Social Media ਇਨਫਲੁਐਂਸਰ ਮਿਸ਼ਾ ਅਗਰਵਾਲ ਦਾ ਦੇਹਾਂਤ, ਜਨਮਦਿਨ ਤੋਂ 2 ਦਿਨ ਪਹਿਲਾਂ ਗਈ ਜਾਨ, ਸਦਮੇ ‘ਚ ਫੈਂਸ
Misha Agrawal Dies: ਸੋਸ਼ਲ ਮੀਡੀਆ ਇਨਫਲੁਐਂਸਰ ਮੀਸ਼ਾ ਅਗਰਵਾਲ ਦੀ ਮੌਤ ਹੋ ਗਈ ਹੈ। ਇਹ ਜਾਣਕਾਰੀ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਖੁਦ ਇੱਕ ਬਿਆਨ ਜਾਰੀ ਕਰਕੇ ਦਿੱਤੀ ਹੈ। ਇਹ ਖ਼ਬਰ ਸੁਣ ਕੇ ਪ੍ਰਸ਼ੰਸਕ ਹੈਰਾਨ ਰਹਿ ਗਏ ਹਨ।
Misha Agrawal Passes Away: ਸੋਸ਼ਲ ਮੀਡੀਆ ਇਨਫਲੁਐਂਸਰ ਮੀਸ਼ਾ ਅਗਰਵਾਲ ਦਾ ਦੇਹਾਂਤ ਹੋ ਗਿਆ ਹੈ। ਇਹ ਜਾਣਕਾਰੀ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਖੁਦ ਇੱਕ ਬਿਆਨ ਜਾਰੀ ਕਰਕੇ ਦਿੱਤੀ ਹੈ। ਮੀਸ਼ਾ ਦੇ ਇੰਸਟਾਗ੍ਰਾਮ 'ਤੇ ਪੋਸਟ ਕਰਦੇ ਹੋਏ ਦੱਸਿਆ ਗਿਆ ਕਿ ਉਨ੍ਹਾਂ ਦਾ ਜਨਮਦਿਨ 26 ਅਪ੍ਰੈਲ ਨੂੰ ਹੁੰਦਾ ਹੈ ਅਤੇ ਉਨ੍ਹਾਂ ਨੇ ਆਪਣੇ ਜਨਮਦਿਨ ਤੋਂ ਦੋ ਦਿਨ ਪਹਿਲਾਂ 24 ਅਪ੍ਰੈਲ ਨੂੰ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ।
ਮੀਸ਼ਾ ਦੇ ਇੰਸਟਾਗ੍ਰਾਮ 'ਤੇ ਕੀਤੀ ਗਈ ਪੋਸਟ ਵਿੱਚ ਲਿਖਿਆ ਹੈ - 'ਮੀਸ਼ਾ ਅਗਰਵਾਲ, 26 ਅਪ੍ਰੈਲ 2000 - 24 ਅਪ੍ਰੈਲ 2025। ਅਸੀਂ ਬਹੁਤ ਭਾਰੀ ਮਨ ਨਾਲ ਮੀਸ਼ਾ ਅਗਰਵਾਲ ਦੇ ਦੇਹਾਂਤ ਦੀ ਦੁਖਭਰੀ ਖ਼ਬਰ ਸਾਂਝੀ ਕਰ ਰਹੇ ਹਾਂ। ਤੁਹਾਡੇ ਵੱਲੋਂ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੇ ਕੰਮ ਨੂੰ ਦਿੱਤੇ ਗਏ ਸਾਰੇ ਪਿਆਰ ਅਤੇ ਸਪੋਰਟ ਲਈ ਧੰਨਵਾਦ। ਅਸੀਂ ਅਜੇ ਵੀ ਇਸ ਵੱਡੇ ਨੁਕਸਾਨ ਤੋਂ ਉਭਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਕਿਰਪਾ ਕਰਕੇ ਉਨ੍ਹਾਂ ਨੂੰ ਆਪਣੀਆਂ ਯਾਦਾਂ ਵਿੱਚ ਰੱਖਿਓ ਅਤੇ ਉਨ੍ਹਾਂ ਦੀ ਆਤਮਾ ਨੂੰ ਆਪਣੇ ਦਿਲਾਂ ਵਿੱਚ ਸੰਭਾਲ ਕੇ ਰੱਖਿਓ।
View this post on Instagram
ਮੀਸ਼ਾ ਅਗਰਵਾਲ ਦੀ ਅਚਾਨਕ ਮੌਤ ਕਿਵੇਂ ਹੋਈ, ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪਰ ਇਸ ਖ਼ਬਰ ਨਾਲ ਇੰਸਟਾਗ੍ਰਾਮ 'ਤੇ ਉਨ੍ਹਾਂ ਦੇ 343 ਹਜ਼ਾਰ ਫਾਲੋਅਰਜ਼ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਪ੍ਰਸ਼ੰਸਕ ਉਨ੍ਹਾਂ ਦੀ ਮੌਤ ਦੀ ਖ਼ਬਰ ਨੂੰ ਸਵੀਕਾਰ ਨਹੀਂ ਕਰ ਪਾ ਰਹੇ ਹਨ। ਇਸ ਪੋਸਟ 'ਤੇ ਕਈ ਮਸ਼ਹੂਰ ਹਸਤੀਆਂ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ। ਪਾਰੁਲ ਗੁਲਾਟੀ ਨੇ ਲਿਖਿਆ- 'ਆਦਰਸ਼ਕ ਤੌਰ 'ਤੇ ਅੱਜ ਉਸ ਦਾ ਜਨਮਦਿਨ ਹੈ।' ਪਲੀਜ਼ ਮੈਨੂੰ ਦੱਸੋ ਕੀ ਅੱਜ ਕੁੱਝ ਅਜਿਹਾ ਹੈ, ਜਿਵੇਂ ਕਿ ਅੱਜ ਉਸ ਦਾ ਪੁਨਰਜਨਮ ਹੋਇਆ ਹੈ। ਹੁਣ ਜਦੋਂ ਅੱਜ ਉਹ 25 ਸਾਲਾਂ ਦੀ ਹੋ ਜਾਵੇਗੀ। ਪਲੀਜ਼ ਰਿਤੂ ਤੁਸੀਂ ਕਿਹਾ ਹੈ - ਚਿੰਤਾ ਨਾ ਕਰੋ ਅਸੀਂ ਉਸਨੂੰ ਆਪਣੇ ਦਿਲਾਂ ਵਿੱਚ ਜ਼ਿੰਦਾ ਰੱਖਾਂਗੇ, ਸਾਨੂੰ ਦੱਸੋ ਕਿ ਕੀ ਹੋ ਰਿਹਾ ਹੈ।
ਅਦਾਕਾਰਾ ਸ਼ਿਬਾਨੀ ਬੇਦੀ ਨੇ ਲਿਖਿਆ- 'ਮੈਨੂੰ ਇਸ 'ਤੇ ਵਿਸ਼ਵਾਸ ਨਹੀਂ ਹੋ ਰਿਹਾ।' ਇਸ ਤੋਂ ਇਲਾਵਾ ਸੁਹਾਨੀ ਸ਼ਾਹ ਅਤੇ ਨਗਮਾ ਮਿਰਜ਼ਾਕਰ ਨੇ ਵੀ ਮੀਸ਼ਾ ਦੀ ਮੌਤ 'ਤੇ ਹੈਰਾਨੀ ਜ਼ਾਹਰ ਕੀਤੀ ਹੈ। ਕੁਝ ਲੋਕ ਇਸਨੂੰ ਪਬਲੀਸਿਟੀ ਸਟੰਟ ਅਤੇ ਮਜ਼ਾਕ ਵੀ ਕਹਿ ਰਹੇ ਹਨ। ਇੱਕ ਯੂਜ਼ਰ ਨੇ ਕੁਮੈਂਟ ਕੀਤਾ: 'ਅੱਜ 26 ਅਪ੍ਰੈਲ ਹੈ ਅਤੇ ਉਸਦਾ ਜਨਮਦਿਨ ਹੈ, ਅਸੀਂ ਜਾਣਦੇ ਹਾਂ ਕਿ ਇਹ ਇੱਕ ਪ੍ਰੈਂਕ ਹੈ।' ਇੱਕ ਹੋਰ ਨੇ ਲਿਖਿਆ: 'ਉਸ ਦੀ ਮੌਤ ਦੇ ਕਾਰਨਾਂ ਬਾਰੇ ਨਹੀਂ ਦੱਸਿਆ ਗਿਆ ਹੈ ਅਤੇ ਨਾ ਹੀ ਇਸ ਬਾਰੇ ਕੋਈ ਜਾਣਕਾਰੀ ਦਿੱਤੀ ਗਈ ਹੈ, ਇਸ ਲਈ ਇਹ ਇੱਕ ਪ੍ਰੈਂਕ ਜਾਂ ਕੋਈ ਘਟੀਆ ਪਬਲੀਸਿਟੀ ਸਟੰਟ ਹੈ।'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
