Hema Malini: ਹੇਮਾ ਮਾਲਿਨੀ ਨੇ ਦੇਖੀ ਫਿਲਮ 'ਗਦਰ 2', ਸੌਤੇਲੇ ਪੁੱਤਰ ਸੰਨੀ ਦਿਓਲ ਨੂੰ ਲੈ ਕਹਿ ਦਿੱਤੀ ਵੱਡੀ ਗੱਲ

Hema Malini Praised Sunny Deol: 'ਗਦਰ 2' ਬਾਕਸ ਆਫਿਸ 'ਤੇ ਲਗਾਤਾਰ ਧਮਾਲ ਮਚਾ ਰਹੀ ਹੈ ਅਤੇ ਫਿਲਮ ਨੇ 9 ਦਿਨਾਂ 'ਚ 336.13 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਪ੍ਰਸ਼ੰਸਕਾਂ ਤੋਂ ਲੈ ਕੇ ਸੈਲੇਬਸ ਤੱਕ ਫਿਲਮ ਦੀ ਤਾਰੀਫ ਕਰਦੇ ਨਹੀਂ ਥੱਕ

Hema Malini Praised Sunny Deol

Hema Malini Praised Sunny Deol: 'ਗਦਰ 2' ਬਾਕਸ ਆਫਿਸ 'ਤੇ ਲਗਾਤਾਰ ਧਮਾਲ ਮਚਾ ਰਹੀ ਹੈ ਅਤੇ ਫਿਲਮ ਨੇ 9 ਦਿਨਾਂ 'ਚ 336.13 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਪ੍ਰਸ਼ੰਸਕਾਂ ਤੋਂ ਲੈ ਕੇ ਸੈਲੇਬਸ ਤੱਕ ਫਿਲਮ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ ਹਨ। ਇਸ ਦੇ ਨਾਲ ਹੀ ਸੰਨੀ ਦਿਓਲ ਦੀ ਸੌਤੇਲੀ ਮਾਂ ਅਤੇ ਅਦਾਕਾਰਾ ਹੇਮਾ ਮਾਲਿਨੀ ਨੇ ਵੀ ਗਦਰ 2 ਦੀ ਤਾਰੀਫ ਕੀਤੀ ਹੈ।

ਹੇਮਾ ਮਾਲਿਨੀ ਨੇ ਸ਼ਨੀਵਾਰ ਨੂੰ ਫਿਲਮ ਦੇਖੀ ਅਤੇ ਥੀਏਟਰ ਤੋਂ ਬਾਹਰ ਆ ਕੇ ਪਾਪਰਾਜ਼ੀ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ 'ਗਦਰ 2' ਸਬੰਧੀ ਆਪਣਾ ਰਿਵਿਊ ਦਿੱਤਾ। ਹੇਮਾ ਮਾਲਿਨੀ ਨੇ ਫਿਲਮ ਨੂੰ ਦਿਲਚਸਪ ਦੱਸਦਿਆਂ ਕਿਹਾ ਕਿ ਇਸ ਵਿੱਚ ਭਾਰਤ ਅਤੇ ਪਾਕਿਸਤਾਨ ਲਈ ਚੰਗਾ ਸੰਦੇਸ਼ ਹੈ। ਪਾਪਰਾਜ਼ੀ ਨਾਲ ਗੱਲ ਕਰਦੇ ਹੋਏ ਹੇਮਾ ਮਾਲਿਨੀ ਨੇ ਕਿਹਾ- 'ਗਦਰ 2 ਦੇਖ ਕੇ ਆਈ ਹਾਂ। ਜਿਵੇਂ ਦੀ ਉਮੀਦ ਸੀ ਉਵੇਂ ਹੀ ਸੀ, ਬਹੁਤ ਹੀ ਦਿਲਚਸਪ ਹੈ। ਬਾਲੀਵੁੱਡ ਦੀ ਡ੍ਰੀਮ ਗਰਲ ਨੇ ਅੱਗੇ ਕਿਹਾ ਕਿ ਇਸ ਤਰ੍ਹਾਂ ਲੱਗ ਰਿਹਾ ਸੀ ਕਿ 70 ਅਤੇ 80 ਦੇ ਦਹਾਕੇ ਦੇ ਜ਼ਮਾਨੇ ਦੀ ਫਿਲਮ ਇੱਕ ਦੌਰ ਹੈ। ਉਹ ਦੌਰ ਨੂੰ ਲੈ ਕੇ ਆਏ ਹਨ। ਅਨਿਲ ਸ਼ਰਮਾ ਜੀ ਨੇ ਬਹੁਤ ਹੀ ਖੂਬਸੂਰਤ ਨਿਰਦੇਸ਼ਨ ਕੀਤਾ ਹੈ।

ਸੰਨੀ ਦਿਓਲ ਨੂੰ ਕਿਹਾ ਹੁਸ਼ਿਆਰ!

ਹੇਮਾ ਮਾਲਿਨੀ ਨੇ ਵੀ ਆਪਣੇ ਸੌਤੇਲੇ ਬੇਟੇ ਸੰਨੀ ਦਿਓਲ ਦੀ ਕਾਫੀ ਤਾਰੀਫ ਕੀਤੀ। ਉਸ ਨੇ 'ਗਦਰ 2' ਵਿੱਚ ਉਸ ਦੀ ਭੂਮਿਕਾ ਲਈ ਉਸ ਨੂੰ 'ਸ਼ਾਨਦਾਰ' ਦੱਸਿਆ। ਇਸ ਤੋਂ ਇਲਾਵਾ ਉਨ੍ਹਾਂ ਸੰਨੀ ਦਿਓਲ ਦੇ ਪੁੱਤਰ ਦੀ ਭੂਮਿਕਾ ਨਿਭਾਉਣ ਵਾਲੇ ਉਤਕਰਸ਼ ਸ਼ਰਮਾ ਦੀ ਅਦਾਕਾਰੀ ਦੀ ਵੀ ਸ਼ਲਾਘਾ ਕੀਤੀ। ਸਿਮਰਤ ਕੌਰ ਬਾਰੇ ਗੱਲ ਕਰਦਿਆਂ ਕਿਹਾ- ' ਜੋ ਨਵੀਂ ਕੁੜੀ ਵੀ ਬਹੁਤ ਵਧੀਆ ਹੈ।'

'ਭਾਰਤ ਤੇ ਪਾਕਿਸਤਾਨ ਲਈ ਚੰਗਾ ਸੁਨੇਹਾ'

ਹੇਮਾ ਨੇ ਫਿਲਮ ਦੇ ਸੰਦੇਸ਼ ਬਾਰੇ ਵੀ ਗੱਲ ਕੀਤੀ ਅਤੇ ਕਿਹਾ- 'ਫਿਲਮ ਦੇਖਣ ਤੋਂ ਬਾਅਦ, ਦੇਸ਼ ਲਈ ਜੋ ਦੇਸ਼ ਭਗਤੀ ਹੋਣੀ ਚਾਹੀਦੀ ਹੈ, ਉਹ ਹੈ। ਅੰਤ ਵਿੱਚ ਮੁਸਲਮਾਨਾਂ ਨਾਲ ਭਾਈਚਾਰੇ ਦੀ ਗੱਲ ਵੀ ਦਿਖਾਈ ਗਈ। ਇਹ ਭਾਰਤ ਅਤੇ ਪਾਕਿਸਤਾਨ ਲਈ ਚੰਗਾ ਸੰਦੇਸ਼ ਹੈ।

ਸੰਨੀ ਦਿਓਲ ਦੇ ਪਰਿਵਾਰ ਤੋਂ ਦੂਰ ਰਹਿੰਦੀ ਹੈ ਹੇਮਾ!

ਦੱਸ ਦੇਈਏ ਕਿ ਹੇਮਾ ਮਾਲਿਨੀ ਧਰਮਿੰਦਰ ਦੀ ਦੂਜੀ ਪਤਨੀ ਹੈ ਅਤੇ ਉਹ ਧਰਮਿੰਦਰ ਦੀ ਪਹਿਲੀ ਪਤਨੀ ਦੇ ਬੱਚਿਆਂ ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਤੋਂ ਦੂਰੀ ਬਣਾ ਕੇ ਰੱਖਦੀ ਹੈ। ਹਾਲ ਹੀ 'ਚ ਸੰਨੀ ਦਿਓਲ ਦੇ ਬੇਟੇ ਕਰਨ ਦਿਓਲ ਦਾ ਵਿਆਹ ਹੋਇਆ ਹੈ ਅਤੇ ਹੇਮਾ ਮਾਲਿਨੀ ਵੀ ਉਸ 'ਚ ਸ਼ਾਮਲ ਨਹੀਂ ਹੋਈ। ਇਸ ਤੋਂ ਇਲਾਵਾ ਉਨ੍ਹਾਂ ਦੀਆਂ ਬੇਟੀਆਂ ਵੀ ਸੰਨੀ ਦਿਓਲ ਅਤੇ ਉਨ੍ਹਾਂ ਦੇ ਪਰਿਵਾਰ ਤੋਂ ਦੂਰ ਰਹਿੰਦੀਆਂ ਹਨ। ਹਾਲਾਂਕਿ ਕੁਝ ਦਿਨ ਪਹਿਲਾਂ ਈਸ਼ਾ ਦਿਓਲ ਨੂੰ ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਨਾਲ ਦੇਖਿਆ ਗਿਆ ਸੀ। ਇਹ ਪਹਿਲੀ ਵਾਰ ਸੀ ਜਦੋਂ ਭੈਣ-ਭਰਾ ਇਕੱਠੇ ਨਜ਼ਰ ਆਏ ਸਨ।