Diljit Dosanjh: ਦਿਲਜੀਤ ਦੋਸਾਂਝ ਦੇ ਹੱਕ 'ਚ ਡਟਿਆ ਬੱਬੂ ਮਾਨ...ਬੋਲੇ...ਜੇ ਗੱਲ ਪੰਜਾਬ ਤੇ ਪੰਜਾਬੀਅਤ ਦੀ ਆ ਜਾਏ ਤਾਂ....
ਫਿਲਮ ਸਰਦਾਰ ਜੀ-3 ਦੀ ਰਿਲੀਜ਼ ਨੂੰ ਲੈ ਕੇ ਭਾਰਤ ਤੇ ਪੰਜਾਬੀ ਮਨੋਰੰਜਨ ਇੰਡਸਟਰੀ ਦੇ ਕੁਝ ਹਿੱਸੇ ਵਿੱਚ ਵਿਰੋਧ ਸ਼ੁਰੂ ਹੋਇਆ ਤਾਂ ਦੇਸ਼ ਭਰ ਦੇ ਕਲਾਕਾਰਾਂ ਦੇ ਨਾਲ ਹੀ ਸਿਆਸੀ ਲੀਡਰ ਦਿਲਜੀਤ ਦੋਸਾਂਝ ਨਾਲ ਡਟ ਕੇ ਖੜ੍ਹ ਗਏ। ਸੋਸ਼ਲ ਮੀਡੀਆ ਉਪਰ ਚੱਲੀ
Diljit Dosanjh: ਦੇਸ਼ ਅੰਦਰ ਫੈਲੀ ਨਫਰਤ ਦੀ ਹਵਾ ਨੂੰ ਪੰਜਾਬ ਵਿੱਚੋਂ ਠੱਲ੍ਹ ਪੈਣ ਲੱਗੀ ਹੈ। ਇਸ ਦੀ ਤਾਜ਼ਾ ਮਿਸਾਲ ਦਿਲਜੀਤ ਦੋਸਾਂਝ ਦੀ ਫਿਲਮ ਸਰਦਾਰ ਜੀ-3 ਨੂੰ ਲੈ ਕੇ ਛਿੜੇ ਵਿਵਾਦ ਤੋਂ ਵੇਖਣ ਨੂੰ ਮਿਲੀ। ਫਿਲਮ ਸਰਦਾਰ ਜੀ-3 ਦੀ ਰਿਲੀਜ਼ ਨੂੰ ਲੈ ਕੇ ਭਾਰਤ ਤੇ ਪੰਜਾਬੀ ਮਨੋਰੰਜਨ ਇੰਡਸਟਰੀ ਦੇ ਕੁਝ ਹਿੱਸੇ ਵਿੱਚ ਵਿਰੋਧ ਸ਼ੁਰੂ ਹੋਇਆ ਤਾਂ ਦੇਸ਼ ਭਰ ਦੇ ਕਲਾਕਾਰਾਂ ਦੇ ਨਾਲ ਹੀ ਸਿਆਸੀ ਲੀਡਰ ਦਿਲਜੀਤ ਦੋਸਾਂਝ ਨਾਲ ਡਟ ਕੇ ਖੜ੍ਹ ਗਏ। ਸੋਸ਼ਲ ਮੀਡੀਆ ਉਪਰ ਚੱਲੀ ਕਈ ਦਿਨਾਂ ਦੀ ਬਹਿਸ ਮਗਰੋਂ ਹੁਣ ਅਲੋਚਕ ਖੁਦ ਨੂੰ ਹੀ ਬੌਣਾ ਸਮਝਣ ਲੱਗੇ ਹਨ।
ਦੱਸ ਦਈਏ ਕਿ ਪੰਜਾਬੀ ਸੰਗੀਤ ਇੰਡਸਟਰੀ ਦੇ ਬੱਬੂ ਮਾਨ ਵੀ ਹੁਣ ਦਿਲਜੀਤ ਦੋਸਾਂਝ ਦੇ ਸਮਰਥਨ ਵਿੱਚ ਆਏ ਹਨ। ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਪੋਸਟ ਸਾਂਝੀ ਕਰਕੇ ਦਿਲਜੀਤ ਦੋਸਾਂਝ ਦੇ ਸਮਰਥਨ ਵਿੱਚ ਆਪਣੀ ਆਵਾਜ਼ ਬੁਲੰਦ ਕੀਤੀ ਹੈ। ਬੱਬੂ ਮਾਨ ਨੇ ਆਪਣੀ ਪੋਸਟ ਵਿੱਚ ਲਿਖਿਆ - ਪੰਜਾਬ, ਪੰਜਾਬੀਅਤ ਜ਼ਿੰਦਾਬਾਦ... ਭੂ-ਰਾਜਨੀਤੀ ਵਿੱਚ ਦੋ ਦੇਸ਼ ਅਚਾਨਕ ਲੜਦੇ ਹਨ ਤੇ ਭਵਿੱਖ ਵਿੱਚ ਦੁਬਾਰਾ ਇੱਕ ਹੋ ਜਾਂਦੇ ਹਨ। ਕਲਾਕਾਰ ਦੀ ਫਿਲਮ ਨੂੰ ਸੈਂਸਰ ਸਰਟੀਫਿਕੇਟ ਦਿੰਦਾ ਹੈ, ਕਈ ਵਾਰ ਨਹੀਂ ਵੀ ਦਿੰਦਾ। ਇਸ ਤਰ੍ਹਾਂ ਦੀਆਂ ਸਮੱਸਿਆਵਾਂ ਸਾਨੂੰ ਹਵਾਏਂ ਦੇ ਸਮੇਂ ਵੀ ਆਈਆਂ ਸੀ।
ਪਰ ਭਵਿੱਖ ਵਿੱਚ ਕਿਸੇ ਕਲਾਕਾਰ ਨੂੰ ਕੰਮ ਨਾ ਕਰਨ ਦੇਣਾ ਇਹ ਨਾਦਰਸ਼ਾਹੀ ਫਰਮਾਨ ਹੈ। ਕਲਾਕਾਰਾਂ ਦੇ ਵੱਖੋ-ਵੱਖਰੇ ਵਿਚਾਰ ਹੋ ਸਕਦੇ ਹਨ ਪਰ ਜਦੋਂ ਪੰਜਾਬ ਤੇ ਪੰਜਾਬੀ ਸੱਭਿਆਚਾਰ ਦੀ ਗੱਲ ਆਉਂਦੀ ਹੈ ਤਾਂ ਦਿਲਜੀਤ ਤੇ ਵਾਈਟ-ਹਿੱਲ ਦੀ ਡਟਕੇ ਹਮਾਇਤ ਕਰਦੇ ਹਾਂ। ਪੰਜਾਬੀ ਫਿਲਮਾਂ ਦਾ ਸੈਂਸਰ ਵੀ ਪੰਜਾਬ ਵਿੱਚ ਹੋਣਾ ਚਾਹੀਦਾ ਹੈ, ਤਾਂ ਜੋ ਅਸੀਂ ਇੱਕ ਦੂਜੇ ਦੀਆਂ ਭਾਵਨਾਵਾਂ ਨੂੰ ਬਿਹਤਰ ਢੰਗ ਨਾਲ ਸਮਝ ਸਕੀਏ।
ਦੱਸ ਦਈਏ ਕਿ ਇੱਕ ਪਾਸੇ ਕੱਟੜਪੰਥੀ ਦਿਲਜੀਤ ਦੋਸਾਂਝ ਦੀ ਅਲੋਚਨਾ ਕਰ ਰਹੇ ਹਨ ਤੇ ਦੂਜੇ ਪਾਸੇ ਸਿਆਸਤਦਾਨ ਤੇ ਕਲਾਕਾਰ ਉਨ੍ਹਾਂ ਦੀ ਹਮਾਇਤ ਵੀ ਕਰ ਰਹੇ ਹਨ। ਹੁਣ ਤੱਕ ਸੰਸਦ ਮੈਂਬਰ ਸੁਖਜਿੰਦਰ ਰੰਧਾਵਾ (ਕਾਂਗਰਸ), ਪ੍ਰਤਾਪ ਸਿੰਘ ਬਾਜਵਾ (ਕਾਂਗਰਸ), ਆਰਪੀ ਸਿੰਘ (ਭਾਜਪਾ), ਕਲਾਕਾਰ ਹਬੀਬ ਧਾਲੀਵਾਲ, ਨਸੀਰੂਦੀਨ ਸ਼ਾਹ, ਜਾਵੇਦ ਅਖਤਰ, ਇਮਤਿਆਜ਼ ਅਲੀ, ਜਸਬੀਰ ਜੱਸੀ, ਸੋਨਾਲੀ ਸਿੰਘ (ਸਾਬਕਾ ਮੈਨੇਜਰ) ਤੇ ਚੇਤਨ ਭਗਤ (ਲੇਖਕ) ਨੇ ਦਿਲਜੀਤ ਦੋਸਾਂਝ ਦੀ ਡਟ ਕੇ ਹਮਾਇਤ ਕੀਤੀ ਹੈ।
ਕਿੱਥੋਂ ਸ਼ੁਰੂ ਹੋਇਆ ਵਿਵਾਦ
ਦਰਅਸਲ ਦਿਲਜੀਤ ਦੋਸਾਂਝ ਦੀ ਫਿਲਮ ਵਿੱਚ ਪਾਕਿਸਤਾਨੀ ਅਦਾਕਾਰਾ ਹਨੀਆ ਆਮਿਰ ਦੀ ਕਾਸਟਿੰਗ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋਇਆ ਹੈ। ਅਪ੍ਰੈਲ 2025 ਵਿੱਚ ਜੰਮੂ-ਕਸ਼ਮੀਰ ਵਿੱਚ ਹੋਏ ਪਹਿਲਗਾਮ ਅੱਤਵਾਦੀ ਹਮਲੇ ਨੇ ਭਾਰਤ-ਪਾਕਿਸਤਾਨ ਤਣਾਅ ਵਧਾ ਦਿੱਤਾ। ਇਸ ਤੋਂ ਬਾਅਦ ਕਈ ਭਾਰਤੀ ਫਿਲਮ ਮੰਤਰਾਲਿਆਂ ਨੇ ਪਾਕਿਸਤਾਨੀ ਕਲਾਕਾਰਾਂ 'ਤੇ ਪਾਬੰਦੀ ਲਾ ਦਿੱਤੀ, ਪਰ ਫਿਲਮ ਦੀ ਸ਼ੂਟਿੰਗ ਉਸ ਸਮੇਂ ਤੋਂ ਪਹਿਲਾਂ ਹੀ ਪੂਰੀ ਹੋ ਗਈ ਸੀ।
ਭਾਰਤ ਵਿੱਚ ਰਿਲੀਜ਼ 'ਤੇ ਪਾਬੰਦੀ
ਫੈਡਰੇਸ਼ਨ ਆਫ ਵੈਸਟਰਨ ਇੰਡੀਆ ਸਿਨੇ ਇੰਪਲਾਈਜ਼ (FWICE) ਨੇ ਫਿਲਮ 'ਤੇ "ਦੇਸ਼ ਵਿਰੋਧੀ" ਕਦਮ ਹੋਣ ਦਾ ਦੋਸ਼ ਲਾਇਆ ਤੇ ਭਾਰਤ ਵਿੱਚ ਫਿਲਮ ਨੂੰ ਰੱਦ ਕਰਨ ਲਈ ਦਬਾਅ ਪਾਇਆ ਤੇ ਦਿਲਜੀਤ ਨੂੰ 'ਬਾਰਡਰ 2' ਤੋਂ ਹਟਾਉਣ ਦੀ ਮੰਗ ਵੀ ਕੀਤੀ। ਨਿਰਮਾਤਾ ਤੇ ਦਿਲਜੀਤ ਨੇ ਇਸ ਨੂੰ ਭਾਰਤ ਵਿੱਚ ਰਿਲੀਜ਼ ਨਾ ਕਰਨ ਦਾ ਫੈਸਲਾ ਕੀਤਾ ਤਾਂ ਜੋ ਦੇਸ਼ ਤੇ ਜਨਤਾ ਦੀਆਂ ਭਾਵਨਾਵਾਂ ਨੂੰ ਠੇਸ ਨਾ ਪਹੁੰਚੇ।
ਪਾਕਿਸਤਾਨ ਵਿੱਚ ਦੋ ਦਿਨਾਂ ਵਿੱਚ 11 ਕਰੋੜ ਕਮਾਏ
ਇਹ ਫਿਲਮ 27 ਜੂਨ 2025 ਨੂੰ ਭਾਰਤ ਤੋਂ ਬਾਹਰ ਕੈਨੇਡਾ, ਯੂਕੇ, ਆਸਟ੍ਰੇਲੀਆ ਆਦਿ ਦੇਸ਼ਾਂ ਵਿੱਚ ਰਿਲੀਜ਼ ਹੋਈ। ਇਹ ਫਿਲਮ ਪਾਕਿਸਤਾਨ ਵਿੱਚ ਵੀ ਰਿਲੀਜ਼ ਹੋਈ। ਇਹ ਪਾਕਿਸਤਾਨ ਵਿੱਚ ਬਾਕਸ ਆਫਿਸ 'ਤੇ ਬਹੁਤ ਵੱਡੀ ਸਫਲਤਾ ਮਿਲੀ। ਸਿਰਫ ਦੋ ਦਿਨਾਂ ਵਿੱਚ 11 ਕਰੋੜ ਤੋਂ ਵੱਧ ਦੀ ਕਮਾਈ ਕੀਤੀ।
ਆਪ੍ਰੇਸ਼ਨ ਸਿੰਦੂਰ ਤੋਂ ਪਹਿਲਾਂ ਸ਼ੂਟਿੰਗ ਹੋਈ ਸੀ ਪੂਰੀ
ਦਿਲਜੀਤ ਨੇ ਕਿਹਾ ਕਿ ਫਿਲਮ ਦੀ ਸ਼ੂਟਿੰਗ ਫਰਵਰੀ 2025 ਵਿੱਚ ਪੂਰੀ ਹੋ ਗਈ ਸੀ ਤੇ ਉਸ ਸਮੇਂ ਕੋਈ ਤਣਾਅ ਨਹੀਂ ਸੀ। ਨਿਰਮਾਤਾ ਗੁਣਬੀਰ ਸਿੰਘ ਸਿੱਧੂ ਨੇ ਕਿਹਾ ਕਿ ਭਾਰਤ ਵਿੱਚ ਰਿਲੀਜ਼ ਨੂੰ ਰੋਕਣ ਦਾ ਫੈਸਲਾ ਉਨ੍ਹਾਂ ਦਾ ਸੀ ਤੇ ਇਸ ਦੇ ਨਤੀਜੇ ਵਜੋਂ 40% ਮਾਲੀਆ ਦਾ ਨੁਕਸਾਨ ਹੋਇਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
