Upcoming Cars: ਭਾਰਤ ‘ਚ ਅਗਲੇ 2 ਦਿਨਾਂ ‘ਚ ਲਾਂਚ ਹੋਣਗੀਆਂ 3 ਸ਼ਾਨਦਾਰ ਕਾਰਾਂ! ਕੀਮਤ ਤੋਂ ਲੈ ਕੇ ਫੀਚਰ ਤੱਕ ਜਾਣੋ ਸਭ ਕੁੱਝ
ਭਾਰਤ ‘ਚ ਫਰਵਰੀ 2025 ‘ਚ ਕਈ ਨਵੀਆਂ ਕਾਰਾਂ ਲਾਂਚ ਹੋਣ ਜਾ ਰਹੀਆਂ ਹਨ। ਅਗਲੇ 2 ਦਿਨਾਂ ‘ਚ ਹੀ ਤਿੰਨ ਸ਼ਾਨਦਾਰ ਕਾਰਾਂ ਬਾਜ਼ਾਰ ‘ਚ ਆ ਰਹੀਆਂ ਹਨ, ਜਿਨ੍ਹਾਂ ਵਿੱਚ Audi, BYD ਅਤੇ MG Motor ਦੀਆਂ ਗੱਡੀਆਂ ਸ਼ਾਮਲ ਹਨ।
Car launch In February 2025: ਭਾਰਤ ‘ਚ ਫਰਵਰੀ 2025 ‘ਚ ਕਈ ਨਵੀਆਂ ਕਾਰਾਂ ਲਾਂਚ ਹੋਣ ਜਾ ਰਹੀਆਂ ਹਨ। ਅਗਲੇ 2 ਦਿਨਾਂ ‘ਚ ਹੀ ਤਿੰਨ ਸ਼ਾਨਦਾਰ ਕਾਰਾਂ ਬਾਜ਼ਾਰ ‘ਚ ਆ ਰਹੀਆਂ ਹਨ, ਜਿਨ੍ਹਾਂ ਵਿੱਚ Audi, BYD ਅਤੇ MG Motor ਦੀਆਂ ਗੱਡੀਆਂ ਸ਼ਾਮਲ ਹਨ। ਇਨ੍ਹਾਂ ਗੱਡੀਆਂ ਦੀ ਕੀਮਤ ਲੱਖਾਂ ਤੋਂ ਲੈ ਕੇ ਕਰੋੜਾਂ ਰੁਪਏ ਤੱਕ ਹੋ ਸਕਦੀ ਹੈ। ਆਓ ਜਾਣੀਏ ਕਿ ਕਿਹੜੀਆਂ ਕਾਰਾਂ ਲਾਂਚ ਹੋਣ ਜਾ ਰਹੀਆਂ ਹਨ ਅਤੇ ਉਨ੍ਹਾਂ ਦੀ ਸੰਭਾਵਿਤ ਕੀਮਤ ਕੀ ਹੋ ਸਕਦੀ ਹੈ।
Audi RS Q8 2025
Audi RS Q8 ਦਾ ਫੇਸਲਿਫ਼ਟ ਮਾਡਲ 17 ਫਰਵਰੀ ਨੂੰ ਲਾਂਚ ਹੋ ਸਕਦਾ ਹੈ। ਇਹ ਕਾਰ ਪੈਟਰੋਲ ਇੰਜਨ ਦੇ ਨਾਲ ਆਉਣ ਵਾਲੀ ਹੈ। ਇਸ ‘ਚ 3998cc ਦਾ 8-ਸਿਲਿੰਡਰ ਇੰਜਨ ਹੋਵੇਗਾ, ਜਿਸ ਨਾਲ ਆਟੋਮੈਟਿਕ ਟ੍ਰਾਂਸਮਿਸ਼ਨ ਮਿਲੇਗਾ। Audi ਦੀ ਇਸ ਸ਼ਾਨਦਾਰ ਕਾਰ ਦੀ ਕੀਮਤ ਲਗਭਗ 2.30 ਕਰੋੜ ਰੁਪਏ ਹੋ ਸਕਦੀ ਹੈ। ਜੇਕਰ ਇਹ ਕਾਰ ਇਸ ਕੀਮਤ ਨਾਲ ਲਾਂਚ ਹੁੰਦੀ ਹੈ, ਤਾਂ ਇਹ ਭਾਰਤ ‘ਚ Audi ਦੀ ਸਭ ਤੋਂ ਮਹਿੰਗੀਆਂ ਕਾਰਾਂ ‘ਚੋਂ ਇੱਕ ਹੋਵੇਗੀ।
BYD Sealion 7
BYD Sealion 7 ਇੱਕ ਇਲੈਕਟ੍ਰਿਕ ਕਾਰ ਹੈ, ਜਿਸ ਵਿੱਚ 5 ਲੋਕ ਬੈਠ ਸਕਣਗੇ। ਇਹ ਕਾਰ 82.56 kWh ਦੇ ਬੈਟਰੀ ਪੈਕ ਦੇ ਨਾਲ ਮਾਰਕੀਟ ‘ਚ ਆ ਸਕਦੀ ਹੈ। ਇਸ ਕਾਰ ਦਾ ਇੰਜਨ 308 bhp ਦੀ ਪਾਵਰ ਤੇ 380 Nm ਦਾ ਟੌਰਕ ਜਨਰੇਟ ਕਰੇਗਾ। ਗੱਡੀ ਵਿੱਚ 500 ਲੀਟਰ ਦਾ ਬੂਟ-ਸਪੇਸ ਵੀ ਹੋ ਸਕੇਗਾ।
BYD ਦੀ ਇਹ EV (ਇਲੈਕਟ੍ਰਿਕ ਵਾਹਨ) ਇੱਕ ਵਾਰ ਚਾਰਜ ਹੋਣ ‘ਤੇ 567 ਕਿਲੋਮੀਟਰ ਤੱਕ ਦੀ ਰੇਂਜ ਦੇ ਸਕਦੀ ਹੈ। ਸੁਰੱਖਿਆ ਲਈ ਇਸ ‘ਚ ਐਂਟੀ-ਲੌਕ ਬ੍ਰੇਕਿੰਗ ਸਿਸਟਮ (ABS) ਅਤੇ 11 ਏਅਰਬੈਗ ਹੋਣਗੇ। ਇਹ ਇਲੈਕਟ੍ਰਿਕ SUV 45 ਲੱਖ ਤੋਂ 50 ਲੱਖ ਰੁਪਏ ਦੀ ਕੀਮਤ ਵਿੱਚ ਆ ਸਕਦੀ ਹੈ। ਇਸ ਕਾਰ ਨੂੰ 17 ਫਰਵਰੀ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ।
MG Majestor
MG Motors ਦੀ ਨਵੀਂ ਕਾਰ Majestor ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਹੋਣ ਲਈ ਤਿਆਰ ਹੈ। ਇਹ ਕਾਰ ਜਨਵਰੀ ‘ਚ ਹੋਏ ਭਾਰਤ Mobility Global Expo ‘ਚ ਵੀ ਸ਼ੋਕੇਸ ਕੀਤੀ ਗਈ ਸੀ। ਹੁਣ ਇਹ 18 ਫਰਵਰੀ ਨੂੰ ਭਾਰਤੀ ਮਾਰਕੀਟ ‘ਚ ਦਾਖਲ ਹੋਣ ਜਾ ਰਹੀ ਹੈ।
ਇਹ ਇੱਕ ਡੀਜ਼ਲ ਇੰਜਨ ਕਾਰ ਹੋਵੇਗੀ, ਜਿਸ ਦੀ ਸੰਭਾਵਿਤ ਕੀਮਤ 46 ਲੱਖ ਰੁਪਏ ਦੇ ਲਗਭਗ ਹੋ ਸਕਦੀ ਹੈ। MG Majestor ਨੂੰ Toyota Fortuner ਨਾਲ ਟੱਕਰ ਦੇਣ ਵਾਲੀ ਕਾਰ ਵਜੋਂ ਦੇਖਿਆ ਜਾ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
