Elvish Yadav: ਐਲਵਿਸ਼ ਯਾਦਵ ਤੇ ਉਰਵਸ਼ੀ ਰੌਤੇਲਾ ਦੇ ਗਾਣੇ 'ਹਮ ਤੋ ਦੀਵਾਨੇ' ਦਾ ਟੀਜ਼ਰ ਰਿਲੀਜ਼, ਕੁੱਝ ਘੰਟਿਆਂ 'ਚ ਹੀ ਮਿਲੇ ਰਿਕਾਰਡਤੋੜ ਵਿਊਜ਼
Elvish-Urvashi Song: ਬਿੱਗ ਬੌਸ OTT 2 ਦੇ ਜੇਤੂ ਐਲਵਿਸ਼ ਯਾਦਵ ਅਤੇ ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਦੇ ਆਉਣ ਵਾਲੇ ਗੀਤ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਟੀਜ਼ਰ ਨੇ ਕੁਝ ਹੀ ਘੰਟਿਆਂ ਵਿੱਚ ਰਿਕਾਰਡ ਵਿਊਜ਼ ਵੀ ਹਾਸਲ ਕਰ ਲਏ ਹਨ।
Elvish Yadav Urvashi Rautela New Song Teaser Out: 'ਬਿੱਗ ਬੌਸ OTT 2' ਦੀ ਟਰਾਫੀ ਜਿੱਤਣ ਤੋਂ ਬਾਅਦ, ਐਲਵਿਸ਼ ਯਾਦਵ ਇੰਡਸਟਰੀ ਵਿੱਚ ਜ਼ਬਰਦਸਤ ਕਾਮਯਾਬੀ ਦਾ ਆਨੰਦ ਮਾਣ ਰਹੇ ਹਨ। ਫਿਲਹਾਲ ਉਹ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਉਰਵਸ਼ੀ ਰੌਤੇਲਾ ਨਾਲ ਆਪਣੇ ਨਵੇਂ ਗੀਤ ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਇਲਵਿਸ਼ ਅਤੇ ਉਰਵਸ਼ੀ ਦੇ ਰੋਮਾਂਟਿਕ ਮਿਊਜ਼ਿਕ ਵੀਡੀਓ 'ਹਮ ਤੋ ਦੀਵਾਨੇ' ਦੇ ਟੀਜ਼ਰ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲ ਰਿਹਾ ਹੈ ਅਤੇ ਇਸ ਦੇ ਨਾਲ ਹੀ ਇਸ ਨੂੰ ਕੁਝ ਹੀ ਘੰਟਿਆਂ 'ਚ ਮਿਲੀਅਨ ਵਿਊਜ਼ ਵੀ ਮਿਲ ਚੁੱਕੇ ਹਨ।
ਐਲਵਿਸ਼-ਉਰਵਸ਼ੀ ਦੇ ਆਉਣ ਵਾਲੇ ਗੀਤ ਦਾ ਟੀਜ਼ਰ ਰਿਲੀਜ਼
ਆਪਣੇ ਜਨਮਦਿਨ ਦੇ ਮੌਕੇ 'ਤੇ ਐਲਵਿਸ਼ ਨੇ ਉਰਵਸ਼ੀ ਦੇ ਨਾਲ ਆਪਣੇ ਗੀਤ ਦਾ ਟੀਜ਼ਰ ਰਿਲੀਜ਼ ਕੀਤਾ ਅਤੇ ਲਿਖਿਆ, "ਜਨਮਦਿਨ ਸਾਡਾ ਹੈ, ਤੁਹਾਨੂੰ ਸਾਰਿਆਂ ਨੂੰ ਤੋਹਫਾ, ਸਿਸਟਮ ਹਿਲਾ ਦਿਓ, ਗੀਤ ਸਾਡਾ ਆ ਗਿਆ ਹੈ!" ਨੇਟੀਜ਼ਨਸ ਦੇ ਨਾਲ-ਨਾਲ ਸੈਲੇਬਸ ਨੇ ਵੀ 'ਐਲਵਿਸ਼-ਉਰਵਸ਼ੀ' ਦੀ ਜੋੜੀ ਦੀ ਤਾਰੀਫ ਕੀਤੀ ਹੈ। ਪੂਜਾ ਭੱਟ ਨੇ ਐਲਵਿਸ਼ ਨੂੰ ਆਪਣਾ ਸਮਰਥਨ ਦਿੱਤਾ ਅਤੇ ਲਿਖਿਆ, "ਓ ਹੋ ਸਟਾਰ।" ਉਰਵਸ਼ੀ ਰੌਤੇਲਾ ਨੇ ਵੀ ਕਮੈਂਟ ਵਿੱਚ ਲਿਖਿਆ, "ਮੇਰਾ ਹੀਰੋ।"
View this post on Instagram
ਐਲਵਿਸ਼ ਯਾਦਵ-ਉਰਵਸ਼ੀ ਦੇ ਗੀਤ ਦੇ ਟੀਜ਼ਰ ਨੂੰ ਕੁਝ ਹੀ ਘੰਟਿਆਂ ਵਿੱਚ ਮਿਲੇ ਰਿਕਾਰਡਤੋੜ ਵਿਊਜ਼
ਰਿਐਲਿਟੀ ਸ਼ੋਅ ਸਟਾਰ ਅਤੇ ਯੂਟਿਊਬਰ ਐਲਵਿਸ਼ ਯਾਦਵ ਇਨ੍ਹੀਂ ਦਿਨੀਂ ਬਾਲੀਵੁੱਡ ਅਭਿਨੇਤਰੀ ਉਰਵਸ਼ੀ ਰੌਤੇਲਾ ਦੇ ਨਾਲ ਆਪਣੇ ਆਉਣ ਵਾਲੇ ਗੀਤ ਦੇ ਟ੍ਰੇਲਰ ਨਾਲ ਨੇਟੀਜ਼ਨਜ਼ ਦਾ ਦਿਲ ਜਿੱਤ ਰਹੇ ਹਨ। 'ਹਮ ਤੋ ਦੀਵਾਨੇ' ਦੇ ਟੀਜ਼ਰ 'ਆਲਮ ਯੇ ਹੈ' ਨੇ ਰਿਲੀਜ਼ ਦੇ ਕੁਝ ਹੀ ਘੰਟਿਆਂ 'ਚ ਰਿਕਾਰਡ ਵਿਊਜ਼ ਹਾਸਲ ਕਰ ਲਏ ਹਨ। ਤੁਹਾਨੂੰ ਦੱਸ ਦਈਏ ਕਿ 'ਹਮ ਤੋ ਦੀਵਾਨੇ' ਦੇ ਟੀਜ਼ਰ ਨੇ 10.5 ਘੰਟਿਆਂ ਵਿੱਚ 2 ਮਿਲੀਅਨ ਤੋਂ ਵੱਧ ਵਿਊਜ਼ ਦਾ ਰਿਕਾਰਡ ਬਣਾਇਆ ਹੈ। ਇੰਨਾ ਹੀ ਨਹੀਂ, ਇਹ ਨੰਬਰ 2 'ਤੇ ਟ੍ਰੈਂਡ ਕਰ ਰਿਹਾ ਹੈ।
ਕਦੋਂ ਰਿਲੀਜ਼ ਹੋਵੇਗਾ ਐਲਵਿਸ਼ ਯਾਦਵ-ਉਰਵਸ਼ੀ ਦਾ ਗੀਤ?
ਤੁਹਾਨੂੰ ਦੱਸ ਦਈਏ ਕਿ ਐਲਸ਼ਿਵ ਅਤੇ ਉਰਵਸ਼ੀ ਦਾ ਗੀਤ 14 ਸਤੰਬਰ ਨੂੰ ਰਿਲੀਜ਼ ਹੋਵੇਗਾ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਐਲਵਿਸ਼ ਦੇ ਆਪਣੇ ਯੂਟਿਊਬ ਚੈਨਲ 'ਤੇ ਲੱਖਾਂ ਫਾਲੋਅਰਜ਼ ਹਨ ਅਤੇ ਉਹ ਆਪਣੇ ਰੋਜ਼ਾਨਾ ਦੇ ਵਲੌਗਸ ਅਤੇ ਰੌਸਟਿੰਗ ਵੀਡੀਓਜ਼ ਲਈ ਜਾਣਿਆ ਜਾਂਦਾ ਹੈ। ਉਸਨੇ ਸਲਮਾਨ ਖਾਨ ਦੇ ਸ਼ੋਅ ਬਿੱਗ ਬੌਸ OTT 2 ਤੋਂ ਬਹੁਤ ਪ੍ਰਸਿੱਧੀ ਪ੍ਰਾਪਤ ਕੀਤੀ ਅਤੇ ਸ਼ੋਅ ਦੀ ਟਰਾਫੀ ਜਿੱਤਣ ਵਾਲਾ ਪਹਿਲਾ ਵਾਈਲਡ ਕਾਰਡ ਪ੍ਰਤੀਯੋਗੀ ਵੀ ਬਣ ਗਿਆ।
ਇਹ ਵੀ ਪੜ੍ਹੋ: ਸ਼ਾਹਰੁਖ ਖਾਨ ਦੀ 'ਜਵਾਨ' ਦੀ ਕਮਾਈ 'ਚ ਮੰਗਲਵਾਰ ਨੂੰ ਗਿਰਾਵਟ, ਪਰ ਤੋੜ ਦਿੱਤਾ 'ਪਠਾਨ' ਦਾ ਇਹ ਰਿਕਾਰਡ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
