Urvashi Rautela: ਕਾਨਸ 2023 'ਚ ਪੱਤਰਕਾਰ ਤੋਂ ਹੋਈ ਗਲਤੀ, ਉਰਵਸ਼ੀ ਰੌਤੇਲਾ ਨੂੰ ਸਮਝ ਲਿਆ ਐਸ਼ਵਰਿਆ ਰਾਏ, ਅਦਾਕਾਰਾ ਨੇ ਇੰਜ ਕੀਤਾ ਰਿਐਕਟ
Urvashi Rautela Aishwarya Rai: ਫਰਾਂਸ ਵਿੱਚ ਚੱਲ ਰਹੇ ਕਾਨਸ ਫਿਲਮ ਫੈਸਟੀਵਲ ਵਿੱਚ ਪਾਪਰਾਜ਼ੀ ਨੇ ਉਰਵਸ਼ੀ ਰੌਤੇਲਾ ਨੂੰ ਐਸ਼ਵਰਿਆ ਰਾਏ ਸਮਝ ਲਿਆ ਹੈ।
Urvashi Rautela Reaction: ਇਨ੍ਹੀਂ ਦਿਨੀਂ ਫਰਾਂਸ 'ਚ ਚੱਲ ਰਹੇ ਕਾਨਸ ਫੈਸਟੀਵਲ ਦੀ ਚਰਚਾ ਦੁਨੀਆ ਭਰ 'ਚ ਹੋ ਰਹੀ ਹੈ। ਇਸ ਫੈਸਟੀਵਲ 'ਚ ਬਾਲੀਵੁੱਡ ਦੇ ਕਈ ਦਿੱਗਜ ਕਲਾਕਾਰ ਵੀ ਸ਼ਾਮਲ ਹੋਏ ਹਨ। ਇਸ ਦੌਰਾਨ ਉੱਥੇ ਮੌਜੂਦ ਪਾਪਰਾਜ਼ੀ (ਪੱਤਰਕਾਰ) ਨੇ ਅਦਾਕਾਰਾ ਉਰਵਸ਼ੀ ਰੌਤੇਲਾ ਨੂੰ ਗਲਤੀ ਨਾਲ ਐਸ਼ਵਰਿਆ ਰਾਏ ਸਮਝ ਲਿਆ।
ਵੀਡੀਓ ਹੋਇਆ ਵਾਇਰਲ
ਫ੍ਰੈਂਚ ਮੀਡੀਆ ਨੇ ਕਾਨਸ ਫਿਲਮ ਫੈਸਟੀਵਲ ਦੇ ਰੈੱਡ ਕਾਰਪੇਟ 'ਤੇ ਬਾਲੀਵੁੱਡ ਅਭਿਨੇਤਰੀ ਉਰਵਸ਼ੀ ਰਤੌਲਾ ਨੂੰ ਗਲਤੀ ਨਾਲ ਐਸ਼ਵਰਿਆ ਰਾਏ ਸਮਝ ਲਿਆ। ਪਾਪਰਾਜ਼ੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ 'ਚ ਪਾਪਰਾਜ਼ੀ ਉਰਵਸ਼ੀ ਨੂੰ ਐਸ਼ਵਰਿਆ ਕਹਿ ਕੇ ਬੁਲਾਉਂਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਦੀ ਕਲਿੱਪ 'ਚ ਦਿਖਾਇਆ ਗਿਆ ਹੈ ਕਿ ਉਰਵਸ਼ੀ ਬੁੱਧਵਾਰ ਨੂੰ ਫਿਲਮ 'ਕਾਇਬਾਤਸੂ' ਦੀ ਸਕ੍ਰੀਨਿੰਗ ਲਈ ਪਹੁੰਚੀ ਸੀ। ਇਸ ਮੌਕੇ ਅਭਿਨੇਤਰੀ ਨੇ ਰੈੱਡ ਕਾਰਪੇਟ 'ਤੇ ਸੰਤਰੀ ਰੰਗ ਦਾ ਰਫਲ ਗਾਊਨ ਪਾਇਆ ਹੋਇਆ ਸੀ। ਭੀੜ 'ਚੋਂ ਕਿਸੇ ਨੇ 'ਐਸ਼ਵਰਿਆ' ਦਾ ਨਾਂ ਪੁਕਾਰਿਆ ਤਾਂ ਉੱਥੇ ਮੌਜੂਦ ਲੋਕਾਂ ਨੇ ਉਸ ਦਾ ਸਵਾਗਤ ਕੀਤਾ। ਐਸ਼ਵਰਿਆ ਦਾ ਨਾਂ ਸੁਣ ਕੇ ਉਰਵਸ਼ੀ ਰਤੌਲਾ ਮੁੜੀ ਅਤੇ ਮੁਸਕਰਾਈ।
ਫੈਨ ਨੇ ਵੀਡੀਓ ਸਾਂਝਾ ਕੀਤਾ
ਤੁਹਾਨੂੰ ਦੱਸ ਦੇਈਏ ਕਿ ਟਵਿੱਟਰ 'ਤੇ ਉਰਵਸ਼ੀ ਦੀ ਵੀਡੀਓ ਸ਼ੇਅਰ ਕਰਦੇ ਹੋਏ ਐਸ਼ਵਰਿਆ ਰਾਏ ਦੇ ਇੱਕ ਪ੍ਰਸ਼ੰਸਕ ਨੇ ਕੈਪਸ਼ਨ 'ਚ ਲਿਖਿਆ ਕਿ ਐਸ਼ਵਰਿਆ ਦੀ ਲੋਕਪ੍ਰਿਅਤਾ ਹਮੇਸ਼ਾ ਬੇਮਿਸਾਲ ਰਹੇਗੀ। ਕਾਨਸ ਫਿਲਮ ਫੈਸਟੀਵਲ 16 ਮਈ ਤੋਂ ਸ਼ੁਰੂ ਹੋ ਗਿਆ ਹੈ, ਜੋ 27 ਮਈ ਤੱਕ ਚੱਲੇਗਾ। ਉਰਵਸ਼ੀ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਫੈਨਜ਼ ਉਸ ਦੇ ਲੁੱਕ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
ਇਨ੍ਹਾਂ ਸਿਤਾਰਿਆਂ ਨੇ ਵੀ ਦਿਖਾਇਆ ਆਪਣਾ ਜਲਵਾ
ਤੁਹਾਨੂੰ ਦੱਸ ਦੇਈਏ ਕਿ ਕਾਨਸ ਫਿਲਮ ਫੈਸਟੀਵਲ 2023 ਵਿੱਚ ਉਰਵਸ਼ੀ ਰੌਤੇਲਾ ਤੋਂ ਇਲਾਵਾ ਸਾਰਾ ਅਲੀ ਖਾਨ, ਤਮੰਨਾ ਭਾਟੀਆ, ਸਪਨਾ ਚੌਧਰੀ, ਅਦਿਤੀ ਰਾਓ ਹੈਦਰੀ ਅਤੇ ਵਿਜੇ ਵਰਮਾ ਦੇ ਨਾਲ ਕਈ ਸਿਤਾਰਿਆਂ ਨੇ ਆਪਣੇ ਜੌਹਰ ਦਿਖਾਏ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
