(Source: ECI/ABP News/ABP Majha)
Isha Koppikar: 14 ਸਾਲ ਬਾਅਦ ਮਸ਼ਹੂਰ ਅਭਿਨੇਤਰੀ ਦਾ ਟੁੱਟਿਆ ਵਿਆਹ, ਇਸ ਵਜ੍ਹਾ ਕਰਕੇ ਪਤੀ ਤੋਂ ਹੋਈ ਵੱਖ
Isha Koppikar News: ਬਾਲੀਵੁੱਡ ਅਦਾਕਾਰਾ ਈਸ਼ਾ ਕੋਪੀਕਰ ਨੂੰ ਲੈ ਕੇ ਇੱਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆ ਰਹੀ ਹੈ। ਖਬਰਾਂ ਮੁਤਾਬਕ ਅਦਾਕਾਰਾ ਵਿਆਹ ਦੇ 14 ਸਾਲ ਬਾਅਦ ਆਪਣੇ ਪਤੀ ਤੋਂ ਵੱਖ ਹੋ ਗਈ ਹੈ।
Isha Koppikar Divorce: ਬਾਲੀਵੁੱਡ ਦੀ 'ਖੱਲਸ ਗਰਲ' ਯਾਨੀ ਈਸ਼ਾ ਕੋਪੀਕਰ ਆਪਣੇ ਪਤੀ ਟਿੰਮੀ ਨਾਰੰਗ ਤੋਂ ਵੱਖ ਹੋ ਗਈ ਹੈ। ਵਿਆਹ ਦੇ 14 ਸਾਲ ਬਾਅਦ ਇਸ ਜੋੜੇ ਦਾ ਤਲਾਕ ਹੋ ਗਿਆ ਹੈ। ਖਬਰਾਂ ਮੁਤਾਬਕ ਈਸ਼ਾ ਅਤੇ ਟਿੰਮੀ ਨੇ ਨਵੰਬਰ 'ਚ ਹੀ ਤਲਾਕ ਲੈ ਲਿਆ ਸੀ। ਜਿਸ ਤੋਂ ਬਾਅਦ ਅਭਿਨੇਤਰੀ ਆਪਣੀ 9 ਸਾਲ ਦੀ ਬੇਟੀ ਨਾਲ ਟਿੰਮੀ ਦਾ ਘਰ ਛੱਡ ਗਈ।
ਵਿਆਹ ਦੇ 14 ਸਾਲ ਬਾਅਦ ਈਸ਼ਾ ਆਪਣੇ ਪਤੀ ਤੋਂ ਹੋਈ ਵੱਖ
ਈਸ਼ਾ ਅਤੇ ਟਿੰਮੀ ਦੇ ਰਿਸ਼ਤੇ ਬਾਰੇ ਗੱਲ ਕਰਦੇ ਹੋਏ, ਇੱਕ ਸੂਤਰ ਨੇ ਕਿਹਾ, 'ਕੁਝ ਸਮਾਂ ਪਹਿਲਾਂ ਇਹ ਖਬਰ ਆਈ ਸੀ ਕਿ ਜੋੜੇ ਨੇ ਅਲੱਗ ਹੋਣ ਦਾ ਕਾਰਨ ਦੱਸਿਆ ਕਿ ਉਨ੍ਹਾਂ ਦਾ ਕੋਈ ਮੇਲ (ਕੰਪੈਟੀਬਿਲਟੀ) ਨਹੀਂ ਹੈ।। ਹਾਲਾਂਕਿ ਵੱਖ ਹੋਣ ਤੋਂ ਪਹਿਲਾਂ ਦੋਹਾਂ ਨੇ ਆਪਣੇ ਵਿਆਹ ਨੂੰ ਬਚਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ, ਪਰ ਉਹ ਸਫਲ ਨਹੀਂ ਹੋਏ। ਇਸ ਲਈ ਹੁਣ ਈਸ਼ਾ ਨੇ ਘਰ ਛੱਡ ਦਿੱਤਾ ਹੈ ਅਤੇ ਆਪਣੀ ਬੇਟੀ ਨਾਲ ਵੱਖ ਰਹਿ ਰਹੀ ਹੈ।
ਸਾਲ 2009 'ਚ ਹੋਇਆ ਸੀ ਈਸ਼ਾ ਅਤੇ ਟਿੰਮੀ ਦਾ ਵਿਆਹ
ਜਦੋਂ ਇਸ ਮਾਮਲੇ 'ਤੇ ਈਸ਼ਾ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਸ ਨੇ ਮੈਸੇਜ ਰਾਹੀਂ ਕਿਹਾ, ''ਮੇਰੇ ਕੋਲ ਫਿਲਹਾਲ ਕਹਿਣ ਲਈ ਕੁਝ ਨਹੀਂ ਹੈ। ਇਸ ਸਮੇਂ ਮੈਂ ਆਪਣੀ ਨਿੱਜਤਾ ਚਾਹੁੰਦੀ ਹਾਂ। ਉਮੀਦ ਹੈ ਤੁਸੀਂ ਵੀ ਇਸ ਗੱਲ ਦਾ ਧਿਆਨ ਰੱਖੋਗੇ। ਦੱਸ ਦੇਈਏ ਕਿ ਈਸ਼ਾ ਨੇ ਨਵੰਬਰ 2009 ਵਿੱਚ ਟਿੰਮੀ (ਰੋਹਿਤ ਨਾਰੰਗ) ਨਾਲ ਵਿਆਹ ਕੀਤਾ ਸੀ। ਦੋਵਾਂ ਦੀ ਮੁਲਾਕਾਤ ਇੱਕ ਜਿਮ ਵਿੱਚ ਹੋਈ ਸੀ। ਜਿੱਥੋਂ ਉਨ੍ਹਾਂ ਦਾ ਪਿਆਰ ਵਧਿਆ ਅਤੇ ਉਨ੍ਹਾਂ ਨੇ ਵਿਆਹ ਕਰਵਾ ਲਿਆ।
View this post on Instagram
ਇਨ੍ਹਾਂ ਫਿਲਮਾਂ 'ਚ ਕੀਤਾ ਈਸ਼ਾ ਕੋਪੀਕਰ ਨੇ ਕੰਮ
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਈਸ਼ਾ ਆਖਰੀ ਵਾਰ ਤਾਮਿਲ ਫਿਲਮ 'ਆਯਾਲਨ' 'ਚ ਨਜ਼ਰ ਆਈ ਸੀ। ਇਸ ਤੋਂ ਪਹਿਲਾਂ ਉਹ 'ਲਵ ਯੂ ਡੈਮੋਕਰੇਸੀ', 'ਅੱਸੀ ਨੱਬੇ ਪੂਰੇ ਸੌ' ਅਤੇ 'ਕਵਚਾ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆ ਚੁੱਕੀ ਹੈ। ਈਸ਼ਾ ਨੇ ਫਿਲਮ 'ਕੰਪਨੀ' ਦੇ ਗੀਤ 'ਬਚਕੇ ਤੂੰ ਰਹਿਨਾ ਖਲਾਸ' ਨਾਲ ਬਾਲੀਵੁੱਡ 'ਚ ਪ੍ਰਸਿੱਧੀ ਹਾਸਲ ਕੀਤੀ। ਇਸ ਤੋਂ ਬਾਅਦ ਉਹ 'ਪਿੰਜਰ', 'ਡਰਨਾ ਮਨ ਹੈ', 'LOC ਕਾਰਗਿਲ', 'ਰੁਦਰਾਕਸ਼', 'ਕ੍ਰਿਸ਼ਨਾ ਕਾਟੇਜ', 'ਹਮ ਤੁਮ', 'ਕਿਆ ਕੂਲ ਹੈਂ ਹਮ', 'ਡੀ' ਅਤੇ 'ਮੈਂ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
