Shah Rukh Khan: 'ਜਵਾਨ' ਦੀ ਕਾਮਯਾਬੀ ਲਈ ਅਕਸ਼ੇ ਕੁਮਾਰ ਨੇ ਇਸ ਅੰਦਾਜ਼ 'ਚ ਦਿੱਤੀ ਸ਼ਾਹਰੁਖ ਨੂੰ ਵਧਾਈ, ਕਿੰਗ ਖਾਨ ਦਾ ਜਵਾਬ ਜਿੱਤੇਗਾ ਦਿਲ

Shah Rukh Khan Akshay Kumar: ਸ਼ਾਹਰੁਖ ਖਾਨ ਦੀ 'ਜਵਾਨ' ਸੁਪਰਹਿੱਟ ਸਾਬਤ ਹੋਈ ਹੈ। ਅਕਸ਼ੇ ਕੁਮਾਰ ਨੇ ਫਿਲਮ ਦੀ ਸਫਲਤਾ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਨੇ ਸ਼ਾਹਰੁਖ ਨੂੰ ਵਧਾਈ ਦਿੱਤੀ ਹੈ।

'ਜਵਾਨ' ਦੀ ਕਾਮਯਾਬੀ ਲਈ ਅਕਸ਼ੇ ਕੁਮਾਰ ਨੇ ਇਸ ਅੰਦਾਜ਼ 'ਚ ਦਿੱਤੀ ਸ਼ਾਹਰੁਖ ਨੂੰ ਵਧਾਈ, ਕਿੰਗ ਖਾਨ ਦਾ ਜਵਾਬ ਜਿੱਤੇਗਾ ਦਿਲ

Shah Rukh Khan Reply to Akshay Kumar: ਸ਼ਾਹਰੁਖ ਖਾਨ ਦੀ ਫਿਲਮ 'ਜਵਾਨ' ਬਾਕਸ ਆਫਿਸ 'ਤੇ ਲਗਾਤਾਰ ਚਮਕ ਰਹੀ ਹੈ। ਹਰ ਕੋਈ ਇਸ ਦੀ ਤਾਰੀਫ ਕਰਨ ਤੋਂ ਨਹੀਂ ਰੁਕ ਰਿਹਾ। 'ਜਵਾਨ' ਦਾ ਜੋਸ਼ ਲੋਕਾਂ ਨੂੰ ਦੀਵਾਨਾ ਬਣਾ ਰਿਹਾ ਹੈ। ਇਸ ਵਜ੍ਹਾ ਨਾਲ ਇਹ ਫਿਲਮ 5 ਦਿਨਾਂ 'ਚ 300 ਕਰੋੜ ਦੇ ਕਲੱਬ 'ਚ ਸ਼ਾਮਲ ਹੋ ਗਈ ਹੈ। ਹੁਣ ਜਿਸ ਤਰ੍ਹਾਂ ਸੈਲੇਬਸ ਸ਼ਾਹਰੁਖ ਖਾਨ ਦੇ ਜਵਾਨ ਨੂੰ ਦੇਖ ਰਹੇ ਹਨ, ਉਹ ਇਸ ਦੀ ਤਾਰੀਫ ਕਰਨਾ ਬੰਦ ਨਹੀਂ ਕਰ ਰਹੇ ਹਨ। ਬਾਲੀਵੁਡ ਦੇ ਖਿਲਾੜੀ ਅਕਸ਼ੈ ਕੁਮਾਰ ਨੇ 'ਜਵਾਨ' ਦੀ ਕਾਮਯਾਬੀ 'ਤੇ ਸ਼ਾਹਰੁਖ ਖਾਨ ਨੂੰ ਵਧਾਈ ਦਿੱਤੀ ਹੈ। 

ਅਕਸ਼ੈ ਕੁਮਾਰ ਨੇ ਟਵੀਟ ਕੀਤਾ- ਕਿੰਨੀ ਵੱਡੀ ਸਫਲਤਾ ਹੈ। ਸਾਡੇ ਜਵਾਨ ਪਠਾਨ ਸ਼ਾਹਰੁਖ ਖਾਨ ਨੂੰ ਵਧਾਈ। ਸਾਡੀਆਂ ਫਿਲਮਾਂ ਨੇ ਹੁਣ ਵਾਪਸੀ ਕੀਤੀ ਹੈ। ਅਕਸ਼ੈ ਕੁਮਾਰ ਦਾ ਇਹ ਟਵੀਟ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਯੂਜ਼ਰਸ ਇਸ 'ਤੇ ਕਮੈਂਟ ਕਰ ਰਹੇ ਹਨ।

What massive success!!Congratulations my Jawan Pathaan @iamsrk 👏🏻 Our films are back and how. https://t.co/EwRPOCR2la

— Akshay Kumar (@akshaykumar) September 11, 2023

ਸ਼ਾਹਰੁਖ ਖਾਨ ਨੇ ਦਿੱਤੀ ਪ੍ਰਤੀਕਿਰਿਆ
ਸ਼ਾਹਰੁਖ ਖਾਨ ਨੇ ਅਕਸ਼ੇ ਕੁਮਾਰ ਦੇ ਟਵੀਟ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਸ਼ਾਹਰੁਖ ਨੇ ਲਿਖਿਆ- 'ਤੁਸੀਂ ਸਾਡੇ ਸਾਰਿਆਂ ਲਈ ਦੁਆ ਮੰਗੀ ਨਾ, ਫਿਰ ਖਾਲੀ ਕਿਵੇਂ ਜਾਵੇਗੀ। ਤੁਹਾਨੂੰ ਸ਼ੁੱਭਕਾਮਨਾਵਾਂ ਖੁਸ਼ ਤੇ ਸਿਹਤਮੰਦ ਰਹੋ ਖਿਲਾੜੀ! ਲਵ ਯੂ।' ਸ਼ਾਹਰੁਖ ਖਾਨ ਦੇ ਇਸ ਟਵੀਟ 'ਤੇ ਪ੍ਰਸ਼ੰਸਕ ਕਾਫੀ ਕਮੈਂਟ ਕਰ ਰਹੇ ਹਨ। ਇੱਕ ਪ੍ਰਸ਼ੰਸਕ ਨੇ ਲਿਖਿਆ- ਕਿੰਗ ਤੇ ਖਿਲਾੜੀ। ਜਦਕਿ ਦੂਜੇ ਨੇ ਲਿਖਿਆ- ਮੈਂ ਕਿੰਗ ਅਤੇ ਖਿਲਾੜੀ ਨੂੰ ਇਕੱਠੇ ਦੇਖਣਾ ਚਾਹੁੰਦਾ ਹਾਂ।

Aap ne Dua maangi na hum sab ke liye toh kaise khaali jayegi. All the best and stay healthy Khiladi! Love u https://t.co/vP4s1Qvlhk

— Shah Rukh Khan (@iamsrk) September 11, 2023

ਅਨੁਪਮ ਖੇਰ ਨੇ ਵੀ ਕੀਤੀ ਤਾਰੀਫ
ਅਨੁਪਮ ਖੇਰ ਹਾਲ ਹੀ 'ਚ 'ਜਵਾਨ' ਅੰਮ੍ਰਿਤਸਰ ਵਿੱਚ 'ਜਵਾਨ' ਫਿਲਮ ਦੇਖੀ ਸੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਸ਼ਾਹਰੁਖ ਦੀ ਤਾਰੀਫ ਕਰਦੇ ਹੋਏ ਲਿਖਿਆ- ਮਾਈ ਡੀਅਰ ਸ਼ਾਹਰੁਖ! ਮੈਂ ਹੁਣੇ-ਹੁਣੇ ਤੁਹਾਡੀ ਫਿਲਮ "ਜਵਾਨ" ਅੰਮ੍ਰਿਤਸਰ ਵਿੱਚ ਦਰਸ਼ਕਾਂ ਨਾਲ ਦੇਖੀ ਹੈ, ਇਸਦਾ ਖੂਬ ਆਨੰਦ ਮਾਣਿਆ। ਐਕਸ਼ਨ, ਤਸਵੀਰ ਦਾ ਪੈਮਾਨਾ, ਤੁਹਾਡਾ ਅੰਦਾਜ਼ ਅਤੇ ਐਕਟਿੰਗ ਬਹੁਤ ਵਧੀਆ ਹੈ। ਇਕ-ਦੋ ਥਾਵਾਂ 'ਤੇ ਮੈਂ ਖੁਦ ਵੀ ਸੀਟੀ ਮਾਰੀ ਸੀ। ਸਾਰਿਆਂ ਨੂੰ ਫਿਲਮ ਬਹੁਤ ਪਸੰਦ ਆਈ। ਸਾਰੀ ਟੀਮ ਨੂੰ, ਖਾਸ ਕਰਕੇ ਨਿਰਦੇਸ਼ਕ/ਲੇਖਕ ਐਟਲੀ ਕੁਮਾਰ ਨੂੰ ਵਧਾਈ। ਜਦੋਂ ਮੈਂ ਮੁੰਬਈ ਵਾਪਸ ਆਵਾਂਗਾ, ਮੈਂ ਤੁਹਾਨੂੰ ਜ਼ਰੂਰ ਗਲੇ ਲਗਾਵਾਂਗਾ ਅਤੇ ਕਹਾਂਗਾ - ਓ ਪੋਚੀ, ਓ ਕੋਕੀ, ਓ ਪੋਪੀ, ਓ ਲੋਲਾ !!

'ਜਵਾਨ' ਦੀ ਗੱਲ ਕਰੀਏ ਤਾਂ ਸ਼ਾਹਰੁਖ ਖਾਨ ਦੇ ਨਾਲ ਫਿਲਮ 'ਚ ਨਯਨਤਾਰਾ, ਵਿਜੇ ਸੇਤੂਪਤੀ, ਸਾਨਿਆ ਮਲਹੋਤਰਾ, ਪ੍ਰਿਆਮਣੀ, ਰਿਧੀ ਡੋਗਰਾ, ਸੁਨੀਲ ਗਰੋਵਰ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਫਿਲਮ 'ਚ ਦੀਪਿਕਾ ਪਾਦੂਕੋਣ ਦੀ ਵੀ ਖਾਸ ਭੂਮਿਕਾ ਹੈ।