PNB ਨੇ ਕਰੋੜਾਂ ਗਾਹਕਾਂ ਨੂੰ ਦਿੱਤੀ ਖ਼ਸ਼ਖ਼ਬਰੀ, ਨਹੀਂ ਦੇਣਾ ਪਵੇਗਾ ਜ਼ੁਰਮਾਨਾ
Punjab National Bank: ਕੇਨਰਾ ਬੈਂਕ ਤੋਂ ਬਾਅਦ ਹੁਣ ਪੰਜਾਬ ਨੈਸ਼ਨਲ ਬੈਂਕ ਨੇ ਖਾਤੇ ਵਿੱਚ ਮਿਨੀਮਮ ਐਵਰੇਜ ਬੈਲੇਂਸ ਮੈਨਟੇਨ ਰੱਖਣ ਦੇ ਨਿਯਮ ਨੂੰ ਹਟਾ ਕੇ ਆਪਣੇ ਗਾਹਕਾਂ ਨੂੰ ਖ਼ੁਸ਼ਖ਼ਬਰੀ ਦਿੱਤੀ ਹੈ।
Punjab National Bank: ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਆਪਣੇ ਅਕਾਊਂਟ ਹੋਲਡਰਸ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਬੈਂਕ ਨੇ ਐਲਾਨ ਕੀਤਾ ਹੈ ਕਿ ਹੁਣ ਬੱਚਤ ਖਾਤੇ ਵਿੱਚ ਘੱਟੋ-ਘੱਟ ਔਸਤ ਬਕਾਇਆ (Minimum Average Balance Maintain) ਨਾ ਰੱਖਣ 'ਤੇ ਕੋਈ ਜੁਰਮਾਨਾ ਨਹੀਂ ਲਗਾਇਆ ਜਾਵੇਗਾ। ਬੈਂਕ ਦੇ ਇਸ ਫੈਸਲੇ ਨਾਲ ਲੋਕਾਂ ਨੂੰ ਖਾਤੇ ਵਿੱਚ ਘੱਟੋ-ਘੱਟ ਬਕਾਇਆ ਰੱਖਣ ਦੀ ਚਿੰਤਾ ਤੋਂ ਰਾਹਤ ਮਿਲੇਗੀ।
ਬੈਂਕ ਦਾ ਕਹਿਣਾ ਹੈ ਕਿ ਇਸ ਕਦਮ ਦਾ ਉਦੇਸ਼ ਵਿੱਤੀ ਸਮਾਵੇਸ਼ ਨੂੰ ਉਤਸ਼ਾਹਿਤ ਕਰਨਾ ਅਤੇ ਬੈਂਕਿੰਗ ਨੂੰ ਸਾਰਿਆਂ ਲਈ ਵਧੇਰੇ ਪਹੁੰਚਯੋਗ ਬਣਾਉਣਾ ਹੈ। ਬੈਂਕ ਦਾ ਇਹ ਨਵਾਂ ਨਿਯਮ 1 ਜੁਲਾਈ, 2025 ਤੋਂ ਲਾਗੂ ਹੋ ਗਿਆ ਹੈ। ਇਹ ਖਾਸ ਤੌਰ 'ਤੇ ਔਰਤਾਂ, ਕਿਸਾਨਾਂ ਅਤੇ ਘੱਟ ਆਮਦਨ ਵਾਲੇ ਪਰਿਵਾਰਾਂ ਦੀ ਮਦਦ ਕਰੇਗਾ। ਪਿਛਲੇ ਮਹੀਨੇ, ਕੇਨਰਾ ਬੈਂਕ ਨੇ ਜੂਨ ਮਹੀਨੇ ਤੋਂ ਆਪਣੇ ਸਾਰੇ ਖਾਤਿਆਂ 'ਤੇ ਔਸਤ ਮਾਸਿਕ ਬਕਾਇਆ (AMB) ਬਣਾਈ ਰੱਖਣ ਦੀ ਜ਼ਰੂਰਤ ਨੂੰ ਵੀ ਹਟਾ ਦਿੱਤਾ ਸੀ।
ਬੈਂਕ ਕਿਉਂ ਬਣਾਉਂਦੇ ਆਹ ਨਿਯਮ?
ਬੈਂਕ ਖਾਤੇ ਵਿੱਚ ਘੱਟੋ-ਘੱਟ ਔਸਤ ਬਕਾਇਆ (Minimum Average Balance Maintain) ਰੱਖਣ ਲਈ ਕਹਿੰਦਾ ਹੈ ਤਾਂ ਜੋ ਇਹ ਆਪਣੇ ਸੰਚਾਲਨ ਖਰਚਿਆਂ ਨੂੰ ਪੂਰਾ ਕਰ ਸਕੇ ਅਤੇ ਔਨਲਾਈਨ ਬੈਂਕਿੰਗ, ਏਟੀਐਮ, ਸ਼ਾਖਾ ਆਦਿ ਵਰਗੀਆਂ ਵੱਖ-ਵੱਖ ਸੇਵਾਵਾਂ ਦਾ ਖਰਚਾ ਚੁੱਕ ਸਕੇ। ਕਈ ਵਾਰ, ਬੈਂਕ ਗਾਹਕਾਂ ਨੂੰ ਘੱਟੋ-ਘੱਟ ਬਕਾਇਆ ਰੱਖਣ (Minimum Average Balance Maintain) 'ਤੇ ਉੱਚ ਵਿਆਜ ਦਰਾਂ, ਮੁਫਤ ਏਟੀਐਮ (ATM) ਲੈਣ-ਦੇਣ ਵਰਗੀਆਂ ਸਹੂਲਤਾਂ ਵੀ ਪ੍ਰਦਾਨ ਕਰਦਾ ਹੈ।
ਦੂਜੇ ਪਾਸੇ, ਬੈਂਕ ਆਪਣੇ ਗਾਹਕਾਂ ਤੋਂ ਘੱਟੋ-ਘੱਟ ਬਕਾਇਆ (Minimum Average Balance Maintain) ਨਾ ਰੱਖਣ 'ਤੇ ਜੁਰਮਾਨਾ ਵਸੂਲਦੇ ਹਨ। ਕਈ ਵਾਰ, ਬੈਂਕ ਲੰਬੇ ਸਮੇਂ ਤੱਕ ਘੱਟੋ-ਘੱਟ ਔਸਤ ਬਕਾਇਆ (Minimum Average Balance Maintain) ਨਾ ਰੱਖਣ 'ਤੇ ਖਾਤੇ ਵੀ ਬੰਦ ਕਰ ਦਿੰਦੇ ਹਨ। ਮੋਟੇ ਤੌਰ 'ਤੇ, ਬੈਂਕ ਇੱਕ ਬਿਜਨਸ ਹੈ, ਜੋ ਆਪਣੇ ਖਰਚਿਆਂ ਨੂੰ ਪੂਰਾ ਕਰਨ ਲਈ ਜਮ੍ਹਾਂ ਰਾਸ਼ੀ ਅਤੇ ਜੁਰਮਾਨੇ 'ਤੇ ਨਿਰਭਰ ਕਰਦੇ ਹਨ।
ਘੱਟੋ-ਘੱਟ ਬਕਾਇਆ ਸੰਬੰਧੀ RBI ਦੇ ਨਿਯਮਾਂ ਦੇ ਅਨੁਸਾਰ, ਬੈਂਕਾਂ ਨੂੰ ਹਮੇਸ਼ਾ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਖਾਤੇ ਵਿੱਚ ਘੱਟੋ-ਘੱਟ ਮਿਨਿਮਮ ਬੈਲੇਂਸ ਮੈਨਟੇਨ ਨਾ ਹੋਣ 'ਤੇ ਪੈਨਾਲਟੀ ਲੱਗਣ ਨਾਲ ਬੈਲੇਂਸ ਕਿਤੇ ਨੈਗੇਟਿਵ ਵਿੱਚ ਨਾ ਚਲਿਆ ਜਾਵੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
