Ludhiana News: ਖਾੜਕੂਵਾਦ ਤੋਂ ਬਾਅਦ ਲੁੱਟਾਂ-ਖੋਹਾਂ 'ਚ ਜੁਟਿਆ 65 ਸਾਲਾ ਖਤਰਨਾਕ ਅਪਰਾਧੀ, ਚਾਰ ਰਾਜਾਂ 'ਚ 70 ਕੇਸ
Punjab News: ਖੰਨਾ ਪੁਲਿਸ ਨੇ ਖਤਰਨਾਕ ਅਪਰਾਧੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਕਤਲ ਤੇ ਲੁੱਟ-ਖੋਹ ਵਰਗੀਆਂ ਗੰਭੀਰ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲਾ ਇਹ ਹੁਣ ਮੋਟਰਸਾਈਕਲ ਚੋਰੀ ਕਰਨ ਲੱਗ ਪਿਆ ਸੀ।
Ludhiana News: ਖੰਨਾ ਪੁਲਿਸ ਨੇ ਖਤਰਨਾਕ ਅਪਰਾਧੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਕਤਲ ਤੇ ਲੁੱਟ-ਖੋਹ ਵਰਗੀਆਂ ਗੰਭੀਰ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲਾ ਇਹ ਹੁਣ ਮੋਟਰਸਾਈਕਲ ਚੋਰੀ ਕਰਨ ਲੱਗ ਪਿਆ ਸੀ। 1983 ਤੋਂ ਜੁਰਮ ਦੀ ਦੁਨੀਆ 'ਚ ਪੈਰ ਧਰਨ ਵਾਲੇ ਮੁਲਜ਼ਮ ਦੀ ਉਮਰ ਹੁਣ 65 ਸਾਲ ਦੇ ਕਰੀਬ ਹੈ।
ਉਸ ਖਿਲਾਫ ਪੰਜਾਬ, ਹਰਿਆਣਾ, ਰਾਜਸਥਾਨ ਤੇ ਦਿੱਲੀ ਵਿੱਚ 70 ਕੇਸ ਦਰਜ ਹਨ। ਕਈ ਮਾਮਲਿਆਂ ਵਿੱਚ ਤਿਹਾੜ ਜੇਲ੍ਹ ਵੀ ਕੱਟੀ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਖਾੜਕੂਵਾਦ ਦੌਰਾਨ ਇਹ ਕਈ ਅੱਤਵਾਦੀ ਸੰਗਠਨਾਂ ਨਾਲ ਵੀ ਜੁੜਿਆ ਰਿਹਾ ਸੀ। ਮੁਲਜ਼ਮ ਦੀ ਪਛਾਣ ਗੁਰਸੇਵਕ ਸਿੰਘ ਬਬਲਾ ਵਾਸੀ ਪਿੰਡ ਘੁਡਾਣੀ ਕਲਾਂ, ਪਾਇਲ ਵਜੋਂ ਹੋਈ ਹੈ।
ਉਸ ਖਿਲਾਫ 13 ਅਗਸਤ 1983 ਨੂੰ ਲੁਧਿਆਣਾ ਦੇ ਕੋਤਵਾਲੀ ਥਾਣੇ ਵਿੱਚ ਲੁੱਟ ਦਾ ਪਹਿਲਾ ਕੇਸ ਦਰਜ ਹੋਇਆ ਸੀ। ਇਸ ਤੋਂ ਬਾਅਦ ਲੁਧਿਆਣਾ ਡਿਵੀਜ਼ਨ ਨੰਬਰ ਇੱਕ ਵਿੱਚ ਲੁੱਟ-ਖੋਹ, ਜਗਰਾਉਂ ਵਿੱਚ ਲੁੱਟ-ਖੋਹ, ਰਾਏਕੋਟ ਵਿੱਚ ਲੁੱਟ-ਖੋਹ, ਜਗਰਾਉਂ ਵਿੱਚ ਲੁੱਟ-ਖੋਹ, ਰਾਏਕੋਟ ਵਿੱਚ ਲੁੱਟ-ਖੋਹ, ਲੁਧਿਆਣਾ ਡਿਵੀਜ਼ਨ ਨੰਬਰ 6 ਵਿੱਚ ਕਤਲ, ਲੁਧਿਆਣਾ ਡਿਵੀਜ਼ਨ ਨੰਬਰ 4 ਵਿੱਚ ਕਤਲ ਦੇ ਕੇਸ ਦਰਜ ਹਨ। ਇਸ ਤੋਂ ਇਲਾਵਾ ਰਾਜਸਥਾਨ ਵਿੱਚ 5, ਦਿੱਲੀ ਵਿੱਚ 4, ਹਰਿਆਣਾ ਵਿੱਚ 1 ਕੇਸ ਦਰਜ ਹੈ।
ਇਸ ਬਾਰੇ ਡੀਐਸਪੀ ਪਾਇਲ ਨਿਖਿਲ ਗਰਗ ਨੇ ਦੱਸਿਆ ਕਿ ਐਸਐਸਪੀ ਅਮਨੀਤ ਕੌਂਡਲ ਦੀਆਂ ਹਦਾਇਤਾਂ ’ਤੇ ਅਪਰਾਧਿਕ ਅਨਸਰਾਂ ਖ਼ਿਲਾਫ਼ ਕਾਰਵਾਈ ਜਾਰੀ ਹੈ। ਇਸੇ ਤਹਿਤ ਗੁਰਸੇਵਕ ਸਿੰਘ ਬਬਲਾ ਨੂੰ ਬਾਈਕ ਚੋਰੀ ਦੇ ਮਾਮਲੇ ਵਿੱਚ ਫੜਿਆ ਗਿਆ। ਰਾੜਾ ਸਾਹਿਬ ਤੋਂ ਮੋਟਰ ਸਾਈਕਲ ਚੋਰੀ ਹੋ ਗਿਆ ਸੀ। ਇਸ ਮਾਮਲੇ ਵਿੱਚ ਗ੍ਰਿਫ਼ਤਾਰੀ ਤੋਂ ਬਾਅਦ ਬਬਲਾ ਨੂੰ ਲੁਧਿਆਣਾ ਜੇਲ੍ਹ ਭੇਜ ਦਿੱਤਾ ਗਿਆ। ਫਿਰ ਉਸ ਨੂੰ ਦੋਰਾਹਾ ਥਾਣੇ ਵਿੱਚ ਦਰਜ ਚੋਰੀ ਦੇ ਦੂਜੇ ਕੇਸ ਵਿੱਚ ਪ੍ਰੋਡਕਸ਼ਨ ਵਾਰੰਟ ’ਤੇ ਲਿਆਂਦਾ ਗਿਆ।
ਮੁਲਜ਼ਮ ਦੇ ਘਰੋਂ ਚੋਰੀ ਕੀਤੀ ਐਕਟਿਵਾ ਬਰਾਮਦ ਕੀਤੀ ਗਈ। ਉਸ ਦੇ ਕਬਜ਼ੇ 'ਚੋਂ ਇੱਕ ਚੋਰੀ ਦਾ ਮੋਟਰਸਾਈਕਲ ਬਰਾਮਦ ਹੋਇਆ। ਮੁਲਜ਼ਮ ਵਾਹਨ ਚੋਰੀ ਕਰਨ ਤੋਂ ਬਾਅਦ ਇਸ ਦੇ ਪੁਰਜ਼ੇ ਕੱਢ ਕੇ ਸਕਰੈਪ ਡੀਲਰਾਂ ਨੂੰ ਵੇਚ ਦਿੰਦਾ ਸੀ। ਅੱਜਕੱਲ੍ਹ ਉਹ ਇਸ ਤਰੀਕੇ ਨਾਲ ਪੈਸੇ ਇਕੱਠੇ ਕਰਕੇ ਆਪਣੇ ਖਰਚੇ ਦਾ ਪ੍ਰਬੰਧ ਕਰਦਾ ਸੀ।
ਗੁਰਸੇਵਕ ਸਿੰਘ ਬਬਲਾ ਸ਼ਾਪਿੰਗ ਮਾਲ ਦੇ ਬਾਹਰ ਪਾਰਕਿੰਗ ਵਿੱਚ ਚੋਰੀ ਦੀਆਂ ਵਾਰਦਾਤਾਂ ਕਰਦਾ ਸੀ। ਦੋਰਾਹਾ ਨੇੜੇ ਡੀ-ਮਾਰਟ ਦੀ ਪਾਰਕਿੰਗ ਵਿੱਚ ਬਾਈਕ ਚੋਰੀ ਦੇ ਸੀਸੀਟੀਵੀ ਵੀ ਸਾਹਮਣੇ ਆਏ ਹਨ। ਇਸ ਸੀਸੀਟੀਵੀ 'ਚ ਬਬਲਾ ਆਪਣੇ ਸਾਥੀ ਨਾਲ ਚੋਰੀ ਦੀ ਐਕਟਿਵਾ 'ਤੇ ਆਉਂਦਾ ਹੈ ਤੇ ਬਾਈਕ ਚੋਰੀ ਕਰਕੇ ਦੌੜ ਜਾਂਦਾ ਹੈ। ਪੁਲਿਸ ਉਸ ਦੇ ਸਾਥੀ ਦੀ ਵੀ ਭਾਲ ਕਰ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
