ਦਿੱਲੀ ਔਰਤਾਂ ਲਈ ਸਭ ਤੋਂ ਅਸੁਰੱਖਿਅਤ, NCRB ਦੀ ਹੈਰਾਨ ਕਰਨ ਵਾਲੀ ਰਿਪੋਰਟ, ਹਰ ਰੋਜ਼ 2 ਨਾਬਾਲਗਾਂ ਨਾਲ ਬਲਾਤਕਾਰ
Crimes Against Women in Delhi: ਰਾਸ਼ਟਰੀ ਰਾਜਧਾਨੀ ਦਿੱਲੀ 'ਚ ਔਰਤਾਂ ਖਿਲਾਫ ਵਧਦੇ ਅਪਰਾਧ ਚਿੰਤਾ ਦਾ ਵਿਸ਼ਾ ਹਨ, ਜਦਕਿ ਇਕ ਰਿਪੋਰਟ (ਐੱਨ. ਸੀ. ਆਰ. ਬੀ. ਰਿਪੋਰਟ) ਸਾਹਮਣੇ ਆਈ ਹੈ, ਜਿਸ ਕਾਰਨ ਇਹ ਚਿੰਤਾ ਹੋਰ ਵੀ ਵਧ ਗਈ ਹੈ
Crimes Against Women in Delhi: ਰਾਸ਼ਟਰੀ ਰਾਜਧਾਨੀ ਦਿੱਲੀ 'ਚ ਔਰਤਾਂ ਖਿਲਾਫ ਵਧਦੇ ਅਪਰਾਧ ਚਿੰਤਾ ਦਾ ਵਿਸ਼ਾ ਹਨ, ਜਦਕਿ ਇਕ ਰਿਪੋਰਟ (ਐੱਨ. ਸੀ. ਆਰ. ਬੀ. ਰਿਪੋਰਟ) ਸਾਹਮਣੇ ਆਈ ਹੈ, ਜਿਸ ਕਾਰਨ ਇਹ ਚਿੰਤਾ ਹੋਰ ਵੀ ਵਧ ਗਈ ਹੈ। ਦਿੱਲੀ ਔਰਤਾਂ ਲਈ ਸਭ ਤੋਂ ਅਸੁਰੱਖਿਅਤ ਸ਼ਹਿਰ ਹੈ। ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ (NCRB) ਦੀ ਰਿਪੋਰਟ 'ਚ ਇਹ ਗੱਲ ਕਹੀ ਗਈ ਹੈ। ਰਿਪੋਰਟ ਦੇ ਅਨੁਸਾਰ, ਸਾਲ 2021 ਵਿੱਚ, ਦਿੱਲੀ ਵਿੱਚ ਔਰਤਾਂ ਵਿਰੁੱਧ ਅਪਰਾਧ ਦੇ 13,982 ਮਾਮਲੇ ਦਰਜ ਕੀਤੇ ਗਏ , ਜਦੋਂ ਕਿ ਦੇਸ਼ ਦੇ ਕੁੱਲ 19 ਮਹਾਨਗਰਾਂ ਵਿੱਚ ਔਰਤਾਂ ਵਿਰੁੱਧ ਅਪਰਾਧ ਦੇ 43,414 ਮਾਮਲੇ ਦਰਜ ਕੀਤੇ ਗਏ । ਦਿੱਲੀ ਤੋਂ ਬਾਅਦ ਸਭ ਤੋਂ ਵੱਧ ਮਾਮਲੇ ਮੁੰਬਈ ਵਿੱਚ ਦਰਜ ਹੋਏ ਹਨ। ਬੈਂਗਲੁਰੂ ਤੀਜੇ ਨੰਬਰ 'ਤੇ ਰਿਹਾ।
2020 ਤੋਂ 40 ਫੀਸਦੀ ਵੱਧ
ਦਿੱਲੀ ਵਿੱਚ ਦਰਜ ਮਾਮਲੇ ਮਹਾਨਗਰਾਂ ਵਿੱਚ ਸਭ ਤੋਂ ਵੱਧ ਹਨ। ਦੱਸ ਦੇਈਏ ਕਿ 2020 'ਚ ਦਿੱਲੀ 'ਚ ਔਰਤਾਂ ਖਿਲਾਫ ਅਪਰਾਧ ਦੇ 9,782 ਮਾਮਲੇ ਦਰਜ ਕੀਤੇ ਗਏ ਸਨ। 2021 ਵਿੱਚ ਦਰਜ ਹੋਏ ਕੇਸ 2020 ਵਿੱਚ ਦਰਜ ਹੋਏ ਕੇਸਾਂ ਨਾਲੋਂ 40 ਫੀਸਦੀ ਵੱਧ ਹਨ। ਇਹ ਡਰਾਉਣਾ ਹੈ ਅਤੇ ਇਸ ਦੇ ਨਾਲ ਹੀ ਔਰਤਾਂ ਦੀ ਸੁਰੱਖਿਆ ਨੂੰ ਲੈ ਕੇ ਸਰਕਾਰ ਦੇ ਵੱਡੇ-ਵੱਡੇ ਦਾਅਵਿਆਂ ਦੀ ਪੋਲ ਖੋਲ੍ਹਦਾ ਜਾਪਦਾ ਹੈ। ਦਿੱਲੀ ਵਿੱਚ ਸਾਈਬਰ ਅਪਰਾਧ ਵੀ 2020 ਦੇ ਮੁਕਾਬਲੇ 2021 ਵਿੱਚ 111 ਫੀਸਦੀ ਵਧਿਆ ਹੈ। 2021 ਵਿੱਚ ਸਾਈਬਰ ਕ੍ਰਾਈਮ ਦੇ 356 ਮਾਮਲੇ ਦਰਜ ਕੀਤੇ ਗਏ ।
ਹਰ ਰੋਜ਼ ਦੋ ਨਾਬਾਲਗਾਂ ਨਾਲ ਬਲਾਤਕਾਰ
ਰਿਪੋਰਟ ਮੁਤਾਬਕ 2021 'ਚ ਦਿੱਲੀ 'ਚ ਹਰ ਰੋਜ਼ ਦੋ ਨਾਬਾਲਗ ਲੜਕੀਆਂ ਨਾਲ ਬਲਾਤਕਾਰ ਹੋਇਆ।ਰਿਪੋਰਟ ਮੁਤਾਬਕ ਦਿੱਲੀ 'ਚ ਬਲਾਤਕਾਰ, ਅਗਵਾ ਅਤੇ ਔਰਤਾਂ ਨਾਲ ਜ਼ੁਲਮ ਦੇ ਮਾਮਲੇ ਵਧੇ ਹਨ। 2021 ਵਿੱਚ, ਦਿੱਲੀ ਵਿੱਚ ਅਗਵਾ ਦੇ 3,948 ਮਾਮਲੇ, ਪਤੀਆਂ ਵੱਲੋਂ ਬੇਰਹਿਮੀ ਦੇ 4,674 ਮਾਮਲੇ ਅਤੇ ਲੜਕੀਆਂ ਨਾਲ ਬਲਾਤਕਾਰ ਦੇ 833 ਮਾਮਲੇ ਦਰਜ ਕੀਤੇ ਗਏ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ 2021 ਵਿੱਚ ਦਿੱਲੀ ਵਿੱਚ ਦਾਜ ਕਾਰਨ ਹੋਈਆਂ ਮੌਤਾਂ ਦੇ 136 ਮਾਮਲੇ ਦਰਜ ਕੀਤੇ ਗਏ, ਜੋ ਕਿ 19 ਮਹਾਨਗਰਾਂ ਵਿੱਚ ਹੋਈਆਂ ਕੁੱਲ ਮੌਤਾਂ ਦਾ 36.26 ਫੀਸਦੀ ਹੈ।
ਨਹੀਂ ਘਟ ਰਿਹਾ ਅਪਰਾਧ
ਦੱਸ ਦੇਈਏ ਕਿ 2012 ਦੀ ਨਿਰਭਯਾ ਕਾਂਡ ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਇਸ ਤੋਂ ਬਾਅਦ ਰਾਜਧਾਨੀ ਦਿੱਲੀ ਵਿੱਚ ਔਰਤਾਂ ਦੀ ਸੁਰੱਖਿਆ ਲਈ ਕਈ ਕਦਮ ਚੁੱਕੇ ਗਏ। ਇਸ ਦੇ ਲਈ ਸਰਕਾਰ ਨੇ ਕਈ ਕਦਮ ਚੁੱਕੇ ਹਨ। ਇਸ ਦੇ ਬਾਵਜੂਦ ਉਨ੍ਹਾਂ ਵਿਰੁੱਧ ਅਪਰਾਧ ਦੀਆਂ ਘਟਨਾਵਾਂ ਘੱਟ ਨਹੀਂ ਹੋ ਰਹੀਆਂ। ਇੱਥੇ ਅਪਰਾਧੀਆਂ ਦੇ ਹੌਸਲੇ ਲਗਾਤਾਰ ਵਧਦੇ ਜਾ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
