਾ ਦੀ AI ਅਤੇ ਤਕਨਾਲੋਜੀ ਵਿੱਚ ਕੀਤੇ ਉੱਚੇ ਨਿਵੇਸ਼ ਕਾਰਨ ਪਹਿਲੀ ਵਾਰ ਟਾਪ-3 ਵਿੱਚ ਆਪਣੀ ਥਾਂ ਬਣਾਈ।
ਮਨੋਰੰਜਨ, ਖੇਡ ਅਤੇ ਸੋਸ਼ਲ ਮੀਡੀਆ ਦੀਆਂ ਹਸਤੀਆਂ ਵੀ ਸ਼ਾਮਲ
ਹੁਰੂਨ ਲਿਸਟ 2025 ਵਿੱਚ ਮਨੋਰੰਜਨ, ਖੇਡ ਅਤੇ ਸੋਸ਼ਲ ਮੀਡੀਆ ਨਾਲ ਜੁੜੀਆਂ ਹਸਤੀਆਂ ਦੇ ਨਾਮ ਵੀ ਸ਼ਾਮਲ ਰਹੇ। ਇਨ੍ਹਾਂ ਵਿੱਚ ਸਿੰਗਰ ਜੇ-ਜ਼ੈਡ, ਰਿਹਾਨਾ, ਟੇਲਰ ਸਵਿਫਟ ਅਤੇ ਪੌਲ ਮੈਕਕਾਰਟਨੀ ਦਾ ਨਾਮ ਆਇਆ।
ਅਰਬਪਤੀ ਕਲੱਬ ਵਿੱਚ ਸ਼ਾਮਲ ਹੋਣ ਵਾਲੀਆਂ ਖੇਡ ਹਸਤੀਆਂ ਵਿੱਚ ਮਾਈਕਲ ਜੋਰਡਨ, ਟਾਈਗਰ ਵੁਡਸ, ਫਲੌਇਡ ਮੇਵੇਦਰ, ਲੇਬ੍ਰੋਨ ਜੇਮਜ਼, ਕਰਿਸਟੀਆਨੋ ਰੋਨਾਲਡੋ ਅਤੇ ਲਾਇਓਨਲ ਮੈੱਸੀ ਸ਼ਾਮਲ ਰਹੇ। ਕਿਮ ਕਾਰਦਸ਼ੀਅਨ ਵਿਸ਼ਵ ਰੈਂਕਿੰਗ ‘ਚ ਸ਼ਾਮਲ ਹੋਣ ਵਾਲੀ ਇਕੱਲੀ ਸੋਸ਼ਲ ਮੀਡੀਆ ਇਨਫਲੂਏਂਸਰ ਬਣ ਗਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
