'ਗੋਸਟ ਸਟੋਰੀਜ਼' ਨੇ ਅਨੁਰਾਗ ਕਸ਼ਯਪ ਲਈ ਖੜ੍ਹੀ ਕੀਤੀ ਮੁਸੀਬਤ
ਬੌਲੀਵੁਡ ਫਿਲਮ ਮੇਕਰ ਅਨੁਰਾਗ ਕਸ਼ਯਪ ਦੀ ਸਾਲ 2020 ਵਿੱਚ ਆਈ ਸ਼ਾਰਟ ਫਿਲਮ 'ਗੋਸਟ ਸਟੋਰੀਜ਼' ਕਾਰਨ ਅਨੁਰਾਗ ਮੁਸੀਬਤ ਵਿੱਚ ਪੈ ਗਏ ਹਨ।
ਮੁੰਬਈ: ਬੌਲੀਵੁਡ ਫਿਲਮ ਮੇਕਰ ਅਨੁਰਾਗ ਕਸ਼ਯਪ ਦੀ ਸਾਲ 2020 ਵਿੱਚ ਆਈ ਸ਼ਾਰਟ ਫਿਲਮ 'ਗੋਸਟ ਸਟੋਰੀਜ਼' ਕਾਰਨ ਅਨੁਰਾਗ ਮੁਸੀਬਤ ਵਿੱਚ ਪੈ ਗਏ ਹਨ। ਨੈੱਟਫਲਿਕਸ 'ਤੇ ਰਿਲੀਜ਼ ਹੋਈ ਇਸ ਫਿਲਮ 'ਚ ਚਾਰ ਕਹਾਣੀਆਂ ਦਿਖਾਈਆਂ ਗਈਆਂ ਸਨ, ਜਿਸ 'ਚ ਇੱਕ ਕਹਾਣੀ ਅਨੁਰਾਗ ਕਸ਼ਯਪ ਨੇ ਡਾਇਰੈਕਟ ਕੀਤੀ ਸੀ। ਇਸ ਫਿਲਮ ਦੇ ਇੱਕ ਸੀਨ ਨੂੰ ਲੈ ਕੇ ਹੁਣ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਇਹ ਸ਼ਿਕਾਇਤ ਉਦੋਂ ਆਈ ਹੈ ਜਦੋਂ ਓਟੀਟੀ ਪਲੇਟਫਾਰਮ ਲਈ ਨਵੀਂ ਗਾਈਡਲਾਈਨ ਜਾਰੀ ਕੀਤੀ ਗਈ ਹੈ।
ਇਸ ਸਾਲ ਫਰਵਰੀ ਵਿੱਚ ਜਾਰੀ ਨਿਯਮਾਂ ਅਨੁਸਾਰ, ਸਾਰੇ ਸਟ੍ਰੀਮਿੰਗ ਪਲੇਟਫਾਰਮਾਂ ਨੂੰ ਦਰਸ਼ਕਾਂ ਦੀਆਂ ਸ਼ਿਕਾਇਤਾਂ ਨੂੰ ਦਰਜ ਕਰਨ ਤੇ ਹੱਲ ਕਰਨ ਲਈ ਕਿਹਾ ਗਿਆ ਹੈ। ਨੈੱਟਫਲਿਕਸ ਇੰਡੀਆ ਨੂੰ ਇਸ ਮਾਮਲੇ ਵਿੱਚ ਅਨੁਰਾਗ ਕਸ਼ਯਪ ਖਿਲਾਫ ਸ਼ਿਕਾਇਤ ਮਿਲੀ ਹੈ। ਰਿਪੋਰਟਾਂ ਅਨੁਸਾਰ ਸ਼ਿਕਾਇਤਕਰਤਾ ਨੇ ਫਿਲਮ ਦੇ ਇੱਕ ਸੀਨ 'ਤੇ ਇਤਰਾਜ਼ ਜਤਾਇਆ ਹੈ ਜਿਸ ਵਿੱਚ ਅਭਿਨੇਤਰੀ ਸ਼ੋਭਿਤਾ ਧੁਲੀਪਾਲਾ ਨਜ਼ਰ ਆ ਰਹੀ ਹੈ।
ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਫਿਲਮ ਵਿੱਚ ਇਸ ਸੀਨ ਨੂੰ ਦਿਖਾਉਣ ਦੀ ਜ਼ਰੂਰਤ ਨਹੀਂ ਸੀ ਤੇ ਜੇ ਮੇਕਰਸ ਇਸ ਨੂੰ ਦਿਖਾਉਣਾ ਵੀ ਚਾਹੁੰਦੇ ਸਨ ਤਾਂ ਉਨ੍ਹਾਂ ਨੂੰ ਅਜਿਹੇ ਸੀਨਸ ਤੋਂ ਪਹਿਲਾ ਵਾਰਨਿੰਗ ਇਸ਼ੂ ਕਰਨੀਆਂ ਚਾਹੀਦੀਆਂ ਹਨ।
ਦਰਅਸਲ 'ਗੋਸਟ ਸਟੋਰੀਜ਼' ਇੱਕ ਐਂਥੋਲੋਜੀ ਹੌਰਰ ਫਿਲਮ ਹੈ ਜਿਸ ਵਿੱਚ 4 ਵੱਖਰੀਆਂ ਕਹਾਣੀਆਂ ਨੂੰ ਇਕੱਠੇ ਦਿਖਾਇਆ ਗਿਆ ਸੀ। ਫਿਲਮ ਦਾ ਨਿਰਦੇਸ਼ਨ ਜ਼ੋਇਆ ਅਖਤਰ ਨੇ ਕੀਤਾ ਹੈ, ਫਿਲਹਾਲ ਇਹ ਸ਼ਿਕਾਇਤ ਨੈੱਟਫਲਿਕਸ ਦੇ ਸ਼ਿਕਾਇਤ ਅਧਿਕਾਰੀ ਕੋਲ ਦਰਜ ਹੈ ਜਿਸ ਨੂੰ ਜਲਦੀ ਤੋਂ ਜਲਦੀ ਹੱਲ ਕਰਨਾ ਪਏਗਾ।
ਫਿਲਮ ਨਿਰਮਾਤਾ ਅਨੁਰਾਗ ਕਸ਼ਯਪ ਤੇ ਉਨ੍ਹਾਂ ਦੀ ਧੀ ਆਲੀਆ ਕਸ਼ਯਪ ਦਾ ਪਿਤਾ-ਧੀ ਦੇ ਰਿਸ਼ਤੇ ਨਾਲੋਂ ਵੀ ਵਧੇਰੇ ਇੱਕ ਸਪੈਸ਼ਲ ਬੌਂਡ ਵਿਖਾਈ ਦਿੰਦਾ ਹੈ। ਆਲੀਆ ਤੇ ਅਨੁਰਾਗ ਕਈ ਅਜਿਹੇ ਮੁੱਦਿਆਂ 'ਤੇ ਖੁੱਲ੍ਹ ਕੇ ਗੱਲ ਕਰਦੇ ਵੇਖੇ ਗਏ ਹਨ, ਜਿਨ੍ਹਾਂ ਉੱਤੇ ਲੋਕ ਆਮ ਤੌਰ 'ਤੇ ਗੱਲ ਕਰਨ ਤੋਂ ਝਿਜਕਦੇ ਹਨ।
ਇਸ ਦੇ ਨਾਲ ਹੀ ਹਾਲ ਹੀ 'ਚ ਆਲੀਆ ਕਸ਼ਯਪ ਦੀ ਪ੍ਰਤੀਕ੍ਰਿਆ ਸਾਹਮਣੇ ਆਈ ਹੈ। ਆਲੀਆ ਨੇ ਕਿਹਾ ਕਿ ਲੋਕਾਂ ਨੇ ਸੈਕਸ, ਗਰਭ ਅਵਸਥਾ ਤੇ ਨਸ਼ਿਆਂ ਵਰਗੇ ਮੁੱਦਿਆਂ 'ਤੇ ਗੱਲ ਕਰਨ ਲਈ ਮੇਰੀ ਨਿੰਦਾ ਕੀਤੀ ਹੈ। ਕੁਝ ਲੋਕਾਂ ਨੇ ਕਿਹਾ ਕਿ ਮੈਨੂੰ ਆਪਣੇ ਆਪ ਤੋਂ ਸ਼ਰਮਿੰਦਾ ਹੋਣਾ ਚਾਹੀਦਾ ਹੈ।
ਕੁਝ ਸਮਾਂ ਪਹਿਲਾਂ ਆਲੀਆ ਨੇ ਕੀਤੀ ਸੀ ਵੀਡੀਓ ਸ਼ੇਅਰ
ਕੰਟੈਂਟ ਕ੍ਰੀਏਟਰ ਦਾ ਕੰਮ ਕਰਨ ਵਾਲੀ ਆਲੀਆ ਕਸ਼ਯਪ ਨੇ ਹਾਲ ਹੀ ਵਿੱਚ ਆਪਣੇ ਫਿਲਮ ਨਿਰਮਾਤਾ ਪਿਤਾ ਅਨੁਰਾਗ ਕਸ਼ਯਪ ਨਾਲ ਗੱਲਬਾਤ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਆਪਣੇ ਯੂ-ਟਿਊਬ ਚੈਨਲ 'ਤੇ, ਉਸਨੇ ਇਸ ਵੀਡੀਓ ਨੂੰ ਆਲੀਆ ਕਸ਼ਯਪ ਦੇ ਨਾਮ ਹੇਠ ਅਪਲੋਡ ਕੀਤਾ ਹੈ, ਜਿਸ ਵਿੱਚ ਉਸ ਅਨੁਰਾਗ ਕਸ਼ਯਪ ਨੂੰ ਅਜੀਬ ਸਵਾਲ ਪੁੱਛੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
