ਚੰਡੀਗੜ੍ਹ 'ਚ ਤਿੰਨ ਪੁਲਿਸ ਕਰਮੀ ਲਾਈਨ ਹਾਜ਼ਿਰ: ਸਾਇਬਰ ਠੱਗਾਂ ਤੋਂ ₹1.90 ਲੱਖ ਲੈਣ ਦੇ ਦੋਸ਼, DSP ਵੱਲੋਂ ਜਾਂਚ ਜਾਰੀ
ਚੰਡੀਗੜ੍ਹ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਤਿੰਨ ਪੁਲਿਸ ਕਰਮੀ ਜੋ ਕਿ ਸਾਇਬਰ ਠੱਗਾਂ ਨੂੰ ਫੜਨ ਦੀ ਬਜਾਏ ਉਨ੍ਹਾਂ ਨਾਲ ਮਿਲ ਕੇ ₹1.90 ਲੱਖ ਗੂਗਲ ਪੇ ਰਾਹੀਂ ਟ੍ਰਾਂਸਫਰ ਕਰਵਾ ਲਏ। ਜਿਸ ਤੋਂ ਬਾਅਦ ਹੁਣ ਪੁਲਿਸ...
ਚੰਡੀਗੜ੍ਹ ਪੁਲਿਸ ਦੇ ਕਾਂਸਟੇਬਲ ਸਤੀਸ਼ ਕੁਮਾਰ, ਕਾਂਸਟੇਬਲ ਵਿਸ਼ਵਜੀਤ ਸਿੰਘ ਅਤੇ ਹੋਮਗਾਰਡ ਜਵਾਨ ਦੀਲੀਪ ਨੇਗੀ ਨੂੰ ਡਿਊਟੀ ਤੋਂ ਹਟਾ ਕੇ ਲਾਈਨ ਹਾਜ਼ਿਰ ਕਰ ਦਿੱਤਾ ਗਿਆ ਹੈ। ਮਾਮਲੇ ਦੀ ਜਾਂਚ ਇਲਾਕਾ ਡੀ.ਐਸ.ਪੀ. ਕਰ ਰਹੇ ਹਨ ਅਤੇ ਜੇਕਰ ਇਨ੍ਹਾਂ ਖ਼ਿਲਾਫ਼ ਹੋਰ ਸਬੂਤ ਮਿਲਦੇ ਹਨ ਤਾਂ ਅੱਗੇ ਕੜੀ ਕਾਰਵਾਈ ਕੀਤੀ ਜਾਵੇਗੀ। ਇਲਜ਼ਾਮ ਹੈ ਕਿ ਇਨ੍ਹਾਂ ਤਿੰਨਾਂ ਨੇ ਸਾਇਬਰ ਠੱਗਾਂ ਨੂੰ ਫੜਨ ਦੀ ਬਜਾਏ ਉਨ੍ਹਾਂ ਨਾਲ ਮਿਲ ਕੇ ₹1.90 ਲੱਖ ਗੂਗਲ ਪੇ ਰਾਹੀਂ ਟ੍ਰਾਂਸਫਰ ਕਰਵਾ ਲਏ। ਥਾਣਾ ਪੁਲਿਸ ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਸ ਰਕਮ ਦੇ ਲੈਣ-ਦੇਣ ਵਿੱਚ ਇਨ੍ਹਾਂ ਦੀ ਸਿੱਧੀ ਭੂਮਿਕਾ ਸੀ।
ਐਸ.ਆਈ.ਟੀ. ਦੇ ਰਹਿ ਚੁੱਕੇ ਮੈਂਬਰ
ਤਿੰਨੇ ਪੁਲਿਸ ਕਰਮੀ ਪਹਿਲਾਂ ਥਾਣਿਆਂ ਵਿੱਚ ਬਣਨ ਵਾਲੀ ਐਸ.ਆਈ.ਟੀ. ਦੇ ਮੈਂਬਰ ਰਹਿ ਚੁੱਕੇ ਹਨ। ਥਾਣਾ ਮਨੀਮਾਜਰਾ ਦਾ ਚਾਰਜ ਸੰਭਾਲਣ ਤੋਂ ਬਾਅਦ ਇੰਸਪੈਕਟਰ ਮਨਿੰਦਰ ਸਿੰਘ ਨੇ ਪੁਰਾਣੀ ਐਸ.ਆਈ.ਟੀ. ਨੂੰ ਭੰਗ ਕਰ ਦਿੱਤਾ ਸੀ, ਪਰ ਇਸ ਦੇ ਬਾਵਜੂਦ ਇਹ ਮੈਂਬਰ ਪਹਿਲਾਂ ਵਾਂਗ ਹੀ ਕੰਮ ਕਰਦੇ ਰਹੇ।
ਇਸ ਦੌਰਾਨ ਇਨ੍ਹਾਂ ਨੇ ਇਕ ਕੇਸ ਫੜਿਆ ਅਤੇ ਇਲਜ਼ਾਮ ਹੈ ਕਿ ਉਸ ਨੂੰ ਛੱਡਣ ਦੇ ਬਦਲੇ ਪੈਸੇ ਲੈ ਲਏ। ਇਸ ਮਾਮਲੇ ਨੂੰ ਲੈ ਕੇ ਇਨ੍ਹਾਂ ਦੀ ਥਾਣਾ ਪ੍ਰਭਾਰੀ ਨਾਲ ਤਕਰਾਰ ਵੀ ਹੋਈ ਸੀ। ਬਾਅਦ ਵਿੱਚ ਇਸ ਦੀ ਰਿਪੋਰਟ ਤਿਆਰ ਕਰਕੇ ਡੀ.ਐਸ.ਪੀ. ਨੌਰਥ ਈਸਟ ਵਿਜੇ ਸਿੰਘ ਨੂੰ ਭੇਜੀ ਗਈ।
ਸ਼ਿਕਾਇਤ ਤੋਂ ਬਾਅਦ ਹੋਈ ਕਾਰਵਾਈ
ਡੀ.ਐਸ.ਪੀ. ਨੌਰਥ ਈਸਟ ਵਿਜੇ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਕੋਲ ਇੱਕ ਸ਼ਿਕਾਇਤ ਆਈ ਸੀ, ਜਿਸ ਵਿੱਚ ਇਨ੍ਹਾਂ ਤਿੰਨ ਪੁਲਿਸ ਕਰਮੀਆਂ ‘ਤੇ ਅਨੁਸ਼ਾਸਨਹੀਨਤਾ ਅਤੇ ਇੱਕ ਕੇਸ ਵਿੱਚ ਪੈਸੇ ਲੈਣ ਦੇ ਦੋਸ਼ ਲਗੇ ਸਨ। ਇਸ ਤੋਂ ਬਾਅਦ ਮਾਮਲੇ ਦੀ ਜਾਂਚ ਕਰਕੇ ਤਿੰਨੋਂ ਨੂੰ ਲਾਈਨ ਹਾਜ਼ਿਰ ਕਰ ਦਿੱਤਾ ਗਿਆ ਹੈ ਅਤੇ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
ਦੱਸ ਦਈਏ ਕਿ ਚੰਡੀਗੜ੍ਹ ਵਿੱਚ ਪਹਿਲਾਂ ਡੀ.ਜੀ.ਪੀ. ਰਹੇ ਸੁਰਿੰਦਰ ਯਾਦਵ ਨੂੰ ਅੱਜ ਵੀ ਇਸ ਲਈ ਯਾਦ ਕੀਤਾ ਜਾਂਦਾ ਹੈ ਕਿਉਂਕਿ ਉਹ ਕਿਸੇ ਵੀ ਸ਼ਿਕਾਇਤ ‘ਤੇ ਜ਼ਰੂਰ ਕਾਰਵਾਈ ਕਰਦੇ ਸਨ। ਭਾਵੇਂ ਸ਼ਿਕਾਇਤ ਆਮ ਨਾਗਰਿਕ ਖ਼ਿਲਾਫ਼ ਹੋਵੇ, ਕਿਸੇ ਪੁਲਿਸ ਕਰਮੀ ਖ਼ਿਲਾਫ਼ ਜਾਂ ਫਿਰ ਵੱਡੇ ਅਧਿਕਾਰੀ ਖ਼ਿਲਾਫ਼। ਉਨ੍ਹਾਂ ਦੇ ਤਬਾਦਲੇ ਤੋਂ ਬਾਅਦ ਇਹ ਸਖ਼ਤੀ ਘੱਟ ਹੋ ਗਈ ਸੀ।
ਹੁਣ ਨਵੇਂ ਡੀ.ਜੀ.ਪੀ. ਸਾਗਰ ਪ੍ਰੀਤ ਹੁੱਡਾ ਦੇ ਆਉਣ ਤੋਂ ਬਾਅਦ ਫਿਰੋਂ ਉਹੀ ਸਖ਼ਤ ਰਵੱਈਆ ਵੇਖਣ ਨੂੰ ਮਿਲ ਰਿਹਾ ਹੈ। ਨਿਯਮਾਂ ਪ੍ਰਤੀ ਉਹ ਕਾਫੀ ਕੜੇ ਹਨ। ਇਸ ਦਾ ਅੰਦਾਜ਼ਾ ਉਨ੍ਹਾਂ ਦੇ ਟ੍ਰੈਫਿਕ ਚਲਾਨ ਸਬੰਧੀ ਹੁਕਮਾਂ ਤੋਂ ਵੀ ਲਗਾਇਆ ਜਾ ਸਕਦਾ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਸਾਫ ਕਿਹਾ ਸੀ ਕਿ ਪਹਿਲਾਂ ਸ਼ਹਿਰ ਦੇ ਲੋਕਾਂ ਨੂੰ ਟ੍ਰੈਫਿਕ ਜਾਮ ਤੋਂ ਰਾਹਤ ਦਿੱਤੀ ਜਾਵੇ, ਉਨ੍ਹਾਂ ਨੂੰ ਬੇਵਜ੍ਹਾ ਪਰੇਸ਼ਾਨ ਨਾ ਕੀਤਾ ਜਾਵੇ ਅਤੇ ਬਿਨਾਂ ਕਾਰਨ ਬਾਹਰਲੀ ਗੱਡੀਆਂ ਦੇ ਚਾਲਕਾਂ ਨੂੰ ਤੰਗ ਨਾ ਕੀਤਾ ਜਾਵੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
