Government Fine: ਕਿਸ ਗੱਲ 'ਤੇ ਸਰਕਾਰ 31 ਜੁਲਾਈ ਤੋ ਬਾਅਦ ਵਸੂਲ ਸਕਦੀ ਹੈ 5000 ਰੁਪਏ ਦਾ ਜੁਰਮਾਨਾ ?
ਫਾਈਲ ਕਰਨ ਦੀ ਆਖ਼ਰੀ ਤਰੀਕ ਨੇੜੇ ਆਉਣ ਕਾਰਨ ਇਹ ਕੰਮ ਬਿਨਾਂ ਕਿਸੇ ਜੁਰਮਾਨੇ ਦੇ ਮੁਕੰਮਲ ਕਰਨਾ ਜ਼ਰੂਰੀ ਹੋ ਗਿਆ ਹੈ। ਵਿੱਤੀ ਸਾਲ 2022-23 ਤੇ ਮੁਲਾਂਕਣ ਸਾਲ 2023-24 ਲਈ 31 ਜੁਲਾਈ 2023 ਤੱਕ ਆਪਣਾ ITR ਫਾਈਲ ਕਰਨਾ ਯਕੀਨੀ ਬਣਾਓ।
Income Tax Return Fine: ਕਈ ਵਾਰ ਜੇ ਕੋਈ ਕੰਮ ਸਮੇਂ ਸਿਰ ਨਹੀਂ ਹੁੰਦਾ ਤਾਂ ਉਸ ਨੂੰ ਪੂਰਾ ਕਰਨ ਲਈ ਬਾਅਦ ਵਿੱਚ ਲੇਟ ਫੀਸ ਦੇ ਤਹਿਤ ਜੁਰਮਾਨਾ ਭਰਨਾ ਪੈਂਦਾ ਹੈ। ਇਸ ਜੁਰਮਾਨੇ ਦੀ ਰਕਮ ਕਈ ਵਾਰ ਲੋਕਾਂ ਦੀਆਂ ਜੇਬਾਂ ਨੂੰ ਵੀ ਪ੍ਰਭਾਵਿਤ ਕਰਦੀ ਹੈ। ਇਸ ਦੇ ਨਾਲ ਹੀ ਇੱਕ ਅਜਿਹਾ ਕੰਮ ਵੀ ਹੈ, ਜਿਸ ਨੂੰ ਲੋਕਾਂ ਨੂੰ 31 ਜੁਲਾਈ ਤੱਕ ਨਿਪਟਾਉਣ ਦੀ ਲੋੜ ਹੈ। ਜੇ ਇਹ ਕੰਮ 31 ਜੁਲਾਈ ਤੱਕ ਪੂਰਾ ਨਹੀਂ ਹੁੰਦਾ ਹੈ ਤਾਂ ਸਰਕਾਰ ਤੁਹਾਡੇ ਤੋਂ ਜੁਰਮਾਨਾ ਵੀ ਵਸੂਲ ਸਕਦੀ ਹੈ।
ਇਨਕਮ ਟੈਕਸ ਰਿਟਰਨ ਫਾਈਲ
ਦਰਅਸਲ, ਵੈਸੇ-ਵੈਸੇ ਇਨਕਮ ਟੈਕਸ ਰਿਟਰਨ (ਆਈਟੀਆਰ) ਭਰਨ ਦੀ ਆਖਰੀ ਮਿਤੀ ਨੇੜੇ ਆ ਰਹੀ ਹੈ, ਇਸ ਲਈ ਬਿਨਾਂ ਕਿਸੇ ਜੁਰਮਾਨੇ ਦੇ ਇਸ ਕੰਮ ਨੂੰ ਪੂਰਾ ਕਰਨਾ ਜ਼ਰੂਰੀ ਹੋ ਗਿਆ ਹੈ। ਵਿੱਤੀ ਸਾਲ 2022-23 ਅਤੇ ਮੁਲਾਂਕਣ ਸਾਲ 2023-24 ਲਈ 31 ਜੁਲਾਈ 2023 ਤੱਕ ਆਪਣਾ ITR ਫਾਈਲ ਕਰਨਾ ਯਕੀਨੀ ਬਣਾਓ। ਭਾਵੇਂ ਤੁਸੀਂ ਇੱਕ ਤਨਖਾਹਦਾਰ ਵਿਅਕਤੀ ਹੋ, ਫ੍ਰੀਲਾਂਸਰ ਜਾਂ ਕਾਰੋਬਾਰੀ ਮਾਲਕ ਹੋ, ITR ਫਾਈਲ ਕਰਨਾ ਸਾਰਿਆਂ ਲਈ ਲਾਜ਼ਮੀ ਹੈ।
ਦੂਜੇ ਪਾਸੇ, ਜਦੋਂ ਵੀ ਇਨਕਮ ਟੈਕਸ ਰਿਟਰਨ ਭਰਨ ਦੀ ਗੱਲ ਆਉਂਦੀ ਹੈ, ਤਾਂ ਕੁਝ ਜ਼ਰੂਰੀ ਗੱਲਾਂ ਨੂੰ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ। ਅਜਿਹੀ ਸਥਿਤੀ ਵਿੱਚ, ਇੱਥੇ ਆਈਟੀਆਰ ਫਾਈਲ ਕਰਦੇ ਸਮੇਂ ਧਿਆਨ ਵਿੱਚ ਰੱਖਣ ਵਾਲੀਆਂ ਕੁਝ ਮੁੱਖ ਗੱਲਾਂ ਹਨ-
ਟੈਕਸ ਪ੍ਰਣਾਲੀ ਦੀ ਚੋਣ ਕਰੋ: ਭਾਰਤ ਵਿੱਚ ਦੋ ਟੈਕਸ ਪ੍ਰਣਾਲੀਆਂ ਹਨ। ਪੁਰਾਣੀ ਟੈਕਸ ਪ੍ਰਣਾਲੀ ਅਤੇ ਨਵੀਂ ਟੈਕਸ ਪ੍ਰਣਾਲੀ। ਦੋਨਾਂ ਵਿੱਚੋਂ ਚੁਣੋ ਜੋ ਤੁਹਾਡੀਆਂ ਵਿੱਤੀ ਲੋੜਾਂ ਦੇ ਅਨੁਕੂਲ ਹੋਵੇ। ਦੋਵਾਂ ਟੈਕਸ ਪ੍ਰਣਾਲੀਆਂ ਦੇ ਆਪਣੇ ਵੱਖਰੇ ਫਾਇਦੇ ਹਨ।
ਆਪਣੇ ITR ਦੀ ਪੁਸ਼ਟੀ ਕਰੋ: ਤੁਹਾਡੇ ITR ਦੀ ਪੁਸ਼ਟੀ ਕਰਨਾ ਮਹੱਤਵਪੂਰਨ ਹੈ, ਖਾਸ ਕਰਕੇ ਪਹਿਲੀ ਵਾਰ ਫਾਈਲ ਕਰਨ ਵਾਲਿਆਂ ਲਈ। ਫਾਈਲ ਕਰਨ ਦੇ 30 ਦਿਨਾਂ ਦੇ ਅੰਦਰ ਅਜਿਹਾ ਕਰਨ ਵਿੱਚ ਅਸਫਲ ਰਹਿਣ ਨਾਲ ਤੁਹਾਡਾ ITR ਅਵੈਧ ਹੋ ਜਾਵੇਗਾ। ਨਾਲ ਹੀ, ਜੁਰਮਾਨੇ ਤੋਂ ਬਚਣ ਲਈ, ਇਹ ਯਕੀਨੀ ਬਣਾਓ ਕਿ ਤੁਸੀਂ 31 ਜੁਲਾਈ 2023 ਤੱਕ ਆਪਣਾ ITR ਫਾਈਲ ਕਰੋ। 1 ਅਗਸਤ, 2023 ਤੋਂ ਦੇਰੀ ਨਾਲ ਫਾਈਲ ਕਰਨ ਵਾਲਿਆਂ ਨੂੰ 1,000 ਰੁਪਏ ਜਾਂ 5,000 ਰੁਪਏ ਜੁਰਮਾਨਾ ਕੀਤਾ ਜਾਵੇਗਾ। 5 ਲੱਖ ਰੁਪਏ ਤੋਂ ਘੱਟ ਆਮਦਨ ਵਾਲੇ ਵਿਅਕਤੀਆਂ ਨੂੰ 1,000 ਰੁਪਏ ਦਾ ਜ਼ੁਰਮਾਨਾ ਅਤੇ 5 ਲੱਖ ਰੁਪਏ ਤੋਂ ਵੱਧ ਆਮਦਨ ਵਾਲੇ ਵਿਅਕਤੀਆਂ ਨੂੰ 5,000 ਰੁਪਏ ਦਾ ਜੁਰਮਾਨਾ ਲਾਇਆ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
