ਹਰ ਮਹੀਨੇ 42 ਰੁਪਏ ਦੇ ਨਿਵੇਸ਼ ਨਾਲ ਹਾਸਲ ਕਰੋ 1000 ਰੁਪਏ ਪੈਨਸ਼ਨ, ਜਾਣੋ Atal Pension Yojana ਬਾਰੇ
ਜੇ ਕੋਈ ਵਿਅਕਤੀ 18 ਸਾਲ ਦੀ ਉਮਰ ਵਿਚ ਏਪੀਵਾਈ ਵਿਚ ਸ਼ਾਮਲ ਹੁੰਦਾ ਹੈ ਅਤੇ 42 ਸਾਲਾਂ ਲਈ 210 ਰੁਪਏ ਪ੍ਰਤੀ ਮਹੀਨਾ ਯੋਗਦਾਨ ਪਾਉਂਦਾ ਹੈ, ਤਾਂ ਉਸਨੂੰ 60 ਸਾਲ ਦੀ ਉਮਰ ਤੋਂ ਬਾਅਦ 5000 ਰੁਪਏ ਮਹੀਨਾਵਾਰ ਪੈਨਸ਼ਨ ਮਿਲੇਗੀ।
ਨਵੀਂ ਦਿੱਲੀ: ਦੇਸ਼ ਦੇ ਸਾਰੇ ਨਾਗਰਿਕਾਂ ਨੂੰ ਪੈਨਸ਼ਨ ਦਾ ਅਧਿਕਾਰ ਦਿੰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 1 ਜੂਨ 2015 ਨੂੰ ਅਟਲ ਪੈਨਸ਼ਨ ਯੋਜਨਾ ਦੀ ਸ਼ੁਰੂਆਤ ਕੀਤੀ। ਪਰ ਇਸ ਯੋਜਨਾ ਤਹਿਤ ਪੈਨਸ਼ਨ ਪ੍ਰਾਪਤ ਕਰਨ ਲਈ ਤੁਹਾਨੂੰ ਇਸ ਵਿਚ ਹਰ ਮਹੀਨੇ ਨਿਵੇਸ਼ ਕਰਨਾ ਪਏਗਾ। 60 ਸਾਲਾਂ ਦੀ ਉਮਰ ਤੋਂ ਬਾਅਦ ਸਰਕਾਰ ਤੁਹਾਨੂੰ 1000 ਰੁਪਏ ਤੋਂ 5000 ਰੁਪਏ ਤੱਕ ਦੀ ਪੈਨਸ਼ਨ ਦੇਵੇਗੀ। ਤੁਹਾਡੀ ਪੈਨਸ਼ਨ ਦੀ ਰਕਮ ਦਾ ਫੈਸਲਾ ਤੁਹਾਡੇ ਨਿਵੇਸ਼ ਦੀ ਰਕਮ ਦੇ ਮੁਤਾਬਕ ਕੀਤਾ ਜਾਵੇਗਾ। ਤੁਸੀਂ ਬਚਤ ਦੇ ਮਾਮਲੇ ਵਿਚ ਵੀ ਇਸ ਵਿਚ ਨਿਵੇਸ਼ ਕਰ ਸਕਦੇ ਹੋ।
ਮਨੀਕੰਟ੍ਰੋਲ ਡਾਟ ਕਾਮ ਦੀ ਖ਼ਬਰ ਮੁਤਾਬਕ ਨੈਸ਼ਨਲ ਪੈਨਸ਼ਨ ਸਕੀਮ (ਐਨਪੀਐਸ) ਦੀ ਤਰਜ਼ 'ਤੇ ਬਣੀ ਅਟਲ ਪੈਨਸ਼ਨ ਯੋਜਨਾ ਇੱਕ ਅਜਿਹਾ ਉਤਪਾਦ ਹੈ ਜਿੱਥੇ ਤੁਸੀਂ ਹਰ ਮਹੀਨੇ ਥੋੜ੍ਹੀ ਜਿਹੀ ਰਕਮ ਦਾ ਨਿਵੇਸ਼ ਕਰਕੇ ਰਿਟਾਇਰ ਹੋ ਜਾਣ ਤੋਂ ਬਾਅਦ ਇੱਕ ਨਿਸ਼ਚਤ ਮਾਸਿਕ ਪੈਨਸ਼ਨ ਹਾਸਲ ਕਰ ਸਕਦੇ ਹੋ। ਅਟਲ ਪੈਨਸ਼ਨ ਯੋਜਨਾ ਦਾ ਉਦੇਸ਼ ਗ਼ੈਰ-ਸੰਗਠਿਤ ਖੇਤਰ ਦੇ ਲੋਕਾਂ ਨੂੰ ਉਨ੍ਹਾਂ ਦੀ ਰਿਟਾਇਰਮੈਂਟ ਤੋਂ ਬਾਅਦ ਦੀ ਜ਼ਿੰਦਗੀ ਦੌਰਾਨ ਵਿੱਤੀ ਸੁਰੱਖਿਆ ਪ੍ਰਦਾਨ ਕਰਨਾ ਹੈ। ਹਾਲਾਂਕਿ, ਕੋਈ ਵੀ ਨਾਗਰਿਕ 18 ਤੋਂ 40 ਸਾਲ ਦੀ ਉਮਰ ਦੇ ਵਿਚਕਾਰ ਜਿਸਦਾ ਇੱਕ ਬੈਂਕ ਜਾਂ ਡਾਕਘਰ ਵਿੱਚ ਬੱਚਤ ਖਾਤਾ ਹੈ, ਉਹ ਇਸ ਵਿੱਚ ਸ਼ਾਮਲ ਹੋ ਸਕਦੇ ਹੈ।
ਕਿੰਨਾ ਪ੍ਰੀਮੀਅਮ ਦਾ ਭੁਗਤਾਨ ਕਰਨਾ ਪਏਗਾ
ਇਸ ਯੋਜਨਾ ਦਾ ਲਾਭ ਲੈਣ ਲਈ ਤੁਹਾਨੂੰ 60 ਸਾਲ ਦੀ ਉਮਰ ਤਕ ਪ੍ਰੀਮੀਅਮ (ਮਹੀਨਾਵਾਰ, ਤਿਮਾਹੀ ਜਾਂ ਅੱਧ-ਸਾਲਾਨਾ) ਦਾ ਭੁਗਤਾਨ ਕਰਨਾ ਪਏਗਾ। ਉਸ ਤੋਂ ਬਾਅਦ ਤੁਹਾਡੇ ਯੋਗਦਾਨ ਦੇ ਅਧਾਰ 'ਤੇ ਤੁਹਾਨੂੰ 1,000 ਰੁਪਏ, 2,000, 3,000 ਰੁਪਏ, 4,000 ਰੁਪਏ ਜਾਂ 5000 ਰੁਪਏ ਪ੍ਰਤੀ ਮਹੀਨਾ ਪੈਨਸ਼ਨ ਮਿਲੇਗੀ। ਜੇ ਕੋਈ 18 ਸਾਲਾ ਨੌਜਵਾਨ ਮਹੀਨਾਵਾਰ 1000 ਰੁਪਏ ਪੈਨਸ਼ਨ ਚਾਹੁੰਦਾ ਹੈ, ਤਾਂ ਉਸਨੂੰ ਸਿਰਫ 42 ਰੁਪਏ ਪ੍ਰਤੀ ਮਹੀਨਾ ਦੇਣੇ ਪੈਣਗੇ। ਇਸ ਦੇ ਨਾਲ ਹੀ ਇੱਕ 40 ਸਾਲਾ ਵਿਅਕਤੀ ਨੂੰ ਪ੍ਰਤੀ ਮਹੀਨਾ 5000 ਰੁਪਏ ਪੈਨਸ਼ਨ ਲੈਣ ਲਈ 1454 ਰੁਪਏ ਪ੍ਰਤੀ ਮਹੀਨਾ ਦੇਣੇ ਪੈਣਗੇ।
ਪੈਨਸ਼ਨ ਕਿਵੇਂ ਹਾਸਲ ਹੋਵੇਗੀ
ਕਿਸੇ ਗਾਹਕ ਦੀ ਮੌਤ 'ਤੇ (60 ਸਾਲ ਦੀ ਉਮਰ ਤੋਂ ਬਾਅਦ), ਪੈਨਸ਼ਨ ਉਸਦੇ ਪਤੀ / ਪਤਨੀ ਨੂੰ ਮਿਲੇਗੀ। ਗ੍ਰਾਹਕ ਅਤੇ ਪਤੀ / ਪਤਨੀ ਦੋਵਾਂ ਦੀ ਮੌਤ ਹੋਣ ਦੀ ਸਥਿਤੀ ਵਿੱਚ ਪੈਨਸ਼ਨ ਕਾਰਪੋਸ ਇੱਕ ਨਾਮਜ਼ਦ ਵਿਅਕਤੀ ਨੂੰ ਦਿੱਤਾ ਜਾਵੇਗਾ। 60 ਸਾਲ ਦੀ ਉਮਰ ਤੋਂ ਪਹਿਲਾਂ ਗਾਹਕਾਂ ਦੀ ਮੌਤ ਹੋਣ 'ਤੇ ਪਤੀ / ਪਤਨੀ ਨੂੰ ਇੱਕ ਵਿਕਲਪ ਦਿੱਤਾ ਜਾਂਦਾ ਹੈ ਕਿ ਉਹ ਪੈਸੇ ਪੂਰੀ ਤਰ੍ਹਾਂ ਵਾਪਸ ਲੈਣ ਜਾਂ ਬਾਕੀ ਮਿਆਦ ਲਈ ਪ੍ਰੀਮੀਅਮ ਦਾ ਭੁਗਤਾਨ ਕਰਨਾ ਜਾਰੀ ਰੱਖਣ ਅਤੇ ਫਿਰ ਪੈਨਸ਼ਨ ਲਾਭ ਲੈਣ। ਇਕੱਤਰ ਹੋਣ ਦੇ ਅਰਸੇ ਦੌਰਾਨ ਸਮੇਂ ਤੋਂ ਪਹਿਲਾਂ ਪੈਸੇ ਕੱਢਵਾਉਣ ਦੀ ਇਜਾਜ਼ਤ ਸਿਰਫ ਅਸਧਾਰਨ ਹਾਲਤਾਂ ਵਿੱਚ ਦਿੱਤੀ ਜਾਂਦੀ ਹੈ।
ਪੈਨਸ਼ਨ ਦੀ ਰਕਮ ਹਰ ਸਾਲ ਬਦਲ ਸਕਦੀ ਹੈ
ਤੁਸੀਂ ਜ਼ਿਆਦਾਤਰ ਬੈਂਕਾਂ ਜਾਂ ਡਾਕਘਰਾਂ ਵਿੱਚ ਅਟਲ ਪੈਨਸ਼ਨ ਯੋਜਨਾ ਦਾ ਖਾਤਾ ਖੋਲ੍ਹ ਸਕਦੇ ਹੋ। ਤੁਹਾਨੂੰ ਸਾਲ ਵਿੱਚ ਇੱਕ ਵਾਰ ਆਪਣੀ ਲੋੜੀਂਦੀ ਪੈਨਸ਼ਨ ਦੀ ਰਕਮ ਬਦਲਣ ਦਾ ਵਿਕਲਪ ਵੀ ਦਿੱਤਾ ਜਾਂਦਾ ਹੈ ਜੇ ਕੋਈ ਵਿਅਕਤੀ 18 ਸਾਲ ਦੀ ਉਮਰ ਵਿਚ ਏਪੀਵਾਈ ਵਿਚ ਸ਼ਾਮਲ ਹੁੰਦਾ ਹੈ ਅਤੇ 42 ਸਾਲਾਂ ਲਈ 210 ਰੁਪਏ ਪ੍ਰਤੀ ਮਹੀਨਾ ਯੋਗਦਾਨ ਪਾਉਂਦਾ ਹੈ, ਤਾਂ ਉਸਨੂੰ 60 ਸਾਲ ਦੀ ਉਮਰ ਤੋਂ ਬਾਅਦ 5000 ਰੁਪਏ ਮਹੀਨਾਵਾਰ ਪੈਨਸ਼ਨ ਮਿਲੇਗੀ। ਮੌਤ ਤੋਂ ਬਾਅਦ, ਉਸਦੇ ਪਤੀ / ਪਤਨੀ ਨੂੰ ਪੈਨਸ਼ਨ ਵੀ ਮਿਲੇਗੀ। ਬਾਅਦ ਵਿਚ ਗਾਹਕ ਦੇ ਨੌਮਿਨੀ ਵਿਅਕਤੀ ਨੂੰ ਇਕਮੁਸ਼ਤ ਰਕਮ (8.5 ਲੱਖ ਰੁਪਏ) ਵਿਚ ਪੂਰੀ ਰਕਮ ਦਿੱਤੀ ਜਾਵੇਗੀ।
ਇਹ ਵੀ ਪੜ੍ਹੋ: ਸੰਸਦੀ ਕਮੇਟੀ ਨੇ Twitter ਨੂੰ 18 ਜੂਨ ਨੂੰ ਕੀਤਾ ਤੱਲਬ, ਨਵੇਂ ਆਈਟੀ ਕਾਨੂੰਨ ਸਮੇਤ ਕਈ ਮੁੱਦਿਆਂ ‘ਤੇ ਹੋਵੇਗੀ ਚਰਚਾ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
