![ABP Premium](https://cdn.abplive.com/imagebank/Premium-ad-Icon.png)
PF Balance Check- ਕੰਪਨੀ ਤੁਹਾਡੇ PF ਖਾਤੇ 'ਚ ਪੈਸੇ ਪਾ ਰਹੀ ਹੈ ਜਾਂ ਨਹੀਂ, ਘਰ ਬੈਠੇ ਇੰਝ ਕਰੋ ਪਤਾ...
PF Balance Check- ਜੇਕਰ ਕਿਸੇ ਕੰਪਨੀ ਵਿਚ 20 ਜਾਂ ਇਸ ਤੋਂ ਵੱਧ ਕਰਮਚਾਰੀ ਕੰਮ ਕਰਦੇ ਹਨ, ਤਾਂ ਕੰਪਨੀ ਦੇ ਕਰਮਚਾਰੀਆਂ ਲਈ ਪੀਐਫ ਖਾਤਾ ਹੋਣਾ ਜ਼ਰੂਰੀ ਹੈ।
![PF Balance Check- ਕੰਪਨੀ ਤੁਹਾਡੇ PF ਖਾਤੇ 'ਚ ਪੈਸੇ ਪਾ ਰਹੀ ਹੈ ਜਾਂ ਨਹੀਂ, ਘਰ ਬੈਠੇ ਇੰਝ ਕਰੋ ਪਤਾ... PF Balance Check Whether the company is putting money in your PF account or not check this at home PF Balance Check- ਕੰਪਨੀ ਤੁਹਾਡੇ PF ਖਾਤੇ 'ਚ ਪੈਸੇ ਪਾ ਰਹੀ ਹੈ ਜਾਂ ਨਹੀਂ, ਘਰ ਬੈਠੇ ਇੰਝ ਕਰੋ ਪਤਾ...](https://feeds.abplive.com/onecms/images/uploaded-images/2024/07/17/d85321eac3807ae799d727000899e7c31721181749845995_original.jpg?impolicy=abp_cdn&imwidth=1200&height=675)
PF Balance Check- ਜੇਕਰ ਕਿਸੇ ਕੰਪਨੀ ਵਿਚ 20 ਜਾਂ ਇਸ ਤੋਂ ਵੱਧ ਕਰਮਚਾਰੀ ਕੰਮ ਕਰਦੇ ਹਨ, ਤਾਂ ਕੰਪਨੀ ਦੇ ਕਰਮਚਾਰੀਆਂ ਲਈ ਪੀਐਫ ਖਾਤਾ ਹੋਣਾ ਜ਼ਰੂਰੀ ਹੈ। ਕਰਮਚਾਰੀ ਦੀ ਬੇਸਿਕ ਸੈਲਰੀ ਦਾ 12 ਫੀਸਦੀ ਪੀ.ਐੱਫ ਖਾਤੇ (PF Account) ‘ਚ ਜਮ੍ਹਾ ਹੁੰਦਾ ਹੈ। ਕੰਪਨੀ ਵੱਲੋਂ ਬਰਾਬਰ ਦੀ ਰਕਮ ਵੀ ਜਮ੍ਹਾਂ ਕਰਵਾਈ ਜਾਂਦੀ ਹੈ। ਪੀਐਫ ਦੇ ਪੈਸੇ ਜਮ੍ਹਾ ਕਰਵਾਉਣਾ ਕੰਪਨੀ ਦੀ ਜ਼ਿੰਮੇਵਾਰੀ ਹੈ। ਪਰ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਕਈ ਕੰਪਨੀਆਂ ਕਰਮਚਾਰੀਆਂ ਦੇ ਪੀਐਫ ਦੇ ਪੈਸੇ ਜਮ੍ਹਾ ਨਹੀਂ ਕਰਵਾਉਂਦੀਆਂ।
ਕਿਸੇ ਵੀ ਕਰਮਚਾਰੀ ਜਿਸਦਾ ਪੀਐਫ ਕੱਟਿਆ ਜਾ ਰਿਹਾ ਹੈ, ਉਸ ਨੂੰ ਸਮੇਂ-ਸਮੇਂ ‘ਤੇ ਜਾਂਚ ਕਰਦੇ ਰਹਿਣਾ ਚਾਹੀਦਾ ਹੈ ਕਿ ਕੰਪਨੀ ਪੀਐਫ ਖਾਤੇ ਵਿੱਚ ਪੈਸੇ ਜਮ੍ਹਾ ਕਰ ਰਹੀ ਹੈ ਜਾਂ ਨਹੀਂ। EPFO ਮੈਂਬਰ ਘਰ ਬੈਠੇ ਹੀ ਆਪਣਾ PF ਬੈਲੇਂਸ ਚੈੱਕ ਕਰ ਸਕਦੇ ਹਨ। ਈਪੀਐਫਓ ਗਾਹਕਾਂ ਨੂੰ ਚਾਰ ਤਰੀਕਿਆਂ ਨਾਲ ਪੀਐਫ ਬੈਲੇਂਸ ਜਾਣਨ ਦੀ ਸਹੂਲਤ ਪ੍ਰਦਾਨ ਕਰ ਰਿਹਾ ਹੈ।
PF ਬੈਲੇਂਸ ਔਨਲਾਈਨ ਚੈੱਕ ਕਰੋ
ਇਸ ਲਈ ਸਭ ਤੋਂ ਪਹਿਲਾਂ ਤੁਹਾਨੂੰ EPFO ਦੀ ਵੈੱਬਸਾਈਟ (epfindia.gov.in) ਉਤੇ ਲਾਗ ਇਨ ਕਰਨਾ ਹੋਵੇਗਾ। ਇਸ ਲਈ ਆਪਣਾ UAN ਨੰਬਰ, ਪਾਸਵਰਡ ਅਤੇ ਕੈਪਚਾ ਕੋਡ (Captcha Code) ਦਰਜ ਕਰੋ। ਇਸ ਤੋਂ ਬਾਅਦ ਈ-ਪਾਸਬੁੱਕ (e-Passbook) ‘ਤੇ ਕਲਿੱਕ ਕਰੋ। ਅਜਿਹਾ ਕਰਨ ਨਾਲ ਇੱਕ ਨਵਾਂ ਪੇਜ ਖੁੱਲ ਜਾਵੇਗਾ। ਹੁਣ ਮੈਂਬਰ ਆਈਡੀ ਖੋਲ੍ਹੋ। ਇਸ ਤੋਂ ਬਾਅਦ ਤੁਸੀਂ ਆਪਣਾ EPF ਬੈਲੇਂਸ ਚੈੱਕ ਕਰ ਸਕੋਗੇ।
Umang ਐਪ ਦੀ ਮਦਦ ਲਓ
ਆਪਣੇ ਮੋਬਾਈਲ ਵਿੱਚ ਉਮੰਗ ਐਪ (Umang App) ਡਾਊਨਲੋਡ ਕਰੋ। ਐਪ ‘ਚ EPFO ’ਤੇ ਕਲਿੱਕ ਕਰੋ। ਇਸ ਵਿੱਚ ਕਰਮਚਾਰੀ ਕੇਂਦਰਿਤ ਸੇਵਾਵਾਂ ‘ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ View Passbook ‘ਤੇ ਕਲਿੱਕ ਕਰੋ ਅਤੇ ਆਪਣਾ UAN ਅਤੇ ਪਾਸਵਰਡ ਭਰੋ। ਤੁਸੀਂ ਨਿਰਧਾਰਤ ਸਥਾਨ ‘ਤੇ ਰਜਿਸਟਰਡ ਮੋਬਾਈਲ ਨੰਬਰ ‘ਤੇ ਪ੍ਰਾਪਤ ਹੋਇਆ OTP ਦਰਜ ਕਰਕੇ ਪੀਐਫ ਬੈਲੇਂਸ ਦੀ ਜਾਂਚ ਕਰ ਸਕਦੇ ਹੋ।
ਮਿਸਡ ਕਾਲ ਕਰਕੇ ਪਤਾ ਲਗਾਓ
ਤੁਸੀਂ ਆਪਣੇ ਫੋਨ ਤੋਂ ਮਿਸ ਕਾਲ ਕਰਕੇ ਵੀ ਜਾਣ ਸਕਦੇ ਹੋ ਕਿ ਕੰਪਨੀ ਨੇ ਪੀਐਫ ਵਿੱਚ ਪੈਸੇ ਜਮ੍ਹਾ ਕੀਤੇ ਹਨ ਜਾਂ ਨਹੀਂ। ਇਸਦੇ ਲਈ, ਤੁਹਾਡਾ ਮੋਬਾਈਲ ਨੰਬਰ EPFO ਵਿੱਚ ਰਜਿਸਟਰ ਹੋਣਾ ਚਾਹੀਦਾ ਹੈ। ਮਿਸਡ ਕਾਲ ਰਾਹੀਂ ਬਕਾਇਆ ਜਾਣਕਾਰੀ ਪ੍ਰਾਪਤ ਕਰਨ ਲਈ, ਪੀਐਫ ਗਾਹਕ ਨੂੰ ਰਜਿਸਟਰਡ ਮੋਬਾਈਲ ਨੰਬਰ ਤੋਂ 011-22901406 ‘ਤੇ ਮਿਸਡ ਕਾਲ ਕਰਨੀ ਪੈਂਦੀ ਹੈ। ਕੁਝ ਸਮੇਂ ਬਾਅਦ, ਖਾਤੇ ਦੀ ਜਾਣਕਾਰੀ ਤੁਹਾਡੇ ਮੋਬਾਈਲ ‘ਤੇ SMS ਰਾਹੀਂ ਆਵੇਗੀ।
SMS ਰਾਹੀਂ ਖਾਤੇ ਦੀ Status ਜਾਣੋ
ਐਸਐਮਐਸ ਦੁਆਰਾ ਪੀਐਫ ਬੈਲੇਂਸ ਜਾਣਨ ਲਈ, ਈਪੀਐਫਓ ਨਾਲ ਰਜਿਸਟਰਡ ਮੋਬਾਈਲ ਨੰਬਰ ਤੋਂ 7738299899 ‘ਤੇ SMS ਭੇਜੋ। ਇਸਦੇ ਲਈ ਤੁਹਾਨੂੰ EPFO UAN LAN (ਭਾਸ਼ਾ) ਟਾਈਪ ਕਰਨਾ ਹੋਵੇਗਾ। ਜੇਕਰ ਤੁਸੀਂ ਅੰਗਰੇਜ਼ੀ (English) ਵਿੱਚ ਜਾਣਕਾਰੀ ਚਾਹੁੰਦੇ ਹੋ ਤਾਂ LAN ਦੀ ਬਜਾਏ ENG ਲਿਖੋ। ਹਿੰਦੀ (Hindi) ਵਿੱਚ ਜਾਣਕਾਰੀ ਲਈ LAN ਦੀ ਬਜਾਏ HIN ਲਿਖੋ। ਖਾਤੇ ਦੀ ਜਾਣਕਾਰੀ ਹਿੰਦੀ ਵਿੱਚ ਪ੍ਰਾਪਤ ਕਰਨ ਲਈ, EPFOHO UAN HIN ਲਿਖੋ ਅਤੇ ਇਸਨੂੰ 7738299899 ਨੰਬਰ ‘ਤੇ ਭੇਜੋ। ਤੁਹਾਡੇ ਮੋਬਾਈਲ ‘ਤੇ ਪੀਐਫ ਬੈਲੇਂਸ ਦਾ ਸੁਨੇਹਾ ਆਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)