Tomato Price Hike: ਗਰਮੀਆਂ ਤੇ ਮੀਂਹ 'ਚ ਦੇਰੀ ਕਾਰਨ ਦੁੱਗਣੇ ਹੋਏ ਟਮਾਟਰ ਦੇ ਭਾਅ, ਸਿਰਫ਼ ਇੱਕ ਮਹੀਨੇ 'ਚ ਰਿਕਾਰਡ ਵਾਧਾ
Tomato Price Hike: ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਟਮਾਟਰ ਦੇ ਭਾਅ ਵਿਚ ਰਿਕਾਰਡ ਵਾਧਾ ਹੋਇਆ ਹੈ। ਖੁਦਰਾ ਬਾਜ਼ਾਰ ਵਿਚ ਇਕ ਕਿਲੋ ਟਮਾਟਰ ਦੇ ਰੇਟ 80 ਤੋਂ 120 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਗਈ ਹੈ।
Tomato Price Increased: ਗਰਮੀ ਦੇ ਮੌਸਮ ਦਾ ਅਸਰ ਹੁਣ ਆਮ ਲੋਕਾਂ ਦੀਆਂ ਜੇਬਾਂ 'ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਪਿਛਲੇ ਹਫ਼ਤੇ ਦੌਰਾਨ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਟਮਾਟਰਾਂ ਦੀਆਂ ਕੀਮਤਾਂ ਦੁੱਗਣੀਆਂ ਹੋ ਗਈਆਂ ਹਨ। ਪ੍ਰਚੂਨ ਬਾਜ਼ਾਰ 'ਚ ਟਮਾਟਰ ਦੀ ਕੀਮਤ 80 ਰੁਪਏ ਤੋਂ ਵਧ ਕੇ 120 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ। ਦੂਜੇ ਪਾਸੇ ਟਮਾਟਰ ਦੀ ਥੋਕ ਕੀਮਤ 30-35 ਰੁਪਏ ਪ੍ਰਤੀ ਕਿਲੋ ਤੋਂ ਵਧ ਕੇ 65-70 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ।
ਟਮਾਟਰ ਦੀ ਕੀਮਤ ਵਿੱਚ ਰਿਕਾਰਡ ਵਾਧਾ ਕਈ ਕਾਰਨਾਂ ਕਰਕੇ ਹੋਇਆ ਹੈ। ਹਾਲਾਂਕਿ, ਇਹ ਵਾਧਾ ਮੁੱਖ ਤੌਰ 'ਤੇ ਜ਼ਿਆਦਾ ਗਰਮੀ, ਦੇਰੀ ਨਾਲ ਹੋਣ ਵਾਲੀ ਬਾਰਸ਼ ਅਤੇ ਕਿਸਾਨਾਂ ਦੀ ਖੇਤੀ ਕਰਨ ਵਿਚ ਘੱਟ ਦਿਲਚਸਪੀ ਕਾਰਨ ਹੋਇਆ ਹੈ। ਈਟੀ ਦੀ ਰਿਪੋਰਟ ਦੇ ਅਨੁਸਾਰ, ਟਮਾਟਰ ਦੀ ਕੀਮਤ ਮਈ ਵਿੱਚ 3-5 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੱਕ ਡਿੱਗ ਗਈ ਸੀ, ਜਿਵੇਂ ਕਿ ਤੇਜ਼ ਗਰਮੀ, ਦੇਰੀ ਨਾਲ ਮੀਂਹ ਅਤੇ ਫਸਲ ਉਗਾਉਣ ਵਿੱਚ ਕਿਸਾਨਾਂ ਦੀ ਦਿਲਚਸਪੀ ਦੀ ਕਮੀ ਵਰਗੇ ਕਈ ਕਾਰਨਾਂ ਕਰਕੇ ਹੋਈ ਹੈ।
ਪਿਛਲੇ ਦੋ ਦਿਨਾਂ 'ਚ ਦੁੱਗਣੇ ਹੋਏ ਟਮਾਟਰ ਦੇ ਰੇਟ
ਦਿੱਲੀ ਦੇ ਆਜ਼ਾਦਪੁਰ ਥੋਕ ਮੰਡੀ ਦੇ ਟਮਾਟਰ ਵਪਾਰੀ ਅਸ਼ੋਕ ਗਨੋਰ ਨੇ ਦੱਸਿਆ ਕਿ ਪਿਛਲੇ ਦੋ ਦਿਨਾਂ ਵਿੱਚ ਟਮਾਟਰਾਂ ਦੀਆਂ ਕੀਮਤਾਂ ਦੁੱਗਣੀਆਂ ਹੋ ਗਈਆਂ ਹਨ। ਗੁਆਂਢੀ ਸੂਬਿਆਂ ਹਰਿਆਣਾ ਅਤੇ ਉੱਤਰ ਪ੍ਰਦੇਸ਼ ਤੋਂ ਟਮਾਟਰ ਦੀ ਸਪਲਾਈ ਘਟ ਗਈ ਹੈ। ਹੁਣ ਅਸੀਂ ਬੰਗਲੌਰ ਤੋਂ ਟਮਾਟਰ ਲੈ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਪਿਛਲੇ ਦਿਨੀਂ ਪਏ ਮੀਂਹ ਦੌਰਾਨ ਜ਼ਮੀਨ ’ਚ ਲੱਗੇ ਟਮਾਟਰ ਦੇ ਬੂਟੇ ਨੁਕਸਾਨੇ ਗਏ ਹਨ। ਟਮਾਟਰ ਵਿੱਚ ਹੋਏ ਨੁਕਸਾਨ ਕਾਰਨ ਕਿਸਾਨਾਂ ਨੇ ਵੀ ਇਸ ਫ਼ਸਲ ਦੀ ਸੰਭਾਲ ਕਰਨੀ ਛੱਡ ਦਿੱਤੀ ਹੈ।
ਫਸਲ ਤਬਾਹ ਕਰਨ ਲਈ ਮਜਬੂਰ ਕਿਸਾਨ
ਘੱਟ ਭਾਅ ਤੋਂ ਹੋਣ ਵਾਲੇ ਘਾਟੇ ਨੂੰ ਘੱਟ ਕਰਨ ਲਈ ਕਿਸਾਨਾਂ ਨੇ ਟਮਾਟਰਾਂ ਦੀ ਖੇਤੀ ਕਰਨੀ ਬੰਦ ਕਰ ਦਿੱਤੀ ਹੈ। ਮਹਾਰਾਸ਼ਟਰ ਦੇ ਨਾਰਾਇਣਗਾਂਵ ਖੇਤਰ ਦੇ ਇੱਕ ਕਿਸਾਨ ਅਜੈ ਬੇਲਹੇਕਰ ਨੇ ਕਿਹਾ ਕਿ ਕਿਸਾਨਾਂ ਨੇ ਕੀਟਨਾਸ਼ਕਾਂ ਦਾ ਛਿੜਕਾਅ ਨਹੀਂ ਕੀਤਾ ਅਤੇ ਨਾ ਹੀ ਖਾਦਾਂ ਦੀ ਵਰਤੋਂ ਕੀਤੀ ਕਿਉਂਕਿ ਕੀਮਤਾਂ ਲਾਹੇਵੰਦ ਨਹੀਂ ਸਨ। ਇਸ ਕਾਰਨ ਕੀੜਿਆਂ ਅਤੇ ਬਿਮਾਰੀਆਂ ਦਾ ਪ੍ਰਕੋਪ ਵਧਿਆ ਅਤੇ ਉਤਪਾਦਨ ਵਿੱਚ ਕਮੀ ਆਈ। ਅਜਿਹੇ 'ਚ ਭਾਅ ਡਿੱਗਣ ਕਾਰਨ ਕਿਸਾਨ ਟਮਾਟਰ ਦੀ ਵਾਢੀ ਅਤੇ ਢੋਆ-ਢੁਆਈ ਦਾ ਖਰਚਾ ਵੀ ਨਹੀਂ ਚੁੱਕ ਸਕੇ। ਇਸ ਕਾਰਨ ਕਿਸਾਨ ਆਪਣੀ ਪੈਦਾਵਾਰ ਨੂੰ ਖੇਤਾਂ ਵਿੱਚ ਸੁੱਟਣ ਜਾਂ ਫਸਲ ਦੇ ਵਿਚਕਾਰ ਟਰੈਕਟਰ ਚਲਾ ਕੇ ਵਾਹੁਣ ਲਈ ਮਜਬੂਰ ਹੋ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
