Niki Yadav Murder Case : ਸਾਹਿਲ ਨੇ ਪਤਨੀ ਨੂੰ ਦੱਸੀ ਸੀ ਹੱਤਿਆ ਦੀ ਗੱਲ , ਅਗਲੇ ਹੀ ਦਿਨ ਨਵ-ਵਿਆਹੁਤਾ ਨੇ ਲਿਆ ਇਹ ਵੱਡਾ ਫੈਸਲਾ

Niki Yadav Murder Accused Sahil : ਨਿੱਕੀ ਦੇ ਕਤਲ ਦੇ ਦੋਸ਼ੀ ਸਾਹਿਲ ਗਹਿਲੋਤ ਨੇ ਆਪਣੀ ਪਤਨੀ ਦੀ ਜਿੰਦਗੀ ਨੂੰ ਵੀ ਦੋਰਾਹੇ 'ਤੇ ਲਿਆ ਕੇ ਖੜ੍ਹਾ ਕਰ ਦਿੱਤਾ ਹੈ। ਦਰਅਸਲ ਸਾਹਿਲ ਨੇ 9 ਫਰਵਰੀ ਦੀ ਰਾਤ ਨੂੰ ਨਿੱਕੀ ਦਾ ਕਤਲ ਕਰ ਦਿੱਤਾ ਅਤੇ 10 ਫਰਵਰੀ ਨੂੰ ਪਿੰਡ

Nikki Murder Case

Niki Yadav Murder Accused Sahil : ਨਿੱਕੀ ਦੇ ਕਤਲ ਦੇ ਦੋਸ਼ੀ ਸਾਹਿਲ ਗਹਿਲੋਤ ਨੇ ਆਪਣੀ ਪਤਨੀ ਦੀ ਜਿੰਦਗੀ ਨੂੰ ਵੀ ਦੋਰਾਹੇ 'ਤੇ ਲਿਆ ਕੇ ਖੜ੍ਹਾ ਕਰ ਦਿੱਤਾ ਹੈ। ਦਰਅਸਲ ਸਾਹਿਲ ਨੇ 9 ਫਰਵਰੀ ਦੀ ਰਾਤ ਨੂੰ ਨਿੱਕੀ ਦਾ ਕਤਲ ਕਰ ਦਿੱਤਾ ਅਤੇ 10 ਫਰਵਰੀ ਨੂੰ ਪਿੰਡ ਆ ਕੇ ਪੂਰੇ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰਵਾ ਲਿਆ। ਇਸ ਦੌਰਾਨ ਜਦੋਂ ਉਸ ਨੂੰ ਪੁਲਸ ਦੀ ਕਾਰਵਾਈ ਦਾ ਪਤਾ ਲੱਗਾ ਤਾਂ ਉਸ ਨੇ ਆਪਣੀ ਸਾਰੀ ਕਰਤੂਤ ਆਪਣੀ ਪਤਨੀ ਨੂੰ ਦੱਸੀ ਅਤੇ ਉਸ ਨੂੰ ਆਪਣੇ ਪੇਕੇ ਘਰ ਜਾਣ ਲਈ ਕਿਹਾ।

 

ਭੇਤ ਦਾ ਖੁਲਾਸਾ ਹੁੰਦੇ ਹੀ ਪਤਨੀ ਚਲੀ ਗਈ ਪੇਕੇ 

ਸਾਹਿਲ ਦੀ ਪਤਨੀ ਦੇ ਪਿੰਡ ਦੇ ਲੋਕ ਚੁੱਪ-ਚੁਪੀਤੇ ਬੋਲ ਰਹੇ ਹਨ ਕਿ ਨਿੱਕੀ ਦੇ ਕਤਲ ਦੇ ਮਾਮਲੇ 'ਚ ਪੁਲਿਸ 'ਤੇ ਵਧਦੇ ਦਬਾਅ ਨੂੰ ਦੇਖਦੇ ਹੋਏ ਸਾਹਿਲ ਨੇ ਸੋਮਵਾਰ ਰਾਤ ਨੂੰ ਹੀ ਆਪਣੀ ਪਤਨੀ ਦੇ ਸਾਹਮਣੇ ਆਪਣਾ ਗੁਨਾਹ ਕਬੂਲ ਕਰ ਲਿਆ। ਉਸ ਨੇ ਆਪਣੀ ਪਤਨੀ ਨੂੰ ਦੱਸਿਆ ਕਿ ਉਸ ਵੱਲੋਂ ਇੱਕ ਲੜਕੀ ਦਾ ਕਤਲ ਕਰ ਦਿੱਤਾ ਗਿਆ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਹੁਣ ਉਸਨੂੰ ਫੜੇਗੀ। ਇਸ ਲਈ ਉਹ ਆਪਣੇ ਘਰ ਚਲੀ ਜਾਵੇ। ਇਸ ਦੀ ਸੂਚਨਾ ਮਿਲਦੇ ਹੀ ਮੰਗਲਵਾਰ ਸਵੇਰੇ ਲੜਕੀ ਦੇ ਪਰਿਵਾਰਕ ਮੈਂਬਰ ਉਸ ਨੂੰ ਆਪਣੇ ਨਾਲ ਲੈ ਆਏ। ਇਸ ਤੋਂ ਬਾਅਦ ਸਾਹਿਲ ਨੂੰ ਪੁਲਿਸ ਨੇ ਫੜ ਲਿਆ। ਫਿਲਹਾਲ ਦੋਸ਼ੀ ਦੀ ਪਤਨੀ ਜਿਸ ਪਿੰਡ ਦੀ ਰਹਿਣ ਵਾਲੀ ਹੈ , ਉਸ ਪਿੰਡ 'ਚ ਸੰਨਾਟਾ ਪਸਰਿਆ ਹੋਇਆ ਹੈ।

ਇਹ ਵੀ ਪੜ੍ਹੋ :  ਲਖਬੀਰ ਲੰਡਾ ਪੰਜਾਬ 'ਚ ਕਰਵਾ ਰਿਹੈ ਧਮਾਕੇ ! NIA ਨੇ ਸਿਰ 'ਤੇ ਰੱਖਿਆ ਇਨਾਮ

ਸੋਗ ਵਿੱਚ ਡੁੱਬੇ ਲਾੜੀ ਅਤੇ ਉਸਦੇ ਰਿਸ਼ਤੇਦਾਰ

ਝੱਜਰ ਦੇ ਪਿੰਡ ਖੇੜੀ ਖੁੰਮਰ ਦੀ ਰਹਿਣ ਵਾਲੀ ਨਿੱਕੀ ਦੀ ਹੱਤਿਆ ਕਰਨ ਵਾਲੇ ਪਿੰਡ ਮਿਠਰੂ ਨਿਵਾਸੀ ਸਾਹਿਲ ਗਹਿਲੋਤ ਨੇ ਬੈਂਡ ਵਾਜੇ ਨਾਲ ਬਹਾਦੁਰਗੜ੍ਹ ਦੇ ਇਕ ਪਿੰਡ ਦੀ ਲੜਕੀ ਨਾਲ ਵਿਆਹ ਕਰਵਾ ਲਿਆ ਸੀ। ਲੜਕੀ ਆਪਣੇ ਪਰਿਵਾਰ ਦੀ ਇਕਲੌਤੀ ਬੱਚੀ ਹੈ। ਉਸ ਦੇ ਪਿਤਾ ਦੀ ਵੀ ਮੌਤ ਹੋ ਚੁੱਕੀ ਹੈ। ਮਾਂ ਨੇ ਹੀ ਉਸਨੂੰ ਪਾਲਿਆ ਸੀ ਅਤੇ ਹੁਣ ਉਸਦੇ ਹੱਥ ਪੀਲੇ ਕਰ ਦਿੱਤੇ ਸਨ ਪਰ ਅਜੇ ਵਿਆਹ ਦੇ ਹੱਥਾਂ ਦੀ ਮਹਿੰਦੀ ਵੀ ਫਿੱਕੀ ਨਹੀਂ ਪਈ ਸੀ ਕਿ ਉਸ ਦੀ ਧੀ ਦੀ ਜ਼ਿੰਦਗੀ 'ਤੇ ਦੁੱਖਾਂ ਦਾ ਪਹਾੜ ਟੁੱਟ ਗਿਆ। ਜਵਾਈ ਜੇਲ੍ਹ ਵਿੱਚ ਹੈ ਅਤੇ ਧੀ ਇੱਕ ਵਾਰ ਫਿਰ ਆਪਣੀ ਮਾਂ ਕੋਲ ਆ ਗਈ ਹੈ। ਇਸ ਘਟਨਾ ਤੋਂ ਬਾਅਦ ਉਸ ਦਾ ਪਰਿਵਾਰ ਬਹੁਤ ਦੁਖੀ ਹੈ। ਲੜਕੀ ਦੇ ਰਿਸ਼ਤੇਦਾਰਾਂ ਨੂੰ ਮੰਗਲਵਾਰ ਨੂੰ ਪਤਾ ਲੱਗਾ ਕਿ ਸਾਹਿਲ ਨੇ ਲੜਕੀ ਦਾ ਕਤਲ ਕਰ ਦਿੱਤਾ ਹੈ।