![metaverse](https://cdn.abplive.com/imagebank/metaverse-top.png)
Divya Bharti: ਦਿਵਯਾ ਭਾਰਤੀ ਦਾ ਪੁਰਾਣਾ ਵੀਡੀਓ ਹੋ ਰਿਹਾ ਵਾਇਰਲ, ਅਦਾਕਾਰਾ ਨੇ ਸ਼੍ਰੀ ਦੇਵੀ ਨਾਲ ਤੁਲਨਾ 'ਤੇ ਇੰਝ ਕੀਤਾ ਸੀ ਰਿਐਕਟ
ਦਿਵਯਾ ਭਾਰਤੀ ਦਾ ਇੱਕ ਪੁਰਾਣਾ ਵੀਡੀਓ ਕਾਫੀ ਜ਼ਿਆਦਾ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਵੀਡੀਓ 'ਚ ਦਿਵਯਾ ਨੂੰ ਇੰਟਰਵਿਊ ਦੌਰਾਨ ਪੁੱਛਿਆ ਕਿ 'ਜਦੋਂ ਤੁਹਾਨੂੰ ਪਹਿਲੀ ਵਾਰ ਕਿਹਾ ਗਿਆ ਕਿ ਤੁਹਾਡੀ ਸ਼ਕਲ ਸ਼੍ਰੀਦੇਵੀ ਨਾਲ ਮਿਲਦੀ ਹੈ ਤਾਂ ਕਿਵੇਂ ਮਹਿਸੂਸ ਹੋਇਆ।'
![Divya Bharti: ਦਿਵਯਾ ਭਾਰਤੀ ਦਾ ਪੁਰਾਣਾ ਵੀਡੀਓ ਹੋ ਰਿਹਾ ਵਾਇਰਲ, ਅਦਾਕਾਰਾ ਨੇ ਸ਼੍ਰੀ ਦੇਵੀ ਨਾਲ ਤੁਲਨਾ 'ਤੇ ਇੰਝ ਕੀਤਾ ਸੀ ਰਿਐਕਟ late actress divya bharti old video going viral on social media watch how she reacted when her beauty was compared with sri devi Divya Bharti: ਦਿਵਯਾ ਭਾਰਤੀ ਦਾ ਪੁਰਾਣਾ ਵੀਡੀਓ ਹੋ ਰਿਹਾ ਵਾਇਰਲ, ਅਦਾਕਾਰਾ ਨੇ ਸ਼੍ਰੀ ਦੇਵੀ ਨਾਲ ਤੁਲਨਾ 'ਤੇ ਇੰਝ ਕੀਤਾ ਸੀ ਰਿਐਕਟ](https://feeds.abplive.com/onecms/images/uploaded-images/2023/09/01/9cd8375d3e2f9172e1daf6bbe374fd9d1693560091368469_original.png?impolicy=abp_cdn&imwidth=1200&height=675)
Divya Bharti Old Video: ਦਿਵਯਾ ਭਾਰਤੀ 90 ਦੇ ਦਹਾਕਿਆਂ ਦੀਆਂ ਟੌਪ ਅਭਿਨੇਤਰੀਆਂ ਵਿੱਚੋਂ ਇੱਕ ਰਹੀ ਸੀ। ਉਸ ਨੇ 5 ਸਾਲ ਦੇ ਆਪਣੇ ਛੋਟੇ ਜਿਹੇ ਕਰੀਅਰ 'ਚ ਬਾਲੀਵੁੱਡ ਫਿਲਮ ਇੰਡਸਟਰੀ ਨੂੰ ਸ਼ਾਨਦਾਰ ਤੇ ਦਮਦਾਰ ਫਿਲਮਾਂ ਦਿੱਤੀਆਂ। ਪਰ ਬਦਕਿਸਮਤੀ ਨਾਲ ਦਿਵਯਾ ਮਹਿਜ਼ 19 ਸਾਲ ਦੀ ਉਮਰ 'ਚ ਹੀ ਦੁਨੀਆ ਤੋਂ ਰੁਖਸਤ ਹੋ ਗਈ ਸੀ। ਪਰ ਉਹ ਆਪਣੇ ਚਾਹੁਣ ਵਾਲਿਆਂ ਦੇ ਦਿਲਾਂ ਵਿੱਚ ਅੱਜ ਵੀ ਜ਼ਿੰਦਾ ਹੈ।
ਇਸ ਦਰਮਿਆਨ ਸੋਸ਼ਲ ਮੀਡੀਆ 'ਤੇ ਦਿਵਯਾ ਭਾਰਤੀ ਦਾ ਇੱਕ ਪੁਰਾਣਾ ਵੀਡੀਓ ਕਾਫੀ ਜ਼ਿਆਦਾ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ 'ਚ ਦਿਵਯਾ ਨੂੰ ਇੰਟਰਵਿਊ ਦੌਰਾਨ ਪੁੱਛਿਆ ਕਿ 'ਜਦੋਂ ਤੁਹਾਨੂੰ ਪਹਿਲੀ ਵਾਰ ਕਿਹਾ ਗਿਆ ਸੀ ਕਿ ਤੁਹਾਡੀ ਸ਼ਕਲ ਸ਼੍ਰੀਦੇਵੀ ਨਾਲ ਮਿਲਦੀ ਹੈ ਤਾਂ ਕਿਵੇਂ ਮਹਿਸੂਸ ਹੋਇਆ।' ਇਸ ਦੇ ਜਵਾਬ 'ਚ ਦਿਵਯਾ ਨੇ ਕਿਹਾ, 'ਮੈਂ ਹੈਰਾਨ ਰਹਿ ਗਈ ਸੀ। ਮੈਂ ਕਿਹਾ ਕਿ ਵਾਹ ਕਿਆ ਤਾਰੀਫ ਹੈ। ਲਗਦਾ ਹੈ ਮੈਂ ਸਚਮੁੱਚ ਖੂਬਸੂਰਤ ਹਾਂ।' ਇਸ ਤੋਂ ਬਾਅਦ ਪੱਤਰਕਾਰ ਨੇ ਪੁੱਛਿਆ ਕਿ ਕੀ ਤੁਹਾਨੂੰ ਵੀ ਲੱਗਦਾ ਹੈ ਕਿ ਤੁਹਾਡਾ ਚਿਹਰਾ ਸ਼੍ਰੀਦੇਵੀ ਨਾਲ ਮਿਲਦਾ ਹੈ? ਇਸ ਦੇ ਜਵਾਬ 'ਚ ਦਿਵਯਾ ਨੇ ਕਿਹਾ ਕਿ 'ਨਹੀਂ ਉਹ ਤਾਂ ਬਹੁਤ ਹੀ ਖੂਬਸੂਰਤ ਹੈ। ਮੇਰੇ ਨਾਲੋਂ ਜ਼ਿਆਦਾ ਸੋਹਣੀ, ਜ਼ਿਆਦਾ ਵਧੀਆ।' ਦੇਖੋ ਵੀਡੀਓ:
View this post on Instagram
ਕਾਬਿਲੇਗ਼ੌਰ ਹੈ ਕਿ ਦਿਵਯਾ ਭਾਰਤੀ ਆਪਣੇ ਸਮੇਂ ਦੀ ਸਭ ਤੋਂ ਖੂਬਸੂਰਤ ਅਭਿਨੇਤਰੀ ਸੀ। ਉਨ੍ਹਾਂ ਦੇ ਸਾਹਮਣੇ ਬਾਲੀਵੁੱਡ ਦੀਆਂ ਦਿੱਗਜ ਅਭਿਨੇਤਰੀਆਂ ਵੀ ਫੇਲ੍ਹ ਹੋ ਗਈਆਂ ਸੀ। ਦਿਵਯਾ ਨੇ ਆਪਣੇ 3 ਸਾਲ ਦੇ ਛੋਟੇ ਜਿਹੇ ਕਰੀਅਰ 'ਚ ਕੁੱਲ 21 ਫਿਲਮਾਂ 'ਚ ਕੰਮ ਕੀਤਾ, ਜਿਨ੍ਹਾਂ ਵਿੱਚੋਂ 15-16 ਫਿਲਮਾਂ ਸੁਪਰਹਿੱਟ ਸੀ। 'ਦੀਵਾਨਾ', 'ਦਿਲ ਆਸ਼ਨਾ ਹੈ', ਰੰਗ, ਸ਼ੋਲਾ ਔਰ ਸ਼ਬਨਮ ਤੇ ਹੋਰੀ ਕਈ ਫਿਲਮਾਂ ਦਿਵਯਾ ਦੇ ਕਰੀਅਰ ਦੀਆਂ ਬੈਸਟ ਫਿਲਮਾਂ ਹਨ।
ਦਿਵਯਾ ਦੀ ਮੌਤ ਨੇ ਪੂਰੇ ਬਾਲੀਵੁੱਡ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਜਦੋਂ ਦਿਵਯਾ ਦੀ ਅਚਾਨਕ ਮੌਤ ਹੋਈ ਤਾਂ ਉਹ ਕਈ ਫਿਲਮਾਂ 'ਚ ਕੰਮ ਕਰ ਰਹੀ ਸੀ। ਉਸ ਦੀ ਇੱਕ ਫਿਲਮ 'ਲਾਡਲਾ' ਦੀ ਤਾਂ ਸ਼ੂਟਿੰਗ ਲਗਭਗ ਪੂਰੀ ਹੋ ਹੀ ਗਈ ਸੀ, ਪਰ ਉਸ ਦੀ ਮੌਤ ਕਰਕੇ ਇਹ ਪੂਰੀ ਫਿਲਮ ਦੁਬਾਰਾ ਕਰਨੀ ਪਈ। ਇਸ ਫਿਲਮ ਦਿਵਯਾ ਦੇ ਕਿਰਦਾਰ ਨੂੰ ਸ਼੍ਰੀਦੇਵੀ ਨੇ ਨਿਭਾਇਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![metaverse](https://cdn.abplive.com/imagebank/metaverse-mid.png)