Shiney Ahuja: ਸ਼ਾਇਨੀ ਆਹੂਜਾ ਨੂੰ ਬਲਾਕਤਕਾਰ ਕੇਸ 'ਚ ਹਾਈਕੋਰਟ ਤੋਂ ਵੱਡੀ ਰਾਹਤ, ਐਕਟਰ ਨੂੰ ਮਿਲੀ ਪਾਸਪੋਰਟ ਰਿਨਿਊ ਕਰਾਉਣ ਦੀ ਮਨਜ਼ੂਰੀ
Shiney Ahuja Got Relief From Bombay HC: ਆਪਣੀ ਨੌਕਰਾਣੀ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ੀ ਸ਼ਾਇਨੀ ਆਹੂਜਾ ਨੇ ਆਪਣੇ ਪਾਸਪੋਰਟ ਦੇ ਨਵੀਨੀਕਰਨ ਦੀ ਅਪੀਲ ਕੀਤੀ। ਇਸ ਬਾਰੇ ਅਦਾਲਤ ਨੇ 10 ਸਾਲ ਬਾਅਦ ਪਾਸਪੋਰਟ ਵੈਧ ਰੱਖਣ ਦੇ ਨਿਰਦੇਸ਼ ਦਿੱਤੇ ਹਨ..
Shiney Ahuja Got Relief From Bombay HC: ਬਲਾਤਕਾਰ ਦੇ ਦੋਸ਼ੀ ਅਦਾਕਾਰ ਸ਼ਾਈਨੀ ਆਹੂਜਾ ਨੂੰ ਬੰਬੇ ਹਾਈ ਕੋਰਟ ਤੋਂ ਵੱਡੀ ਰਾਹਤ ਮਿਲੀ ਹੈ। ਅਦਾਲਤ ਨੇ ਭਾਰਤੀ ਪਾਸਪੋਰਟ ਅਥਾਰਟੀ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਹ ਸ਼ਾਇਨੀ ਆਹੂਜਾ ਦੇ ਪਾਸਪੋਰਟ ਰਿਨਿਊ ਕਰਨ 'ਤੇ ਰੋਕ ਨਾ ਲਵੇ। ਤੁਹਾਨੂੰ ਦੱਸ ਦਈਏ ਕਿ ਸ਼ਾਇਨੀ ਦੀ ਤਰਫੋਂ ਆਪਣੇ ਪਾਸਪੋਰਟ ਰਿਨਿਊ ਕਰਨ ਲਈ ਅਪੀਲ ਕੀਤੀ ਗਈ ਸੀ, ਇਸ ਬਾਰੇ ਅਦਾਲਤ ਨੇ 10 ਸਾਲ ਬਾਅਦ ਪਾਸਪੋਰਟ ਨੂੰ ਵੈਧ ਰੱਖਣ ਦੇ ਨਿਰਦੇਸ਼ ਦਿੱਤੇ ਹਨ।
ਜਸਟਿਸ ਅਮਿਤ ਬੋਰਕਰ ਨੇ ਕਿਹਾ, 'ਇਹ ਧਿਆਨ ਵਿਚ ਰੱਖਦੇ ਹੋਏ ਕਿ ਹਾਲੀਆ ਅਪੀਲ ਦੇ ਪੈਂਡਿੰਗ ਦੌਰਾਨ ਪਾਸਪੋਰਟ ਨੂੰ 6 ਤੋਂ ਵੱਧ ਮੌਕਿਆਂ 'ਤੇ ਰਿਨਿਊ ਕਰਾਇਆ ਗਿਆ ਹੈ ਅਤੇ ਜ਼ਮਾਨਤ ਦੀਆਂ ਸ਼ਰਤਾਂ ਦੀ ਕੋਈ ਉਲੰਘਣਾ ਨਹੀਂ ਹੋਈ ਹੈ। ਬਿਨੈਕਾਰ ਨੇ ਆਪਣਾ ਪਾਸਪੋਰਟ ਰੀਨਿਊ ਕਰਨ ਲਈ ਪਾਸਪੋਰਟ ਅਥਾਰਟੀ ਨੂੰ ਨਿਰਦੇਸ਼ ਦੇਣ ਲਈ ਕੇਸ ਕੀਤਾ ਹੈ, ਬਸ਼ਰਤੇ ਉਹ ਦਸ ਸਾਲ ਪੁਰਾਣੇ ਪਾਸਪੋਰਟ ਦੇ ਰਿਨਿਊਅਲ ਦੀ ਅਪੀਲ ਲਈ ਜ਼ਿੰਮੇਵਾਰ ਹੋਵੇ।
ਮੁੰਬਈ ਦੀ ਸੈਸ਼ਨ ਕੋਰਟ ਨੇ ਸ਼ਾਇਨੀ ਨੂੰ 7 ਸਾਲ ਦੀ ਸਜ਼ਾ ਸੁਣਾਈ
'ਭੂਲ ਭੁਲਈਆ', 'ਲਮਹੇ', 'ਗੈਂਗਸਟਰ: ਏ ਲਵ ਸਟੋਰੀ' ਵਰਗੀਆਂ ਕਈ ਫਿਲਮਾਂ 'ਚ ਕੰਮ ਕਰ ਚੁੱਕੇ ਸ਼ਾਇਨੀ ਆਹੂਜਾ 'ਤੇ ਆਪਣੀ ਨੌਕਰਾਣੀ ਨਾਲ ਬਲਾਤਕਾਰ ਕਰਨ ਦਾ ਦੋਸ਼ ਹੈ। ਇਸ ਸਬੰਧ ਵਿਚ 30 ਮਾਰਚ, 2011 ਨੂੰ ਮੁੰਬਈ ਦੀ ਇਕ ਸੈਸ਼ਨ ਅਦਾਲਤ ਨੇ ਸ਼ਾਇਨੀ ਆਹੂਜਾ ਨੂੰ ਆਈਪੀਸੀ ਦੀ ਧਾਰਾ 376 ਲਈ ਦੋਸ਼ੀ ਠਹਿਰਾਉਂਦਿਆਂ ਸੱਤ ਸਾਲ ਦੀ ਸਜ਼ਾ ਸੁਣਾਈ ਸੀ। ਇਸ ਦੇ ਨਾਲ ਹੀ ਆਹੂਜਾ ਨੇ ਸੈਸ਼ਨ ਕੋਰਟ ਦੇ ਫੈਸਲੇ ਨੂੰ ਬੰਬੇ ਹਾਈ ਕੋਰਟ ਵਿੱਚ ਚੁਣੌਤੀ ਦਿੱਤੀ ਹੈ। ਜਿਸ ਤੋਂ ਬਾਅਦ 27 ਅਪ੍ਰੈਲ 2011 ਨੂੰ ਉਸ ਨੂੰ ਜ਼ਮਾਨਤ ਮਿਲ ਗਈ ਸੀ।
ਇਸ ਸ਼ਰਤ 'ਤੇ ਹੈ ਵਿਦੇਸ਼ ਜਾਣ ਦੀ ਇਜਾਜ਼ਤ!
ਜ਼ਮਾਨਤ ਦੌਰਾਨ ਸ਼ਾਇਨੀ ਆਹੂਜਾ ਨੂੰ ਅਦਾਲਤ ਨੇ ਦੇਸ਼ ਤੋਂ ਬਾਹਰ ਨਹੀਂ ਜਾਣ ਦਿੱਤਾ। ਹਾਲਾਂਕਿ 5 ਦਸੰਬਰ 2011 ਨੂੰ ਉਸ ਨੂੰ ਵਿਦੇਸ਼ ਜਾਣ ਦੀ ਇਜਾਜ਼ਤ ਵੀ ਮਿਲ ਗਈ ਸੀ। ਪਰ ਇਸ ਸ਼ਰਤ ਦੇ ਨਾਲ ਕਿ ਉਹ ਜਿੱਥੇ ਵੀ ਜਾਵੇਗਾ, ਉਸ ਨੂੰ ਆਪਣੀ ਪੂਰੀ ਜਾਣਕਾਰੀ ਅਦਾਲਤ ਨੂੰ ਦੇਣੀ ਹੋਵੇਗੀ। ਇਸੇ ਕੜੀ 'ਚ ਅਦਾਲਤ ਨੇ ਸ਼ਾਇਨੀ ਦਾ ਪਾਸਪੋਰਟ ਵਾਪਸ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
