![ABP Premium](https://cdn.abplive.com/imagebank/Premium-ad-Icon.png)
Tamannaah Bhatia Summoned: ਸੰਜੇ ਦੱਤ ਤੋਂ ਬਾਅਦ ਸਾਈਬਰ ਸੈੱਲ ਦੀ ਰਡਾਰ 'ਤੇ ਤਮੰਨਾ ਭਾਟੀਆ! ਜਾਣੋ ਕਿਸ ਮਾਮਲੇ ਨੂੰ ਲੈ ਹੋਇਆ ਹੰਗਾਮਾ
Tamannaah Bhatia Summoned: ਮਹਾਰਾਸ਼ਟਰ ਸਾਈਬਰ ਸੈੱਲ ਨੇ ਬਾਲੀਵੁੱਡ ਅਭਿਨੇਤਰੀ ਤਮੰਨਾ ਭਾਟੀਆ ਨੂੰ ਫੇਅਰਪਲੇ 'ਤੇ ਸਾਲ 2023 ਦੇ ਗੈਰ-ਕਾਨੂੰਨੀ ਤਰੀਕੇ ਨਾਲ ਆਈਪੀਐੱਲ ਦਾ ਪ੍ਰਸਾਰਣ ਕਰਕੇ
![Tamannaah Bhatia Summoned: ਸੰਜੇ ਦੱਤ ਤੋਂ ਬਾਅਦ ਸਾਈਬਰ ਸੈੱਲ ਦੀ ਰਡਾਰ 'ਤੇ ਤਮੰਨਾ ਭਾਟੀਆ! ਜਾਣੋ ਕਿਸ ਮਾਮਲੇ ਨੂੰ ਲੈ ਹੋਇਆ ਹੰਗਾਮਾ After sanjay dutt Tamannaah Bhatia has been summoned by the Maharashtra Cyber Department for interrogation details inside Tamannaah Bhatia Summoned: ਸੰਜੇ ਦੱਤ ਤੋਂ ਬਾਅਦ ਸਾਈਬਰ ਸੈੱਲ ਦੀ ਰਡਾਰ 'ਤੇ ਤਮੰਨਾ ਭਾਟੀਆ! ਜਾਣੋ ਕਿਸ ਮਾਮਲੇ ਨੂੰ ਲੈ ਹੋਇਆ ਹੰਗਾਮਾ](https://feeds.abplive.com/onecms/images/uploaded-images/2024/04/25/6797eaf407a60f564fd53a929fe77c651714029260447709_original.jpg?impolicy=abp_cdn&imwidth=1200&height=675)
Tamannaah Bhatia Summoned: ਮਹਾਰਾਸ਼ਟਰ ਸਾਈਬਰ ਸੈੱਲ ਨੇ ਬਾਲੀਵੁੱਡ ਅਭਿਨੇਤਰੀ ਤਮੰਨਾ ਭਾਟੀਆ ਨੂੰ ਫੇਅਰਪਲੇ 'ਤੇ ਸਾਲ 2023 ਦੇ ਗੈਰ-ਕਾਨੂੰਨੀ ਤਰੀਕੇ ਨਾਲ ਆਈਪੀਐੱਲ ਦਾ ਪ੍ਰਸਾਰਣ ਕਰਕੇ ਵਾਇਆਕਾਮ ਨੂੰ ਕਰੋੜਾਂ ਦਾ ਨੁਕਸਾਨ ਪਹੁੰਚਾਉਣ ਦੇ ਮਾਮਲੇ 'ਚ ਪੁੱਛਗਿੱਛ ਲਈ ਸੰਮਨ ਕੀਤਾ ਹੈ। ਸੂਤਰਾਂ ਨੇ ਦੱਸਿਆ ਕਿ ਤਮੰਨਾ ਭਾਟੀਆ ਨੂੰ ਅਗਲੇ ਹਫਤੇ ਦੀ 29 ਤਰੀਕ ਨੂੰ ਮਹਾਰਾਸ਼ਟਰ ਸਾਈਬਰ ਸੈੱਲ 'ਚ ਆਉਣ ਅਤੇ ਜਾਂਚ ਅਧਿਕਾਰੀ ਦੇ ਸਾਹਮਣੇ ਪੇਸ਼ ਹੋਣ ਲਈ ਕਿਹਾ ਗਿਆ ਹੈ।
ਸੰਜੇ ਦੱਤ ਨੂੰ ਵੀ ਪੁੱਛਗਿੱਛ ਲਈ ਬੁਲਾਇਆ ਗਿਆ ਸੀ
ਇਸੇ ਮਾਮਲੇ 'ਚ ਮੰਗਲਵਾਰ ਦੇ ਦਿਨ ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਨੂੰ ਪੁੱਛਗਿੱਛ ਲਈ ਬੁਲਾਇਆ ਗਿਆ ਸੀ, ਪਰ ਸੰਜੇ ਦੱਤ ਮੰਗਲਵਾਰ ਨੂੰ ਸਾਈਬਰ ਸੈੱਲ 'ਚ ਨਹੀਂ ਪਹੁੰਚੇ। ਹਾਲਾਂਕਿ ਉਸ ਨੇ ਬਿਆਨ ਦਰਜ ਕਰਵਾਉਣ ਲਈ ਹੋਰ ਸਮਾਂ ਮੰਗਿਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਸੰਜੇ ਦੱਤ ਨੇ ਸਾਈਬਰ ਸੈੱਲ ਨੂੰ ਦੱਸਿਆ ਕਿ ਉਸ ਦਾ ਕੁਝ ਯੋਜਨਾਬੱਧ ਕੰਮ ਹੈ ਜਿਸ ਲਈ ਉਹ ਮੁੰਬਈ ਤੋਂ ਬਾਹਰ ਹੈ ਅਤੇ ਇਸ ਕਾਰਨ ਉਹ ਮੰਗਲਵਾਰ ਨੂੰ ਪੁੱਛਗਿੱਛ ਲਈ ਹਾਜ਼ਰ ਨਹੀਂ ਹੋ ਸਕਦਾ।
ਤਮੰਨਾ ਭਾਟੀਆ ਨੂੰ ਕਿਉਂ ਭੇਜਿਆ ਗਿਆ ਸੰਮਨ?
ਦੱਸ ਦੇਈਏ ਕਿ ਮਹਾਰਾਸ਼ਟਰ ਸਾਈਬਰ ਸੈੱਲ ਨੇ ਵਾਇਆਕਾਮ ਦੀ ਸ਼ਿਕਾਇਤ 'ਤੇ ਫੇਅਰਪਲੇ ਐਪ ਖਿਲਾਫ ਐੱਫਆਈਆਰ ਦਰਜ ਕੀਤੀ ਸੀ ਅਤੇ ਇਸ ਮਾਮਲੇ ਦੀ ਹੋਰ ਜਾਂਚ ਕਰਨ ਲਈ ਭਾਟੀਆ ਤੋਂ ਪੁੱਛਗਿੱਛ ਲਈ ਸੰਮਨ ਭੇਜੇ ਗਏ ਹਨ। ਸੂਤਰਾਂ ਨੇ ਦੱਸਿਆ ਕਿ ਤਮੰਨਾ ਭਾਟੀਆ ਨੇ ਫੇਅਰਪਲੇ ਨੂੰ ਪ੍ਰਮੋਟ ਕੀਤਾ ਸੀ, ਇਸ ਲਈ ਉਸ ਨੂੰ ਗਵਾਹ ਵਜੋਂ ਪੁੱਛਗਿੱਛ ਲਈ ਬੁਲਾਇਆ ਗਿਆ ਹੈ। ਸਾਈਬਰ ਪੁਲਿਸ ਭਾਟੀਆ ਤੋਂ ਇਹ ਸਮਝਣਾ ਚਾਹੁੰਦੀ ਹੈ ਕਿ ਫੇਅਰ ਪਲੇ ਨੂੰ ਪ੍ਰਮੋਟ ਕਰਨ ਲਈ ਉਸ ਨਾਲ ਕਿਸ ਨੇ ਸੰਪਰਕ ਕੀਤਾ, ਉਸ ਨੇ ਇਹ ਕੰਮ ਕਿਵੇਂ ਕੀਤਾ ਅਤੇ ਉਸ ਨੂੰ ਇਸ ਲਈ ਕਿੰਨੇ ਪੈਸੇ ਮਿਲੇ ਅਤੇ ਕਿਵੇਂ ਦਿੱਤੇ ਗਏ ਸੀ।
ਉਥੇ ਹੀ ਵਾਇਕਾਮ ਨੇ ਆਪਣੀ ਸ਼ਿਕਾਇਤ 'ਚ ਦਾਅਵਾ ਕੀਤਾ ਸੀ ਕਿ ਫੇਅਰਪਲੇ ਨੇ ਟਾਟਾ ਆਈਪੀਐੱਲ (ਇੰਡੀਅਨ ਪ੍ਰੀਮੀਅਰ ਲੀਗ) 2023 ਨੂੰ ਗੈਰ-ਕਾਨੂੰਨੀ ਢੰਗ ਨਾਲ ਦਿਖਾਇਆ ਅਤੇ ਇਸ ਕਾਰਨ ਉਨ੍ਹਾਂ ਨੂੰ 100 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਬਿਆਨ ਦਰਜ ਕਰ ਲਏ ਹਨ।
ਵੱਖ-ਵੱਖ ਦੇਸ਼ਾਂ ਤੋਂ ਪੈਸਾ ਆਇਆ!
ਇਸ ਮਾਮਲੇ ਦੀ ਜਾਂਚ ਦੌਰਾਨ ਪੁਲਿਸ ਨੂੰ ਪਤਾ ਲੱਗਾ ਕਿ ਫੇਅਰਪਲੇ ਨੇ ਵੱਖ-ਵੱਖ ਕੰਪਨੀਆਂ ਦੇ ਖਾਤਿਆਂ ਤੋਂ ਕਲਾਕਾਰਾਂ ਨੂੰ ਪੈਸੇ ਦਿੱਤੇ ਸਨ। ਸੰਜੇ ਦੱਤ ਨੂੰ ਪਲੇ ਵੈਂਚਰ ਨਾਂ ਦੀ ਕੰਪਨੀ ਦੇ ਖਾਤੇ ਤੋਂ ਪੈਸੇ ਮਿਲੇ ਸਨ, ਜੋ ਕੁਰਕਾਓ ਸਥਿਤ ਕੰਪਨੀ ਹੈ। ਬਾਦਸ਼ਾਹ ਨੂੰ ਲਾਇਕੋਸ ਗਰੁੱਪ ਐਫਜ਼ੈਡਐਫ ਕੰਪਨੀ ਦੇ ਖਾਤੇ ਵਿੱਚੋਂ ਪੈਸੇ ਮਿਲੇ ਹਨ, ਇਹ ਕੰਪਨੀ ਦੁਬਈ ਵਿੱਚ ਸਥਿਤ ਹੈ, ਜਦੋਂ ਕਿ ਜੈਕਲੀਨ ਫਰਨਾਂਡੀਜ਼ ਨੂੰ ਟ੍ਰਿਮ ਜਨਰਲ ਟਰੇਡਿੰਗ ਐਲਐਲਸੀ ਨਾਮਕ ਕੰਪਨੀ ਦੇ ਖਾਤੇ ਵਿੱਚੋਂ ਪੈਸੇ ਮਿਲੇ ਹਨ, ਇਹ ਕੰਪਨੀ ਦੁਬਈ ਵਿੱਚ ਸਥਿਤ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)