ਜਲੰਧਰ 'ਚ ਸਸਪੈਂਡ SHO ‘ਤੇ POCSO ਐਕਟ ਲਾਗੂ; ਰੇਪ ਪੀੜਤਾ ਨੂੰ ਕਿਹਾ 'ਸੁੰਦਰ ਲੱਗਦੀ ਹੈ', ਬੱਚੀ ਨਾਲ ਗਲਤ ਹਰਕਤ ਦਾ ਇਲਜ਼ਾਮ
ਜਲੰਧਰ ਦੇ ਫਿਲੌਰ ਥਾਣੇ ਦੇ SHO ਭੂਸ਼ਣ ਕੁਮਾਰ ਦੀਆਂ ਮੁਸ਼ਕਿਲਾਂ ਦੇ ਵਿੱਚ ਵਾਧਾ ਹੋ ਗਿਆ ਹੈ। ਹੁਣ ਉਸ ਉੱਤੇ POCSO ਐਕਟ ਅਧੀਨ ਵੀ ਮਾਮਲਾ ਦਰਜ ਕਰ ਦਿੱਤਾ ਗਿਆ ਹੈ। SHO ‘ਤੇ ਦੋਸ਼ ਹੈ ਕਿ ਉਸਨੇ ਬਲਾਤਕਾਰ ਪੀੜਤ ਬੱਚੀ ਨੂੰ ਕਿਹਾ..
ਜਲੰਧਰ ਦੇ ਫਿਲੌਰ ਥਾਣੇ ਦੇ SHO ਭੂਸ਼ਣ ਕੁਮਾਰ ਖ਼ਿਲਾਫ਼ ਹੁਣ POCSO ਐਕਟ ਅਧੀਨ ਵੀ ਮਾਮਲਾ ਦਰਜ ਕਰ ਦਿੱਤਾ ਗਿਆ ਹੈ। SHO ‘ਤੇ ਦੋਸ਼ ਹੈ ਕਿ ਉਸਨੇ ਬਲਾਤਕਾਰ ਪੀੜਤ ਬੱਚੀ ਨੂੰ ਕਿਹਾ ਸੀ ਕਿ “ਤੂੰ ਮੈਨੂੰ ਬਹੁਤ ਸੁੰਦਰ ਲੱਗਦੀ ਹੈਂ” ਅਤੇ ਉਸਨੂੰ ਚੁੰਮਣ ਦੀ ਕੋਸ਼ਿਸ਼ ਵੀ ਕੀਤੀ ਗਈ ਸੀ।
SHO ਦੇ ਖਿਲਾਫ FIR ਦਰਜ
ਮਹਿਲਾਵਾਂ ਨਾਲ ਡਬਲ ਮੀਨਿੰਗ ਗੱਲਾਂ ਕਰਨ ਦੇ ਕਾਰਨ SHO ਨੂੰ ਪਹਿਲਾਂ ਸਸਪੈਂਡ ਕਰਕੇ ਲਾਈਨ ਹਾਜ਼ਿਰ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਉਸਦੇ ਖ਼ਿਲਾਫ਼ FIR ਦਰਜ ਹੋਈ ਸੀ। ਇਸ ਮਾਮਲੇ ‘ਚ ਪੰਜਾਬ ਰਾਜ ਮਹਿਲਾ ਕਮਿਸ਼ਨ ਨੇ ਵੀ SHO ਨੂੰ ਤਿੱਖੀ ਫਟਕਾਰ ਲਾਈ ਸੀ।
SSP ਨਰਿੰਦਰ ਪਾਲ ਸਿੰਘ ਨੇ ਜਾਂਚ ਲਈ ASP ਮਨਜੀਤ ਕੌਰ ਦੀ ਦੇਖ-ਰੇਖ ਹੇਠ ਬਣੀ IPS ਅਧਿਕਾਰੀਆਂ ਦੀ ਜਾਂਚ ਰਿਪੋਰਟ ਪੰਜਾਬ ਰਾਜ ਬਾਲ ਅਧਿਕਾਰ ਸੁਰੱਖਿਆ ਕਮਿਸ਼ਨ ਨੂੰ ਭੇਜ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ 9 ਅਕਤੂਬਰ ਨੂੰ ਬਲਾਤਕਾਰ ਪੀੜਤ ਬੱਚੀ ਦੀ ਮਾਂ ਸ਼ਿਕਾਇਤ ਲੈ ਕੇ ਥਾਣਾ ਫਿਲੌਰ ਪਹੁੰਚੀ ਸੀ। ਮਹਿਲਾ ਦਾ ਦੋਸ਼ ਹੈ ਕਿ ਇਸ ਤੋਂ ਬਾਅਦ SHO ਨੇ ਉਸ ਨਾਲ ਭੱਦੀਆਂ ਗੱਲਾਂ ਕੀਤੀਆਂ, ਉਸਨੂੰ ਇਕੱਲੇ ਮਿਲਣ ਲਈ ਕਿਹਾ ਅਤੇ ਧੀ ਨਾਲ ਵੀ ਗਲਤ ਗੱਲਾਂ ਕੀਤੀਆਂ।
ਦੋ ਦਿਨ ਪਹਿਲਾਂ ਮਹਿਲਾ ਕਮਿਸ਼ਨ ਵੱਲੋਂ ਲਾਈ ਸੀ ਫਟਕਾਰ
ਦੋ ਦਿਨ ਪਹਿਲਾਂ ਚੰਡੀਗੜ੍ਹ ਬੁਲਾ ਕੇ ਥਾਣਾ ਫਿਲੌਰ ਦੇ ਸਸਪੈਂਡ SHO ਭੂਸ਼ਣ ਕੁਮਾਰ ਨੂੰ ਪੰਜਾਬ ਮਹਿਲਾ ਕਮੇਸ਼ਨ ਦੀ ਚੇਅਰਪਰਸਨ ਰਾਜ ਲਾਲੀ ਗਿੱਲ ਨੇ ਖੂਬ ਫਟਕਾਰਿਆ ਸੀ। ਮਹਿਲਾ ਕਮੇਸ਼ਨ ਦੀ ਚੇਅਰਪਰਸਨ ਨੇ SHO ਨੂੰ ਸਾਫ ਕਿਹਾ ਸੀ ਕਿ ਮੈਂ ਇਸ ਮਾਮਲੇ ਵਿੱਚ ਇਨਕੁਵਾਇਰੀ ਮਾਰਕ ਕਰ ਰਹੀ ਹਾਂ। ਥਾਣੇ ਵਿੱਚ ਮਹਿਲਾ ਨਾਲ ਹੋਈ ਗੱਲਬਾਤ ਦਾ CCTV ਫੁਟੇਜ ਵੀ ਚਾਹੀਦਾ ਹੈ।
ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਨੇ SHO ਨੂੰ ਕਿਹਾ ਕਿ ਤੈਨੂੰ ਸ਼ਰਮ ਆਉਣੀ ਚਾਹੀਦੀ ਹੈ। ਇਹ 14 ਸਾਲ ਦੀ ਰੇਪ ਪੀੜਤਾ ਹੈ ਤੇ ਤੂੰ ਇਸ ਨਾਲ ਕਿਹੜੀ ਭਾਸ਼ਾ ਵਿੱਚ ਗੱਲ ਕਰ ਰਿਹਾ ਸੀ। ‘ਤੂੰ ਮੈਨੂੰ ਸੁੰਦਰ ਲੱਗਦੀ ਹੈਂ’ ਦਾ ਕੀ ਮਤਲਬ ਹੈ? ਇਹ ਤਾਂ ਤੇਰੀ ਪੋਤੀ ਦੀ ਉਮਰ ਦੀ ਹੈ, ਕੀ ਅਜਿਹਾ ਕੋਈ ਗੱਲ ਕਰਨ ਦਾ ਤਰੀਕਾ ਹੁੰਦਾ ਹੈ?
24 ਅਗਸਤ ਨੂੰ ਪਹਿਲੀ ਪੀੜਤਾ ਦੀ ਰਿਕਾਰਡਿੰਗ ਆਈ ਸਾਹਮਣੇ
24 ਅਗਸਤ ਨੂੰ ਫਿਲੌਰ ਇਲਾਕੇ ਦੀ ਰਹਿਣ ਵਾਲੀ ਪਹਿਲੀ ਪੀੜਤਾ ਥਾਣੇ ਵਿੱਚ ਆਈ। ਉਸਨੇ ਸ਼ਿਕਾਇਤ ਦਿੱਤੀ ਕਿ ਉਸਦੀ ਧੀ ਨਾਲ ਗੁਆਂਢ ਵਿੱਚ ਰਹਿਣ ਵਾਲੇ ਲੜਕੇ ਨੇ ਦੁਰਵਿਵਹਾਰ (ਰੇਪ) ਕੀਤਾ ਹੈ। ਪੀੜਤਾ ਦਾ ਦੋਸ਼ ਹੈ ਕਿ SHO ਨੇ ਇਸ ਮਾਮਲੇ ਵਿੱਚ FIR ਕਰਨ ਦੀ ਬਜਾਏ ਉਸ ਨਾਲ ਹੀ ਗੰਦੀਆਂ ਗੱਲਾਂ ਕਰਨੀ ਸ਼ੁਰੂ ਕਰ ਦਿੱਤੀਆਂ। ਇਸ ਤੋਂ ਬਾਅਦ ਉਸਨੇ SHO ਦੀ ਰਿਕਾਰਡਿੰਗ ਕਰ ਲਈ।
ਕੇਸ ਦਰਜ ਨਾ ਹੋਣ ’ਤੇ SHO ਉਸਨੂੰ ਵਾਰ-ਵਾਰ ਥਾਣੇ ਬੁਲਾਉਣ ਲੱਗਾ ਅਤੇ ਇਕੱਲੇ ਆਉਣ ਲਈ ਕਹਿਣ ਲੱਗਾ। ਪੀੜਤਾ ਤੰਗ ਆ ਕੇ ਲੋਕ ਇਨਸਾਫ ਮੋਰਚੇ ਨਾਲ ਮਿਲੀ ਅਤੇ ਮਾਮਲੇ ਨੂੰ ਮਹਿਲਾ ਕਮਿਸ਼ਨ ਦੇ ਧਿਆਨ ਵਿੱਚ ਲਿਆਇਆ ਗਿਆ। ਇਸ ਤੋਂ ਬਾਅਦ ਕਮਿਸ਼ਨ ਨੇ ਧਿਆਨ ਲੈਂਦਿਆਂ SHO ਨੂੰ ਲਾਈਨ ਹਾਜ਼ਰ ਕਰਵਾ ਦਿੱਤਾ।
12 ਅਕਤੂਬਰ ਨੂੰ ਦੂਜੀ ਪੀੜਤਾ ਮਹਿਲਾ ਆਈ ਸਾਹਮਣੇ
12 ਅਕਤੂਬਰ ਨੂੰ ਦੂਜੀ ਪੀੜਤਾ ਲੋਕ ਇਨਸਾਫ ਮੋਰਚੇ ਦੇ ਮੈਂਬਰਾਂ ਨਾਲ ਮਿਲੀ ਅਤੇ ਆਪਣੀ ਸਮੱਸਿਆ ਦੱਸੀ। ਪੀੜਤਾ ਨੇ ਦੋਸ਼ ਲਗਾਇਆ ਕਿ ਉਸ ਨਾਲ ਵੀ SHO ਨੇ ਗਲਤ ਵਰਤਾਅ ਕੀਤਾ ਸੀ। ਉਸਨੂੰ ਆਪਣੇ ਕਮਰੇ ਵਿੱਚ ਇਕੱਲੀ ਬੁਲਾਇਆ। ਉਹ ਕਿਸੇ ਸ਼ਿਕਾਇਤ ਲਈ ਇੱਕ ਵਾਰੀ ਥਾਣੇ ਗਈ ਸੀ, ਜਿਸ ਤੋਂ ਬਾਅਦ SHO ਨੇ ਉਸਦਾ ਨੰਬਰ ਕੱਢ ਕੇ ਫੋਨ ਕਰਨਾ ਸ਼ੁਰੂ ਕਰ ਦਿੱਤਾ।
ਉਹ ਇੰਨੀ ਤੰਗ ਆ ਗਈ ਕਿ SHO ਨੇ ਉਸਦਾ ਘਰ ਤੱਕ ਪਿੱਛਾ ਕੀਤਾ। ਪਰਿਵਾਰ ਵੱਲੋਂ ਕਈ ਵਾਰੀ ਕਿਹਾ ਗਿਆ ਕਿ ਧੀ ਵਿਦੇਸ਼ ਚਲੀ ਗਈ ਹੈ, ਪਰ ਉਸਨੇ ਪਿੱਛਾ ਨਹੀਂ ਛੱਡਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
