(Source: ECI/ABP News)
Naseeruddin Shah: ਨਸੀਰੂਦੀਨ ਸ਼ਾਹ ਨੇ ਕੇਂਦਰ 'ਤੇ ਕੱਸੇ ਤਿੱਖੇ ਤੰਜ, ਬੋਲੇ- 'ਮੁਸਲਮਾਨਾਂ ਖਿਲਾਫ ਨਫਰਤ ਫੈਲਾਉਣ ਲਈ ਸਿਨੇਮਾ ਦਾ ਇਸਤੇਮਾਲ ਕਰ ਰਹੀ ਸਰਕਾਰ'
ਨਸੀਰੂਦੀਨ ਸ਼ਾਹ ਨੇ ਬਾਲੀਵੁੱਡ ਇੰਡਸਟਰੀ ਨੂੰ ਇਕ ਤੋਂ ਵੱਧ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਹਾਲ ਹੀ 'ਚ ਮੁਸਲਮਾਨਾਂ 'ਤੇ ਵੱਡਾ ਬਿਆਨ ਦਿੰਦੇ ਹੋਏ ਅਦਾਕਾਰ ਨੇ ਕਿਹਾ ਕਿ ਉਨ੍ਹਾਂ ਨਾਲ ਨਫਰਤ ਕਰਨਾ ਇਕ ਫੈਸ਼ਨ ਬਣ ਗਿਆ ਹੈ।
Naseeruddin Shah Web Series Taj: ਨਸੀਰੂਦੀਨ ਸ਼ਾਹ ਦਾ ਨਾਂ ਉਨ੍ਹਾਂ ਬਾਲੀਵੁੱਡ ਸਿਤਾਰਿਆਂ 'ਚ ਸ਼ਾਮਲ ਹੈ, ਜਿਨ੍ਹਾਂ ਦੀ ਅਦਾਕਾਰੀ ਦੀ ਅਦਾਕਾਰੀ ਦਾ ਪੂਰਾ ਦੇਸ਼ ਕਾਇਲ ਹੈ। ਕੁਝ ਸਮਾਂ ਪਹਿਲਾਂ ਅਦਾਕਾਰ ਦੀ ਵੈੱਬ ਸੀਰੀਜ਼ 'ਤਾਜ' ਰਿਲੀਜ਼ ਹੋਈ ਸੀ। ਜਿਸ ਵਿੱਚ ਉਨ੍ਹਾਂ ਦੇ ਕੰਮ ਨੂੰ ਕਾਫੀ ਪ੍ਰਸ਼ੰਸਾ ਮਿਲੀ ਹੈ। ਦੂਜੇ ਪਾਸੇ ਦੇਸ਼ ਦੇ ਹਰ ਮੁੱਦੇ 'ਤੇ ਬੇਬਾਕ ਜਵਾਬ ਦੇਣ ਵਾਲੇ ਨਸੀਰੂਦੀਨ ਸ਼ਾਹ ਨੇ ਹਾਲ ਹੀ 'ਚ ਸਰਕਾਰ 'ਤੇ ਚੁਟਕੀ ਲੈਂਦਿਆਂ ਕਿਹਾ ਕਿ ਮੁਸਲਮਾਨਾਂ ਖਿਲਾਫ ਨਫਰਤ ਫੈਲਾਉਣਾ ਫੈਸ਼ਨ ਬਣ ਗਿਆ ਹੈ, ਜਿਸ ਨੂੰ ਸਰਕਾਰ ਸਿਨੇਮਾ ਰਾਹੀਂ ਬੜੀ ਚਲਾਕੀ ਨਾਲ ਫੈਲਾ ਰਹੀ ਹੈ।
ਇਹ ਵੀ ਪੜ੍ਹੋ: ਸਿੰਮੀ ਚਾਹਲ ਨੇ ਦੱਸਿਆ ਜਲਦੀ ਅਮੀਰ ਹੋਣ ਦਾ ਤਰੀਕਾ, ਵੀਡੀਓ ਦੇਖ ਲੋਕ ਹੱਸ-ਹੱਸ ਹੋ ਰਹੇ ਲੋਟਪੋਟ
ਮੁਸਲਮਾਨਾਂ ਨਾਲ ਨਫ਼ਰਤ ਕਰਨਾ ਫੈਸ਼ਨ ਬਣ ਗਿਆ ਹੈ - ਨਸੀਰੂਦੀਨ ਸ਼ਾਹ
ਹਾਲ ਹੀ 'ਚ ਨਸੀਰੂਦੀਨ ਸ਼ਾਹ ਨੇ indianexpress.com ਨੂੰ ਦਿੱਤੇ ਇੰਟਰਵਿਊ 'ਚ ਕਿਹਾ ਕਿ, 'ਕੁਝ ਫਿਲਮਾਂ ਅਤੇ ਸ਼ੋਅਜ਼ ਨੂੰ ਪ੍ਰਚਾਰ ਦੇ ਤੌਰ 'ਤੇ ਵਰਤਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਦੀ ਵਰਤੋਂ ਵੋਟਾਂ ਹਾਸਲ ਕਰਨ ਲਈ ਵੀ ਹੋ ਰਹੀ ਹੈ।
ਨਸੀਰੂਦੀਨ ਨੇ ਅੱਗੇ ਕਿਹਾ, 'ਚੋਣ ਕਮਿਸ਼ਨ ਵੀ ਅਜਿਹੀਆਂ ਗੱਲਾਂ 'ਤੇ ਚੁੱਪੀ ਧਾਰ ਲੈਂਦਾ ਹੈ। ਜਦੋਂ ਸਿਆਸੀ ਪਾਰਟੀਆਂ ਚੋਣਾਂ ਲਈ ਧਰਮ ਦੀ ਵਰਤੋਂ ਕਰਦੀਆਂ ਹਨ ਤਾਂ ਚੋਣ ਕਮਿਸ਼ਨ ਚੁੱਪ ਰਹਿੰਦਾ ਹੈ। ਦੂਜੇ ਪਾਸੇ ਜੇਕਰ ਕੋਈ ਮੁਸਲਮਾਨ ਆਗੂ ਅੱਲ੍ਹਾ ਹੂ ਅਕਬਰ ਕਹਿ ਕੇ ਵੋਟਾਂ ਮੰਗਦਾ ਤਾਂ ਹੁਣ ਤੱਕ ਵੱਡਾ ਹੰਗਾਮਾ ਹੋ ਜਾਣਾ ਸੀ।
ਨਸੀਰੂਦੀਨ ਸ਼ਾਹ ਨੇ ਪੀਐਮ ਮੋਦੀ 'ਤੇ ਸਾਧਿਆ ਨਿਸ਼ਾਨਾ
ਪੀਐਮ ਮੋਦੀ 'ਤੇ ਨਿਸ਼ਾਨਾ ਸਾਧਦੇ ਹੋਏ ਅਭਿਨੇਤਾ ਕਹਿੰਦੇ ਹਨ, 'ਸਾਡੇ ਪ੍ਰਧਾਨ ਮੰਤਰੀ ਵੀ ਅੱਜਕੱਲ੍ਹ ਇਹ ਸਾਰੀਆਂ ਚੀਜ਼ਾਂ ਵਰਤਦੇ ਹਨ ਪਰ ਫਿਰ ਵੀ ਹਾਰ ਜਾਂਦੇ ਹਨ। ਇਸ ਲਈ ਮੈਨੂੰ ਉਮੀਦ ਹੈ ਕਿ ਇਹ ਖਤਮ ਹੋ ਜਾਵੇਗਾ।"
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਨਸੀਰੂਦੀਨ ਸ਼ਾਹ ਨੂੰ ਆਖਰੀ ਵਾਰ ਵੈੱਬ ਸੀਰੀਜ਼ 'ਤਾਜ' 'ਚ ਦੇਖਿਆ ਗਿਆ ਸੀ। ਇਸ ਸੀਰੀਜ਼ 'ਚ ਉਨ੍ਹਾਂ ਨਾਲ ਅਦਿਤੀ ਰਾਓ ਹੈਦਰੀ, ਆਸ਼ਿਮ ਗੁਲਾਟੀ, ਸੰਧਿਆ ਮ੍ਰਿਦੁਲ, ਰਾਹੁਲ ਬੋਸ ਵਰਗੇ ਦਿੱਗਜ ਕਲਾਕਾਰ ਵੀ ਨਜ਼ਰ ਆਏ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
