Zeenat Aman: ਪੁਰਾਣੇ ਜ਼ਮਾਨੇ ਦੀਆਂ ਅਭਿਨੇਤਰੀਆਂ ਵਿਚਾਲੇ ਛਿੜੀ ਜੰਗ, ਜ਼ੀਨਤ ਅਮਾਨ ਦੇ ਬਿਆਨ 'ਤੇ ਮੁਮਤਾਜ਼ ਨੇ ਕੱਸਿਆ ਤਿੱਖਾ ਤੰਜ, ਜਾਣੋ ਮਾਮਲਾ
Zeenat Aman Statement: ਜ਼ੀਨਤ ਨੇ ਕਿਹਾ ਸੀ ਕਿ ਉਹ ਇੱਕ ਖਰਾਬ ਵਿਆਹ ਦਾ ਦਰਦ ਝੱਲ ਚੁੱਕੀ ਹੈ, ਇਸ ਲਈ ਉਹ ਨੌਜਵਾਨਾਂ ਨੂੰ ਇਹੀ ਸਲਾਹ ਦੇਵੇਗੀ ਕਿ ਵਿਆਹ ਤੋਂ ਪਹਿਲਾਂ ਜੋੜਿਆਂ ਨੂੰ ਇਕੱਠੇ ਰਹਿਣਾ ਯਾਨਿ ਲਿਵ ਇਨ 'ਚ ਰਹਿਣਾ ਚਾਹੀਦਾ ਹੈ।
Zeenat Aman Statement: ਜ਼ੀਨਤ ਅਮਾਨ ਉਹ ਨਾਮ ਹੈ ਜੋ ਕਿਸੇ ਜਾਣ ਪਛਾਣ ਦਾ ਮੋਹਤਾਜ ਨਹੀਂ ਹੈ। ਪੁਰਾਣੇ ਜ਼ਮਾਨੇ ਦੀ ਇਸ ਸਦਾਬਹਾਰ ਅਭਿਨੇਤਰੀ ਨੇ ਆਪਣੇ ਕਰੀਅਰ 'ਚ ਇੱਕ ਤੋਂ ਵਧ ਕੇ ਇੱਕ ਸ਼ਾਨਦਾਰ ਫਿਲਮਾਂ 'ਚ ਕੰਮ ਕੀਤਾ ਹੈ। ਹਾਲ ਹੀ 'ਚ ਜ਼ੀਨਤ ਦਾ ਇੱਕ ਬਿਆਨ ਕਾਫੀ ਚਰਚਾ 'ਚ ਰਿਹਾ ਸੀ। ਦਰਅਸਲ, ਜ਼ੀਨਤ ਨੇ ਕਿਹਾ ਸੀ ਕਿ ਉਹ ਇੱਕ ਖਰਾਬ ਵਿਆਹ ਦਾ ਦਰਦ ਝੱਲ ਚੁੱਕੀ ਹੈ, ਇਸ ਲਈ ਉਹ ਨੌਜਵਾਨਾਂ ਨੂੰ ਇਹੀ ਸਲਾਹ ਦੇਵੇਗੀ ਕਿ ਵਿਆਹ ਤੋਂ ਪਹਿਲਾਂ ਜੋੜਿਆਂ ਨੂੰ ਇਕੱਠੇ ਰਹਿਣਾ ਯਾਨਿ ਲਿਵ ਇਨ 'ਚ ਰਹਿਣਾ ਚਾਹੀਦਾ ਹੈ। ਇਸ ਵਿੱਚ ਕੁੱਝ ਵੀ ਗਲਤ ਨਹੀਂ ਹੈ। ਕਿਉਂਕਿ ਲਿਵ ਇਨ 'ਚ ਰਹਿ ਕੇ ਤੁਸੀਂ ਇੱਕ ਦੂਜੇ ਨੂੰ ਚੰਗੀ ਤਰ੍ਹਾਂ ਜਾਣਦੇ ਹੋ ਤੇ ਸਮਝ ਪਾਉਂਦੇ ਹੋ।
View this post on Instagram
ਇਸ ਬਿਆਨ 'ਤੇ ਹੁਣ 70 ਦੇ ਦਹਾਕਿਆਂ ਦੀ ਸੁਪਰਹਿੱਟ ਅਭਿਨੇਤਰੀ ਮੁਮਤਾਜ਼ ਨੇ ਤੰਜ ਕੱਸ ਦਿੱਤਾ ਹੈ। ਇੰਝ ਲੱਗਦਾ ਹੈ ਕਿ ਕਿ ਮੁਮਤਾਜ਼ ਜ਼ੀਨਤ ਦੇ ਬਿਆਨ ਤੋਂ ਕਾਫੀ ਨਾਰਾਜ਼ ਹੋ ਗਈ ਹੈ। ਉਨ੍ਹਾਂ ਨੇ ਜ਼ੀਨਤ ਦੀ ਪਰਸਨਲ ਲਾਈਫ ;ਤੇ ਤਿੱਖਾ ਤੰਜ ਕੱਸਦਿਆਂ ਕਿਹਾ ਕਿ ਜਿਨ੍ਹਾਂ ਦੀ ਆਪਣੀ ਜ਼ਿੰਦਗੀ ਨਰਕ ਵਰਗੀ ਰਹੀ ਹੋਵੇ ਤੇ ਵਿਆਹੁਤਾ ਜੀਵਨ ਖਰਾਬ ਰਿਹਾ ਹੋਵੇ, ਉਹ ਵਿਆਹ ਬਾਰੇ ਸਲਾਹ ਨਾ ਦੇਵੇ ਤਾਂ ਹੀ ਠੀਕ ਹੋਵੇਗਾ।
ਇਸ ਤੋਂ ਬਾਅਦ ਪੁਰਾਣੇ ਜ਼ਮਾਨੇ ਦੀ ਇੱਕ ਹੋਰ ਅਭਿਨੇਤਰੀ ਸਾਇਰਾ ਬਾਨੋ ਨੇ ਵੀ ਜ਼ੀਨਤ ਦੇ ਇਸ ਬਿਆਨ 'ਤੇ ਅਸਹਿਮਤੀ ਪ੍ਰਗਟਾਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਵਿਚਾਰਾਂ ਦਾ ਮੈਂ ਕਦੇ ਵੀ ਸਵਾਗਤ ਨਹੀਂ ਕਰ ਸਕਦੀ।
ਜ਼ੀਨਤ ਨੇ ਮੁਮਤਾਜ਼ ਦੇ ਬਿਆਨ 'ਤੇ ਇੰਝ ਕੀਤਾ ਰਿਐਕਟ
ਹੁਣ ਜ਼ੀਨਤ ਅਮਾਨ ਨੇ ਹਿੰਦੁਸਤਾਨ ਟਾਈਮਜ਼ ਨਾਲ ਗੱਲਬਾਤ ਦੌਰਾਨ ਮੁਮਤਾਜ਼ ਦੀ ਟਿੱਪਣੀ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਕਿਹਾ- ‘ਹਰ ਕਿਸੇ ਨੂੰ ਆਪਣੀ ਰਾਏ ਜ਼ਾਹਰ ਕਰਨ ਦਾ ਹੱਕ ਹੈ। ਮੈਂ ਕਦੇ ਵੀ ਦੂਸਰਿਆਂ ਦੀ ਨਿੱਜੀ ਜ਼ਿੰਦਗੀ 'ਤੇ ਟਿੱਪਣੀ ਕਰਨ ਜਾਂ ਆਪਣੇ ਸਹਿ-ਸਿਤਾਰਿਆਂ ਦੀ ਆਲੋਚਨਾ ਕਰਨ ਵਾਲੀ ਇਨਸਾਨ ਨਹੀਂ ਹਾਂ, ਅਤੇ ਮੈਂ ਹੁਣ ਅਜਿਹਾ ਕਰਨਾ ਸ਼ੁਰੂ ਨਹੀਂ ਕਰਾਂਗੀ।'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
