Naseeruddin Shah: ਬਾਲੀਵੁੱਡ 'ਤੇ ਭੜਕੇ ਨਸੀਰੂਦੀਨ ਸ਼ਾਹ, ਬੋਲੇ- ਇੱਥੇ ਧਰਮਾਂ ਦੀ ਕੋਈ ਇੱਜ਼ਤ ਨਹੀ, ਸਿੱਖਾਂ ਦੇ ਬਾਰੇ ਕਹੀ ਇਹ ਗੱਲ, ਵੀਡੀਓ ਵਾਇਰਲ
Naseeruddin Shah On Bollywood: ਬਾਲੀਵੁੱਡ ਐਕਟਰ ਨਸੀਰੂਦੀਨ ਸ਼ਾਹ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ ਬਾਲੀਵੁੱਡ 'ਤੇ ਨਿਸ਼ਾਨਾ ਸਾਧਦੇ ਨਜ਼ਰ ਆ ਰਹੇ ਹਨ।
Naseeruddin Shah On Bollywood: ਅਦਾਕਾਰ ਨਸੀਰੂਦੀਨ ਸ਼ਾਹ ਅਕਸਰ ਆਪਣੀ ਅਦਾਕਾਰੀ ਤੋਂ ਇਲਾਵਾ ਆਪਣੇ ਬਿਆਨਾਂ ਲਈ ਮੀਡੀਆ ਦੀਆਂ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਅਦਾਕਾਰ ਲਗਭਗ ਹਰ ਮੁੱਦੇ 'ਤੇ ਖੁੱਲ੍ਹ ਕੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਨਜ਼ਰ ਆ ਰਹੇ ਹਨ। ਕਈ ਵਾਰ ਉਹ ਵਿਵਾਦਤ ਬਿਆਨ ਵੀ ਦੇ ਦਿੰਦੇ ਹਨ। ਇੱਕ ਈਵੈਂਟ 'ਚ ਬਾਲੀਵੁੱਡ 'ਤੇ ਆਪਣੀ ਭੜਾਸ ਕੱਢੀ ਹੈ। ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਖੂਬ ਛਾਇਆ ਹੋਇਆ ਹੈ। ਲੋਕ ਇਸ ਵੀਡੀਓ ਨੂੰ ਖੂਬ ਸ਼ੇਅਰ ਕਰ ਰਹੇ ਹਨ।
ਬਾਲੀਵੁੱਡ 'ਤੇ ਤਿੱਖਾ ਹਮਲਾ ਬੋਲਦਿਆਂ ਨਸੀਰ ਨੇ ਕਿਹਾ, 'ਹਿੰਦੀ ਫਿਲਮਾਂ ਨੇ ਕਿਸੇ ਵੀ ਕੌਮ ਨੂੰ ਨਹੀਂ ਬਖਸ਼ਿਆ। ਫਿਲਮਾਂ 'ਚ ਅਕਸਰ ਦੇਖਣ 'ਚ ਇਹੀ ਆਉਂਦਾ ਹੈ ਕਿ ਇੱਥੇ ਸਿੱਖਾਂ ਦਾ ਮਜ਼ਾਕ ਉਡਾਇਆ ਜਾਂਦਾ ਹੈ, ਇੱਥੇ ਪਾਰਸੀਆਂ ਦਾ ਮਜ਼ਾਕ ਉਡਾਇਆ ਜਾਂਦਾ ਹੈ। ਈਸਾਈਆਂ ਦਾ ਮਜ਼ਾਕ ਉਡਾਇਆ ਜਾਂਦਾ ਹੈ। ਹਿੰਦੀ ਫਿਲਮਾਂ 'ਚ ਮੁਸਲਮਾਨ ਨੂੰ ਹਮੇਸ਼ਾ ਖੁੱਦਾਰ ਦੋਸਤ ਦੇ ਕਿਰਦਾਰ 'ਚ ਦਿਖਾਇਆ ਜਾਂਦਾ ਸੀ, ਪਰ ਉਹ ਵੀ ਹੀਰੋ ਦੀ ਜਾਨ ਬਚਾਉਂਦਾ ਹੋਇਆ ਐਂਡ 'ਚ ਮਰ ਹੀ ਜਾਂਦਾ ਸੀ। ਪਰ ਉਹ ਮਰਦਾ ਜ਼ਰੂਰ ਸੀ।' ਇਸ ਦੌਰਾਨ ਨਸੀਰ ਦੀ ਪਤਨੀ ਰਤਨਾ ਪਾਠਕ ਸ਼ਾਹ ਵੀ ਬੋਲੀ। ਉਨ੍ਹਾਂ ਕਿਹਾ ਕਿ 'ਫਿਲਮਾਂ 'ਚ ਹਾਸਾ ਤੇ ਕਾਮੇਡੀ ਦੇ ਰੰਗ ਦਿਖਾਉਣ ਲਈ ਹਮੇਸ਼ਾ ਮੋਟੀ ਔਰਤ, ਪਤਲਾ ਆਦਮੀ ਤੇ ਸ਼ਰਾਬੀ ਨੂੰ ਦਿਖਾਇਆ ਜਾਂਦਾ ਸੀ। ਬਾਲੀਵੱੁਡ ਦਾ ਰਿਵਾਜ਼ ਹੈ ਕਿ ਇਹ ਹਮੇਸ਼ਾ ਦੂਜਿਆਂ ਦਾ ਮਜ਼ਾਕ ਉਡਾਉਂਦਾ ਹੈ। ਜਦੋਂ ਇਨ੍ਹਾਂ ਦਾ ਆਪਣਾ ਮਜ਼ਾਕ ਉੱਡਦਾ ਹੈ ਤਾਂ ਇਹ ਬੁਰਾ ਮੰਨਦੇ ਹਨ।' ਤੁਸੀਂ ਵੀ ਦੇਖੋ ਇਹ ਵੀਡੀਓ;
"It is our national custom to laugh at others' miseries. We can't laugh at ourselves."
— Som Shekhar (@somshekharsom) February 24, 2023
-Naseeruddin Shah
Thoughts? pic.twitter.com/KGmMpMxeLO
ਕਾਬਿਲੇਗ਼ੌਰ ਹੈ ਕਿ ਨਸੀਰ ਤੇ ਰਤਨਾ ਪਾਠਕ ਸ਼ਾਹ ਦੋਵੇਂ ਹੀ ਬੇਬਾਕ ਤਰੀਕੇ ਨਾਲ ਆਪਣੀ ਰਾਏ ਰੱਖਣ ਲਈ ਮਸ਼ਹੂਰ ਹਨ। ਪਿਛਲੇ ਸਾਕ ਰਤਨਾ ਨੇ ਕਰਵਾਚੌਥ ਰੱਖਣ ਵਾਲੀਆਂ ਔਰਤਾਂ 'ਤੇ ਤੰਜ ਕੱਸ ਦਿੱਤਾ ਸੀ। ਉਨ੍ਹਾਂ ਕਿਹਾ ਸੀ ਕਿ ਇਹ ਸਭ ਪਖੰਡ ਹੈ। ਉਨ੍ਹਾਂ ਦਾ ਇਹ ਬਿਆਨ ਕਾਫੀ ਵਿਵਾਦਾਂ 'ਚ ਰਿਹਾ ਸੀ।
ਇਹ ਵੀ ਪੜ੍ਹੋ: ਮਾਧੁਰੀ ਦੀਕਸ਼ਿਤ ਦੀ 90 ਸਾਲਾ ਮਾਂ ਹੈ ਕਮਾਲ ਦੀ ਕਲਾਕਾਰ, ਇਸ ਉਮਰ 'ਚ ਵੀ ਕਰ ਰਹੀ ਇਹ ਕੰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
