Chandramukhi 2: 'ਚੰਦਰਮੁਖੀ 2' ਤੋਂ ਕੰਗਨਾ ਰਣੌਤ ਦਾ ਲੁੱਕ ਆਊਟ, ਘੁੰਗਰਾਲੇ ਵਾਲਾਂ ਤੇ ਖਤਰਨਾਕ ਅਦਾਵਾਂ ਨਾਲ ਉਡਾਵੇਗੀ ਹੋਸ਼
Kangana Ranaut First Look Out From Chandramukhi 2: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਸਟਾਰਰ ਹਾਰਰ ਕਾਮੇਡੀ ਫਿਲਮ 'ਚੰਦਰਮੁਖੀ 2' ਤੋਂ ਅਦਾਕਾਰਾ ਦੀ ਪਹਿਲੀ ਝਲਕ ਸਾਹਮਣੇ ਆਈ ਹੈ। ਲਾਇਕਾ ਪ੍ਰੋਡਕਸ਼ਨ ਨੇ ਫਿਲਮ ਦਾ
Kangana Ranaut First Look Out From Chandramukhi 2: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਸਟਾਰਰ ਹਾਰਰ ਕਾਮੇਡੀ ਫਿਲਮ 'ਚੰਦਰਮੁਖੀ 2' ਤੋਂ ਅਦਾਕਾਰਾ ਦੀ ਪਹਿਲੀ ਝਲਕ ਸਾਹਮਣੇ ਆਈ ਹੈ। ਲਾਇਕਾ ਪ੍ਰੋਡਕਸ਼ਨ ਨੇ ਫਿਲਮ ਦਾ ਪਹਿਲਾ ਪੋਸਟਰ ਜਾਰੀ ਕਰ ਦਿੱਤਾ ਹੈ, ਜਿਸ 'ਚ ਕੰਗਨਾ ਹਰੇ ਰੰਗ ਦੀ ਸਾੜੀ ਪਾਈ ਨਜ਼ਰ ਆ ਰਹੀ ਹੈ। ਕੰਗਨਾ ਨੇ ਸਾੜ੍ਹੀ ਦੇ ਨਾਲ ਭਾਰੀ ਗਹਿਣੇ ਵੀ ਪਾਏ ਹੋਏ ਹਨ। ਉਸ ਦੇ ਲੁੱਕ ਨੇ ਪ੍ਰਸ਼ੰਸਕਾਂ ਵਿੱਚ ਫਿਲਮ ਨੂੰ ਲੈ ਕੇ ਉਤਸ਼ਾਹ ਨਾਲ ਭਰ ਦਿੱਤਾ ਹੈ।
ਪੋਸਟਰ 'ਚ ਕੰਗਨਾ ਇੱਕ ਮਹਿਲ ਦੇ ਅੰਦਰ ਖੜ੍ਹੀ ਹੋ ਕੇ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ। ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਲਾਇਕਾ ਪ੍ਰੋਡਕਸ਼ਨ ਨੇ ਕੈਪਸ਼ਨ 'ਚ ਲਿਖਿਆ- 'ਖੂਬਸੂਰਤੀ ਅਤੇ ਪੋਜ਼ ਜੋ ਸ਼ਿੱਦਤ ਨਾਲ ਸਾਡਾ ਧਿਆਨ ਚੁਰਾਉਂਦੇ ਹਨ! ਪੇਸ਼ ਹੈ ਚੰਦਰਮੁਖੀ 2 ਤੋਂ ਚੰਦਰਮੁਖੀ ਦੇ ਰੂਪ ਵਿੱਚ ਕੰਗਨਾ ਰਣੌਤ ਦੀ ਮਨਮੋਹਕ, ਸ਼ਾਨਦਾਰ ਅਤੇ ਖੂਬਸੂਰਤ ਪਹਿਲੀ ਲੁੱਕ। ਇਸ ਗਣੇਸ਼ ਚਤੁਰਥੀ ਤੇ ਤਮਿਲ, ਹਿੰਦੀ, ਤੇਲਗੂ, ਮਲਿਆਲਮ ਅਤੇ ਕੰਨੜ ਵਿੱਚ ਰਿਲੀਜ਼ ਕੀਤਾ ਜਾ ਰਿਹਾ ਹੈ!
Lyca Productions ਨੇ Kangana ਦੀ ਵੀਡੀਓ ਸਾਂਝੀ ਕੀਤੀ
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਲਾਇਕਾ ਪ੍ਰੋਡਕਸ਼ਨ ਨੇ ਵੀ ਕੰਗਨਾ ਦਾ ਇੱਕ ਵੀਡੀਓ ਸ਼ੇਅਰ ਕੀਤਾ ਸੀ। ਇਸ ਵੀਡੀਓ 'ਚ 'ਫੈਸ਼ਨ', 'ਤਨੂ ਵੇਡਸ ਮਨੂ', 'ਕ੍ਰਿਸ਼ 3', 'ਕੁਈਨ', 'ਮਣੀਕਰਣਿਕਾ' ਤੋਂ ਲੈ ਕੇ 'ਚੰਦਰਮੁਖੀ 2' ਤੱਕ ਵੱਖ-ਵੱਖ ਫਿਲਮਾਂ ਦੇ ਕਗੰਨਾ ਦੇ ਕਿਰਦਾਰ ਦਿਖਾਏ ਗਏ ਹਨ। ਇਸ ਵੀਡੀਓ ਦੇ ਨਾਲ ਕੈਪਸ਼ਨ 'ਚ ਲਿਖਿਆ- 'ਇੰਤਜ਼ਾਰ ਖਤਮ ਹੋ ਗਿਆ ਹੈ। ਆਪਣੀ ਬੋਲਡਨੇਸ, ਖੂਬਸੂਰਤੀ ਅਤੇ ਕੈਰੇਕਟਰ ਨਾਲ ਸਾਲਾਂ ਤੱਕ ਸਾਡੇ ਦਿਲਾਂ 'ਤੇ ਰਾਜ ਕਰਨ ਵਾਲੀ ਰਾਣੀ ਵਾਪਸ ਆ ਗਈ ਹੈ! ਬਣੇ ਰਹੋ ਕਿਉਂਕਿ ਅਸੀਂ ਕੱਲ੍ਹ ਸਵੇਰੇ 11 ਵਜੇ ਚੰਦਰਮੁਖੀ 2 ਤੋਂ ਕੰਗਨਾ ਦੀ ਪਹਿਲੀ ਝਲਕ ਰਿਲੀਜ਼ ਕਰਾਂਗੇ!
View this post on Instagram
ਇਹ ਫਿਲਮ 5 ਭਾਸ਼ਾਵਾਂ 'ਚ ਰਿਲੀਜ਼ ਹੋਵੇਗੀ
'ਚੰਦਰਮੁਖੀ 2' ਬਲਾਕਬਸਟਰ ਹਿੱਟ ਤਾਮਿਲ ਹਾਰਰ ਕਾਮੇਡੀ ਫਿਲਮ 'ਚੰਦਰਮੁਖੀ' ਦਾ ਸੀਕਵਲ ਹੈ। ਫਿਲਮ 'ਚ ਕੰਗਨਾ ਬਾਦਸ਼ਾਹ ਦੇ ਦਰਬਾਰ 'ਚ ਡਾਂਸਰ ਦੀ ਭੂਮਿਕਾ 'ਚ ਨਜ਼ਰ ਆਵੇਗੀ, ਜੋ ਆਪਣੀ ਖੂਬਸੂਰਤੀ ਅਤੇ ਪ੍ਰਤਿਭਾ ਲਈ ਜਾਣੀ ਜਾਂਦੀ ਸੀ। ਫਿਲਮ 'ਚ ਕੰਗਨਾ ਦੇ ਨਾਲ ਰਾਘਵ ਮੁੱਖ ਭੂਮਿਕਾ 'ਚ ਨਜ਼ਰ ਆਉਣਗੇ। ਲਾਇਕਾ ਪ੍ਰੋਡਕਸ਼ਨ ਅਤੇ ਸੁਬਾਸਕਰਨ ਦੀ ਇਹ ਫਿਲਮ ਸਤੰਬਰ 'ਚ ਤਾਮਿਲ, ਤੇਲਗੂ, ਹਿੰਦੀ, ਮਲਿਆਲਮ ਅਤੇ ਕੰਨੜ 'ਚ ਰਿਲੀਜ਼ ਹੋਵੇਗੀ।
ਵਰਕਫਰੰਟ ਦੀ ਗੱਲ ਕਰਿਏ ਤਾਂ 'ਚੰਦਰਮੁਖੀ 2' ਤੋਂ ਇਲਾਵਾ ਕੰਗਨਾ ਰਣੌਤ ਕਈ ਹੋਰ ਫਿਲਮਾਂ 'ਚ ਨਜ਼ਰ ਆਉਣ ਵਾਲੀ ਹੈ। ਫਿਲਮ 'ਤੇਜਸ' 'ਚ ਉਹ ਭਾਰਤੀ ਹਵਾਈ ਫੌਜ ਦੇ ਪਾਇਲਟ ਦੀ ਭੂਮਿਕਾ 'ਚ ਨਜ਼ਰ ਆਵੇਗੀ। ਇਸ ਦੇ ਨਾਲ ਹੀ ਫਿਲਮ 'ਐਮਰਜੈਂਸੀ' 'ਚ ਉਹ ਮਰਹੂਮ ਪ੍ਰਧਾਨ ਮੰਤਰੀ ਇੰਦਰਾ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
