ਸਲਮਾਨ ਖਾਨ ਬਗੈਰ ਪਤਨੀ ਤੋਂ ਹੀ ਚਾਹੁੰਦੇ ਬੱਚੇ

ਸਲਮਾਨ ਨੇ ਕਿਹਾ ਕਿ ਉਹ ਵੀ ਪਿਤਾ ਬਣਨਾ ਚਾਹੁੰਦੇ ਹਨ, ਉਹ ਵੀ ਬੱਚੇ ਚਾਹੁੰਦੇ ਹਨ ਪਰ ਇਸ ਬਾਰੇ ਉਨ੍ਹਾਂ ਨੇ ਸੈਰੋਗੇਸੀ ਨਾਲ ਪਿਤਾ ਬਣਨ ਦੀ ਕਿਸੇ ਖ਼ਬਰ ‘ਤੇ ਕੋਈ ਰਿਐਕਸ਼ਨ ਨਹੀਂ ਦਿੱਤਾ। ਸਲਮਾਨ ਵੀ ਆਪਣੀਆਂ ਪੋਸਟਾਂ ਕਰਕੇ ਕਈ ਵਾਰ ਟ੍ਰੋਲ ਹੋ ਚੁੱਕੇ ਹਨ ਤੇ ਕਾਫੀ ਸਮੇਂ ਤੋਂ ਉਨ੍ਹਾਂ ਦਾ ਕੋਈ ਵਿਵਾਦਤ ਟਵੀਟ ਨਹੀ ਆਇਆ।

ਮੁੰਬਈ: ਬੀਤੇ ਕੁਝ ਦਿਨਾਂ ਤੋਂ ਖ਼ਬਰਾਂ ਆ ਰਹੀਆਂ ਹਨ ਕਿ ਸਲਮਾਨ ਖ਼ਾਨ ਵੀ ਕਰਨ ਜੌਹਰ, ਸ਼ਾਹਰੁਖ ਖ਼ਾਨ, ਏਕਤਾ ਕਪੂਰ ਤੇ ਤੁਸ਼ਾਰ ਕਪੂਰ ਦੀ ਤਰ੍ਹਾਂ ਸੈਰੋਗੇਸੀ ਨਾਲ ਪਿਓ ਬਣਨ ਦੀ ਸੋਚ ਰਹੇ ਹਨ। ਹੁਣ ਤਕ ਸਲਮਾਨ ਨੇ ਇਨ੍ਹਾਂ ‘ਤੇ ਕਦੇ ਕੋਈ ਰਿਐਕਸ਼ਨ ਨਹੀਂ ਦਿੱਤਾ ਪਰ ਹਾਲ ਹੀ ‘ਚ ਇੱਕ ਇੰਟਰਵਿਊ ‘ਚ ਉਨ੍ਹਾਂ ਨੇ ਇਸ ਬਾਰੇ ਖੁਲ੍ਹ ਕੇ ਗੱਲ ਕੀਤੀ। ਸਲਮਾਨ ਨੇ ਕਿਹਾ ਕਿ ਉਹ ਵੀ ਪਿਤਾ ਬਣਨਾ ਚਾਹੁੰਦੇ ਹਨ, ਉਹ ਵੀ ਬੱਚੇ ਚਾਹੁੰਦੇ ਹਨ ਪਰ ਇਸ ਬਾਰੇ ਉਨ੍ਹਾਂ ਨੇ ਸੈਰੋਗੇਸੀ ਨਾਲ ਪਿਤਾ ਬਣਨ ਦੀ ਕਿਸੇ ਖ਼ਬਰ ‘ਤੇ ਕੋਈ ਰਿਐਕਸ਼ਨ ਨਹੀਂ ਦਿੱਤਾ। ਆਪਣੇ ਇੰਟਰਵਿਊ ‘ਚ ਸਲਮਾਨ ਨੇ ਕਿਹਾ, “ਮੈਂ ਵੀ ਬੱਚੇ ਚਾਹੁੰਦਾ ਹਾਂ, ਪਰ ਬੱਚਿਆਂ ਦੇ ਨਾਲ ਮਾਂ ਵੀ ਆਵੇਗੀ। ਮੈਂ ਮਾਂ ਨਹੀਂ ਚਾਹੁੰਦਾ ਪਰ ਉਨ੍ਹਾਂ ਨੂੰ ਮਾਂ ਦੀ ਲੋੜ ਹੋਵੇਗੀ। ਮੇਰੇ ਕੋਲ ਪੂਰਾ ਪਿੰਡ ਹੈ ਬੱਚਿਆਂ ਦੀ ਦੇਖਭਾਲ ਲਈ।” ਇਸ ਦੇ ਨਾਲ ਹੀ ਸਲਮਾਨ ਨੂੰ ਹਮੇਸ਼ਾ ਦੀ ਤਰ੍ਹਾਂ ਵਿਆਹ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਉਹ ਅਜੇ ਕੁਝ ਹੋਰ ਸਾਲ ਵਿਆਹ ਨਹੀਂ ਕਰਨਾ ਚਾਹੁੰਦੇ। ਇਸ ਤੋਂ ਇਲਾਵਾ ਸਲਮਾਨ ਤੋਂ ਹਾਲ ਹੀ ‘ਚ ਵਿਵੇਕ ਓਬਰਾਏ ਵੱਲੋਂ ਪੋਸਟ ਮੀਮ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਕਿਹਾ, “ਮੈਂ ਧਿਆਨ ਨਹੀਂ ਦਿੰਦਾ। ਪਹਿਲਾ ਵਾਂਗ ਟਵੀਟ ਨਹੀਂ ਕਰਦਾ ਤਾਂ ਮੀਮਸ ਕੀ ਵੇਖਾਗਾਂ।” ਸਲਮਾਨ ਵੀ ਆਪਣੀਆਂ ਪੋਸਟਾਂ ਕਰਕੇ ਕਈ ਵਾਰ ਟ੍ਰੋਲ ਹੋ ਚੁੱਕੇ ਹਨ ਤੇ ਕਾਫੀ ਸਮੇਂ ਤੋਂ ਉਨ੍ਹਾਂ ਦਾ ਕੋਈ ਵਿਵਾਦਤ ਟਵੀਟ ਨਹੀ ਆਇਆ।