(Source: ECI/ABP News)
Kansai Airport Sinking: ਡੁੱਬ ਰਿਹੈ ਸਮੁੰਦਰ 'ਚ ਬਣਿਆ ਜਾਪਾਨ ਦਾ 20 ਅਰਬ ਡਾਲਰ ਦਾ ਇਹ ਸ਼ਾਨਦਾਰ ਏਅਰਪੋਰਟ, ਜਾਣੋ ਕਾਰਨ
Kansai Airport Sinking: 20 ਅਰਬ ਡਾਲਰ ਦੀ ਲਾਗਤ ਨਾਲ ਬਣਿਆ ਜਾਪਾਨ ਦਾ ਇਹ ਹਵਾਈ ਅੱਡਾ ਹੁਣ ਡੁੱਬਣ ਦੀ ਕਗਾਰ 'ਤੇ ਹੈ। ਆਓ ਜਾਣਦੇ ਹਾਂ ਇਸ ਦੇ ਵੇਰਵਿਆਂ ਬਾਰੇ...
Japan Kansai Airport Sinking: ਜਾਪਾਨ ਟੈਕਨਾਲੋਜੀ (Japan Technology) ਦੇ ਮਾਮਲੇ 'ਚ ਹਮੇਸ਼ਾ ਅੱਗੇ ਰਿਹਾ ਹੈ ਅਤੇ ਕਈ ਰਿਕਾਰਡ ਆਪਣੇ ਨਾਂ ਕੀਤੇ ਹਨ। ਜਾਪਾਨ ਨੇ ਸਮੁੰਦਰ (japan sea) 'ਤੇ ਹਵਾਈ ਅੱਡਾ ਬਣਾ ਕੇ ਇਤਿਹਾਸ 'ਚ ਆਪਣਾ ਨਾਂ ਦਰਜ ਕਰਵਾਇਆ ਸੀ ਪਰ ਹੁਣ ਉਹ ਹਵਾਈ ਅੱਡਾ (airport) ਹੌਲੀ-ਹੌਲੀ ਡੁੱਬ ਰਿਹਾ ਹੈ। ਜਾਪਾਨ ਦੇ ਗ੍ਰੇਟਰ ਓਸਾਕਾ ਵਿੱਚ ਸਥਿਤ ਕੰਸਾਈ ਅੰਤਰਰਾਸ਼ਟਰੀ ਹਵਾਈ ਅੱਡੇ (Kansai International Airport) ਨੂੰ ਬਣਾਉਣ ਲਈ ਇੱਕ ਨਕਲੀ ਟਾਪੂ ਬਣਾਇਆ ਗਿਆ ਸੀ। ਇਸ ਹਵਾਈ ਅੱਡੇ ਦੇ ਨਿਰਮਾਣ ਵਿੱਚ 20 ਬਿਲੀਅਨ ਡਾਲਰ ਤੋਂ ਵੱਧ ਖਰਚ ਕੀਤੇ ਗਏ ਹਨ, ਪਰ ਹੁਣ ਇਹ ਡੁੱਬਣ ਦੀ ਕਗਾਰ 'ਤੇ ਪਹੁੰਚ ਗਿਆ ਹੈ।
ਡੁੱਬ ਜਾਵੇਗਾ ਏਅਰਪੋਰਟ
ਕੰਸਾਈ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇ ਸਾਲ 1994 ਵਿੱਚ ਕੰਮ ਕਰਨਾ ਸ਼ੁਰੂ ਕੀਤਾ ਸੀ। 30 ਸਾਲਾਂ ਤੱਕ ਲਗਾਤਾਰ ਕੰਮ ਕਰਨ ਤੋਂ ਬਾਅਦ ਇਹ ਹਵਾਈ ਅੱਡਾ ਹੁਣ ਡੁੱਬਣ ਦੇ ਖ਼ਤਰੇ ਵਿੱਚ ਹੈ। 2018 ਵਿੱਚ ਕੀਤੇ ਗਏ ਇੱਕ ਅਧਿਐਨ ਤੋਂ ਬਾਅਦ, ਮਾਹਰਾਂ ਨੇ ਦਾਅਵਾ ਕੀਤਾ ਹੈ ਕਿ ਇਹ ਹਵਾਈ ਅੱਡਾ ਪਹਿਲਾਂ ਹੀ 40 ਫੁੱਟ ਤੱਕ ਡੁੱਬ ਚੁੱਕਾ ਹੈ, ਜੋ ਕਿ ਅੰਦਾਜ਼ੇ ਤੋਂ 25 ਪ੍ਰਤੀਸ਼ਤ ਵੱਧ ਹੈ। ਇਸ ਅਧਿਐਨ ਤੋਂ ਇਹ ਵੀ ਸਾਹਮਣੇ ਆਇਆ ਹੈ ਕਿ 2056 ਤੱਕ ਇਹ ਹਵਾਈ ਅੱਡਾ 13 ਫੁੱਟ ਹੋਰ ਡੁੱਬ ਜਾਵੇਗਾ ਅਤੇ ਫਿਰ ਹਵਾਈ ਅੱਡੇ ਦੇ ਅੰਦਰ ਪਾਣੀ ਆ ਜਾਵੇਗਾ।
ਹਰ ਸਾਲ ਕਰੋੜਾਂ ਯਾਤਰੀ ਕਰਦੇ ਨੇ ਯਾਤਰਾ
ਇਸ ਹਵਾਈ ਅੱਡੇ ਦਾ ਨਿਰਮਾਣ ਸਾਲ 1987 ਵਿੱਚ ਸ਼ੁਰੂ ਹੋਇਆ ਸੀ ਅਤੇ ਇਸ ਨੂੰ ਪੂਰਾ ਕਰਨ ਵਿੱਚ 7 ਸਾਲ ਲੱਗੇ ਸਨ। ਇਹ ਹਵਾਈ ਅੱਡਾ ਇਸ ਲਈ ਵੀ ਖਾਸ ਹੈ ਕਿਉਂਕਿ ਇਸ ਦਾ ਰਨਵੇ ਆਮ ਹਵਾਈ ਅੱਡਿਆਂ ਨਾਲੋਂ ਦੁੱਗਣਾ ਹੈ, ਯਾਨੀ ਕਿ 4000 ਮੀਟਰ ਤੱਕ। ਇਹ ਸਮੁੰਦਰ ਤੋਂ ਦੋ ਮੀਲ ਦੀ ਦੂਰੀ 'ਤੇ ਸਥਿਤ ਹੈ। ਜਾਪਾਨ ਦੇ ਓਸਾਕਾ ਤੋਂ ਇਲਾਵਾ ਨੇੜਲੇ ਸ਼ਹਿਰਾਂ ਦੇ ਯਾਤਰੀਆਂ ਲਈ ਇਹ ਹਵਾਈ ਅੱਡਾ ਬਹੁਤ ਮਹੱਤਵਪੂਰਨ ਹੈ। ਇਹ ਜਪਾਨ ਦਾ ਤੀਜਾ ਸਭ ਤੋਂ ਵਿਅਸਤ ਹਵਾਈ ਅੱਡਾ ਹੈ ਅਤੇ ਏਸ਼ੀਆ ਦਾ 30ਵਾਂ ਸਭ ਤੋਂ ਵਿਅਸਤ ਹਵਾਈ ਅੱਡਾ ਹੈ। ਇੱਥੇ ਦਿਨ ਦੇ 24 ਘੰਟੇ ਜਹਾਜ਼ ਉੱਡਦੇ ਰਹਿੰਦੇ ਹਨ ਅਤੇ ਹਰ ਸਾਲ 2.5 ਕਰੋੜ ਤੋਂ ਵੱਧ ਯਾਤਰੀ ਯਾਤਰਾ ਕਰਦੇ ਹਨ। ਇਹ ਹਵਾਈ ਅੱਡਾ ਜਾਪਾਨ ਏਅਰਲਾਈਨਜ਼, ਨਿਪੋਨ ਕਾਰਗੋ ਏਅਰਲਾਈਨਜ਼ ਅਤੇ ਆਲ ਨਿਪੋਨ ਏਅਰਵੇਜ਼ ਲਈ ਬੇਸ ਸਟੇਸ਼ਨ ਵਜੋਂ ਕੰਮ ਕਰਦਾ ਹੈ।
20 ਅਰਬ ਡਾਲਰ ਹੋਏ ਬਰਬਾਦ
ਇਸ ਹਵਾਈ ਅੱਡੇ ਨੂੰ ਬਣਾਉਣ ਲਈ ਮਸ਼ੀਨਾਂ ਰਾਹੀਂ ਲੱਖਾਂ ਲੀਟਰ ਪਾਣੀ ਬਾਹਰ ਕੱਢਿਆ ਗਿਆ ਹੈ। ਇਸ ਤੋਂ ਬਾਅਦ ਸਮੁੰਦਰ ਵਿੱਚ ਇੱਕ ਸੀ ਬੈੱਡ ਬਣਾਇਆ ਗਿਆ। ਇਸ ਦੇ ਨਾਲ ਹੀ ਹਵਾਈ ਅੱਡੇ ਦੇ ਆਲੇ-ਦੁਆਲੇ ਸਮੁੰਦਰੀ ਪਾਣੀ ਤੋਂ ਬਚਾਉਣ ਲਈ ਸਮੁੰਦਰੀ ਸੁਰੱਖਿਆ ਦੀਵਾਰ ਵੀ ਬਣਾਈ ਗਈ ਹੈ ਪਰ ਇਨ੍ਹਾਂ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਏਅਰਪੋਰਟ ਦੇ ਡੁੱਬਣ ਦਾ ਖ਼ਤਰਾ ਬਣਿਆ ਹੋਇਆ ਹੈ। ਇਸ ਹਵਾਈ ਅੱਡੇ ਨੂੰ ਬਣਾਉਣ ਦੀ ਕੁੱਲ ਲਾਗਤ 20 ਬਿਲੀਅਨ ਡਾਲਰ ਤੋਂ ਵੱਧ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
