Sridevi: ਜਦੋਂ ਸ਼੍ਰੀਦੇਵੀ ਚਮਕੀਲੇ ਦੀ ਪ੍ਰਸਿੱਧੀ ਦੇਖ ਹੋ ਗਈ ਹੈਰਾਨ, ਫਿਲਮ ਤੱਕ ਕਰ ਦਿੱਤੀ ਸੀ ਆਫਰ, ਜਾਣੋ ਚਮਕੀਲੇ ਨੇ ਕੀ ਦਿੱਤਾ ਸੀ ਜਵਾਬ
Sridevi Death Anniversary: ਕੀ ਤੁਹਾਨੂੰ ਪਤਾ ਹੈ ਕਿ ਸ਼੍ਰੀਦੇਵੀ 80 ਦੇ ਦਹਾਕਿਆਂ 'ਚ ਮਰਹੂਮ ਪੰਜਾਬੀ ਗਾਇਕ ਅਮਰ ਸਿੰਘ ਚਮਕੀਲਾ ਨੂੰ ਮਿਲੀ ਸੀ। ਆਓ ਤੁਹਾਨੂੰ ਸੁਣਾਉਂਦੇ ਹਾਂ ਪੂਰਾ ਕਿੱਸਾ:
When Sridevi Offered Bollywood Movie To Amar Singh Chamkila: ਬਾਲੀਵੁੱਡ ਦੀ ਪਹਿਲੀ ਲੇਡੀ ਸੁਪਰਸਟਾਰ ਸ਼੍ਰੀਦੇਵੀ ਨੂੰ ਅੱਜ ਪੂਰਾ ਦੇਸ਼ ਯਾਦ ਕਰ ਰਿਹਾ ਹੈ। ਉਨ੍ਹਾਂ ਦੀ ਅੱਜ 6ਵੀਂ ਬਰਸੀ ਹੈ। ਇਸ ਮੌਕੇ ਉਨ੍ਹਾਂ ਦੇ ਚਾਹੁਣ ਵਾਲੇ ਉਨ੍ਹਾਂ ਨੂੰ ਨਮ ਅੱਖਾਂ ਨਾਲ ਯਾਦ ਕਰ ਰਹੇ ਹਨ। ਇਸ ਮੌਕੇ ਅੱਜ ਅਸੀਂ ਤੁਹਾਡੇ ਲਈ ਸ਼੍ਰੀਦੇਵੀ ਨਾਲ ਜੁੜਿਆ ਅਜਿਹਾ ਕਿੱਸਾ ਲੈਕੇ ਆਏ ਹਾਂ, ਜੋ ਤੁਸੀਂ ਸ਼ਾਇਦ ਪਹਿਲਾਂ ਕਦੇ ਸੁਣਿਆ ਨਾ ਹੋਵੇ। ਕੀ ਤੁਹਾਨੂੰ ਪਤਾ ਹੈ ਕਿ ਸ਼੍ਰੀਦੇਵੀ 80 ਦੇ ਦਹਾਕਿਆਂ 'ਚ ਮਰਹੂਮ ਪੰਜਾਬੀ ਗਾਇਕ ਅਮਰ ਸਿੰਘ ਚਮਕੀਲਾ ਨੂੰ ਮਿਲੀ ਸੀ। ਆਓ ਤੁਹਾਨੂੰ ਸੁਣਾਉਂਦੇ ਹਾਂ ਪੂਰਾ ਕਿੱਸਾ:
ਬਾਲੀਵੁੱਡ ਅਦਾਕਾਰਾ ਸ਼੍ਰੀਦੇਵੀ ਨੇ ਚਮਕੀਲੇ ਨੂੰ ਆਪਣੇ ਨਾਲ ਫਿਲਮ 'ਚ ਕੰਮ ਕਰਨ ਦਾ ਆਫਰ ਦਿੱਤਾ ਸੀ। ਪਰ ਚਮਕੀਲੇ ਨੇ ਇਸ ਆਫਰ ਨੂੰ ਠੁਕਰਾ ਦਿੱਤਾ ਸੀ। ਗੱਲ ਦਰਅਸਲ, 80 ਦੇ ਦਹਾਕਿਆਂ ਦੀ ਹੈ, ਜਦੋਂ ਚਮਕੀਲਾ ਦਾ ਨਾਂ ਪੰਜਾਬੀ ਇੰਡਸਟਰੀ ਦੇ ਟੌਪ ਗਾਇਕਾਂ 'ਚ ਸ਼ੁਮਾਰ ਸੀ। ਉਸ ਦੇ ਸਾਹਮਣੇ ਦਿੱਗਜ ਕਲਾਕਾਰ ਵੀ ਫੇਲ੍ਹ ਹੋ ਗਏ ਸੀ।
ਜਦੋਂ ਸ਼੍ਰੀਦੇਵੀ ਨੂੰ ਪਛਾਣ ਨਹੀਂ ਸਕਿਆ ਚਮਕੀਲਾ
80ਆਂ ਦੇ ਦਹਾਕੇ 'ਚ ਚਮਕੀਲਾ ਕੈਨੇਡਾ 'ਚ ਲਾਈਵ ਸ਼ੋਅ ਕਰਨ ਗਿਆ ਸੀ। ਉੱਥੇ ਕੁਦਰਤੀ ਬਾਲੀਵੁੱਡ ਦੇ ਕਈ ਸਿਤਾਰੇ ਵੀ ਮੌਜੂਦ ਸਨ। ਜਿਨ੍ਹਾਂ ਵਿੱਚੋਂ ਬਾਲੀਵੱੁਡ ਅਦਾਕਾਰਾ ਸ਼੍ਰੀਦੇਵੀ ਵੀ ਇੱਕ ਸੀ। ਇਸ ਦੌਰਾਨ ਜਦੋਂ ਚਮਕੀਲੇ ਨੇ ਸ਼੍ਰੀਦੇਵੀ ਨੂੰ ਦੇਖਿਆ, ਤਾਂ ਉਹ ਅਦਾਕਾਰਾ ਨੂੰ ਪਛਾਣ ਨਹੀਂ ਸਕਿਆ ਅਤੇ ਬੋਲਿਆ, ਇਹ ਤਾਂ 'ਨਗੀਨਾ' ਫਿਲਮ ਵਾਲੀ ਹੀਰੋਈਨ ਲੱਗਦੀ ਹੈ। ਇਸ 'ਤੇ ਸ਼੍ਰੀਦੇਵੀ ਹੈਰਾਨ ਹੋ ਗਈ ਕਿ ਚਮਕੀਲੇ ਨੇ ਉਸ ਨੂੰ ਨਹੀਂ ਪਛਾਣਿਆ। ਕਿਉਂਕਿ ਚਮਕੀਲਾ ਹਿੰਦੀ ਫਿਲਮਾਂ ਕਾਫੀ ਘੱਟ ਦੇਖਦਾ ਸੀ।
ਚਮਕੀਲੇ ਦੀ ਪ੍ਰਸਿੱਧੀ ਦੇਖ ਹੈਰਾਨ ਰਹਿ ਗਈ ਸੀ ਸ਼੍ਰੀਦੇਵੀ
ਜਦੋਂ ਚਮਕੀਲਾ ਸਟੇਜ 'ਤੇ ਪਰਫਾਰਮ ਕਰਨ ਲਈ ਗਿਆ, ਤਾਂ ਲੋਕਾਂ ਨੇ ਉਸ ਨੂੰ ਦੇਖਦੇ ਹੀ ਤਾੜੀਆਂ ਵਜਾਉਣਾ ਸ਼ੁਰੂ ਕਰ ਦਿੱਤਾ। ਚਮਕੀਲਾ ਦੇ ਸਨਮਾਨ 'ਚ ਆਡੀਟੋਰੀਅਮ 'ਚ 10 ਮਿੰਟ ਤੋਂ ਵੀ ਜ਼ਿਆਦਾ ਸਮੇਂ ਲਈ ਤਾੜੀਆਂ ਵੱਜਦੀਆਂ ਰਹੀਆਂ। ਸ਼੍ਰੀਦੇਵੀ ਇਹ ਸਭ ਦੇਖ ਹੈਰਾਨ ਹੋ ਗਈ।
ਚਮਕੀਲਾ ਨੂੰ ਬਾਲੀਵੁੱਡ ਫਿਲਮ 'ਚ ਦਿੱਤਾ ਆਫਰ
ਸ਼੍ਰੀਦੇਵੀ ਚਮਕੀਲੇ ਦੀ ਪ੍ਰਸਿੱਧੀ ਤੋਂ ਇੰਨੀਂ ਪ੍ਰਭਾਵਤ ਸੀ ਕਿ ਉਨ੍ਹਾਂ ਨੇ ਚਮਕੀਲੇ ਨੂੰ ਆਂਪਣੇ ਨਾਲ ਫਿਲਮ ਤੱਕ ਕਰਨ ਦੀ ਆਫਰ ਦੇ ਦਿੱਤੀ, ਪਰ ਇਸ 'ਤੇ ਚਮਕੀਲੇ ਨੇ ਮਨਾ ਕਰਦਿਆਂ ਕਿਹਾ ਕਿ ਉਸ ਨੂੰ ਹਿੰਦੀ ਤਾਂ ਢੰਗ ਸਿਰ ਬੋਲਣੀ ਨਹੀਂ ਆਉਂਦੀ, ਉਹ ਕਿਵੇਂ ਬਾਲੀਵੁੱਡ ਫਿਲਮ ;ਚ ਕੰਮ ਕਰੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
